The Comprehensive Aramaic Lexicon

(1) 10:02	וֻנפַקוּ כָל בְנֵי יִשׂרָאֵל וְאִתכְנֵישַת כְנִשתָא כְגֻברָא חַד לְמִדָן וְעַד בְאֵר שַבַע וַאְרַע גִלעָד לִקדָם יְיָ לְמִצפְיָא׃
(1) 20:02	וְאִתעַתַדוּ רֵישֵי כָל עַמָא כָל שִבטַיָא דְיִשׂרָאֵל בִקהַל עַמָא דַיְיָ אַרבָע מְאָה אַלפִין גְבַר רַגלַי שָלְפֵי סֵיפָא׃
(1) 30:02	וֻשמַעוּ בְנֵי בִניָמִין אְרֵי סְלִיקוּ בְנֵי יִשׂרָאֵל לְמִצפְיָא וַאְמַרוּ בְנֵי יִשׂרָאֵל מַלִילוּ אֵיכְדֵין הְוָת בִשתָא הָדָא׃
(1) 40:02	וַאְתֵיב גֻברָא לֵיוָאָה בַעלַה דְאִתְתָא קְטִילְתָא וַאְמַר לְגִבעְתָא דִלשֵיבַט בִניָמִין עַלִית אְנָא ולחֵינְתִי לִמבָת׃
(1) 50:02	וְקָמו עְלַי יָתְבֵי״בעלי#3#״ גִבעְתָא וְאַקִיפו עְלַי״לי#3#״ יָת בֵיתָא בְלֵיליָא עְלַי חַשִיבו לְמִקטַל וְיָת לְחֵינְתִי עַנְיוּהָא וֻמֵיתַת׃
(1) 60:02	וַאְחַדִית בִלחֵינְתִי וְהַדֵמתַה וְשַלַחתַה בְכָל תְחוּם אַחסָנַת אַרעָא דְיִשׂרָאֵל אְרֵי עְבַדוּ עֵיצַת חְטִין \וֻדלָא כָשַר ״וֻקלָנָא#3#״ בְיִשׂרָאֵל׃
(1) 70:02	הָא כֻלְכוֹן בְנֵי יִשׂרָאֵל הַבוּ לְכוֹן פִתגָם וְעֵיצָה הָלְכָא׃
(1) 80:02	וְקָם כָל עַמָא כְגֻברָא חַד לְמֵימַר לָא נֵיזֵיל גְבַר לְמַשכְנֵיה וְלָא נְזוּר גְבַר לְבֵיתֵיה׃
(1) 90:02	וֻכעַן דֵין פִתגָמָא דְנַעְבֵיד לְגִבעְתָא נִתמְנֵי״נִתפְלַג#3#״ עְלַה בְעַדבָא׃
(1) 01:02	וְנִדבַר עַסרָא גֻברִין לִמאָה לְכֹל שִבטַיָא דְיִשׂרָאֵל וֻמאָה לְאַלפָא וְאַלפָא לְרִבוֹתָא לְמִסַב זְוָדִין לְעַמָא לְמַעְבַד לְאֵיתָיוּתְהוֹן לְגִבעְתָא דְבֵית״דבני#3#״ בִניָמִין כְכָל קְלָנָא דְאִתעְבֵיד בְיִשׂרָאֵל׃
(1) 11:02	וְאִתכְנֵיש כָל אְנָש יִשׂרָאֵל לְקַרתָא כְגֻברָא חַד שָוַן׃
(1) 21:02	וֻשלַחוּ שִבטַיָא דְיִשׂרָאֵל גֻברִין בְכָל שִבטֵי בִניָמִין לְמֵימַר מָא בִשתָא הָדָא דַהְוָת בְכוֹן׃
(1) 31:02	וֻכעַן אֵיתוֹ״הַבוּ#3#״הבו אתו#3#״ יָת גֻברַיָא בְנֵי רִשעָא דִבגִבעְתָא וֻנקַטֵילִנוּן וֻנפַלֵי עָבְדֵי בִשתָא מִיִשׂרָאֵל וְלָא אְבוֹ בְנֵי בִניָמִין לְקַבָלָא לְמֵימַר אְחֵיהוֹן בְנֵי יִשׂרָאֵל׃
