H The Comprehensive Aramaic Lexicon

CAL CODE HELP CLICK HERE
click on the file description for more information

51008: TgJ 1S

click on a word for lexical analysis
Click on a red-colored coordinate for comments and/or translations of the line

(1) 10:10 וַהְוָה גֻברָא חַד מֵרָמְתָא מִתַלמִידֵי נְבִיַיָא מִטוּרָא דְבֵית אַפרָיִם וֻשמֵיה אַלקָנָה בַר יְרוֹחָם בַר אְלִיהוּא בַר תֹחוּ בַר צוּף גֻברָא פָלֵיג חוּלָק בְקֻדשַיָא בְטוּרָא דְבֵית אַפרָיִם׃
(1) 20:10 וְלֵיה תַרתֵין נְשִין שוּם חְדָא חַנָה וְשוּם תִניֵיתָא פְנִנָה וַהְווֹ לִפנִנָה בְנִין וֻלחַנָה לֵית בְנִין׃
(1) 30:10 וְסָלֵיק גֻברָא הַהוּא מִקַרתֵיה מִזמָן מוֹעֵד לְמוֹעֵד לְמִסגַד וֻלדַבָחָא קֳדָם יְיָ צְבָאוֹת בְשִילוֹ וְתַמָן תְרֵין בְנֵי עֵלִי חָפנִי וֻפִנחָס מְשַמְשִין קֳדָם יְיָ׃
(1) 40:10 וַהְוָה יוֹם מוֹעְדָא וְדַבַח אַלקָנָה וִיהַב לִפנִנָה אִתְתֵיה וֻלכָל בְנַהָא וֻבנָתַהָא חוּלָקִין׃
(1) 50:10 וֻלחַנָה יְהַב חוּלָק חַד בֵחִיר אְרֵי יָת חַנָה רָחֵים וֻמִן קֳדָם יְיָ אִתמְנַע מִנַה וְלַד׃
(1) 60:10 וֻמַצהְבָא לַה עָרְתַה״צרתה#3#״ אַף מַרגְזָא לַה בְדִיל לְאַקנָיוּתַה אְרֵי אִתמְנַע מִן קֳדָם יְיָ מִנַה וְלַד׃
(1) 70:10 וְכֵין יַעְבֵיד״עביד#3#״ שְנָא בִשנָא בִזמַן מִסְקַה לְבֵית מַקדְשָא דַיְיָ כֵין מַרגְזָא לַה וֻבָכיָא וְלָא אָכְלָא״אכלת#3#״׃
(1) 80:10 וַאְמַר לַה אַלקָנָה בַעלַה חַנָה לְמָא אַת בָכיָא וֻלמָא לָא אְכַלת״תיכלי#3#״ וֻלמָא בָאִיש \לִיך לִבִיך ״לליבך#3#״ הְלָא רְעוּתִי טָבָא לִיך מֵעַסרָא בְנִין׃
(1) 90:10 וְקַמַת חַנָה בָתַר דַאְכַלַת בְשִילוֹ וֻבָתַר דִשתִיאוּ וְעֵלִי כָהְנָא יָתֵיב עַל כֻרסְיָא <על מזוזי#3#> בִסטַר סִפָא דְהֵיכְלָא דַיְיָ׃
(1) 01:10 וְהִיא מָרִירָא נְפַש וֻמצַלְיָא קֳדָם יְיָ וֻמִבכָא בָכיָא׃
(1) 11:10 וְקַיֵימַת קְיָם וַאְמַרַת יְיָ צְבָאוֹת <אם#3#> מִגלָא גְלֵי קֳדָמָך סִגוּף אַמתָך וְיֵיעוֹל דוּכרָנִי קֳדָמָך וְלָא תְרַחֵיק״תַרחֵיק#3#״ יָת אַמתָך וְתִתֵין לְאַמתָך בַר <קים#3#> בְגוֹ בְנֵי אְנָשָא וְאַמסְרִנֵיה \דִיהֵי מְשַמֵיש ״דישמש#3#״ קֳדָם יְיָ כָל יוֹמֵי חַיוֹהִי וֻמַרוַת אְנָש לָא תְהֵי עְלוֹהִי׃
(1) 21:10 וַהְוָה מִדְאַסגִיאַת לְצַלָאָה קֳדָם יְיָ וְעֵלִי מוֹרֵיך לַה עַד דְתִפסוּק׃
(1) 31:10 וְחַנָה הִיא מְצַלְיָא״ממללא#3#״ בְלִבַה״על לבה#3#״ לְחוֹד סִפוָתַהָא נָיְדָן״נען#3#״ וְקָלַה לָא מִשתְמַע וְחַשבַה עֵלִי כְאִיתָא רָויָא׃
