The Comprehensive Aramaic Lexicon

(1) 10:31	מַטַל כָס דִלוָט לְאַשקָאָה יָת בָבַל דְאִתנַבִי יְשַעיָה בַר אָמוֹץ׃
(1) 20:31	עַל כַרכָא יָתֵיב שְלֵיוָא זְקוּפוּ אָתָא אְרִימוּ קָלָא לְהוֹן אְנִיפוּ יַד וְיֵיעְלוּן בְתַרעוֹהִי״בתרעהא#3#״ מְנַדְבִין׃
(1) 30:31	אְנָא פַקֵידִית לִמזָמְנָי אַף עָרְעִית גִיבָרַי וְיִתפַרעוּן מִנְהוֹן רוּגזִי תַקִיפֵי תוּשבַחתִי׃
(1) 40:31	קָל הְמוֹן בְטוּרַיָא דְמוּת עַם סַגִי קָל אִתרְגוֹשַת מַלכְווָן״מלכוות#3#״ עַמְמִין״עממיא#3#״ דְמִתכַנשִין יוי צְבַאוֹת מְמַנֵי מַשרְיָן״משיריין#3#״ בִקרָבָא׃
(1) 50:31	אָתַן מֵאְרַע רַחִיקָא מִסְיָפֵי שְמַיָא יוי וֻמַנִי כָס דִלוָט קְֹדָמוֹהִי לְחַבָלָא כָל רַשִיעֵי אַרעָא׃
(1) 60:31	אֵילִילוּ אְרֵי קָרִיב יוֹמָא דַעְתִיד לְמֵיתֵי מִן קְֹדָם יוי כְבִיזָא מִן קְֹדָם שַדַי יֵיתֵי׃
(1) 70:31	עַל כֵין כָל יְדַיָא יִתרַשְלָן וְכָל לִיבָא דַאְנָשָא יִתמְסֵי׃
(1) 80:31	וְיִתבַהלוּן עָקָא וְחִבלִין ייֵחְדוּנוּנוּן זְיָע כְיָלֵידתָא״כְלֵידָתָא#3#״ יְזוּעוּן גְבַר בְחַברֵיה יִתמְהוֹן אַפֵי שַלהוֹבִין אַפֵיהוֹן׃
(1) 90:31	הָא יוֹמָא מִן קְ יוי אָתֵי אַכְזַרי וְתַעְבוּר וֻתקוֹף רְגַז לְשַוָאָה אַרעָא לְצָדוּ וְחַיָיבַהָא יְשֵיצֵי מִינַה׃
(1) 01:31	אְרֵי כוֹכְבֵי שְמַיָא וֻנפִילֵיהוֹן לָא יַזהְרוּן נֵיהוֹרְהוֹן יִקבַל שִמשָא בְמִיפְקֵיה וְסֵיהְרָא לָא יַזהַר נֵיהוֹרֵיה׃
(1) 11:31	וְאַסעַר עַל דְדָיְרִין בְתֵבֵל בִישָא וְעַל רַשִיעַיָא חוֹבֵיהוֹן וַאְבַטֵיל רְבוּת רַשִיעִין וֻתקוֹף תַקִיפֵיהוֹן״תַקִיפִין#2#״ אַמאֵיך׃
(1) 21:31	אְחַבֵיב דָחְלַי מִדַהבָא דְמִתיַקְרִין מִנֵיה בְנֵי אְנָשָא וְעָבְדֵי אוֹרָיתָא מִמַסנְנָא״מִמְסַנְנָא#2#״ממסנא#3#״ דְאוֹפִיר׃
(1) 31:31	עַל כֵין שְמַיָא אְזִיַע וֻתזוּעַ אַרעָא מֵאַתרַה בְתַעְבוּר מִן קְֹדָם יוי צְבָאוֹת וֻביוֹם תְקוֹף רוּגזֵיה׃
(1) 41:31	וִיהֵי כִצבִי״כִטבֵי#2#״ מַפרִיד וֻכעָן וְלֵית דִמכַנֵיש גְבַר לְעַמֵיה יִתפְנוֹן וֻגבַר לְאַרעֵיה יִערְקוּן׃
(1) 51:31	כָל דְיִשתְכַח בַה יִתקְטִיל וְכָל דְיֵיעוֹל לְכַרכֵי צְיָרָא יִתקְטִיל בְחַרבָא׃
(1) 61:31	וְיָנְקֵיהוֹן״וְעוּלֵימֵיהוֹן#2#״ יִטָרְפוּן לְעֵינֵיהוֹן יִתבַזְזוּן בָתֵיהוֹן וֻנשֵיהוֹן יִשתַכבָן׃
(1) 71:31	הָאְנָא מֵיתֵי עְלֵיהוֹן יָת מָדָאֵי דִבכַספָא״דִי בְכַספָא#2#״ לָא מִטַפסִין״מטקסין#3#״ וְדַהבָא לָא מִתרְעַן בֵיה׃
(1) 81:31	וְקַשתָתְהוֹן עוּלֵימִין יְבַזְעָן וְעַל וְלַד מְעִין לָא יְרַחְמוּן עַל בְנַיָא לָא תְחוּס עֵינְהוֹן׃
(1) 91:31	וֻתהֵי בָבַל דַהְוָת מִלְקַדמִין חַדוַת מַלכְווָן תֻשבְחַת רְבוּת כַסדָאֵי כַהְפֵיכְתָא דַהְפַך יוי יָת סְדֹם וְיָת עְמוֹרָה׃
(1) 02:31	לָא תִתֵיב״תִתיַתַב#2#״ לְעָלַם וְלָא תִשרֵי עַד דָר וְדָר וְלָא יִפרוֹס תַמָן עַרבַי מַשכְנֵיה וְרָעְייָן לָא יִשרוֹן תַמָן׃
(1) 12:31	וְיִשרְיָן תַמָן תָמוָן וְיִתמְלוֹן בָתֵיהוֹן אוֹחִין וְיִשרְייָן תַמָן בְנָת נַעָמיָן וְשֵידִין יְחָייְכוּן תַמָן׃
(1) 22:31	וִינַצְפוּן חָתוֹלִין בְבִירָניָתְהוֹן וְיָרוּרִין בְבֵית מִשרֵי תַפנוּקֵיהוֹן וְקָרִיב לְמֵיתֵי עִידָן תְבָרַה דְבָבַל וְיוֹמַהָא לָא יִתרַחְקוּן׃

next chapter