H The Comprehensive Aramaic Lexicon

CAL CODE HELP CLICK HERE
click on the file description for more information

51008: TgJ 1S

click on a word for lexical analysis
Click on a red-colored coordinate for comments and/or translations of the line

previous chapter


(1) 10:70 וַאְתוֹ גֻברֵי קִריַת יְעָרִים וְאַסִיקוּ יָת אְרוֹנָא״ארון קיימא#3#״ דַיְיָ וַאְעִילו״וְאַעִילוּ#3#״ יָתֵיה לְבֵית אְבִינָדָב בְגִבעְתָא וְיָת אַלעָזָר בְרֵיה זָמִינוּ לְמִטַר יָת אְרוֹנָא דַיְיָ׃
(1) 20:70 וַהְוָה מִיוֹמָא דִשרָא אְרוֹנָא בְקִריַת יְעָרִים וֻסגִיאוּ יוֹמַיָא וַהְווֹ עַסרִין שְנִין וֻאִתנְהִיאוּ״ואיתווכחו#3#״ כָל בֵית יִשרָאֵל בָתַר פֻלחָנָא דַיְיָ׃
(1) 30:70 וַאְמַר שְמוּאֵל לְכָל בֵית יִשרָאֵל לְמֵימַר אִם בְכָל לִבְכוֹן אַתוּן תָיְבִין לְפֻלחָנָא דַיְיָ אַעדוֹ יָת טָעְוָת עַמְמַיָא מִבֵינֵיכוֹן וְעַשתְרָתָא וְאַתקִינוּ לִבְכוֹן לְפֻלחָנָא דַיְיָ וֻפלַחוּ קֳדָמוֹהִי בִלחוֹדוֹהִי וִישֵיזֵיב יָתְכוֹן מִיְדָא דִפלִשתָאֵי׃
(1) 40:70 וְאַעדִיאוּ״ואעדו#3#״ בְנֵי יִשרָאֵל יָת בְעָלַיָא וְיָת עַשתְרָתָא וֻפלַחוּ קֳדָם יְיָ בִלחוֹדוֹהִי׃
(1) 50:70 וַאְמַר שְמוּאֵל כְנוּשוּ״כְנַשוּ#2#״כנישו#3#״ יָת כָל יִשרָאֵל״עַמָא#3#״ לְמִצפְיָא וַאְצַלֵי״ואיצלי#3#״ עְלֵיכוֹן קֳדָם יְיָ׃
(1) 60:70 וְאִתכְנִישוּ״וְאִתכְנַשוּ#2#״ לְמִצפְיָא <ומליאו מיא#3#> וֻשפַכוּ״ושפיכו#3#״ לִבְהוֹן בִתיוּבָא כְמַיָא קֳדָם יְיָ וְצָמוּ בְיוֹמָא הַהוּא וַאְמַרוּ תַמָן חַבנָא קֳדָם יְיָ וְדָן שְמוּאֵל יָת בְנֵי יִשרָאֵל בְמִצפְיָא׃
(1) 70:70 וֻשמַעוּ פְלִשתָאֵי אְרֵי אִתכְנִישוּ״אִתכְנַשוּ#2#״ בְנֵי יִשרָאֵל לְמִצפְיָא וֻסלִיקוּ טוּרנֵי פְלִשתָאֵי עַל יִשרָאֵל וֻשמַעוּ בְנֵי יִשרָאֵל וֻדחִילוּ מִן קֳדָם פְלִשתָאֵי׃
(1) 80:70 וַאְמַרוּ בְנֵי יִשרָאֵל לִשמוּאֵל לָא תִשתוֹק״תשתיק#3#״תפסוק#3#״ מִנַנָא מִלְצַלָאָה״לצלאה#3#״ קֳדָם יְיָ אְלָהַנָא וְיִפרְקִנַנָא מִיְדָא דִפלִשתָאֵי׃
(1) 90:70 וֻנסֵיב שְמוּאֵל אִמְרָא דְחַלבָא חַד וְאַסְקֵיה עְלָתָא גְמִיר קֳדָם יְיָ וְצַלִי שְמוּאֵל קֳדָם יְיָ עַל יִשרָאֵל וְקַבֵיל צְלוֹתֵיה יְיָ׃
(1) 01:70 וַהְוָה שְמוּאֵל מַסֵיק עְלָתָא וֻפלִשתָאֵי אִתקָרַבוּ לְאָגָחָא קְרָבָא בְיִשרָאֵל וְאַכלִי יְיָ בְקָל רַב בְיוֹמָא הַהוּא עַל פְלִשתָאֵי וְשָגֵישִנוּן וְאִתְבַרוּ קֳדָם יִשרָאֵל׃
(1) 11:70 וֻנפַקוּ אְנָשֵי יִשרָאֵל מִן מִצפְיָא וֻרדַפוּ יָת פְלִשתָאֵי וֻמחוֹנוּן עַד מִלְרַע לְבֵית שָרוֹן׃
(1) 21:70 וֻנסֵיב שְמוּאֵל אַבנָא חְדָא וֻשַוִי בֵין מִצפְיָא וֻבֵין שִינָא וֻקרָא יָת שְמַה אַבַן סָעְדָא וַאְמַר עַד הָכָא סַעְדַנָא יְיָ׃
(1) 31:70 וְאִתְבַרוּ פְלִשתָאֵי וְלָא אוֹסִיפוּ עוֹד לְמֵיעַל בִתחוּם אַרעָא דְיִשרָאֵל וַהְוָת״והוה#3#״ מַחְתָא דַיְיָ בִפלִשתָאֵי כָל יוֹמֵי שְמוּאֵל׃
(1) 41:70 וְתַבָא קִרוַיָא דִנסִיבוּ פְלִשתָאֵי מִן יִשרָאֵל לְיִשרָאֵל מֵעַקרוֹן וְעַד גַת וְיָת תְחוּמְהוֹן שֵיזֵיב יִשרָאֵל מִיְדָא דִפלִשתָאֵי וַהְוָה שְלָמָא בֵין יִשרָאֵל וֻבֵין אְמוֹרָאֵי״אימוראה#3#״אְמוֹרָאָה#3#״׃
(1) 51:70 וְדָן שְמוּאֵל יָת יִשרָאֵל כָל יוֹמֵי חַיוֹהִי׃
(1) 61:70 וְאָזֵיל בִזמַן שְנָא בִשנָא וֻמִסתְחַר לְבֵיתאֵל וֻלגִלגָלָא וֻלמִצפְיָא וְדָאֵין יָת יִשרָאֵל יָת כָל אַתרַיָא הָאִלֵין׃
(1) 71:70 וֻבִמתָבֵיה״ובמיתביה#3#״ לְרָמְתָא אְרֵי תַמָן בֵיתֵיה וְתַמָן דָן״דָאֵין#3#״ יָת יִשרָאֵל וֻבנָא תַמָן מַדבְחָא קֳדָם יְיָ׃

next chapter