The Comprehensive Aramaic Lexicon

(1) 10:91	וַהְוָה בְיוֹמַיָא הָאִנוּן וֻמַלכָא לֵית בְיִשׂרָאֵל וַהְוָה גֻברָא לֵיוָאָה דָר בִסיָפֵי טוּרָא דְבֵית אַפרַיִם וֻנסֵיב לֵיה אִתְתָא לְחֵינְתָא מִבֵית לַחַם דְבֵית יְהוּדָה׃
(1) 20:91	וֻבַסַרַת עְלוֹהִי לְחֵינְתֵיה וַאְזַלַת מִלְוָתֵיה לְבֵית״לְוָת#3#״ אְבוּהָא לְבֵית לַחַם דְבֵית יְהוּדָה וַהְוָת תַמָן יוֹמִין אַרבְעָה יַרחִין׃
(1) 30:91	וְקָם בַעלַה וַאְזַל בָתְרַהָא לְמַלָלָא עַל לִבַה לְאָתָבוּתַה וְעוּלֵימֵיה עִמֵיה וְזוֹג חְמָרִין וַאְעֵילתֵיה לְבֵית אְבוּהָא וַחְזָהִי אְבוּהָא דְעוּלֵימְתָא וַחְדִי לְקַדָמוּתֵיה׃
(1) 40:91	וְאַתקֵיף בֵיה חְמוּהִי אְבוּהָא דְעוּלֵימְתָא וִיתֵיב עִמֵיה תְלָתָה יוֹמִין וַאְכַלוּ וֻשתִיאוּ וֻבָתוּ תַמָן׃
(1) 50:91	וַהְוָה בְיוֹמָא רְבִיעָאָה וְאַקדִימוּ בְצַפרָא וְקָם לְמֵיזַל וַאְמַר אְבוּהָא דְעוּלֵימְתָא לַחְתָנֵיה סְעוֹד לִבָך פִתָא דְלַחמָא וֻבָתַר כֵן תֵיזְלוּן׃
(1) 60:91	וְאַסחַרוּ״ותבו#3#״ וַאְכַלוּ תַרוֵיהוֹן כַחדָא וֻשתִיאוּ וַאְמַר אְבוּהָא דְעוּלֵימְתָא לְגֻברָא״לְחַתנֵיה#3#״ שָרִי כְעַן וֻבִית וְיִשפַר לִבָך׃
(1) 70:91	וְקָם גֻברָא לְמֵיזַל וְאַתקֵיף בֵיה חְמוּהִי וְתָב וֻבָת תַמָן׃
(1) 80:91	וְאַקדֵים בְצַפרָא בְיוֹמָא חְמִישָאָה לְמֵיזַל וַאְמַר אְבוּהָא דְעוּלֵימְתָא סְעוֹד כְעַן לִבָך וְאִתעַכַבוּ עַד מִפנֵי יוֹמָא וַאְכַלוּ תַרוֵיהוֹן׃
(1) 90:91	וְקָם גֻברָא לְמֵיזַל הוּא וֻלחֵינְתֵיה וְעוּלֵימֵיה וַאְמַר לֵיה חְמוּהִי אְבוּהָא דְעוּלֵימְתָא הָא כְעַן פְנָא יוֹמָא <דין#3#> לְמִערַב בִיתוּ כְעַן הָכָא״הָא#3#״ לְחוֹד״לחוד נְחַת#3#״לחוד ברם#3#״ יוֹמָא <דין#3#> בִית כָא״הָכָא#2#״ וְיִשפַר לִבָך וְתַקדְמוּן מְחַר לְאוֹרַחכוֹן וֻתהָך לְקִרוָך׃
(1) 01:91	וְלָא אְבָא גֻברָא לִמבָת וְקָם וַאְזַל וַאְתָא עַד לָקְֹבֵיל יְבוּס הִיא יְרוּשלַם וְעִמֵיה זוֹג חְמָרִין חַשִיקִין וֻלחֵינְתֵיה עִמֵיה׃
(1) 11:91	אִנוּן עִם יְבוּס וְיוֹמא מְאַך לַחדָא וַאְמַר עוּלֵימָא לְרִבוֹנֵיה אֵיתַא כְעַן וֻנזוּר לְקַרתָא דִיבוּסָאָה הָדָא וֻנבִית בַה׃
(1) 21:91	וַאְמַר לֵיה רִבוֹנֵיה לָא נְזוּר לְקִריַת בְנֵי עַמְמַיָא דְלָא מִבְנֵי יִשׂרָאֵל אִנוּן וְנִתמְטֵי עַד גִבעְתָא׃
(1) 31:91	וַאְמַר לְעוּלֵימֵיה אֵיתַא וְנִתקְרַב \בְחַד מִן אַתרַיָא ״בחדא מן קירויא#3#״ וֻנבִית בְגִבעְתָא אוֹ בְרָמְתָא׃
(1) 41:91	וַעְבַרוּ וַאְזַלוּ וְעַלַת לְהוֹן שִמשָא בִסטַר גִבעְתָא דִלשֵיבַט בִניָמִין׃
(1) 51:91	וְזָרוּ לְתַמָן לְמֵיעַל לִמבָת בְגִבעְתָא וַאְתָא וִיתֵיב בִרחוֹבָא דְקַרתָא וְלֵית אְנָש דְכָנֵיש יָתְהוֹן״להון#3#״ לְבֵיתָא לִמבָת׃
