H The Comprehensive Aramaic Lexicon

CAL CODE HELP CLICK HERE
click on the file description for more information

51012: TgJ Is

click on a word for lexical analysis
Click on a red-colored coordinate for comments and/or translations of the line

previous chapter


(1) 10:84 שְמַעוּ דָא בֵית יַעְקֹב דְמִתקְרַן בִשמָא דְיִשׂרָאֵל וֻמִזַרעְיָת יְהוּדָה נְפַקוּ דִגזִיר לְהוֹן קְיָם בִשמָא דַיוי אְלָהָא דְיִשׂרָאֵל לָא יִפסוּק דוּכרָנְכוֹן הְלָא קַייָם מֵימְרֵיה בִקשוֹט וֻבִזכוּ׃
(1) 20:84 אְרֵי בְקַרתָא דְקוּדשָא חוּלָקְהוֹן וְעַל אְלָהָא דְיִשׂרָאֵל רוּחצָנְהוֹן יוי צְבָאוֹת שְמוֹ״שְמֵיה#2#״׃
(1) 30:84 קַדמַיָאתָא מִבְכֵין חַוִיתִי וֻמִמֵימְרִי נָפְקָא וֻבַסַרתִינוּן בִתכֵיף עְבַדתִינוּן וַאְתַאָה׃
(1) 40:84 גְלֵי קְֹדָמַי דְאַת סָרְבָן וֻקשֵי כְבַרזְלָא קְדָלָך וֻבֵית עֵינָך חַסִין כִנחָשָא׃
(1) 50:84 וְחַוִיתִי לָך מִבְכֵין עַד לָא יֵיתיָן בַסַרתָך דִלמָא תֵימַר דַחלְתִי עְבַדתַנוּן וְצַלמִי וֻמַתְכִי אַתֵיכוּנוּן׃
(1) 60:84 שְמַעתָא הְאִתגְלִיאַת לְכָל עַם כְמָא״מָא#2#״ דְאִתגְלִיאַת לְכוֹן וְאַתוּן הְלָא תְחַווֹן בַסַרתָך חֲדַתָן מִכְעַן וֻנטִירָן וְלָא יְדַעתָנִין׃
(1) 70:84 כְעַן אִתבְרִיאָה וְלָא מִבְכֵין וֻקְֹדָם יוֹם מֵיתֵיהוֹן וְלָא בַסַרתָנִין דִלמָא תֵימַר \הא יְדַעתָנִין ״אִנִין יְדַעתִינִין#2#״׃
(1) 80:84 אַף לָא שְמַעתָא לְמִלֵי נְבִיַיָא אַף לָא קַבֵילתָא אוּלפַן אוֹרָיתָא אַף לְפִתגָמֵי בִרכָן וֻלוָטִין קְיָמִי דַאְקֵימִית עִמְכוֹן בְחוֹרֵב לָא אַרכֵינתָא אוּדנָך לְקַבָלָא אְרֵי גְלֵי קְֹדָמַי דִתשַקָרָא״דשקרא#3#״דאת שקרא#3#״ תְשַקַר וֻמָרֵיד מִמְעַיִין יִתקְרֵי לָך׃
(1) 90:84 בְדִיל שְמִי אֲרַחֵיק״אַרחֵיק#2#״ רוּגזִי וְתֻשבַחתִי אְקַיֵים לָך בְדִיל דְלָא לְשֵיצָיוּתָך׃
(1) 01:84 הָא צְרַפתָך וְלָא בִכסַף בְחַרתָך בִדחוֹק מִסכֵינוּ׃
(1) 11:84 בְדִיל שְמִי בְדִיל מֵימְרִי אַעְבֵיד דְלָא יִתַחַל {וְיִקרֵי}<וִיקָרִי> דְאִתגְלִיתִי עְלֵיכוֹן לְעַם אָחְֹרָן לָא אַתֵין׃
(1) 21:84 קַבִילוּ לְמֵימְרִי דְבֵית יַעְקֹב וְיִשׂרָאֵל מְזָמְנַי אְנָא הוּא אְנָא הוּא דְמִלְקַדמִין אַף עָלְמֵי עָלְמַיָא דִילִי אִנוּן וֻבָר מִנִי לֵית אְלָה׃
(1) 31:84 אַף בְמֵימְרִי שַכלֵילִית אַרעָא וֻבִגבוּרְתִי תְלֵית שְמַיָא קְרֵית אְנָא לְהוֹן קָמוּ כַחדָא׃
(1) 41:84 אִתכַנַשוּ כוּלְכוֹן וֻשמַעוּ מַן בְהוֹן חַוִי יָת אִלֵין יוי מִדְרָחֵים לֵיה לְיִשׂרָאֵל יַעְבֵיד רְעוּתֵיה בְבָבַל וֻתקוֹף דְרָע גְבוּרְתֵיה יְגַלֵי בְכַסדָאֵי׃
(1) 51:84 אְנָא <אְנָא#2#> בְמֵימְרִי גְזַרִית קְיָם עִם אַברָהָם אְבוּכוֹן אַף רַבִיתֵיה אַעֵילתֵיה לַאְרַע בֵית שְכִינְתִי וְאַצלַחִית אוֹרחֵיה׃
(1) 61:84 אִתקָרַבוּ לְמֵימְרִי שְמַעוּ דָא לָא מִן אַולָא בְסִתרָא מַלֵילִית מֵעִדָן דְאתפָרַשוּ עַמְמַיָא מִדַחלְתִי מִתַמָן אַברָהָם אְבוּכוֹן״#2#״ קָרֵיבתֵיה״קְרֵיבתֵיה#2#״ לְפֻלחָנִי אְמַר נְבִיָא וֻכעַן יוי אְלֹהִים שַלחַנִי וֻמֵימְרֵיה׃
(1) 71:84 כִדנָן אְמַר יוי פָרְקָך קַדִישָא דְיִשׂרָאֵל אְנָא יוי אְלָהָך מַלֵיף לָך לַהְנָאָה מְחַוֵי לָך בְאוֹרַח דִתהָך׃
(1) 81:84 אִילוּ אַצֵיתתָא לְפִקוֹדַי וַהֲוָה פוֹן כִשפַע נְהַר פְרָת שְלָמָך וְזָכוּתָך כְגַלֵי יַמָא׃
(1) 91:84 וַהֲוַה פוֹן סַגִי כְחָלָא דְיַמָא בְנָך וֻבנֵי בְנָך כִפרִידוֹהִי לָא יִפסוּק וְלָא יִשתֵיצֵי שְמֵיה דְיִשׂרָאֵל מִן קְֹדָמַי <לְעָלַם#2#>׃
(1) 02:84 פוּקוּ מִבָבַל עֵירוּקוּ מִמְדִינַת אְרַע כַסדָאֵי בְקָל תֻשבְחָא חַווֹ וֻבַסַרוּ דָא אַפְקוּהָא עַד סְיָפֵי אַרעָא אֵימַרוּ פְרַק יוי עַבדוֹהִי דְבֵית יַעְקֹב׃
(1) 12:84 וְלָא אַצהִינוּן בְחָרבָתָא דַבְרִינוּן מַיָא מִטָנרָא אַפֵיק לְהוֹן וֻבַזַע טִינָרָא וֻנבַעוּ״וֻנגוּבוּ#3#״ מַיָא׃
(1) 22:84 לֵית שְלָמָא אְמַר יוי לְרַשִיעַיָא׃

next chapter