H The Comprehensive Aramaic Lexicon

CAL CODE HELP CLICK HERE
click on the file description for more information

51012: TgJ Is

click on a word for lexical analysis
Click on a red-colored coordinate for comments and/or translations of the line

previous chapter


(1) 10:93 בְעִדָנָא הַהוּא שְלַח מְרֹדָך בַלאְדָן בַר בַלאְדָן מַלכָא דְבָבַל אִיגְרָן וְקוּרבָנִין לְוָת חִזקִיָה כַד שְמַע אְרֵי מְרַע וְאִיתַסִי׃
(1) 20:93 וַחדִי עְלֵיהוֹן חִזקִיָה וְאַחזִינוּן יָת״#2#״ בֵית גִנזוֹהִי״גַנזוֹהִי#2#״ יָת כַספָא וְיָת דַהְבָא וְיָת בֻסמַיָא וְיָת מִשחָא טָבָא וְיָת כָל בֵית מָנוֹהִי וְיָת כָל דְאִשתְכַח בְגִנזוֹהִי לָא הְוָה מִדָעַם לָא אַחזִינוּן חִזקִיָה בְבֵיתֵיה וֻבכָל אְרַע שֻלטָנוּתֵיה״שֻלטָנֵיה#2#״׃
(1) 30:93 וַאְתָא יְשַעיָה נְבִיָא לְוָת \מַלכָא חִזקִיָה ״חִזקִיָה מַלכָא#2#״ וַאְמַר לֵיה מָא אְמַרוּ גֻברַיָא הָאִלֵין וֻמנָן אְתוֹ לְוָתָך וַאְמַר חִזקִיָה מֵאְרַע רַחִיקָא אְתוֹ לְוָתִי מִבָבַל׃
(1) 40:93 וַאְמַר מָא חְזוֹ בְבֵיתָך וַאְמַר חִזקִיָה יָת כָל דִבבֵתִי חְזוֹ לָא הְוָה מִידָעַם דְלָא אַחזִיתַנוּן בְגַנזָי׃
(1) 50:93 וַאְמַר יְשַעיָה לְחִזקִיָה קַבֵיל פִתגָמָא דַיוי צְבָאוֹת׃
(1) 60:93 הָא יוֹמַיָא אָתַן וְיִתנְטֵיל כָל דִבבֵיתָך וְדִגנַזוּ אְבָהָתָך עַד יוֹמָא הָדֵין וְיִתוֹבַל לְבָבַל לָא יִשתְאַר מִדָעַם אְמַר יוי׃
(1) 70:93 וֻמִבְנָך דְיִפְקוּן מִנָך דְתוֹלֵיד יִדבְרוּן״יִדַברוּן#2#״ וִיהוֹן רַברְבִין בְהֵיכְלָא דְמַלכָא דְבָבַל׃
(1) 80:93 וַאְמַר חִזקִיָה לִישַעיָה תָקֵין פִתגָמָא דַיוי דְמַלֵילתָא וַאְמַר אְרֵי יְהֵי שְלָם וֻקשוֹט בְיוֹמָי׃

next chapter