H The Comprehensive Aramaic Lexicon

CAL CODE HELP CLICK HERE
click on the file description for more information

51012: TgJ Is

click on a word for lexical analysis
Click on a red-colored coordinate for comments and/or translations of the line

previous chapter


(1) 10:22 מַטַל נְבוּאְתָא עַל קַרתָא דְיָתְבָא בְחִילְתָא דְאִתנַבִיאוּ עְלַה נְבִיַיָא מָא לְכוֹן כְדֵין אְרֵי סְלֵיקתוּן כוּלְכוֹן לְאִיגָרַיָא׃
(1) 20:22 מִן קְֹדָם אִתרְגוֹשָא דְאִתמְלִיאַת קַרתָא מְשַבַחתָא כַרכָא חַדָאָה קְטִילַך לָא אִתקְטִילוּ בְחַרבָא וְאַף בִקרָבָא לָא מִיתוּ׃
(1) 30:22 כָל שִלטוֹנַך אִיטַלטַלוּ כַחדָא מִן קְֹדָם מָתַח״מָחַת#2#״ קַשתָא גְלוֹ כָל דְאִשתְכַח בִיך אִתקְטַלוּ כַחדָא מֵירַחִיק עְרַקוּ׃
(1) 40:22 עַל כֵין אְמַרִית שְבוּקוּ מִנִי אַבכֵי בִמרָר לָא תִתבְעִיתוּ לְנַחָמוּתִי עַל תְבָר כְנִשתָא דְעַמִי׃
(1) 50:22 אְרֵי יוֹם רִיגוּש וְאִיתדָשָא וְקִיטוּל קְֹדָם יוי אְלֹהִים צְבָאוֹת בְקַרתָא דְיָתְבָא בְחִילְתָא דְאִתנַבִיוּ עְלַה נְבִיַיָא מְבַלְשִין בָתַיָא מַקְפִין מִגדְלַיָא בְרֵישֵי טוּרַיָא׃
(1) 60:22 וְעֵילוֹמָאֵי נְטַלוּ זֵין בִרתַך אְנָש וְעִימֵיה זוֹג פָרָשִין וְעַל שוּר דְבַקוּ תְרִיסִין׃
(1) 70:22 וַהְוָה שְפַר מֵישְרַך אִתמְלִיאוּ רְתִיכִין וֻפָרָשִין מְמֻנַן עַל תַרעִין׃
(1) 80:22 וְגַלִי יָת מַטמוֹרָית בֵית יְהוּדָה וְאִסתַכִי בְעִידָנָא הַהוּא עַל זֵין \גִנזֵי בֵית מַקדְשָא ״בֵית גִנזֵי מַקדְשָא#2#״׃
(1) 90:22 וְיָת פְלוּגַת קַרתָא דְדָוִיד חְזֵיתוֹן אְרֵי סְגִיאָת וֻכנַשתוּן יָת עַמָא״עַמִי#2#״ לְמֵי בְרֵיכְתָא אַרעָיתָא׃
(1) 01:22 וְיָת בָתֵי יְרוּשלַם מְנֵיתוֹן וְתָרַעתוּן בָתַיָא לְתַקָפָא שוּרָא׃
(1) 11:22 וֻמַקוְיָא עְבַדתוּן בֵין שוּרַיָא לְמֵי בְרֵיכְתָא עַתִיקְתָא וְלָא אִסתַכַלתוּן בִדעָבְדַה \וְדִי בְרַה ״וְדִברַה#2#״ מִלְקַדמִין לָא חְזֵיתוֹן׃
(1) 21:22 וְאַכלִי נְבִייָא דַיוי אְלֹהִים צְבָאוֹת בְעִדָנָא״בְיוֹמָא#2#״ הַהוּא לְמִבכֵי וֻלמִספֵד וֻלגִיזוּז רֵיש וֻלמֵיסַר שַׂקִין׃
