H The Comprehensive Aramaic Lexicon

CAL CODE HELP CLICK HERE
click on the file description for more information

51012: TgJ Is

click on a word for lexical analysis
Click on a red-colored coordinate for comments and/or translations of the line

previous chapter


(1) 10:62 בְעִדָנָא הַהוּא יְשַבְחוּן תוּשבְחָא״תושבחתא#3#״ חְדַתָא״הָדָא#2#״ בְאַרעָא דְבֵית יְהוּדָה קִריַת תוּקפָא לַנָא פוּרקָן יִתְסָם עַל שוּרַהָא וְרַחְמִין׃
(1) 20:62 פְתַחוּ תַרעַיָא וְיֵיעוֹל עַמָא זַכָאָה דִנטַרוּ אוֹרָיתָא בִלבַב שְלִים׃
(1) 30:62 בִלבַב שְלִים נְטַרוּ שְלָמָא שְלָמָא יִתעְבֵיד לְהוֹן אְרֵי בְמֵימְרָך אִתרְחִיצוּ׃
(1) 40:62 אִתרְחִיצוּ עַל מֵימְרָא דַיוי לְעָלְמָא וֻלעָלְמֵי עָלְמַיָא אְרֵי בְכֵין תִתפַרקוּן בְמֵימַר דְחִילָא יוי תְקוֹף״תַקִיף#2#״ עָלְמַיָא׃
(1) 50:62 אְרֵי אַמאֵיך יָתְבֵי רוּמָא קִריָא תַקִיפָא יִמאְכִינַה יִרמֵינַה עַד אַרעָא יִמטֵינַה עַד עַפרָא׃
(1) 60:62 יְדוּשִינַה רַגלִין רַגלֵי צַדִיקַיָא פַרסַת עִנוְתָנַיָא חַשִיכֵי עַמָא׃
(1) 70:62 אוֹרְחַת צָדִיקַיָא כֵיוָנָן אַף עוּבָדֵי אוֹרְחַת צַדִיקַיָא תַתקֵין׃
(1) 80:62 אַף לְאוֹרַח דִינָך יוי סַבַרנָא לִשמָך וֻלדוּכרָנָך חַמֵידַת נַפשַנָא״נַפשַיָא#2#״׃
(1) 90:62 נַפשִי מְחַמְדָא לְצַלָאָה קְֹדָמָך בְלֵיליָא אַף רוּחִי בִמעַי מְבָרְכָא לָך אְרֵי כְמָא דְדִינָך תָקְנִין״תקין#3#״ לְאַרעָא קוּשטָא יִתאַלפוּן לְמַעְבַד דְדָיְרִין בְתֵבֵל׃
(1) 01:62 יְהַבתָא לְהוֹן אַרכָא לְרַשִיעַיָא דְאִם יְתוּבוּן לְאוֹרָיתָך וְלָא תָבוּ כָל יוֹמִין דַהְווֹ קַיָימִין יַעבְדוּן קְשוֹט עַל אַרעָא הְווֹ שַקָרִין אַף אִנוּן לָא יִחזוֹן בְתוּשבְחָת יְקָרָך יוי׃
(1) 11:62 יוי כַד תִתגְלֵי בִגבוּרְתָך לְאֵיטָבָא לְדָחְלָך לָא יִנהַר לְסָנְאֵי עַמָך יִחזוֹן רַשִיעַיָא וְיִבַהתוּן פוֹרעָנוּת עַמָא תִחפֵינוּן אַף אִשָתָא לְבַעְלֵי דְבָבָך תְשֵיצֵי׃
(1) 21:62 יוי תַתקֵין שְלָמָא לַנָא אְרֵי בְכָל עִדָן חְסוֹך מֵחוֹבַנָא \אַת עָבֵיד ״אִתעְבֵיד#2#״ עִמַנָא׃
(1) 31:62 יוי אְלָהַנָא שְלִיטוּ בַנָא עַמְמַיָא לְמִהוֵי עְלַנָא רִבוֹנִין בָר מִנָך בְרַם בְמֵימְרָך אְנַחנָא רְחִיצִין בִשמָך אְנַחנָא מוֹדַן׃
(1) 41:62 אִינוּן פָלְחִין לְמָיְתִין דְלָא יֵיחוֹן לְגִיבָרֵיהוֹן דְלָא יְקוּמוּן וֻבכֵין כַד תַסעַר עְלֵיהוֹן חוֹבֵיהוֹן וֻתשֵיצֵינוּן וְתַבֵיד כָל דֻכרָנְהוֹן׃
(1) 51:62 אִתגְלִיתָא לְכַנָשָא מְבֻדְרֵי עַמָך יוי אַף עְתִיד אַת לְקָרָבָא גָלְוָתְהוֹן לְאִתגְלָאָה בִגבוּרְתָך לְרַחָקָא כָל רַשִיעַיָא לְגֵיהִנָם׃
(1) 61:62 יוי בְעָקָא הָוַן״הְווֹ#2#״ דְכִירִין לְדַחלְתָך בְעָקָתהוֹן הְווֹ מַלְפִין אֻלפַן אוֹרָיתָך בוּחשַי׃
(1) 71:62 כִמעַדְיָא דִבעִדָן מוֹלְדַא זָיְעָא וֻמַצוְחָא בְחִבלַהָא כֵין הְוֵינָא מִן קְֹדָם דְחַבנָא קְֹדָמָך יוי׃
(1) 81:62 אוֹחִיתַנָא״אְחַדַתנָא#3#״ עָקָא דִמעַדיָא״כִמעַדְיָא#2#״ דִבעִידָן״דְעִדָן#2#״ מֵילְדַה קַלִיל כְרוּחָא פוּרקָן לָא אֵיתִיאוּ אַרעָא לָא עְבַדוּ אַף פְרִישָן לָא יִכְלוּן לְמַעְבַד דְדָיְרִין בְתֵבֵל׃
(1) 91:62 אַת הוּא מָחֵי מָיְתִין גַרמֵי נְבֵילַתהוֹן אַת מְקִים ייֵחוֹן וִישַבְחוּן קְֹדָמָך כָל דַהְווֹ רְמַן בְעַפרָא אְרֵי טַל נֵיהוֹר טַלָך לְעָבְדֵי אוֹרָיתָך וְרַשִיעַיָא דִיהַבתָא״דִי יְהַבתָא#2#״ לְהוֹן גְבוּרָן״גְבוּרָא#2#״ וְאִנוּן עְבַרוּ עַל מֵימְרָך לְגֵיהִנָם תִמסַר׃
(1) 02:62 אִיזֵיל עַמִי עְבֵיד לָך עוּבָדִין טָבִין דְיַגְנוּן עְלָך בְעִדָן עָקָא אִיטְמַר כִזעֵיר זְמָן עַד דְיִעדֵי לְוָט׃
(1) 12:62 אְרֵי הָא יוי מִתגְלֵי מֵאְתַר בֵית שְכִינְתֵיה לְאַסעָרָא חוֹב יָתֵיב אַרעָא עְלוֹהִי וֻתגַלֵי אַרעָא עַל דַם זַכַי דְאִתאְשַד בַה וְלָא תְכַסֵי עוֹד עַל קְטִילַהָא׃

next chapter