H The Comprehensive Aramaic Lexicon

CAL CODE HELP CLICK HERE
click on the file description for more information

51012: TgJ Is

click on a word for lexical analysis
Click on a red-colored coordinate for comments and/or translations of the line

previous chapter


(1) 10:54 כִדנָן אְמַר יוי לִמשִיחֵיה לְכוֹרַש דְאַתקֵיפִית בְיַמִינֵיה לְמִמסַר קְֹדָמוֹהִי עַמְמִין וְחַרצֵי מַלכְוַן״מַלכִין#2#״ אְשָרֵי לְפַתָחָא קְֹדָמוֹהִי דַשִין וְתַרעִין לָא יִתאַחְדוּן׃
(1) 20:54 מֵימְרִי קְֹדָמָך יְהָך וְשוּרַיָא אְכַבֵיש דַשִין דִנחָש אְתַבַר וְעָבְרִין דְבַרזַל אְקַצֵיץ׃
(1) 30:54 וְאַתֵין לָך אוֹצְרִין דַחְשוֹך וְסִימָן דְמִיטַמרָן בְדִיל דְתִידַע אְרֵי אְנָא יוי דְרַבִיתָך בִשמָך אְלָהָא דְיִשׂרָאֵל׃
(1) 40:54 בְדִיל עַבדִי יַעְקֹב וְיִשׂרָאֵל בְחִירִי וֻקרֵית לָך בִשמָך אַתקֵינתָך וְלָא יְדַעתָא לְמִפלַח קְֹדָמַי׃
(1) 50:54 אְנָא יוי וְלֵית עוֹד בָר מִנִי לֵית אְלָה סְעַדתָך וְלָא יְדַעתָא לְמִפלַח קְֹדָמַי׃
(1) 60:54 בְדִיל דְיִדעוּן מִמַדנַח שִמשָא וֻמִמַערְבֵיה״וֻמִמַערְבָא#2#״ אְרֵי לֵית בָר מִנִי אְנָא יוי וְלֵית עוֹד׃
(1) 70:54 דְאַתקֵין נֵיהוֹר וֻבָרֵי חְשוֹך עָבֵיד שְלָם וֻבָרֵי בִיש אְנָא יוי עָבֵיד כָל אִלֵין׃
(4) 70:54 דאתקין ניהור חיי עלמא לצדיקיא בגן עדן וברי חשוך גיהנם לרשיעיא עביד שלם בעלמא הדין לעבדי רעותיה וברי ביש לעברי על מימריה אנא הוא ייי עביד כל אילין
(1) 80:54 יְשַמְשוּן שְמַיָא מִלְעֵילָא וַעְנָנַיָא יִגְדוּן טוּבָא תִתפְתַח״תִפתַח#2#״ אַרעָא וְיֵיחוֹן מִיתַיָא וְזָכוּתָא תִתגְלֵי כַחדָא אְנָא יוי בְרֵיתִינוּן׃
(1) 90:54 יֵי דִמדַמֵי לִמדָן״לִמקָם#2#״ לְֹקבֵיל פִתגָמֵי בָרוֹהִי וֻרחִיץ דְיוֹטְבוּן לֵיה צַלמֵי פַחָרָא דַעְבִידִין מֵעְפַר אְדַמתָא הְאִפשָר דְיֵימַר טִינָא לְעָבְדֵיה לָא עְבַדתָנִי וְעוּבָדָך לֵית יְדִין לֵיה׃
(1) 01:54 יֵי דְאָמַר לְאָב מָא תוֹלֵיד וֻלאִיתְתָא מָא תְעַדַן׃
(1) 11:54 כִדנָן אְמַר יוי קַדִישָא דְיִשׂרָאֵל וֻדאַתקְנֵיה דַעְתִידָן לְמֵיתֵי אַתוּן שָאְלִין מִן קְֹדָמַי עַל עַמִי וְעַל עוֹבָד גְבוּרְתִי תְפַקְדוּנַנִי׃
(1) 21:54 אְנָא בְמֵימְרִי עְבַדִית אַרעָא וַאְנָשָא עְלַה בְרֵיתִי אְנָא בִגבוּרְתִי תְלֵית שְמַיָא וְכָל חֵילֵיהוֹן שַכלְלֵית׃