(1) 41:02	וְאִתכְנִישוּ בְנֵי בִניָמִין מִן קִרוַיָא לְגִבעְתָא לְמִפַק לְאָגָחָא קְרָבָא עִם בְנֵי יִשׂרָאֵל׃
(1) 51:02	וְאִתמְנִיאוּ בְנֵי בִניָמִין בְיוֹמָא הַהוּא מִקִרוַיָא עַסרִין וְשִתָא אַלפִין גֻברָא שָלְפֵי סֵיפָא בָר גִבעְתָא אִתמְנִיאוּ שְבַע מְאָה גְבַר עוֹלֵים׃
(1) 61:02	מִכֹל עַמָא הָדֵין שְבַע מְאָה גְבַר עוֹלֵים גֻברָא גְמִיד בִידֵיה דְיַמִינָא כָל אִלֵין דְשָדַן אַבנָא בְקִלעָא וֻמדַמַן בְבִינַת סַעְרָא וְלָא מְשַנַן׃
(4) 61:02	פי׳ בבינת סערא כמא דגרס׳ כמשחל בינתא מחלבא
(1) 71:02	וַאְנָש״וגבר#3#״ יִשׂרָאֵל אִתמְנִיאוּ בָר בִניָמִן אַרבַע מְאָה אַלפִין גֻברָא שָלְפֵי סֵיפָא כָל אִלֵין גֻברֵי עָבְדֵי קְרָבָא׃
(1) 81:02	וְקָמוּ וֻסלִיקוּ לְבֵית אֵל וֻשאִילוּ בְמֵימְרָא דַיְיָ וַאְמַרוּ בְנֵי יִשׂרָאֵל מַן יִסַק לַנָא בְקַדמֵיתָא <וישרי#3#> לְאָגָחָא קְרָבָא עִם בְנֵי בִניָמִין וַאְמַר יְיָ יְהוּדָה בְקַדמֵיתָא׃
(1) 91:02	וְקָמוּ בְנֵי יִשׂרָאֵל בְצַפרָא וֻשרוֹ עַל גִבעְתָא׃
(1) 02:02	וֻנפַק אְנָש יִשׂרָאֵל לְאָגָחָא קְרָבָא עִם דְבֵית״בני#3#״ בִניָמִן וְסַדַרוּ עִמְהוֹן אְנָש יִשׂרָאֵל קְרָבָא עַל גִבעְתָא׃
(1) 12:02	וֻנפַקוּ בְנֵי בִניָמִין מִן גִבעְתָא וְחַבִילוּ בְיִשׂרָאֵל בְיוֹמָא הַהוּא עַסרִין וֻתרֵין אַלפִין גֻברָא קְטִילִין רְמַן לְאַרעָא׃
(1) 22:02	וְאִתַקַף עַמָא אְנָש יִשׂרָאֵל וְאוֹסִיפוּ לְסַדָרָא קְרָבָא בְאַתרָא דְסַדַרוּ <קרבא#3#> תַמָן בְיוֹמָא קַדמָאָה׃
(1) 32:02	וֻסלִיקוּ בְנֵי יִשׂרָאֵל וֻבכוֹ <לפני#3#> קְֹדָם יְיָ עַד רַמשָא וֻשאִילוּ בְמֵימְרָא דַיְיָ לְמֵימַר הַאוֹסֵיף לְמִקרַב לְאָגָחָא קְרָבָא עִם בְנֵי בִניָמִין אְחִי וַאְמַר יְיָ סַקוּ עְלֵיהוֹן׃
(1) 42:02	וֻקרִיבוּ בְנֵי יִשׂרָאֵל לְוָת בְנֵי בִניָמִן בְיוֹמָא תִניָנָא׃
(1) 52:02	וֻנפַקוּ דְבֵית״בני#3#״ בִניָמִן לְקַדָמוּתְהוֹן מִן גִבעְתָא בְיוֹמָא תִניָנָא וְחַבִילוּ בִבנֵי יִשׂרָאֵל עוֹד״ביומא ההוא#3#״ תְמָנַת עַסַר אַלפִין גֻברָא קְטִילִין רְמַן לְאַרעָא כָל אִלֵין שָלְפֵי סֵיפָא׃
