The Comprehensive Aramaic Lexicon

(1) 10:61	וַאְזַל שִמשוֹן לְעַזָת וַחְזָא תַמָן אִתְתָא פֻנדְקֵיתָא וְעָל לְוָתַה׃
(1) 20:61	לְעַזָתָאֵי אִתחַוַה לְמֵימַר אְתָא שִמשוֹן הָלְכָא וְאַסחַרוּ וֻכמַנוּ לֵיה כָל לֵיליָא בְמַעְלַנָא דִתרַע קַרתָא וֻשתִיקוּ <ליה#3#> כָל לֵיליָא לְמֵימַר עַד מֵיהַר״ניהור#3#״מהוי#3#״מיסק מינהר#3#״ צַפרָא וְנִקטְלִנֵיה׃
(1) 30:61	וֻשכֵיב שִמשוֹן עַד פַלגוּת לֵיליָא וְקָם בְפַלגוּת לֵיליָא וַאְחַד בְדַשֵי תְרַע קַרתָא וֻבִתרֵין סִפַיָא וֻנטַלִנוּן עִם עָבְרָא וְשַוִי עַל כַתפוֹהִי וְאַסֵיקִנוּן לְרֵיש טוּרָא דְעַל אַפֵי חַברוֹן׃
(1) 40:61	וַהְוָה בָתַר כֵין וֻרחֵים אִתְתָא בְנַחלָא דְסוֹרֵק וֻשמַה דְלִילָה׃
(1) 50:61	וֻסלִיקוּ לְוָתַה טֻרנֵי פְלִשתָאֵי וַאְמַרוּ לַה שַדִילִי יָתֵיה וַחזִי בְמָא חֵילֵיה סַגִי״רבא#3#״ וֻבמָא נִכוֹל לֵיה וְנֵיסְרִנֵיה לְעַנָיוּתֵיה וַאְנַחנָא נִתֵין לִיך לִגבַר אַלַף וֻמאָה סִלעִין דִכסַף׃
(1) 60:61	וַאְמַרַת דְלִילָה לְשִמשוֹן חַוִי כְעַן לִי בְמָא חֵילָך סַגִי וֻבמָא תִתאְסַר לְעַנָיוּתָך׃
(1) 70:61	וַאְמַר לַה שִמשוֹן אִם יֵיסְרוּנַנִי בְשִבעָה יַתרִין״אטונין#3#״ רַטִיבִין דְלָא יְבִישוּ וְאַחלוּש וְאַהְוֵי כְחַד מִבְנֵי אְנָשָא׃
(1) 80:61	וְאַסִיקוּ לַה טֻרנֵי פְלִשתָאֵי שִבעָה יַתרִין רַטִיבִין דְלָא יְבִישוּ וַאְסַרתֵיה בְהוֹן׃
(1) 90:61	וְכָמְנָא יָתֵיב לַה בְאִדְרוֹן בֵית מִשכְבָא וַאְמַרַת לֵיה פְלִשתָאֵי אְתוֹ עְלָך שִמשוֹן וֻפַסֵיק יָת יַתרַיָא כְמָא דְמִתפְסֵיק חוּטָא דְכִתָנָא דְאָרַח בֵיה נוּרָא וְלָא אִתיְדַע חֵילֵיה׃
(1) 01:61	וַאְמַרַת דְלִילָה לְשִמשוֹן הָא שַקַרתְ בִי וֻמַלֵילתְ עִמִי כַדבִין כְעַן חַוִי כְעַן לִי בְמָא תִתאְסַר׃
(1) 11:61	וַאְמַר לַה אִם מֵיסָר יֵיסְרוּנַנִי בִגדִילָן חְדַתָן דְלָא אִתעְבֵידַת בְהוֹן עְבִידְתָא וְאַחלוֹש וְאַהְוֵי כְחַד מִבְנֵי אְנָשָא׃
