The Comprehensive Aramaic Lexicon

(1) 10:82	וַהְוָה בְיוֹמַיָא הָאִנוּן וֻכנַשוּ״ואיתכנישו#3#״ פְלִשתָאֵי יָת מַשרְיָתְהוֹן לְחֵילָא לְאָגָחָא קְרָבָא בְיִשרָאֵל וַאְמַר אָכִיש לְדָוִיד מִדַע תִדַע אְרֵי עִמִי תִפוֹק בְמַשרִיתָא אַת וְגֻברָך׃
(1) 20:82	וַאְמַר דָוִיד לְאָכִיש בְכֵין אַת תִדַע יָת דְיַעְבֵיד עַבדָך וַאְמַר אָכִיש לְדָוִיד בְכֵין נָטְרָא לְרֵישִי אְשַוֵינָך כָל יוֹמַיָא׃
(1) 30:82	וֻשְמוּאֵל מִית וֻספַדוּ עְלוֹהִי כָל יִשרָאֵל וְקַברוּהִי״וֻקבַרוּהי#2#״ בְרָמְתָא וֻספַדוּ עְלוֹהִי אְנָש בְקַרתֵיה וְשָאוּל פַלִי <ית#3#> בִדִין וֻזכוּרוּ מֵאַרעָא׃
(1) 40:82	וְאִתכְנִישוּ פְלִשתָאֵי וַאְתוֹ וֻשרוֹ בְשוּנֵם וֻכנַש שָאוּל יָת כָל יִשרָאֵל וֻשרוֹ בַגִלבֹעַ׃
(1) 50:82	וַחזָא שָאוּל יָת מַשרִית פְלִשתָאֵי וֻדחֵיל וְזָע לִבֵיה לַחדָא׃
(1) 60:82	וֻשאֵיל שָאוּל בְמֵימְרָא דַיְיָ וְלָא קַבֵיל צְלוֹתֵיה יְיָ אַף בְחַלמַיָא אַף בְאוּרַיָא אַף בְסָפְרַיָא׃
(1) 70:82	וַאְמַר שָאוּל לְעַבדוֹהִי בְעוֹ לִי אִתְתָא דְיָדְעָא לְאַסָקָא בִדִין וַאְהָך״ואיהך#3#״ לְוָתַה וְאַשתְאֵיל״וְאַשאַל#2#״ואבעי מנה#3#״ בַה וַאְמַרוּ עַבדוֹהִי לֵיה הָא אִתְתָא דְיָדְעָא לְאַסָקָא בִדִין בְעֵין דוֹר׃
(1) 80:82	וְאִשתַנִי שָאוּל וֻלבַש״וֻלבֵיש#2#״ לְבוּשִין אָחֳרָנִין וַאְזַל הוּא וֻתרֵין גֻברִין עִמֵיה וַאְתוֹ״ואתא#3#״ לְוָת אִתְתָא בְלֵיליָא וַאְמַר קְסוּמִי״קָסוֹמִי#3#״קָסוּמִי#3#״ כְעַן לִי בְבִדִין וְאַסִיקִי לִי יָת דְאֵימַר לִיך״לָך#2#״׃
(1) 90:82	וַאְמַרַת אִתְתָא לֵיה הָא אַת יָדַעת יָת דַעְבַד שָאוּל דְשֵיצִי יָת בִדִין וְיָת זְכוּרוּ מִן אַרעָא וֻלמָא אַת מִתגָרֵי בְנַפשִי לְמִקטְלִי׃
(1) 01:82	וְקַיֵים לַה שָאוּל בְמֵימְרָא דַיְיָ לְמֵימַר קַיָים הוּא יְיָ אִם יְעָרְעִנִך חוֹבָא בְפִתגָמָא הָדֵין׃
(1) 11:82	וַאְמַרַת אִתְתָא יָת מַן אַסֵיק לָך וַאְמַר יָת שְמוּאֵל אַסִיקִי לִי׃
(1) 21:82	וַחְזָת אִתְתָא יָת שְמוּאֵל וֻצוַחַת בְקָל רַב״רם#3#״ וַאְמַרַת אִתְתָא לְשָאוּל לְמֵימַר לְמָא שַקַרת בִי״לי#3#״ וְאַת שָאוּל׃
(1) 31:82	וַאְמַר לַה מַלכָא לָא תִדחְלִין אְרֵי מָא חְזֵית וַאְמַרַת אִתְתָא לְשָאוּל מַלאְכָא דַיְיָ חְזֵיתִי דְסָלֵיק מִן אַרעָא׃
