H The Comprehensive Aramaic Lexicon

CAL CODE HELP CLICK HERE
click on the file description for more information

51007: TgJ Ju

click on a word for lexical analysis
Click on a red-colored coordinate for comments and/or translations of the line

previous chapter


(1) 10:81 בְיוֹמַיָא הָאִנוּן לֵית מַלכָא בְיִשׂרָאֵל וֻביוֹמַיָא הָאִנוּן שִבטָא דְבֵית דָן בָעַן לְהוֹן אַחסָנָא לְמִתַב אְרֵי לָא אִתפְלֵיגַת לֵיה עַד יוֹמָא הַהוּא בְגוֹ שִבטַיָא דְיִשׂרָאֵל בְאַחסָנָא׃
(1) 20:81 וֻשלַחו בְנֵי דָן מִזַרעְיָתְהוֹן חַמשָה גֻברִין מִקצָתְהוֹן גֻברִין בְנֵי חֵילָא מִצָרעָה וֻמֵאַשתָאוֹל לְאַלָלָא יָת אַרעָא וֻלמִבדְקַה וַאְמַרוּ לְהוֹן אִיזִילוּ בְדוּקוּ יָת אַרעָא וַאְתוֹ לְטוּרָא דְבֵית אַפרַיִם עַד בֵית מִיכָה וֻבָתוּ תַמָן׃
(1) 30:81 אִנוּן עִם״עד#3#״ בֵית מִיכָה וְאִנוּן אִשתְמוֹדַעוּ יָת קָל עוּלֵימָא לֵיוָאָה וְזָרוּ לְתַמָן וַאְמַרוּ לֵיה מַן״מא#3#״ אֵיתְיָך הָלְכָא״הכא#3#״ וֻמָא אַתְ עָבֵיד כָא וֻמָא לָך כְדֵין׃
(4) 30:81 אינון מטו עד בית מיכה ואינון אישתמודעו ית בסימות קלא דעולימא וזרו לוותיה לתמן ואמרו ליה מא אייתיך הלכא למיפלח פולחנא נוכראה הלא מן משה צדיקא אתיתיא דאיתאמר ליה לא תקרב הלכא ומה את עביד הכא קורבנא לפולחנא נוכראה הלא מן משה חסידא אתיתא דאיתאמר ליה ארי דין משה גברא ומא לך כדין למיהוי כומר לפיסלא הלא מן משה עינוותנא אתיתא דאיתאמר ליה ואת הכא קום גביי
(1) 40:81 וַאְמַר לְהוֹן כְדֵין וֻכדֵין עְבַד לִי מִיכָה וְאַגרַנִי וַהְוֵית לֵיה לְכָהִין״לכומרא#3#״׃
(4) 40:81 ואמר להון כדין אנא נחתית מנכסאי וגמירנא דיאה לגברא לאוגורי גרמיה לפולחנא נוכראה מלמיצטרכא לבירייתא והכדין עבד מיכה ואגרני והוית ליה לכהין
(1) 50:81 וַאְמַרוּ לֵיה שְאַל כְעַן בְמֵימְרָא דַיְיָ וְנִדַע הְתַצלַח אוֹרחָתַנָא דַאְנַחנָא אָזְלִין עְלַה׃
(1) 60:81 וַאְמַר לְהוֹן כָהְנָא אִיזִילוּ לִשלָם אַתקֵין״אצלח#3#״ יְיָ אוֹרַחכוֹן דִתהָכוּן בַה׃
