The Comprehensive Aramaic Lexicon

(1) 10:12	וַאְנָש יִשׂרָאֵל קַיֵים בְמִצפְיָא לְמֵימַר אְנָש מִנַנָא לָא יִתֵין בְרַתֵיה לִדבֵית בִניָמִין לְאִתוּ׃
(1) 20:12	וַאְתָא עַמָא לְבֵית אֵל וִיתִיבוּ תַמָן עַד רַמשָא קְֹדָם יְיָ וַאְרִימוּ קָלְהוֹן וֻבכוֹ בְכִי סַגִיאָה׃
(1) 30:12	וַאְמַרוּ לְמָא יְיָ אְלָהָא דְיִשׂרָאֵל הְוָת דָא בְיִשׂרָאֵל לְמִשגֵי יוֹמָא דֵין מִיִשׂרָאֵל שִבטָא חַד׃
(1) 40:12	וַהְוָה בְיוֹמָא דְבָתְרוֹהִי וְאַקדִימוּ עַמָא וֻבנוֹ תַמָן מַדבְחָא וְאַסִיקוּ עְלָוָן וְנִכסַת קֻדשִין׃ <קדם יוי#3#>
(1) 50:12	וַאְמַרוּ בְנֵי יִשׂרָאֵל מַן דְלָא סְלֵיק בִקהָלָא מִכָל שִבטַיָא דְיִשׂרָאֵל לִקדָם יְיָ אְרֵי שְבוּעְתָא רַבְתָא הְוָת לִדלָא סְלֵיק לִקדָם יְיָ לְמִצפְיָא לְמֵימַר אִתקְטָלָא יִתקְטִיל׃
(1) 60:12	וְאִתנַחַמוּ בְנֵי״דבית#3#״ יִשׂרָאֵל עַל דְבֵית בִניָמִין אְחֵיהוֹן וַאְמַרוּ אִתמְנַע יוֹמָא דֵין שִבטָא חַד מִיִשׂרָאֵל׃
(1) 70:12	מָא נַעְבֵיד לְהוֹן לִדאִשתְאַרוּ לִנשִין וַאְנַחנָא קַיֵימנָא בְמֵימְרָא דַיְיָ בְדִיל דְלָא לְמִתַן לְהוֹן מִבְנָתַנָא לִנשִין׃
(1) 80:12	וַאְמַרוּ מַן חַד מִשִבטַיָא דְיִשׂרָאֵל דְלָא סְלֵיק לִקדָם יְיָ לְמִצפְיָא וְהָא לָא אְתָא אְנָש לְמַשרִיתָא מִיָבֵש גִלעָד לִקהָלָא׃
(1) 90:12	וְאִתמְנִיאוּ עַמָא וְהָא לֵית תַמָן אְנָש מִיָתְבֵי יָבֵש גִלעָד׃
(1) 01:12	וֻשלַחוּ לְתַמָן כְנִשתָא תְרֵי עְסַר אַלפִין גֻברָא מְזָרְזֵי חֵילָא וֻפַקִידוּ יָתְהוֹן לְמֵימַר אִיזִילוּ וְתִמחוֹן יָת יָתְבֵי <אְנָש#3#> יָבֵש גִלעָד לְפִתגָם דְחַרַב וֻנשַיָא וְטַפלָא׃
(1) 11:12	וְדֵין פִתגָמָא דְתַעבְדוּן כָל דְכוּרָא וְכָל אִתְתָא דְיָדְעַת מִשכְבֵי דְכוּרָא תְגַמְרוּן׃
(1) 21:12	וְאַשכַחוּ מִיָתְבֵי יָבֵש גִלעָד אַרבַע מְאָה עוּלִימָן בְתוּלָן דְלָא יְדַעָא גְבַר לְמִשכְבֵי דְכוּרָא וְאֵיתִיאוּ יָתְהוֹן לְמַשרִיתָא לְשִילוֹ דִבאַרעָא דִכנָעַן׃
(1) 31:12	וֻשלַחוּ כָל כְנִשתָא וֻמַלִילוּ עִם בְנֵי בִניָמִין דִבכֵיף רִמוֹן וֻקרוֹ לְהוֹן מִלִין דִשלָם׃
