The Comprehensive Aramaic Lexicon

(1) 10:20	וַהְוָה בְאַסָקוּת יוי יָת אֵלִיָה בְעַלעוּלָא לְצֵית שְמַיָא וַאְזַל אֵלִיָה וַאְלִישָע מִן גִלגָלָא׃
(1) 20:20	וַאְמַר אֵלִיָה לַאְלִישָע תִיב כְעַן הָכָא אְרֵי יוי שַלחַנִי עַד בֵיתאֵל וַאְמַר אְלִישָע קַיָים הוּא יוי וְחַיֵי נַפשָך אִם אַשבְקִנָך וֻנחַתוּ לְבֵית אֵל׃
(1) 30:20	וֻנפַקוּ תַלמִידֵי נְבִיַיָא דִבְבֵית אֵל לְוָת אְלִישָע וַאְמַרוּ לֵיה הַיְדַעתְ״הלא ידעת#3#״ אְרֵי יוֹמָא דֵין יוי דָבַר יָת רִבוֹנָך מִנָך״מֵעַל רֵישָך#3#״מלוותך#3#״ וַאְמַר אַף אְנָא יָדַענָא שְתוּקוּ׃
(1) 40:20	וַאְמַר לֵיה אֵלִיָה אְלִישָע תִיב״אוריך#3#״ כְעַן הָכָא אְרֵי יוי שַלחַנִי לִירִיחוֹ וַאְמַר״וַאְמַר אְלִישָע#3#״ קַיָים הוּא יוי וְחַיֵי נַפשָך אִם אַשבְקִנָך וַאְתוֹ לִירִיחוֹ׃
(1) 50:20	וֻקרִיבוּ תַלמִידֵי נְבִיַיָא דְבִירִיחוֹ לְוָת אְלִישָע וַאְמַרוּ לֵיה הַיְדַעתְ אְרֵי יוֹמָא דֵין יוי דָבַר יָת רִבוֹנָך מִנָך״מלוותך#3#״ וַאְמַר אַף אְנָא יָדַענָא שְתוּקוּ׃
(1) 60:20	וַאְמַר לֵיה אֵלִיָה תִיב כְעַן הָכָא אְרֵי יוי שַלחַנִי \עַד יַרדְנָא״לירדנא#3#״ וַאְמַר״וַאְמַר אְלִישָא#3#״ קַיָים הוּא יוי וְחַיֵי נַפשָך אִם אַשבְקִנָך וַאְזַלוּ תַרוֵיהוֹן׃
(1) 70:20	וְחַמשִין גֻברָא״גוברין#3#״ מִתַלמִידֵי נְבִיַיָא אְזַלוּ וְקָמוּ מִקְֹבֵיל מֵרַחִיק וְתַרוֵיהוֹן קָמוּ עַל יַרדְנָא׃
(1) 80:20	וֻנסֵיב אֵלִיָה יָת שוֹשִפֵיה וְאַחזַר וֻמחָא יָת מַיָא וְאִתפְלִיגוּ לְכָא״לְכָא וֻלכָא#2#״ וַעְבַרוּ תַרוֵיהוֹן בְיַבַשתָא׃
(1) 90:20	וַהְוָה כְמִעבַרהוֹן״במיעיברהון#3#״ וְאֵלִיָה אְמַר לַאְלִישָע שְאַל מָא אֲעבֵיד לָך עַד לָא״דְלָא#3#״ אַדְבַר מִלְוָתָך וַאְמַר אְלִישָע וִיהֵי כְעַן עַל חַד תְרֵין בְרוּחַ נְבוּאְתָך עִמִי׃
(1) 01:20	וַאְמַר אַקשִיתָא לְמִשאַל אִם תִחזֵי יָתִי דַאְנָא״#3#״ מִדְבַר מִלְוָתָך יְהֵי״יהוי#3#״ לָך כֵין וְאִם לָאו״לָא#3#״ לָא יְהֵי׃
(1) 11:20	וַהְוָה עַד דְאִנוּן אָזְלִין מֵיזָל וֻממַלְלִין וְהָא רְתִכִין דְאִישָתָא וְסוּסָוָן דְאִישָתָא וְאַפרִישוּ בֵין תַרוֵיהוֹן וֻסלֵיק אֵלִיָה בְעַלעוּלָא לְצֵית שְמַיָא׃
(1) 21:20	וַאְלִישָע חָזֵי וְהוּא מַצוַח רַבִי רַבִי דְטָב לֵיה״לְהוֹן#3#״ לְיִשרָאֵל בִצלוֹתֵיה מֵרְתִכִין וֻפָרָשִין״וְמִפָרָשִין#2#״ \וְלָא חְזָהִי עוֹד ״#3#״ וְאַתקֵיף בִלבוּשוֹהִי״בִלבוּשֵיה#3#״ וֻסדַקִנוּן לִתרֵין סִדקִין׃