(1) 21:61	וֻנסֵיבַת דְלִילָה גְדִילָן חְדַתָן וַאְסַרתֵיה בְהוֹן וַאְמַרַת לֵיה פְלִשתָאֵי אְתוֹ עְלָך שִמשוֹן וֻכָמְנָא יָתֵיב בְאִדְרוֹן בֵית מִשכְבָא וֻפסַקִנוּן מֵעַל דְרָעוֹהִי כְחוּטָא׃
(1) 31:61	וַאְמַרַת דְלִילָה לְשִמשוֹן עַד הָכָא שַקַרתְ בִי וֻמַלֵילתְ עִמִי כַדבִין חַוִי <כען#3#> לִי בְמָא תִתאְסַר וַאְמַר לַה אִם תִשתַן״תמחן#3#״ יָת שְבַע גְדִילָת רֵישִי עִם אַכסָנָא בְמַשתִיתָא׃
(1) 41:61	וֻנקַשַת בְסִכְתָא וַאְמַרַת לֵיה פְלִשתָאֵי אְתוֹ עְלָך שִמשוֹן וְאִתְעַר מִשִנתֵיה וֻנטַל יָת אַכסָן״סיכתא#3#״ דְגַרדְיָאִין וְיָת מַשתִיתָא׃
(1) 51:61	וַאְמַרַת לֵיה אֵיכְדֵין תֵימַר רְחֵימתִיך וְלִבָך לִית עִמִי דְנָן תְלָת זִמנִין שַקַרתְ בִי וְלָא חַוִית לִי בְמָא חֵילָך סַגִי״רבא#3#״׃
(1) 61:61	וַהְוָה כַד אַעֵיקַת לֵיה בְפִתגָמַהָא כָל יוֹמַיָא וֻדחַקתֵיה וְעַקַת נַפשֵיה לִמְמָת׃
(4) 61:61	ואישתמיטת מתחותוהי בעידן תשמישותיה ודחקתיה
(1) 71:61	וְחַוִי לַה יָת כָל לִבֵיה וַאְמַר לַה מִספַר לָא עְדָא״סליק#3#״ עַל רֵישִי אְרֵי נְזִירָא דַיְיָ אְנָא מִבַטנָא דְאִמִי אִם אְגַלַח וְיִעדֵי מִנִי חֵילִי וְאַחלוֹש וְאַהְוֵי כְכָל״ככל כחד מן בני#3#״ככל בני#3#״ אְנָשָא׃
(1) 81:61	וַחְזָת דְלִילָה אְרֵי חַוִי לַה יָת כָל לִבֵיה וֻשלַחַת וֻקרָת לְטֻרנֵי פְלִשתָאֵי לְמֵימַר סַקוּ <ברם#3#> זִמנָא הָדָא אְרֵי חַוִי לִי יָת כָל לִבֵיה וֻסלִיקוּ לְוָתַה טוּרנֵי פְלִשתָאֵי וְאַסִיקוּ כַספָא בְיַדהוֹן׃
(1) 91:61	וְאַשכֵיבתֵיה עַל בִרכַהָא וֻקרָת לְגֻברָא וֻגדַעַת״וֻגרַעַת#3#״ יָת שְבַע גְדִילָת רֵישֵיה וְשָרִיאַת לְעַנָיוּתֵיה \וַעְדָא חֵילֵיה ״ותש חיליה#3#״ מִנֵיה׃
(1) 02:61	וַאְמַרַת פְלִשתָאֵי אְתוֹ עְלָך שִמשוֹן וְאִתְעַר מִשִנתֵיה וַאְמַר אַפוֹק כִזמַן בִזמַן וְאַתגַבַר וְהוּא לָא יְדַע אְרֵי גְבוּרְתָא דַיְיָ עְדָת מִנֵיה׃