(1) 70:81 וַאְזַלוּ חַמשָה גֻברִין וַאְתוֹ לְלַיִש וַחְזוֹ יָת עַמָא דִבגַוַה יָתְבִין לְרֻחצָן כְהִלכָת צִידוֹנָאֵי דְשָקְטִין וְשָרַן לְרֻחצָן וְלֵית דְמַנזֵיק פִתגָמָא בְאַרעָא יָרוֹתִין זְעֵירִין וְרַחִיקִין אִנוּן מִצִידוֹנָאֵי וֻפִתגָם לֵית לְהוֹן עִם אְנָש׃
(1) 80:81 וַאְתוֹ לְוָת אְחֵיהוֹן לְצָרעָה וֻלאַשתָאוֹל וַאְמַרוּ לְהוֹן אְחֵיהוֹן מָא אַתוּן <אמרין#3#>׃
(1) 90:81 וַאְמַרוּ קוּמוּ וְנִסַק עְלֵיהוֹן אְרֵי חְזֵינָא יָת אַרעָא וְהָא טָבָא לַחדָא וְאַתוּן שָתְקִין לָא תִתרַשְלוּן לְמֵיזַל לְמֵיעַל לְמֵירַת יָת אַרעָא׃
(1) 01:81 כְמֵיתֵיכוֹן תֵיעְלוּן לְוָת עַמָא דְשָרַן לְרֻחצָן וְאַרעָא פַתיוּת יְדִין אְרֵי מַסרַה יְיָ <אלהכון#3#> בְיַדכוֹן אַתרָא דְלֵית תַמָן חֻסרָן כָל מִדָעַם דִבאַרעָא׃
(1) 11:81 וֻנטַלוּ מִתַמָן מִזַרעִית <שבטא#3#> דָן מִצָרעָה וֻמֵאַשתָאוֹל שֵית מְאָה גֻברָא מְזָרְזִין בְמָנֵי קְרָבָא׃
(1) 21:81 וֻסלִיקוּ וֻשרוֹ בְקִריַת יְעָרִים בְאַרעָא דְבֵית יְהוּדָה עַל כֵן קְרוֹ לְאַתרָא הַהוּא מַשרְיָת דָן עַד יוֹמָא הָדֵין הָא הִיא אְחוֹרֵי קִריַת יְעָרִים׃
(1) 31:81 וַעְבַרוּ מִתַמָן לְטוּרָא דְבֵית אַפרָיִם וַאְתוֹ עַד בֵית מִיכָה׃
(1) 41:81 וַאְתִיבוּ חַמשָה גֻברַיָא דַאְזַלוּ לְאַלָלָא יָת אַרעָא לַיִש וַאְמַרוּ לַאְחֵיהוֹן הַיְדַעתוּן אְרֵי אִית בְבָתַיָא הָאִלֵין אֵפוֹד וֻדמָאִין״וצלמניא#3#״ וְצֵילַם וֻמַתְכָא וֻכעַן דַעוּ מָא תַעבְדוּן׃
(1) 51:81 וְזָרוּ לְתַמָן וְעָלוּ״ואתו#3#״ לְבֵית״לות#3#״ עוּלֵימָא לֵיוָאָה לְבֵית מִיכָה וֻשאִילוּ לֵיה לִשלָם׃
(1) 61:81 וְשֵית מְאָה גֻברָא מְזָרְזִין בְמָנֵי קְרָבֵיהוֹן קָיְמִין בְמַעְלַנָא דְתַרעָא דְמִשֵיבַט בְנֵי דָן׃
(1) 71:81 וֻסלִיקוּ חַמשָה גֻברַיָא דַאְזַלוּ לְאַלָלָא יָת אַרעָא עָלוּ״אתו#3#״ לְתַמָן נְסִיבוּ יָת צַלמָא וְיָת אֵיפוֹדָא וְיָת דְמָאִין וְיָת מַתְכָא וְכָהְנָא״וכומרא#3#״ קָאֵים בְמַעְלַנָא דְתַרעָא וְשֵית מְאָה גֻברָא דִמזָרְזִין בְמָנֵי קְרָבָא׃
(1) 81:81 וְאִלֵין עָלוּ לְבֵית מִיכָה וֻנסִיבוּ יָת צֵילַם אֵיפוֹדָא וְיָת דְמָאִין״צלמניא#3#״ וְיָת מַתְכָא וַאְמַר לְהוֹן כָהְנָא״כומרא#3#״ מָא אַתוּן עָבְדִין׃