(1) 31:20	וַאְרֵים יָת שוֹשִפָא דְאֵלִיָה דִנפַלַת מִנֵיה״מֵעְלוֹהִי#2#״ וְתָב וְקָם עַל כֵיף יַרדְנָא׃
(1) 41:20	וֻנסֵיב יָת שוֹשִפָא דְאֵלִיָה דִנפַלַת מִנֵיה וֻמחָא יָת מַיָא וַאְמַר קַבֵיל בַעוּתִי יוי אְלָהֵיה״אלהא#3#״ דְאֵלִיָה אַף הוּא וֻמחָא יָת מַיָא וְאִתפְלִיגוּ לְכָא וֻלכָא \וַעְבַר אְלִישָע ״#3#״׃
(1) 51:20	וַחזוּהִי תַלמִידֵי״בני#3#״ נְבִיַיָא דְבִירִיחוֹ מִקְֹבֵיל וַאְמַרוּ נַחַת רוּחֵיה דְאֵלִיָה עַל אְלִישָע וַאְתוֹ לְקַדָמוּתֵיה וֻסגִידוּ לֵיה עַל אַרעָא׃
(1) 61:20	וַאְמַרוּ לֵיה הָא כְעַן אִית עִם עַבדָך חַמשִין גֻברִין בְנֵי חֵילָא יֵיזְלוּן״ויזלון#3#״ כְעַן וְיִבעוֹן יָת רִבוֹנָך דִלמָא נַטלֵיה רוּחָא״רוּחַ#3#״ מִן קְֹדָם יוי וֻרמָהִי בְחַד מִן טוּרַיָא אוֹ בְחַד מִן חִלַיָא וַאְמַר לָא תִשלְחוּן׃
(1) 71:20	וְאַתקִיפוּ״ותקיפו#3#״ בֵיה עַד סַגִי״סַגיָא#3#״לסגי#3#״ וַאְמַר שְלַחוּ וֻשלַחוּ חַמשִין גֻברָא וֻבעוֹ תְלָתָה יוֹמִין וְלָא אַשכְחוּהִי׃
(1) 81:20	וְתָבוּ לְוָתֵיה וְהוּא יָתֵיב בִירִיחוֹ וַאְמַר לְהוֹן הְלָא אְמַרִית לְכוֹן לָא תֵיזְלוּן׃
(1) 91:20	וַאְמַרוּ אְנָשֵי קַרתָא לַאְלִישָע הָא כְעַן מוֹתַב קַרתָא שַפִיר כְמָא דְרִבוֹנִי חָזֵי וֻמַיָא בִישִין וְאַרעָא מְתַכְלָא׃
(1) 02:20	וַאְמַר אֵיתוֹ״סיבו#3#״ לִי״לְוָתֵיה#3#״ צְלוֹחִיתָא חְדַתָא וְשַווֹ תַמָן מִלחָא וְאֵיתִיאוּ לֵיה׃
(1) 12:20	וֻנפַק לְמַפְקָנָא״לְמַפְקָנֵי#3#״ דְמַיָא וֻרמָא תַמָן מִלחָא וַאְמַר כִדנָן אְמַר יוי אַסִיתִי לְמַיָא הָאִלֵין לָא יְהֵי מִתַמָן עוֹד מָוַת״מוֹתָא#3#״ וְתַכלוּ״וֻמתַכְלָא#3#״׃
(1) 22:20	וְאִתַסִיוּ מַיָא עַד יוֹמָא הָדֵין כְפִתגָמָא דַאְלִישָע דְמַלֵיל׃
(1) 32:20	וֻסלֵיק מִתַמָן לְבֵית אֵל״ביתאל#3#״ וְהוּא סָלֵיק״סק#3#״ בְאוֹרחָא וְיָנְקִין דְעַדקִין״זְעֵירִין#3#״דקדקין#3#״ נְפַקוּ מִן קַרתָא וְאִתלָעַבוּ״וְאִיתלָעַבוּ#3#״ בֵיה וַאְמַרוּ לֵיה סַק קַרָחָא סַק קַרָחָא׃
(1) 42:20	וְאִתפְנִי לַאְחוֹרוֹהִי וַחְזָנוּן וְלָטִנוּן בִשמָא דַיוי וֻנפַקָא״וֻנפַקוּ#3#״ תַרתֵין דֻבִין מִן חוּרשָא וֻבזַעָא מִנְהוֹן אַרבְעִין וֻתרֵין יָנְקִין׃
(1) 52:20	וַאְזַל מִתַמָן לְטוּר כַרמְלָא וֻמִתַמָן תָב לְשוֹמְרוֹן׃

next chapter