(1) 62:02	וֻסלִיקוּ כָל בְנֵי יִשׂרָאֵל וְכָל עַמָא וַאְתוֹ לְבֵית אֵל וֻבכוֹ וִיתִיבוּ תַמָן קְֹדָם יְיָ וְצָמוּ בְיוֹמָא הַהוּא עַד רַמשָא וְאַסִיקוּ עְלָוָן וְנִכסַת קֻדשִין קְֹדָם יְיָ׃
(1) 72:02	וֻשאִילוּ בְנֵי יִשׂרָאֵל בְמֵימְרָא דַיְיָ וְתַמָן אְרוֹן קְיָמָא דַיְיָ בְיוֹמַיָא הָאִנוּן׃
(1) 82:02	וֻפִינְחָס בַר אַלעָזָר <כהנא#3#> בַר אַהְרֹן קָאֵים קְֹדָמוֹהִי בְיוֹמַיָא הָאִנוּן לְמֵימַר הַאוֹסֵיף עוֹד לְמִפַק לְאָגָחָא קְרָבָא עִם בְנֵי בִניָמִן אְחִי אִם אַתמְנַע וַאְמַר יְיָ סַקוּ אְרֵי מְחַר אַמסְרִנוּן בִידָך׃
(1) 92:02	וְשַוִי יִשׂרָאֵל כָמְנִין עַל גִבעְתָא סְחוֹר סְחוֹר׃
(1) 03:02	וֻסלִיקוּ בְנֵי יִשׂרָאֵל לְוָת בְנֵי בִניָמִין בְיוֹמָא תְלִיתָאָה וְסַדַרוּ קְרָבָא עַל גִבעְתָא כִזמַן בִזמַן׃
(1) 13:02	וֻנפַקוּ בְנֵי בִניָמִין לְקַדָמוּת עַמָא אִתנְגִידוּ מִן קַרתָא וְשָרִיאוּ לְקַטָלָא מִן עַמָא קְטִילִין כִזמַן בִזמַן בְכֵיבַש אוֹרחָתָא דַחְדָא סָלְקָא לְבֵית אֵל וַחְדָא לְגִבעְתָא בְחַקלָא כִתלָתִין גֻברָא בְיִשׂרָאֵל׃
(1) 23:02	וַאְמַרוּ בְנֵי בִניָמִן תְבִירִין אִנוּן קְֹדָמַנָא כַד בְקַדמֵיתָא וֻבנֵי יִשׂרָאֵל אְמַרוּ נֵיפוֹך וְנֵיגוֹדִנוּן מִן קַרתָא לְכִבשַיָא׃
(1) 33:02	וְכָל אְנָש יִשׂרָאֵל קָמוּ מֵאַתרְהוֹן וְסַדַרוּ קְרָבָא בְמֵישְרֵי יְרִיחוֹ וְכָמְנָא יִשׂרָאֵל מְגִיחַ מֵאַתרֵיה מִמֵישַר גִבעְתָא׃
(1) 43:02	וַאְתוֹ מִדָרוֹם לְגִבעְתָא עַסרָא אַלפִין גְבַר עוֹלֵים מִכָל יִשׂרָאֵל וְעָבְדֵי קְרָבָא תְקִיפוּ וְאִנוּן לָא יָדְעִין אְרֵי קְרֵיבַת דְתֵיתֵי לְהוֹן״עְלֵיהון#3#״ בִשתָא׃
(1) 53:02	וְתַבַר יְיָ יָת דְבֵית בִניָמִן קְֹדָם <בני#3#> יִשׂרָאֵל וְחַבִילוּ בְנֵי יִשׂרָאֵל בִדבֵית בִניָמִן בְיוֹמָא הַהוּא עַסרִין וְחַמשָה אַלפִין וֻמאָה גֻברָא כָל אִלֵין שָלְפֵי סֵיפָא׃
(1) 63:02	וַחְזוֹ בְנֵי בִניָמִן אְרֵי אִתְבַרוּ וִיהַבוּ אְנָש״בני#3#״ יִשׂרָאֵל אַתרָא לִדבֵית בִניָמִין אְרֵי אִתרְחִיצוּ עַל כָמְנָא דְשַוִיאוּ עַל גִבעְתָא׃