(1) 41:12	וְתָבוּ דְבֵית״בני#3#״ בִניָמִן בְעִדָנָא הַהוּא וִיהַבוּ לְהוֹן נְשִין דְקַיִימוּ מִנְשֵי יָבֵש גִלעָד וְלָא סוֹפִיקָא לְהוֹן כֵן׃
(1) 51:12	וְעַמָא אִתנַחַמו עַל דְבֵית בִניָמִן אְרֵי עְבַד יְיָ תִרעְתָא בְשִבטַיָא דְיִשׂרָאֵל׃
(1) 61:12	וַאְמַרוּ סָבֵי כְנִשתָא מָא נַעְבֵיד לִדאִשתְאַרוּ לִנשִין אְרֵי פְסַקַת מִדְבֵית בִניָמִן אִתְתָא׃
(1) 71:12	וַאְמַרוּ יְרֻתַת״ירושת#3#״ שֵיזָבְתָא לִדבֵית״לבני#3#״ בִניָמִן וְלָא יִתמְחֵי שִבטָא מִיִשׂרָאֵל׃
(1) 81:12	וַאְנַחנָא לָא נִכוֹל לְמִתַן לְהוֹן נְשִין מִבְנָתַנָא אְרֵי קַיִימוּ בְנֵי יִשׂרָאֵל לְמֵימַר לִיט <גברא#3#> דְיִתֵין אִתְתָא לִדבֵית בִניָמִין׃
(1) 91:12	וַאְמַרוּ הָא חַגָא קְֹדָם יְיָ בְשִילוֹ מִזְמָן \מוֹעֵד לְמוֹעֵד ״לזמן#3#״ דְמִצִפוּנָא לְבֵית אֵל מַדנַח שִמשָא לְכִבשָא דְסָלֵיק מִבֵית אֵל לִשכַם וֻמִדָרוֹמָא לִלבוֹנָה׃
(1) 02:12	וֻפַקִידוּ יָת בְנֵי בִניָמִין לְמֵימַר אִיזִילוּ וְתִכמְנוּן בְכַרמַיָא׃
(1) 12:12	וְתִחזוֹן וְהָא אִם יִפְקָן בְנָת שִילוֹ לְמֵיחַג בְחִנגַיָא וְתִפְקוּן מִן כַרמַיָא וְתִחטְפוּן לְכוֹן גְבַר אִתְתֵיה מִבְנָת שִילוֹ וֻתהָכוּן לַאְרַע שֵיבַט בִניָמִין׃
(1) 22:12	וִיהֵי אְרֵי יֵיתוֹן אְבָהָתְהוֹן אוֹ אְחֵיהוֹן לִמדָן קְֹדָמַנָא וְנֵימַר לְהוֹן חָנוּנוּן לְהוֹן אְרֵי לָא סוֹפֵיקנָא <גבר#3#> לְמִתַן לְהוֹן גְבַר אִתְתֵיה בִקרָבָא אְרֵי אִם לֵית״לא#3#״ אַתוּן יָהבִין לְהוֹן כְעִדָן פוֹן תְחוּבוּן׃
(1) 32:12	וַעְבַדוּ כֵין בְנֵי בִניָמִין וֻנסִיבוּ נְשִין לְמִניָינֵיהוֹן מִן חִנגַיָא דַאְנַסוּ וַאְזַלוּ וְתָבוּ לְאַחסָנַתהוֹן וֻבנוֹ יָת קִרוַיָא וִיתִיבוּ בְהוֹן׃
(1) 42:12	וְהַלִיכוּ מִתַמָן בְנֵי יִשׂרָאֵל בְעִדָנָא הַהוּא גְבַר לְשִבטֵיה וֻלזַרעִיתֵיה וֻנפַקוּ מִתַמָן גְבַר לְאַחסָנְתֵיה׃
(1) 52:12	בְיוֹמַיָא הָאִנוּן לֵית מַלכָא בְיִשׂרָאֵל גְבַר דְכָשַר בְעֵינוֹהִי יַעְבֵיד׃