H The Comprehensive Aramaic Lexicon

CAL CODE HELP CLICK HERE
click on the file description for more information

51009: TgJ 2S

click on a word for lexical analysis
Click on a red-colored coordinate for comments and/or translations of the line

previous chapter


(1) 10:31 וַהְוָה בָתַר כֵין וֻלאַבשָלוֹם בַר דָוִיד אְחָתָא״אִתְתָא#3#״ שַפִירְתָא וֻשמַה תָמָר וְרַחְמַה אַמנוֹן בַר דָוִיד׃
(1) 20:31 וְעַקַת לְאַמנוֹן לְאִתמָרָעָא בְדִיל תָמָר אְחָתֵיה אְרֵי בְתוּלְתָא הִיא וַהְוָה מְכֻסָא בְעֵינֵי אַמנוֹן לְמַעְבַד לַה מִדָעַם׃
(1) 30:31 וֻלאַמנוֹן שוֹשְבִינָא וֻשמֵיה יוֹנָדָב בַר שִמעָה אְחוּהִי דְדָוִיד וְיוֹנָדָב גְבַר חַכִים לַחדָא׃
(1) 40:31 וַאְמַר לֵיה מָדֵין אַת כְדֵין חְשוֹך בַר מַלכָא בִצפַר בִצפַר הְלָא תְחַוֵי לִי וַאְמַר לֵיה אַמנוֹן יָת תָמָר אְחָתֵיה דְאַבשָלוֹם אְחִי אְנָא רָחֵים׃
(1) 50:31 וַאְמַר לֵיה יְהוֹנָדָב שְכוֹב עַל שִיוָיָיך וְאִתמָרַע וְיֵיתֵי אְבוּך לְמִחזָך וְתֵימַר לֵיה תֵיתֵי כְעַן תָמָר אְחָתִי וְתוֹכֵילִנַנִי לַחמָא וְתַעְבֵיד לְעֵינַי״קדמי#3#״לעיני יָת#3#״ סְעוֹדְתָא בְדִיל דְאַחזֵי וְאֵיכוֹל מִן יְדַה׃
(1) 60:31 וֻשכֵיב אַמנוֹן וְאִתמָרַע וַאְתָא מַלכָא לְמִחזֵיה וַאְמַר אַמנוֹן לְמַלכָא תֵיתֵי כְעַן תָמָר אְחָתִי וְתִחלוֹט לְעֵינַי״קדמי#3#״ תַרתֵין חְלִיטָתָא וְאֵיכוֹל מִן יְדַה׃
(1) 70:31 וֻשלַח דָוִיד \לְוָת תָמָר ״לתמר#3#״ לְבֵיתָא לְמֵימַר אִיזִילִי כְעַן לְוָת אַמנוֹן אְחוּך וַעְבִידִי לֵיה סְעוֹדְתָא׃
(1) 80:31 וַאְזַלַת תָמָר לְבֵית אַמנוֹן אְחוּהָא וְהוּא שָכֵיב וֻנסֵיבַת יָת לֵישָא וְלַשַת וַחְלַטַת לְעֵינוֹהִי וֻבַשֵילַת יָת חְלִיטָתָא׃
(1) 90:31 וֻנסֵיבַת יָת מַסרֵיתָא וַאְרֵיקַת קְֹדָמוֹהִי וְלָא אְבָא לְמֵיכַל וַאְמַר אַמנוֹן אַפִיקוּ כָל אְנָש מֵעְלַי וֻנפַקוּ כָל אְנָש מֵעִלָווֹהִי׃
(1) 01:31 וַאְמַר אַמנוֹן לְתָמָר אַעִילִי סְעוֹדְתָא לְאִדְרוֹן בֵית מִשכְבָא וְאַסעַד״וְאֵיכוֹל#3#״ מִן יְדִיך וֻנסֵיבַת תָמָר יָת חְלִיטָתָא דַעְבַדַת וַאְעֵילַת לְאַמנוֹן אְחוּהָא לְאִדְרוֹן בֵית מִשכְבָא׃
(1) 11:31 וְקָרֵיבַת לֵיה״לִקדָמוֹהִי#3#״ וְלָא אְבָא לְמֵיכַל וְאַתקֵיף בַה וַאְמַר לַה עוּלִי שְכוּבִי עִמִי אְחָתִי׃
