H The Comprehensive Aramaic Lexicon

CAL CODE HELP CLICK HERE
click on the file description for more information

51008: TgJ 1S

click on a word for lexical analysis
Click on a red-colored coordinate for comments and/or translations of the line

previous chapter


(1) 10:03 וַהְוָה כַד אְתָא דָוִיד וְגֻברוֹהִי לְצִקְלַג בְיוֹמָא תְלִיתָאָה וַעְמָלְקָאֵי אִתנְגִידוּ״אִתנְגַדוּ#2#״ עַל דָרוֹם וְעַל צִיקְלַג וֻמחוֹ יָת צִיקְלַג וְאוֹקִידוּ יָתַה בְנוּרָא׃
(1) 20:03 וֻשבוֹ יָת נְשַיָא דְבַה מִזְעֵירָא וְעַד רַבָא וַלָא קְטַלוּ אְנָש וֻדבַרוּ״וְדַבַרוּ#3#״ וַאְזַלוּ לְאוֹרַחהוֹן׃
(1) 30:03 וַאְתָא דָוִד וְגֻברוֹהִי לְקַרתָא וְהָא קַליָא בְנוּרָא וֻנשֵיהוֹן וֻבנֵיהוֹן וֻבנָתְהוֹן אִשתְבִיאוּ׃
(1) 40:03 וַאְרֵים דָוִיד וְעַמָא דְעִמֵיה יָת קָלְהוֹן וֻבכוֹ עַד \דְלָא הְוָה ״דְלֵית#2# ״דלא הות#3#״ בְהוֹן חֵילָא לְמִבכֵי׃
(1) 50:03 וְתַרתֵין נְשֵי דָוִיד אִשתְבִיאָה אְחִינֹעַם דְמִיִזרְעַאל וַאְבִיגַיִל אִתַת נָבָל דְמִכַרמְלָא׃
(1) 60:03 וְעַקַת לְדָוִיד לַחדָא אְרֵי אְמַרוּ <כָל#3#> עַמָא לְמִרגְמֵיה אְרֵי מַרַת נַפשָא דְכָל עַמָא גְבַר עַל בְנוֹהִי וְעַל בְנָתֵיה וְאִתַקַף דָוִיד בְמֵימְרָא דַיְיָ אְלָהֵיה׃
(1) 70:03 וַאְמַר דָוִיד לְאַביָתָר כָהְנָא בַר אְחִימַלַך קָרֵיב כְעַן לִי <ית#3#> אֵפוֹדָא וְקָרֵיב אַביָתָר <כָהְנָא#3#> יָת אֵפוֹדָא \לְוָת דָוִיד ״לְדָוִד#3#״׃
(1) 80:03 וֻשאֵיל דָוִיד בְמֵימְרָא דַיְיָ לְמֵימַר אַרדוֹף בָתַר מַשרִיתָא הָדָא הְאַדבְקִנַה״ואדבקינה#3#״ וַאְמַר לֵיה רְדוֹף אְרֵי אַדבָקָא תַדבֵיק וְשֵיזָבָא תְשֵיזֵיב׃
(1) 90:03 וַאְזַל דָוִיד הוּא וְשֵית מְאָה גֻברָא דְעִמֵיה וַאְתוֹ עַד נַחלָא דִבסוֹר וֻמִקצָתְהוֹן״ומקצת מנהון#3#״ אִשתְאַרוּ׃
(1) 01:03 וֻרדַף דָוִיד הוּא וְאַרבַע מְאָה גֻברָא <דְעִמֵיה#3#> וְאִשתְאַרוּ״וקמו#3#״ מָתַן גֻברָא דְאִתמְנַעוּ מִלְמִעבַר יָת נַחלָא דִבסוֹר׃
(1) 11:03 וְאַשכַחוּ גֻברָא מִצרָאָה בְחַקלָא וְאֵיתִיאוּ יָתֵיה \לְוָת דָוִיד ״לדוד״ וִיהַבוּ לֵיה לַחמָא וַאְכַל וְאַשקְיוּהִי מַיָא׃
(1) 21:03 וִיהַבוּ לֵיה פֵילַס דְבֵילְתָא וֻתרֵין״ותרתין#3#״ אַתכָלִין״איתכלין#3#״ דְעִנבִין יַבִישִין וַאְכַל וְתַבַת רוּחֵיה לֵיה״עְלֵיה#3#״ אְרֵי לָא אְכַל לַחמָא וְלָא שְתִי מַיָא תְלָתָא יְמָמִין״יוֹמִין#3#״ וֻתלָתָא לֵילָוָן׃
(1) 31:03 וַאְמַר לֵיה דָוִיד דְמַן אַת וְאֵי מִדֵין אַת וַאְמַר <ליה#3#> עוּלֵימָא מִצרָאָה אְנָא עַבדָא לְגֻברָא עְמָלְקָאָה וְשַבקַנִי רִבוֹנִי אְרֵי אִתמָרַעִית״אִתמְרַעִית#3#״ יוֹמָא דֵין דְנָן תְלָתָא יוֹמִין׃
(1) 41:03 אְנַחנָא אִתנְגֵידנָא עַל דָרוֹם כְרֵית״כָרֵית#3#״ וְעַל דְלִיהוּדָה וְעַל דָרוֹם כָלֵב וְיָת צִיקְלַג אוֹקֵידנָא בְנוּרָא׃
