H The Comprehensive Aramaic Lexicon

CAL CODE HELP CLICK HERE
click on the file description for more information

51012: TgJ Is

click on a word for lexical analysis
Click on a red-colored coordinate for comments and/or translations of the line

previous chapter


(1) 10:64 חְמִיט בֵל אִתקְטֵיף נְבוֹ הְווֹ צַלמָנֵיהוֹן דְמוּת חֵיוָא״חֵיוָן#2#״ וֻבעִיר מַטוּלֵי טָעְוָתְהוֹן יַקִירִין עַל נָטְלֵיהוֹן וְאִינוּן מְשַלהַן׃
(1) 20:64 אִתקְצִיצוּ אִתקְטִיפוּ כַחדָא לָא יְכִילוּ לְשֵיזָבָא נָטְלֵיהוֹן וֻפָלְחֵיהוֹן בְשִביָא אְזַלוּ׃
(1) 30:64 קַבִילוּ לְמֵימְרִי דְבֵית יַעְקֹב וְכָל שְאָרָא דְבֵית יִשׂרָאֵל דִרחִימִין מִכָל עַמְמַיָא חַבִיבִין״וְחַבִיבִין#3#״ מִכָל מַלכְוָתָא׃
(1) 40:64 וְעַד עָלְמָא אְנָא הוּא וְעַד עָלַם עָלְמַיָא מֵימְרִי קַייָם אְנָא בְרֵית כָל אְנָשָא אְנָא בַדַרִית יָתְהוֹן לְבֵינֵי עַמְמַיָא אַף אְנָא אַשבוֹק לְחוֹבֵיהוֹן וְאַסלַח׃
(1) 50:64 לְמַן תְדַמוֹן קְֹדָמַי וֻתַשווֹן וֻתכָוְונוּן קְֹדָמַי בִקשוֹט׃
(1) 60:64 הָא עַמְמַיָא גָבַן דְהַב מִכִיס וְכַספָא״וֻכסַף#2#״ בְמוֹזְנַיָא תָקְלִין אָגְרִין קֵינָאָה וְעָבֵיד לֵיה דַחלָא סָגְדִין אַף מִשתַעבְדִין׃
(1) 70:64 נָטְלִין לֵיה עַל כַתפֵיהוֹן סָבְלִין לֵיה וֻמַחְתִין לֵיה בְאַתרֵיה וְקָאֵים מֵאַתרֵיה לָא אִפשָר לֵיה דִינוּד אַף יִבעֵי מִנֵיה וְלָא יָתִיבִנֵיה מֵעָקְתֵיה לָא יִפרְקִנֵיה׃
(1) 80:64 אִדְכַרוּ דָא וְאִיתַקַפוּ וַאְתִיבוּ מָרוֹדִין עַל לֵב׃
(1) 90:64 אִדְכַרוּ קַדמַיָתָא דְמִן עָלְמָא אְרֵי אְנָא אְלָהָא וְלֵית עוֹד אְלָה בָר מִנִי׃
(1) 01:64 מְחַוֵי מִן אַולָא לְסוֹפָא וֻמִלְקַדמִין דְלָא אִתעְבִידָא אָמַר מַלכִי יִתקַייַם וְכָל רְעוּתִי אַעְבֵיד׃
(1) 11:64 דְאָמַר לְכַנָשָא גָלְוָתָא מִמַדנְחָא לְאֵיתָאָה בִגלַאי כְעוֹף קַלִיל מֵאְרַע רַחִיקָא בְנֵי אַברָהָם בְחִירִי אַף מַלֵילִית אַף אַיתֵינַה אַתקֵינתַה אַף אַעבְדִינַה׃
(1) 21:64 קַבִילוּ לְמֵימְרִי תַקִיפֵי לִבָא דְרַחִיקִין מִזָכוּתָא״מִן זָכְוָתָא#2#״׃
(1) 31:64 קָרִיבָא זְכוּתִי לָא תִתרַחַק וֻפוּרקָנִי לָא יִתעַכַב וְאַתֵין בְצִיוֹן פָרִיק לְיִשׂרָאֵל תֻשבַחתִי׃

next chapter