H The Comprehensive Aramaic Lexicon

CAL CODE HELP CLICK HERE
click on the file description for more information

51012: TgJ Is

click on a word for lexical analysis
Click on a red-colored coordinate for comments and/or translations of the line

previous chapter


(1) 10:24 הָא עַבדִי אְקָרְבִנֵיה בְחִירִי דְאִתרְעִי בֵיה מֵימְרִי אַתֵין רוּחַ קוּדשִי עְלוֹהִי דִינִי לְעַמְמִין יְגַלֵי׃
(1) 20:24 לָא יַצוַח וְלָא יַכלֵי וְלָא יְרִים בְבָרָא קָלֵיה׃
(1) 30:24 עִנוְתָנַיָא דְכִקנֵי רְעִיַע לָא יִתבַר וְחַשִיכַיָא דִכבוֹצִין עָמֵי לָא יְטַפֵי לְקוּשטֵיה יַפֵיק דִינָא׃
(1) 40:24 לָא יַהלֵי״ילהי#3#״ וְלָא יִלאֵי עַד דִיתַקֵין בְאַרעָא דִינָא וֻלאוֹרָיתֵיה נְגָוָון יְכַתְרוּן׃
(1) 50:24 כִדנָן אְמַר אְלָה עָלְמָא יוי דִברָא שְמַיָא וֻתלָנוּן שַכלֵיל אַרעָא וְדָיְרַהָא יָהֵיב נִשמָא״נִשמְתָא#2#״ לְעַם דַעְלַה וְרוּחַ״וְרוּחָא#2#״ לְדִמהַלְכִין בַה׃
(1) 60:24 אְנָא יוי רַבִיתָך בִקשוֹט וְאַתקֵיפִית בִידָך וַאְתַקְנִינָך״וְאַתקְנִינָך#3#״ וְאַתְנִינָך לִקיָם עַם לְנֵיהוֹר עַמְמִין׃
(1) 70:24 לְפַתָחָא עֵינֵי בֵית יִשׂרָאֵל דְאִנוּן כִסמַן מִן אוֹרָיתָא לְאַפָקָא גָלְוָותְהוֹן מִבֵינֵי עַמְמַיָא דְאִנוּן דָמַן לַאְסִירִין וֻלמִפרַקהוֹן מִשִעבוּד מַלכְוָתָא דְאִנוּן עְגִינִין כַאְסִירֵי קְבַל׃
(1) 80:24 אְנָא יוי הוּא שְמִי וִיקָרִי דְאִתגְלִיתִי עְלֵיכוֹן לְעַם אָחְֹרָן לָא אַתֵין וְתוּשבַחתִי לְפָלְחֵי צַלמַיָא׃
(1) 90:24 קַדמַיָיתָא הָא אְתַאָה וְחַדתָן אְנָא מְחַוֵי עַד לָא יֵיתיָן אְבַסַר יָתְכוֹן׃
(1) 01:24 שַבַחוּ ק׳ יוי תֻשבְחָא חְדַתָא אָמְרֵי תוּשבַחתֵיה מִסְיָפֵי אַרעָא נָחְתֵי יַמָא וֻמלָאֵיה״וֻמלָאַה#3#״ נְגָוָון וְיָתְבֵיהוֹן׃
(1) 11:24 יְשַבַח מַדבְרָא וְקִרוִין דְיָתְבָן בֵיה פַצחִין יִתְבוּן מַדבַר עַרבָאֵי יְשַבְחוּן מִתַיָא כַד יִפְקוּן מִבָתֵי עָלְמֵיהוֹן מֵרֵיש״מֵרֵישֵי#3#״ טוּרַיָא יְרִימוּן קָלְהוֹן׃
(1) 21:24 יְשַווֹן קְֹדָם יוי יְקָרָא וְתֻשבַחתֵיה בִנגָוָון יְחַווֹן׃