(1) 41:82	וַאְמַר לַה מָא חַזוֵיה וַאְמַרַת גֻברָא סָבָא סָלֵיק וְהוּא עָטֵיף מְעִילָא וִידַע שָאוּל אְרֵי שְמוּאֵל הוּא וֻכרַע <שאול#3#> עַל אַפוֹהִי עַל אַרעָא וֻסגֵיד׃
(1) 51:82	וַאְמַר שְמוּאֵל לְשָאוּל לְמָא אְזַעתַנִי לְאַסָקָא יָתִי וַאְמַר שָאוּל עַקַת לִי לַחדָא וֻפלִשתָאֵי מְגִיחִין קְרָבָא בִי וֻמֵימְרָא דַיְיָ רַחֵיק יָתִי וְלָא קַבֵיל צְלוֹתִי עוֹד אַף בְיַד סָפְרַיָא אַף בְחַלמַיָא וֻקרֵית לָך לְהוֹדָעוּתַנִי מָא אַעְבֵיד׃
(1) 61:82	וַאְמַר שְמוּאֵל וְלמָא אַת שָאֵיל יָתִי וֻמֵימְרָא דַיְיָ רַחֵיק יָתָך״מינך#3#״ וַהְוָה בְסַעְדֵיה דְגֻברָא דְאַת בְעֵיל דְבָבֵיה׃
(1) 71:82	וְקַיֵים״ועבד#3#״ יְיָ לֵיה כְמָא דְמַלֵיל בִידִי״עִמִי#2#״ וְאַעדִי יְיָ יָת מַלכוּתָא מִנָך״מן ידך#3#״ וְיַהבַה לְחַברָך לְדָוִיד׃
(1) 81:82	כְמָא דְלָא קַבֵילתָא״שמעתא#3#״ לְמֵימְרָא דַיְיָ וְלָא עְבַדתָא תְקוֹף רֻגזֵיה בִדבֵית עְמָלֵק עַל כֵין פִתגָמָא הָדֵין עְבַד״יעביד#3#״ לָך יְיָ יוֹמָא הָדֵין׃
(1) 91:82	וְיִמסַר יְיָ אַף יָת יִשרָאֵל עִמָך בִידָא דִפלִשתָאֵי וֻמחַר אַת וֻבנָך עִמִי וְאַף יָת מַשרִיתָא דְיִשרָאֵל יִמסַר יְיָ בִידָא דִפלִשתָאֵי׃
(4) 91:82	ומחר את ובנך גביי בגניז חיי עלמא׃
(1) 02:82	וְאוֹחִי שָאוּל וֻנפַל מְלֵי קוֹמְתֵיה לְאַרעָא״על ארעא#3#״ וֻדחֵיל לַחדָא מִפִתגָמֵי שְמוּאֵל אַף חֵילָא לָא הְוָה בֵיה אְרֵי לָא אְכַל לַחמָא כָל יְמָמָא״יומא#3#״ וְכָל לֵיליָא׃
(1) 12:82	וַאְתָת אִתְתָא \לְוָת שָאוּל ״לשאול#3#״ וַחְזָת וְהָא אִתבְהֵיל לַחדָא וַאְמַרַת לֵיה הָא קַבֵילַת אַמתָך מִנָך וֻמסַרִית נַפשִי כְעַל גַב <בידיי#3#> לְאִתקְטָלָא וֻשמַעִית יָת פִתגָמָך דְמַלֵילתָא עִמִי׃
(1) 22:82	וֻכעַן קַבֵיל״שמע#3#״ כְעַן אַף אַת לְמֵימַר אַמתָך וַאְשַוֵי קֳדָמָך פִתָא דְלַחמָא וַאְכוּל וִיהֵי בָך חֵיל אְרֵי תֵיזֵיל בְאוֹרחָא׃
(1) 32:82	וְסָרֵיב וַאְמַר לָא אֵיכוֹל וְאַתקִיפוּ בֵיה עַבדוֹהִי וְאַף אִתְתָא וְקַבֵיל לְמֵימַרהוֹן וְקָם מֵאַרעָא וִיתֵיב עַל עַרסָא׃
(1) 42:82	וֻלאִתְתָא עֵיגַל פַטִים בְבֵיתָא וְאוֹחִיאַת וֻנכַסתֵיה וֻנסֵיבַת קַמחָא וְלַשַת וַאְפָתֵיה פַטִיר׃
(1) 52:82	וְקָרֵיבַת קֳדָם שָאוּל וֻקדָם עַבדוֹהִי וַאְכַלוּ וְקָמוּ וַאְזַלוּ בְלֵיליָא הַהוּא׃

next chapter