(1) 31:22 וְהָא בְיָע וְחַדוָא אָמְרִין נְקַטֵיל תוֹרִין וֻננַכיֵס עָן נֵיכוֹל בְשַׂר וְנִשתֵי חְמַר נֵיכוֹל וְנִשתֵי מִדִנמוּת וְלָא נֵיחֵי׃
(1) 41:22 אְמַר נְבִיָא בְאוּדנַי הְוֵיתִי שָמַע כַד אִתגְזַרַת דָא מִן קְֹדָם יוי צְבָאוֹת אִם יִשתְבֵיק חוּבָא הָדֵין לְכוֹן עַד דִתמוּתוּן מוֹתָא תִניָנָא אְמַר יוי אְלֹהִים צְבָאוֹת׃
(1) 51:22 כִדנָן אְמַר יוי אְלֹהִים צְבָאוֹת \אִיזֵיל אֵיתַא ״אֵיתַא אִיזֵיל#2#״ לְוָת פַרנָסָא הָדֵין לְוָת שַבנָא דִממֻנַא עַל בֵיתָא׃
(1) 61:22 וְתֵימַר לֵיה מָא לָך כָא וֻמָא לָך כְדֵין אְרֵי אַתקֵינתָא״אַתקֵינת#2#״ לָך כָא אְתַר אַתקֵין בְרוּמָא אַתרֵיה שַוִי בְכֵיפָא בֵית מְדוֹרֵיה׃
(1) 71:22 הָא יוי מְטַלטֵיל לָך טִלטוּל דְגִיבָר וְתִחפֵינָך בַהתָא׃
(1) 81:22 יַעדֵי מִינָך יָת מַצנַפתָא וְיַקְפוּנָך״וְיַקְפִינָך#2#״ בַעְלֵי דְבָב כְשוּר מַקַף וְיַגלֵינָך״ויגלונך#3#״ לַאְרַע פַתיוּת יְדִין תַמָן תְמוּת וֻלתַמָן רְתִיכֵי יְקָרָך יְתוּבָן בִקלַן עַל דְלָא טַמַרתָא״נְטַרתָא#2#״ יְקָר בֵית רִבוֹנָך׃
(1) 91:22 וְאַדחֵינָך מִמְקָמָך וֻמִשִימוּשָך אְמַגְרִינָך׃
(1) 02:22 וִיהֵי בְעִידָנָא הַהוּא וַאְרַבֵי לְעַבדִי לְאַליָקִים בַר חִלקִיָה׃
(1) 12:22 וְאַלבְשִינֵיה כִיתוּנָך וְהִמיָנָך אְזָרְזִנֵיה וְשֻלטָנָך אַתֵין בִידֵיה וִיהֵי לְאָב לְיָתְבֵי יְרוּשלַם וֻלבֵית יְהוּדָה׃
(1) 22:22 וְאַתֵין מַפתַח <בֵית מַקדְשָא וְשֻלטָן#2> בֵית דָוִד בִידוֹהִי״בִידֵיה#2#״ וְיִפתַח וְלֵית דְאָחֵיד וְיֵיחוֹד וְלֵית דְפָתַח׃
(1) 32:22 וַאְמַנֵינֵיה אַמַרכַל מְהֵימָן מְשַמֵיש בַאְתַר קַיָים וִיהֵי לְכוּרסֵי יְקָר לְבֵית אְבוּהִי׃
(1) 42:22 וְיִסתַמכוּן עְלוֹהִי כָל יַקִירֵי בֵית אְבוּהִי בְנַיָא וֻבנֵי בְנַייָא מֵרַברְבַיָא וְעַד דְעַדקַיָא מִכָהְנַיָא לָבְשֵי אֵיפוֹדָא וְעַד בְנֵי לֵוִי אָחְדֵי נְבלַיָא׃
(1) 52:22 בְעִידָנָא הַהוּא אְמַר יוי צְבָאוֹת יִעדֵי אַמַרכַל מְהֵימָן מְשַמֵיש בַאְתַר קַייָם וְיִתקְטֵיף וְיִפוֹל וְתִבטַל מַטַל נְבוּאְתָא דַעְלוֹהִי אְרֵי בְמֵימְרָא דַיוי גְזִיר כֵין׃

next chapter