(1) 73:02	וְכָמְנָא אוֹחִי וְאִתנְגִידוּ עַל גִבעְתָא וְאִתנְגֵיד כָמְנָא וֻמחָא יָת כָל קַרתָא לְפִתגָם דְחָרַב׃
(1) 83:02	וְזִמנָא הְוָה מְתֻקַן לַאְנָש יִשׂרָאֵל עִם כָמְנָא דְיַסגוֹן לְאַסָקָא יְטוּר דְתָנַן מִן קַרתָא׃
(1) 93:02	וְאִתחְזַר אְנָש יִשׂרָאֵל בִקרָבָא וֻדבֵית בִניָמִין שָרִיאוּ לְקַטָלָא קְטִילִין בַאְנָש יִשׂרָאֵל כִתלָתִין גֻברָא אְרֵי אַמרוּ בְרַם מִתבָר תְבִירִין אִנוּן קְֹדָמַנָא כִקרָבָא קַדמָאָה׃
(1) 04:02	וְכָמְנָא שָרִי לְאַסָקָא מִן קַרתָא יְטוּר דְתָנַן וְאִתפנִיאוּ דְבֵית בִניָמִן לַאְחוֹרֵיהוֹן״בתריהון#3#״ וְהָא סְלֵיק תַנְנָא דְקַרתָא לְצֵית שְמַיָא׃
(1) 14:02	וַאְנָש יִשׂרָאֵל אִתחְזַר״אִתהְפֵיך#3#״ וְאִתבְהֵיל אְנָש בִניָמִין אְרֵי חְזָא אְרֵי קְרֵיבַת דְתֵיתֵי לֵיה בִשתָא׃
(1) 24:02	וְאִתפְנִיאוּ קְֹדָם אְנָש יִשׂרָאֵל לְאוֹרַח מַדבְרָא וְעָבְדֵי קְרָבָא אַדבִיקוּנוּן וַאְנָש כָמְנָא קָמוּ מִקִרוֵיהוֹן קָטְלִין בְהוֹן מִכָא וֻמִכָא׃
(1) 34:02	טַלטִילוּ״אסחרו#3#״ יָת דְבֵית בִניָמִין רְדַפוּנוּן מִבֵית נְיָחְהוֹן טְרַדוּנוּן עַד לָקְֹבֵיל גִבעְתָא מִמַדנַח שִמשָא׃
(1) 44:02	וְאִתקְטַלוּ מִדְבֵית בִניָמִן תְמָנַת עְסַר אַלפִין גֻברָא יָת כָל אִלֵין גֻברֵי עָבְדֵי קְרָבָא׃
(1) 54:02	וְאִתפְנִיאוּ וַאְפַכוּ לְמַדבְרָא לְכֵיף רִמוֹן וְאִטְמַרוּ״ואסטמרו#3#״ בְכִבשַיָא חַמשָא אַלפִין גֻברָא וְאַדבִיקוּ בָתְרֵיהוֹן עַד גִדעוֹם וֻקטַלוּ מִנְהוֹן תְרֵין אַלפִין גֻברָא׃
(1) 64:02	וַהְווֹ כָל דְאִתקְטַלוּ מִדְבֵית בִניָמִין עַסרִין וְחַמשָא אַלפִין גֻברָא שָלְפֵי סֵיפָא בְיוֹמָא הַהוּא יָת כָל אִלֵין גֻברֵי עָבְדֵי קְרָבָא׃
(1) 74:02	וְאִתפְנִיאוּ וַאְפַכוּ לְמַדבְרָא לְכֵיף רִמוֹן שֵית מְאָה גֻברָא וִיתִיבוּ בְכֵיף רִמוֹן אַרבְעָה יַרחִין׃
(1) 84:02	וַאְנָש יִשׂרָאֵל תָבוּ לְוָת בְנֵי בִניָמִין וֻמחוֹנוּן לְפִתגָם דְחַרַב מִקִרוֵיהוֹן גַמַרוּנוּן עַד בְעִירָא עַד כָל דְאִשתְכַח אַף כָל קִרוַיָא דְאִשתְכַחָא אוֹקִידוּ בְנוּרָא׃

next chapter