(1) 51:03 וַאְמַר לֵיה״לי#3#״ דָוִיד הְתַחְתִנַנִי לְמַשרִיתָא הָדָא וַאְמַר קַיֵים לִי בְמֵימְרָא דַיְיָ דְלָא תִקטְלִנַנִי וְלָא תִמסְרִנַנִי בִידָא דְרִבוֹנִי וְאַחְתִנָך לְמַשרִיתָא הָדָא׃
(1) 61:03 וְאַחְתֵיה וְהָא רְטִישִין״פריסין#3#״ עַל אפֵי כָל אַרעָא אָכְלִין וְשָתַן וְחָגְגִין״ועבדין שירותא#3#״ בְכָל עְדָאָה סַגִיאָה דִשבוֹ מֵאְרַע פְלִשתָאֵי וֻמֵאַרעָא דְבֵית יְהוּדָה׃
(1) 71:03 וֻמחָנוּן דָוִיד מִקַבלָא וְעַד עִדָן רַמשָא דְיוֹמָא״בְיוֹמָא#3#״ליומא#3#״למיומא#3#״ דְבָתְרוֹהִי וְלָא אִשתֵיזַב״אשתיזיב#3#״ מִנְהוֹן אְנָש אְלָהֵין אַרבָע מְאָה גְבַר עוֹלֵים דִרכִיבוּ עַל יָנְקַיָא״גַמלַיָא#3#״ וַאְפַכוּ׃
(1) 81:03 וְשֵיזֵיב דָוִיד יָת כָל דִשבוֹ עְמָלְקָאֵי וְיָת תַרתֵין נְשוֹהִי שֵיזֵיב דָוִד׃
(1) 91:03 וְלָא שְגָא לְהוֹן מִן זְעֵירָא וְעַד רַבָא וְעַד בְנִין וֻבנָן וֻמִבִיזְתָא וְעַד כָל דִנסִיבוּ״דִשבוֹ#3#״ לְהוֹן כוֹלָא אְתֵיב דָוִיד׃
(1) 02:03 וֻשבָא דָוִיד יָת כָל עָנָא וְתוֹרֵי דַבַרוּ קֳדָם גֵיתַיָא הָאִנוּן וַאְמַרוּ דֵין עְדָאָה דְדָוִיד׃
(1) 12:03 וַאְתָא דָוִד \לְוָת מָאתַן ״למאתן#3#״ גֻברָא דְאִתמְנִיעוּ״דְאִתמְנַעוּ#3#״ מִלְמֵיזַל בָתַר דָוִד וְאוֹתִיבוּנוּן בְנַחלָא דִבשוֹר וֻנפַקוּ לְקַדָמוּת עַמָא <וקריב דוד לות עמא#3#> דְעִמֵיה וְעָרַע דָוִיד יָת עַמָא וֻשאֵיל לְהוֹן לִשלָם׃
(1) 22:03 וַאְתֵיב כָל גְבַר בִיש וְרַשִיעַ מִגֻברַיָא דַאְזַלוּ עִם דָוִיד וַאְמַרוּ חְלָף דְלָא אְזַלוּ עִמִי לָא נִתֵין לְהוֹן מֵעְדָאָה דְשֵיזֵיבנָא אְלָהֵין גְבַר יָת אִתְתֵיה וְיָת בְנוֹהִי וְיִדבְרוּן וְיֵיזְלוּן׃
(1) 32:03 וַאְמַר דָוִיד לָא תַעבְדוּן כֵין״כדין#3#״ אַחָי יָת דִיהַב יְיָ לַנָא וֻנטַר יָתַנָא וֻמסַר״ויהב#3#״ יָת מַשרִיתָא דַאְתָת עְלַנָא בִידַנָא׃
(1) 42:03 וֻמַן יִשמַע לְכוֹן לְפִתגָמָא הָדֵין אְרֵי כְחוּלָק דִנחַת בִקרָבָא וֻכחוּלָק דְאִשתְאַר״דיתיב#3#״ לְמִטַר מָנַיָא כַחְדָא יִפלְגוּן״יְפַלְגוּן#3#״׃
(1) 52:03 וַהְוָה מִיוֹמָא הַהוּא וֻלעֵילָא וְשַויַה לִגזֵירַת״לקים ולגזירת#3#״ דִין לְיִשרָאֵל״בישראל#3#״ עַד יוֹמָא הָדֵין׃
(1) 62:03 וַאְתָא דָוִיד לְצִיקְלַג וְשַדַר מִבִזְתָא לְסָבֵי בֵית״דבית#3#״ יְהוּדָה לְרָחְמוֹהִי לְמֵימַר הָא לְכוֹן מַתְנָא מִבִזַת סָנְאֵי עַמָא דַיְיָ׃
(1) 72:03 לְדִבבֵית אֵל וֻלדִברָמוֹת נַגַב וֻלדִביַתִר׃
(1) 82:03 וֻלדִבעְרֹעֵר וֻלדִבסִפמוֹת וֻלדִבאַשתְמוֹעַ׃
(1) 92:03 וֻלדִברָכָל וֻלדִבקִרוֵי יְרַחמֵילָאָה וֻלדִבקִרוֵי שָלְמָאָה׃
(1) 03:03 וֻלדִבחָרמָה \וֻלדִי בְבוֹר ״וֻלדִבכֹר#2#״ עָשָן וֻלדִבעְתָך׃
(1) 13:03 וֻלדִבחַברוֹן וֻלכָל אַתרַיָא דְהַלֵיך תַמָן דָוִיד הוּא וְגֻברוֹהִי׃

next chapter