(1) 31:24 יוי לְמַעְבַד גְבוּרָן מִתגְלֵי לְמַעְבַד גְבוּרָן מִתגְלֵי בִרגַז בְמִילוּל אַף בִזיָע עַל בַעְלֵי דְבָבוֹהִי מִתגְלֵי בִגבוּרְתֵיה׃
(1) 41:24 יְהַבִית לְהוֹן אַרכָא מֵעָלְמָא דְאִם יְתוּבוּן לְאוֹרָיתָא וְלָא תָבוּ כְחִבלִין עַל יָלְדָא יִתגְלֵי דִינִי עְלֵיהוֹן יִצדוֹן וִיסוּפוּן כַחדָא׃
(1) 51:24 אַחְרִיב טוּרִין וְרָמַן וְכָל עִסבְהוֹן אְיַבֵיש וַאְשַוֵי נַהרִין לִנגָוָון וַאְגַמִין אְיַבֵיש׃
(1) 61:24 וַאְדַבַר דְכִסמַן בְאוֹרַח דְלָא יְדַעוּ בִשבִילִין דְלָא אֵילַפוּ אַדרֵיכִינוּן אְשַוֵי קְבַל קְֹדָמֵיהוֹן לְנֵיהוֹר וְכַפְלָא לְמֵישְרָא אִלֵין פִתגָמַיָא אַעבֵידִינוּן וְלָא אְרַחֵיקִינוּן׃
(1) 71:24 יִסתַחרוּן לְאַחרָא יִבַהתוּן בַהתָא פָלְחֵי צַלמַיָא דְאָמְרִין לִצְלֵים מַתְכָא אַתוּן טָעְוָתַנָא׃
(1) 81:24 רַשִיעַיָא דְאִנוּן כְחַרשִין הְלָא אוּדנִין לְכוֹן שְמַעוּ וְחַיָיבַיָא דְאִנוּן כִסמַן הְלָא עַינִין לְכוֹן אִסתַכַלוּ וַחְזוֹ׃
(1) 91:24 הְלָא אִם יְתוּבוּן רַשִיעַיָא יִתקְרוֹן עַבדַי וְחַיָיבַיָא דִנבִיַי שְלַחִית עְלֵיהוֹן אֵלָא רַשִיעַיָא עְתִידִין לְאִשתַלָמָא פוֹרעָנוּת חוֹבֵיהוֹן בְרַם אִם יְתוּבוּן יִתקְרוֹן עָבְדַיָא דַיוי׃
(1) 02:24 חְזֵיתוֹן סַגִיאָן וְלָא נְטַרתוּן אִתפַתַחָא אֻדנְכוֹן וְלָא קַבֵילתוּן אֻלפָן׃
(1) 12:24 יוי רָעֵי בְדִיל לְזַכָאוּתֵיה דְיִשׂרָאֵל יְרַבֵי לְעָבְדֵי אוֹרָיתֵיה \יְתַקֵיף וִיקַיֵים יַתְהוֹן ״וְיַתקֵיף בְהוֹן#2#״׃
(1) 22:24 וְהוּא עַם בְזִיז וַאְנִיס וְאִתחְפִיאוּ בַהתָא עוּלֵימִין כוּלְהוֹן וֻבבָתֵי יִסוּרִין עְגָנֵיהוֹן הְווֹ לַעְדֵי״לַעְדַי#3#״ וְלֵית דִמשֵיזֵיב לְבִזָא וְלֵית דְאָמַר אְתִיב׃
(1) 32:24 מַן בְכוֹן יַצֵית דָא יְקַבֵיל וְיִסבַר לְסוֹפָא׃
(1) 42:24 מַן מְסַר לַעְדַי יַעְקֹב וְיִשׂרָאֵל לְבָזוֹזִין הְלָא יוי מִן קְֹדָם דְחָבוּ קְֹדָמוֹהִי וְלָא אְבוֹ לִמהָך בְאוֹרחָן דְתָקְנָן קְֹדָמוֹהִי וְלָא קַבִילוּ אֻלפַן אוֹרָיתֵיה׃
(1) 52:24 וֻשפַך עְלֵיהוֹן״עְלוֹהִי#2#״ חְמַת רוּגזֵיה וֻתקוֹף עָבדֵי קְרָבֵיה אַיתִי עְלֵיהוֹן וֻקטַלוּ בְהוֹן מִסְחוֹר סְחוֹר <בְהוֹן#2#> וְלָא יְדַעוּ וֻשלִיטוּ בְהוֹן וְלָא שַוִיאוּ דַחלְתֵיה עַל לֵב׃

next chapter