(1) 41:10 וַאְמַר לַה עֵלִי עַד אִמַתִי אַת מִשתַטְיָא״מִשתַטיָא#3#״מִשתְטַיָא#3#״ הְלָא תְפִיגִין יָת חַמרִך מִנִיך׃
(1) 51:10 וַאְתֵיבַת חַנָה וַאְמַרַת״וַאְמַרִית#3#״ לָא רִבוֹנִי אִתְתָא עָיְקַת רוּחַ אְנָא וַחְמַר חְדַת וְעַתִיק לָא שְתִיתִי״אשתיתי#3#״ וַאְמַרִית״וֻשפַכִית#3#״ עֻלבַן נַפשִי בִצלוֹ קֳדָם יְיָ׃
(1) 61:10 לָא תַכלֵים יָת אַמתָך קֳדָם בַת רִשעָא אְרֵי מִסְגֵי אַקנָיוּתִי וְאַרגָזְוָתִי אוֹרֵיכִית בִצלוֹ עַד כְעַן׃
(1) 71:10 וַאְתֵיב עֵלִי וַאְמַר אִיזִילִי לשלָם וַאְלָהָא דְיִשרָאֵל יִתֵין יָת בָעוּתִך דִבעֵית מִן קֳדָמוֹהִי׃
(1) 81:10 וַאְמַרַת תַשכַח אַמתָך רַחְמִין בְעֵינָך״קדמך#3#״ וַאְזַלַת אִתְתָא לְאוֹרחַה וַאְכַלַת וְאַפִין בִישִין לָא הְווֹ לַה עוֹד׃
(1) 91:10 וְאַקדִימוּ בְצַפרָא וֻסגִידוּ קֳדָם יְיָ וְתָבוּ וַאְתוֹ לְבֵיתְהוֹן לְרָמָתָא וִידַע אַלקָנָה יָת חַנָה אִתְתֵיה וְעָל דוּכרָנַה קֳדָם יְיָ׃
(1) 02:10 וַהְוָה לִזמַן מִשלַם יוֹמַיָא וְעַדִיאַת חַנָה וִילֵידַת בַר וֻקרָת יָת שְמֵיה שְמוּאֵל אְרֵי אְמַרַת <ארי#3#> מִן קֳדָם יְיָ שְאֵלתֵיה׃
(1) 12:10 וֻסלֵיק גֻברָא אַלקָנָה וְכָל אְנָש בֵיתֵיה לְדַבָחָא קֳדָם יְיָ יָת דֵיבַח מוֹעְדָא וֻלשַלָמָא״ולאשלמא#3#״ יָת נִדרֵיה׃
(1) 22:10 וְחַנָה לָא סְלֵיקַת אְרֵי אְמַרַת לְבַעלַה עַד דְיִתחְסֵיל רָביָא וְאַיתֵינֵיה וְיִתחְזֵי״וְיִתַחזֵי#3#״ קֳדָם יְיָ וְיִתֵיב תַמָן עַד עָלְמָא׃
(1) 32:10 וַאְמַר לַה אַלקָנָה בַעלַה עְבִידִי דְתָקֵין״כדתקין#3#״ בְעֵינַכִי אוֹרִיכִי עַד דְתַחסְלִין יָתֵיה <אִם#3#> יְקַיֵים יְיָ יָת פִתגָמוֹהִי וְאוֹרֵיכַת אִתְתָא וְאוֹנֵיקַת יָת בְרַה עַד דְחסַלַת יָתֵיה׃
(1) 42:10 וְאַסֵקתֵיה עִמַה כַד חְסַלתֵיה בְתוֹרִין תְלָתָא וֻמכִילְתָא חְדָא דְקַמחָא וֻגרָב דַחְמַר וְאֵיתִיתֵיה לְבֵית מַקדְשָא דַיְיָ לְשִילוֹ וְרָביָא הְוָה יָנִיק׃
(1) 52:10 וֻנכַסוּ״ונכיסו#3#״ יָת תוֹרָא וְאֵיתִיוּ״וְאַתיאוּ#3#״ יָת רָביָא לְוָת עֵלִי׃
(1) 62:10 וַאְמַרַת בְבָעוּ רִבוֹנִי חַיֵי נַפשָך רִבוֹנִי אְנָא אִתְתָא דְאִתעַתַדַת עִמָך הָכָא לְצַלָאָה קֳדָם יְיָ׃
(1) 72:10 עַל רָבְיָא הָדֵין צַלִיתִי וִיהַב יְיָ לִי יָת בָעוּתִי דִבעֵיתִי מִן קֳדָמוֹהִי׃
(1) 82:10 וְאַף אְנָא מְסַרתֵיה דִיהֵי מְשַמֵיש קֳדָם יְיָ כָל יוֹמִין דְהוּא קַיָים יְשַמֵיש״הוא משמש#3#״ קֳדָם יְיָ וֻסגֵיד תַמָן קֳדָם יְיָ׃

next chapter