(1) 31:54 אְנָא אַיתֵינֵיה בִגלַי בִקשוֹט וְכָל אוֹרחָתֵיה אַתקֵין הוּא יִבנֵי קַרתִי וְגָלְוָת עַמִי יְשַלַח לָא בִדמִין וְלָא בְמָמוֹן אְמַר יוי צְבָאוֹת׃
(1) 41:54 כִדנָן אְמַר יוי לֵיאוּת מִצרָיִם״מִצרָאֵי#2#״ וְתַגָרֵי כוּש \וַאְנָש סְבָא ״וֻסבָא#2#״ גֻברִין דִסחוֹרָא עְלָך יִעבְרוּן״יִעדוֹן#2#״ וְדִילִיך יְהוֹן בָתַר פִתגָמָך יְהָכוּן בְשֵישְלָן יִעדוֹן וְלִיך יִסגְדוּן מִנִיך יִבעוֹן וְיוֹדוֹן לְמֵימַר בְקוּשטָא בִיך אְלָהָא וְלֵית עוֹד אְלָה בָר מִנֵיה׃
(1) 51:54 בְקוּשטָא אַת אְלָהָא אַשרִיתָא בִתקוֹף רוּמָא שְכִינְתָך אְלָהָא דְיִשרָאֵל פָרִיק׃
(1) 61:54 בְהִיתוּ וְאַף אִתכְנַעוּ כוּלְהוֹן כַחדָא הַלִיכוּ בְאִתכְנַעוּ פָלְחֵי צַלמַיָא׃
(1) 71:54 יִשׂרָאֵל אִתפְרֵיק בְמֵימְרָא דַיוי פוּרקַן עָלְמִין לָא תִיבַהתוּן וְלָא תִתכַנעוּן לְעָלְמָא וֻלעָלְמֵי עָלְמַיָא׃
(1) 81:54 אְרֵי כִדנָן אְמַר יוי דִברָא שְמַיָא הוּא אְלֹהִים דְשַכלֵיל אַרעָא וְעָבְדַה הוּא אַתקְנַה לָא לְרֵיקָנוּ בְרַה אְלָהֵין לְאַסגָאָה עְלַה בְנֵי אְנָשָא אַתקְנַה אְנָא יוי וְלֵית עוֹד׃
(1) 91:54 לָא בְסִתרָא מַלֵילִית בַאְתַר אְרַע קְבַל לָא אְמַרִית לְזַרעָא דְבֵית יַעְקֹב לְרֵיקָנוּ תְבַעוּ דַחלְתִי אְנָא יוי מְמַלֵיל קְשוֹט מְחַוֵי כֵיוָנָן׃
(1) 02:54 אִתכַנַשוּ וְאֵיתוֹ אִתקָרַבוּ כַחדָא מְשֵיזְבֵי עַמְמַיָא לָא יָדְעִין דְנָטְלִין יָת אָע צַלמְהוֹן וֻבָעַן מִן דַחלָא דְלָא יִפרוּק׃
(1) 12:54 חַווֹ וְאִתקָרַבוּ אַף אִתמְלִיכוּ כַחדָא מַן בַסַר דָא מִלְקַדמִין מִבְכֵין חַויַה הְלָא אְנָא יוי וְלֵית עוֹד אְלָה בָר מִנִי אְלָה דְזַכַי וֻפָרִיק לֵית אֵלָא אְנָא׃
(1) 22:54 אִתפְנוֹ לְמֵימְרִי וְאִתפְרִיקוּ כָל דְבִסיָפֵי אַרעָא אְרֵי אְנָא אְלָהָא וְלֵית עוֹד׃
(1) 32:54 בְמֵימְרִי קַיֵימִית נְפַק מִן קְֹדָמַי בְזָכוּ פִתגָם וְלָא יִבטַל אְרֵי קְֹדָמַי תִכרַע כָל בַרַך תְקַיֵים כָל לִישָן׃
(1) 42:54 בְרַם בְמֵימְרָא דַיוי עְלַי אְמַר לְאֵיתָאָה זָכְוָון וֻתקוֹף בְמֵימְרֵיה יוֹדוֹן וְיִבַהתוּן בְטָעְוָתְהוֹן כָל עַמְמַיָא דַהְווֹ מִתגָרַן בְעַמֵיה׃
(1) 52:54 בְמֵימְרָא דַיוי יִזכוֹן וְיִשתַבְחוּן כָל זַרעָא דְיִשׂרָאָל׃

next chapter