(1) 61:91	וְהָא גֻברָא סָבָא אְתָא מִן עְבִידְתֵיה מִן חַקלָא בְרַמשָא וְגֻברָא מִטוּרָא דְבֵית אַפרַיִם וְהוּא דָאַר בְגִבעְתָא וַאְנָשֵי אַתרָא בְנֵי״מן#3#״ שִבטָא דְבֵית בִניָמִין׃
(1) 71:91	וֻזקַף עֵינוֹהִי וַחְזָא יָת גֻברָא דְאָרַח בִרחוֹבָא דְקַרתָא וַאְמַר גֻברָא סָבָא לְאָן אַתְ אָזֵיל וֻמנָן״וֻלאָן#3#״ אַתְ אָתֵי׃
(1) 81:91	וַאְמַר לֵיה עָבְרִין אְנַחנָא מִבֵית לַחַם דְבֵית יְהוּדָה עַד סְיָפֵי טוּרָא דְבֵית אַפרַיִם מִתַמָן אְנָא וַאְזַלִית עַד בֵית לַחַם דְבֵית יְהוּדָה וֻלבֵית מַקדְשָא דַיְיָ אְנָא אָזֵיל וְלֵית אְנָש״גברא#3#״ דְכָנֵיש יָתִי לְבֵיתָא׃
(1) 91:91	וְאַף תִבנָא אַף כִסְתָא אִית לַחְמָרַנָא וְאַף לְחֵים וַחְמַר״ויין#3#״ אִית לִי וֻלאַמתָך וֻלעוּלֵימָא דְעִם עַבדָך לֵית חֻסרָן כָל מִדָעַם׃
(1) 02:91	וַאְמַר גֻברָא סָבָא שְלָם לָך לְחוֹד כָל חֻסרָנָך עְלָי לְחוֹד בִרחוֹבָא לָא תְבִית׃
(1) 12:91	וְאַעְלֵיה לְבֵיתֵיה וֻרמָא כִסְתָא לַחְמָרַיָא וְאַסחִיאוּ רַגלֵיהוֹן וַאְכַלוּ וֻשתִיאוּ׃
(1) 22:91	אִנוּן מֵיטִיבִין יָת לִבְהוֹן וְהָא אְנָשֵי קַרתָא גֻברֵי בְנֵי רִשעָא אַקִיפוּ״דָחְקִין#3#״ יָת״על#3#״ בֵיתָא דָחְקִין לְמִתבַר דַשָא וַאְמַרוּ לְגֻברָא מָרֵיה דְבֵיתָא סָבָא לְמֵימַר אַפֵיק יָת גֻברָא דְעָל לְבֵיתָך וְנִדְעִנֵיה׃
(1) 32:91	וֻנפַק לְוָתְהוֹן גֻברָא מָרֵיה דְבֵיתָא וַאְמַר לְהוֹן בְבָעוּ <כען#3#> אַחַי לָא תַבאְשוּן כְעַן בָתַר דְעָל גֻברָא הָדֵין לְבֵיתִי לָא תַעבְדוּן יָת קְלָנָא הָדֵין׃
(1) 42:91	הָא בְרַתִי בְתוּלְתָא וֻלחֵינְתֵיה אַפֵיק כְעַן יָתְהוֹן וְעַנוֹ יָתְהוֹן וַעְבִידוּ לְהוֹן דְתָקֵין בְעֵינֵיכוֹן וֻלגֻברָא הָדֵין לָא תַעבְדוּן עֵיסַק קְלָנָא הָדֵין׃
(1) 52:91	וְלָא אְבוֹ גֻברַיָא לְקַבָלָא מִנֵיה וְאַתקֵיף גֻברָא בִלחֵינְתֵיה וְאַפֵיק לְוָתְהוֹן לְבָרָא וִידַעוּ יָתַה וְאִתלָעַבוּ בַה כָל לֵיליָא עַד צַפרָא וְשַלַחוּהָא כְמִסַק צַפרָא׃
(1) 62:91	וַאְתָת אִתְתָא לְמִפנֵי צַפרָא וֻנפַלַת בִתרַע בֵית גֻברָא דְרִבוֹנַה תַמָן עַד דִנהַר׃
(1) 72:91	וְקָם רִבוֹנַה בְצַפרָא וֻפתַח דַשֵי בֵיתָא וֻנפַק לְמֵיזַל לְאוֹרחֵיה וְהָא אִתְתָא לְחֵינְתֵיה רָמיָא בִתרָע בֵיתָא וִידַהָא מַחְתָן עַל סִפָא׃
(1) 82:91	וַאְמַר לַה קוּמִי וְנֵיזֵיל וְלָא״לית#3#״ מְתִיבָא וְנַסבַה עַל חְמָרָא וְקָם גֻברָא וַאְזַל לְאַתרֵיה׃
(1) 92:91	וַאְתָא לְבֵיתֵיה וֻנסֵיב יָת סַכִינָא וְאַתקֵיף״וַאְחַד#3#״ בִלחֵינְתֵיה וְהַדְמַה לְאַברַהָא לִתרֵי עְסַר אַברִין וְשַלְחַה בְכָל תְחוּם אַרעָא דְיִשׂרָאֵל׃
(1) 03:91	וַהְוָה כָל דְחָזֵי לַה וַאְמַר לָא הְוָת וְלָא אִתַחזִיאַת כְהָדָא לְמִיוֹמָא דִסלִיקוּ״דִנפַקוּ#3#״ בְנֵי יִשׂרָאֵל מֵאַרעָא דְמִצרַיִם עַד יוֹמָא הָדֵין שַווֹ לִבְכוֹן עְלַה אִתיְעִיצוּ וֻמַלִילוּ׃

next chapter