(1) 21:31 וַאְמַרַת לֵיה בְבָעוּ אְחִי לָא תְעַנֵינַנִי אְרֵי לָא מִתעְבֵיד כֵין״כדין#3#״ בְיִשׂרָאֵל לָא תַעְבֵיד יָת קְלָנָא הָדֵין״הדא#3#״׃
(1) 31:31 וַאְנָא לְאָן אוֹבֵיל יָת חִסדַאי וְאַת תְהֵי כְחַד מִן שָטַיָא בְיִשׂרָאֵל וֻכעַן מַלֵיל כְעַן \עִם מַלכָא ״למלכא#3#״ אְרֵי לָא יִמנְעִנַנִי מִנָך״מִמָך#3#״׃
(1) 41:31 וְלָא אְבָא לְקַבָלָא מִנַה וֻתקֵיף מִנַה וְעַנְיַיה וֻשכֵיב עִמַה׃
(1) 51:31 וֻסנַה אַמנוֹן סִנאְתָא רַבְתָא״תקיפא#3#״ לְחדָא אְרֵי סַגִיאָה סִנאְתָא דִסנַה מֵרַחמְתָא דְרַחְמַה וַאְמַר לַה אַמנוֹן קוּמִי אִיזִילִי׃
(1) 61:31 וַאְמַרַת לֵיה עַל עֵיסַק בִשתָא רַבְתָא הָדָא מִבָתַר״מֵאוּחרָנְתָא#3#״ דַעְבַדת עִמִי אַת אָמַר לְשַלָחוּתַנִי וְלָא אְבָא לְקַבָלָא מִנַה׃
(1) 71:31 וֻקרָא יָת עוּלֵימֵיה מְשֻמשָנֵיה וַאְמַר שַלַחוּ כְעַן יָת דָא מִלְוָתִי לְבָרָא וַאְגוֹף <ית#3#> דַשָא בָתְרַהָא׃
(1) 81:31 וַעְלַה כִתוּנָא דְפַסֵי אְרֵי כֵין לָבְשָן בְנָת מַלכָא בְתוּלָתָא כַרדוֹטִין וְאַפֵיק יָתַה מְשוּמשָנֵיה לְבָרָא וַאְגַף דַשָא בָתְרַהָא׃
(1) 91:31 וֻנסֵיבַת תָמָר קִטמָא עַל רֵישַה וְכִתוּנָא דְפַסֵי דַעְלַה בַזַעַת וְשַוִיאַת יְדַה עַל רֵישַה וְאָזְלָא מֵיזָל וְצָוְחָא׃
(1) 02:31 וַאְמַר לַה אַבשָלוֹם אְחוּהָא הַאְמִינוֹן אְחוּך הְוָה עִמִיך וֻכעַן אְחָתִי שְתוּקִי אְחוּך הוּא לָא תְשַוִין יָת לִבִיך לפִתגָמָא הָדֵין וִיתֵיבַת תָמָר וְצָדיָא״וְשָתְקָא#3#״ בֵית״בבית#3#״ אַבשָלוֹם אְחוֹהָא׃
(1) 12:31 וֻמַלכָא דָוִיד שְמַע יָת כָל פִתגָמַיָא הָאִלֵין וֻתקֵיף לֵיה לַחדָא׃
(1) 22:31 וְלָא מַלֵיל אַבשָלוֹם עִם אַמנוֹן לְמִבִיש וְעַד טָב אְרֵי סָנֵי אַבשָלוֹם יָת אַמנוֹן עַל עֵיסַק דְעַנִי יָת תָמָר אְחָתֵיה׃
(1) 32:31 וַהְוָה לִזמַן תַרתֵין שְנִין וַהְווֹ גָזוֹזִין לְאַבשָלוֹם בְמֵישַר חָצוֹר \דְעִם בֵית ״עם דבית#3#״ אַפרָיִם וְזָמֵין״וֻקרָא#3#״ אַבשָלוֹם לְכָל בְנֵי מַלכָא׃
(1) 42:31 וַאְתָא אַבשָלוֹם לְוָת מַלכָא וַאְמַר הָא כְעַן גָזוֹזִין לְעַבדָך יֵיזֵיל כְעַן מַלכָא וְעַבדוֹהִי עִם עַבדָך׃
(1) 52:31 וַאְמַר מַלכָא לְאַבשָלוֹם לָא בְרִי לָא כְעַן נֵיזֵיל כֻלַנָא וְלָא נִיתקַף עְלָך וְאַתקֵיף בֵיה וְלָא אְבָא לְמֵיזַל וֻבָרְכֵיה׃