(1) 91:81 וַאְמַרוּ לֵיה שְתוֹק שַוִי יְדָך עַל פוּמָך וְאִיזֵיל״ואיתא#2#״ עִמַנָא וַהְוֵי לַנָא לְאָב וֻלכָהִין הְטָב דִתהֵי כָהִין״כומרא#3#״ לְבֵית גְבַר חַד אוֹ דִתהֵי כָהִין לְשֵיבַט וֻלזַרעִי בְיִשׂרָאֵל׃
(1) 02:81 וֻשפַר לִבָא דְכָהְנָא״דכומרא#3#״ וֻנסֵיב יָת אֵיפוֹדָא וְיָת דְמָאִין״צלמניא#3#״ וְיָת צַלמָא״מתכתא#2#״ וְעָל בְגוֹ עַמָא׃
(1) 12:81 וְאִתפְנִיאוּ וַאְזַלוּ וְשַוִיאוּ יָת טַפלָא וְיָת בְעִירָא וְיָת קִניָנָא קְֹדָמֵיהוֹן׃
(1) 22:81 אִנוּן אַרחִיקוּ מִבֵית מִיכָה וְגֻברַיָא דִבבָתַיָא דְעִם בֵית מִיכָה אִתכְנִישוּ וְאַדבִיקוּ יָת בְנֵי דָן׃
(1) 32:81 וֻקרוֹ לִבנֵי דָן וְאַסחַרוּ אַפֵיהוֹן וַאְמַרוּ לְמִיכָה מָא לָך אְרֵי אִתכְנֵישתָא׃
(1) 42:81 וַאְמַר יָת דַחלְתִי דַעְבַדִית נְסֵיבתוּן וֻדבַרתוּן יָת כָהְנָא״כומרא#3#״ וַאְזַלתוּן וֻמָא לִי עוֹד וֻמָא דֵין אַתוּן אָמְרִין לִי מָא לָך׃
(1) 52:81 וַאְמַרוּ לֵיה בְנֵי דָן לָא תַשמַע קָלָך עִמַנָא דִלמָא יִשלְטוּן בְכוֹן גֻברִין מָרִירֵי נַפשָן וֻתסִיף נַפשָך וֻנפַש אְנָש בֵיתָך׃
(1) 62:81 וַאְזַלוּ בְנֵי דָן לְאוֹרַחהוֹן וַחְזָא מִיכָה אְרֵי תַקִיפִין אִנוּן מִנֵיה וְאִתפְנִי וְתָב לְבֵיתֵיה׃
(1) 72:81 וְאִנוּן נְסִיבוּ יָת דַעְבַד מִיכָה וֻדבַרוּ יָת כָהְנָא״כומרא#3#״ דַהְוָה לֵיה וַאְתוֹ עַל״עד#3#״ לַיִש עַל עַמָא דְשָקְטִין וְשָרַן לְרֻחצָן וֻמחוֹ יָתְהוֹן לְפִתגָם דְחָרַב וְיָת קַרתָא אוֹקִידוּ בְנוּרָא׃
(1) 82:81 וְלֵית דִמשֵיזֵיב אְרֵי רַחִיקִין אִנוּן מִצִידוֹנָאֵי וֻפִתגָם לֵית לְהוֹן עִם אְנָש וְאִנוּן בְמֵישְרָא דִלבֵית רְחוֹב וֻבנוֹ יָת קַרתָא וִיתִיבוּ בַה׃
(1) 92:81 וֻקרוֹ שְמַה דְקַרתָא דָן בְשוֹם דָן אְבוּהוֹן דְאִתיְלֵיד לְיִשׂרָאֵל וֻברַם לַיִש שְמַה דְקַרתָא מִלְקַדמִין׃
(1) 03:81 וַאְקִימוּ לְהוֹן בְנֵי דָן יָת צַלמָא וִיהוֹנָתָן בַר גֵרְשוֹם בַר מְנַשַה הוּא וֻבנוֹהִי הְווֹ כוּמרִין לְשִבטָא דְבֵית״דבני#3#״ דָן עַד יוֹמָא דִגלוֹ יָתְבֵי אַרעָא׃
(1) 13:81 וְשַוִיאוּ לְהוֹן יָת צֵילַם מִיכָה דַעְבַד כָל יוֹמִין דַהְוָה קַיָים בֵית מַקדְשָא דַיְיָ בְשִילוֹ׃

next chapter