(1) 62:31 וַאְמַר אַבשָלוֹם וְלָא״בבעו#3#״ואילו#3#״ יֵיזֵיל כְעַן עִמַנָא אַמנוֹן אְחִי וַאְמַר לֵיה מַלכָא לְמָא יֵיזֵיל עִמָך׃
(1) 72:31 וְאַתקֵיף בֵיה אַבשָלוֹם וֻשלַח עִמֵיה יָת אַמנוֹן וְיָת כָל בְנֵי מַלכָא׃
(1) 82:31 וֻפַקֵיד אַבשָלוֹם יָת עוּלֵימוֹהִי לְמֵימַר חְזוֹ כְעַן כַד יִשפַר לִבָא דְאַמנוֹן בְחַמרָא וְאֵימַר לְכוֹן קְטוּלוּ יָת אַמנוֹן וְתִקטְלוּן יָתֵיה לָא תִדחְלוּן הְלָא אְרֵי אְנָא פַקֵידִית יָתְכוֹן תְקַפוּ וַהְווֹ לְגֻברִין גִבָרִין׃
(1) 92:31 וַעְבַדוּ עוּלֵימֵי אַבשָלוֹם לְאַמנוֹן כְמָא דְפַקֵיד אַבשָלוֹם וְקָמוּ כָל בְנֵי מַלכָא וֻרכִיבוּ גְבַר״אְנָש#3#״ עַל כוֹדַנתֵיה וַאְפַכוּ׃
(1) 03:31 וַהְוָה עַד דְאִנוּן בְאוֹרחָא וֻשמוּעְתָא אְתָת לְוָת דָוִיד לְמֵימַר קְטַל אַבשָלוֹם יָת כָל בְנֵי מַלכָא וְלָא אִשתְאַר מִנְהוֹן <עד#3#> חַד׃
(1) 13:31 וְקָם מַלכָא וֻבַזַע יָת לְבוּשוֹהִי וֻשכֵיב עַל אַרעָא וְכָל עַבדוֹהִי מְעַתְדִין״קיימין עילווהי#3#״ כַד מְבֻזְעִין לְבוּשֵיהוֹן׃
(1) 23:31 וַאְתֵיב יוֹנָדָב בַר שִמעָה אְחוּהִי דְדָוִיד וַאְמַר לָא יֵימַר רִבוֹנִי״מלכא#3#״ יָת כָל עוּלֵימַיָא בְנֵי מַלכָא קְטַלוּ אְלָהֵין״אְרֵי#3#״ אַמנוֹן בִלחוֹדוֹהִי מִית אְרֵי בְלִבָא דְאַבשָלוֹם הְוָת כְמִינָא מִיוֹמָא דְעַנִי יָת תָמָר אְחָתֵיה׃
(1) 33:31 וֻכעַן לָא יְשַוֵי רִבוֹנִי מַלכָא עַל לִבֵיה פִתגָמָא לְמֵימַר כָל בְנֵי מַלכָא אִתקְטַלוּ״מִיתוּ#3#״ אְלָהֵין אַמנוֹן בִלחוֹדוֹהִי מִית׃
(1) 43:31 וַעְרַק אַבשָלוֹם וֻזקַף עוּלֵימָא סָכוּאָה יָת עֵינוֹהִי וַחְזָא וְהָא עַם סַגִי אָתַן מֵאוֹרַח מֵאְחוֹרוֹהִי מִסְטַר טוּרָא׃
(1) 53:31 וַאְמַר יוֹנָדָב לְמַלכָא הָא בְנֵי מַלכָא אְתוֹ כְפִתגָמָא דְעַבדָך כֵין הְוָה׃
(1) 63:31 וַהְוָה כְשֵיצָיוּתֵיה״בשיציותיה#3#״כד שצֵיותיה#3#״ לְמַלָלָא וְהָא בְנֵי מַלכָא אְתוֹ וַאְרִימוּ קָלְהוֹן וֻבכוֹ וְאַף מַלכָא וְכָל עַבדוֹהִי בְכוֹ בְכִי סַגִיאָה לַחדָא׃
(1) 73:31 וְאַבשָלוֹם עְרַק וַאְזַל לְוָת תַלמַי בַר עַמִיהוּד מַלכָא דִגשוּר וְאִתאַבַל עַל בְרֵיה \כָל יוֹמַיָא ״יומין סגיאין#3#״׃
(1) 83:31 וְאַבשָלוֹם עְרַק וַאְזַל לִגשוּר וַהְוָה תַמָן תְלָת שְנִין׃
(1) 93:31 וְחַמֵידַת נַפשָא דְדָוִיד מַלכָא לְמִפַק עַל אַבשָלוֹם אְרֵי אִתנַחַם עַל אַמנוֹן אְרֵי מִית׃

next chapter