(1) 12:61	וְאַחדוּהִי פְלִשתָאֵי וְנַקַרוּ״וסנוורו#3#״ יָת עֵינוֹהִי וְאַחִיתוּ יָתֵיה לְעַזָת וְאַסרוּהִי בְשֵישְלָן דִנחָש וַהְוָה טָחֵין רִחיָא בְבֵית אְסִירֵי׃
(4) 12:61	משמש ערסן בנשי פלישתאי בבית אסירי
(1) 22:61	וְשָרִי סְעַר רֵישֵיה לְצַמָחָא בָתַר דְאִתגַלַח׃
(1) 32:61	וְטוּרנֵי פְלִשתָאֵי אִתכְנִישוּ לְדַבָחָא דֵיבַח רַב לְדָגוֹן טָעוּתְהוֹן וֻלחַדוָא וַאְמַרוּ מְסַרַת דַחלַתנָא בִידַנָא יָת שִמשוֹן בְעֵיל דְבָבַנָא׃
(1) 42:61	וַחְזוֹ יָתֵיה עַמָא וְשַבַחוּ יָת טָעוּתְהוֹן אְרֵי אְמַרוּ מְסַרַת דַחלַתנָא בִידַנָא יָת בְעֵיל דְבָבַנָא וְיָת מַחרֵיב אַרעַנָא וֻדאַסגִי יָת קְטִילַנָא׃
(1) 52:61	וַהְוָה כַד שְפַר״טָב#3#״ לִבְהוֹן וַאְמַרוּ קְרוֹ לְשִמשוֹן וִיחָיֵך לַנָא וֻקרוֹ לְשִמשוֹן מִבֵית אְסִירַיָא וְחָיֵיך קְֹדָמֵיהוֹן וַאְקִימוּ יָתֵיה בֵין עַמוּדַיָא׃
(1) 62:61	וַאְמַר שִמשוֹן לְעוּלֵימָא דְמַתקֵיף בִידֵיה שְבוֹק מִנִי וַאְמֵישנִי יָת עַמוּדַיָא דְבֵיתָא מְתֻקַן עְלֵיהוֹן וְאַסתְמֵיך עְלֵיהוֹן׃
(1) 72:61	וֻבֵיתָא מְלֵי גֻברַיָא וֻנשַיָא וְתַמָן כֹל טוּרנֵי פְלִשתָאֵי וְעַל אִיגָרָא כִתלָתָה אַלפִין גְבַר וְאִתָא דְחָזַן בְחוֹכָא דְשִמשוֹן׃
(1) 82:61	וְצַלִי שִמשוֹן קְֹדָם יְיָ וַאְמַר יְיָ אְלֹהִים יֵיעוֹל דֻכרָנִי <כען#3#> קְֹדָמָך וְתַקֵיפנִי כְעַן בְרַם זִמנָא הָדָא יְיָ וְאַתפְרָע פוֹרעָנוּ חְדָא מִתַרתֵין עֵינַי דְנַקַרוּ <לי#3#> פְלִשתָאֵי׃
(1) 92:61	וַאְחַד שִמשוֹן יָת תְרֵין עַמוּדַיָא מְצִיעָאֵי דְבֵיתָא מְתֻקַן עְלֵיהוֹן וְאִסתְמֵיך עְלֵיהוֹן חַד בְיַמִינֵיה וְחַד בִסמָלֵיה׃
(1) 03:61	וַאְמַר שִמשוֹן תְמוּת נַפשִי עִם פְלִשתָאֵי וֻנגַד בְחֵילָא וֻנפַל בֵיתָא עַל טוּרנַיָא וְעַל כָל עַמָא דְבֵיה וַהְווֹ קְטִילַיָא״מִיתַיָא#3#״ דִקטַל בְמוֹתֵיה סַגִיאִין מִדִקטַל בְחַיוֹהִי׃
(1) 13:61	וֻנחַתוּ אְחוֹהִי וְכָל בֵית אְבוּהִי וֻנטַלוּ יָתֵיה וֻסלִיקוּ וֻקבַרוּ יָתֵיה בֵין צָרעָה וֻבֵין אַשתָאוֹל בְקַברָא דְמָנוֹחַ אְבוּהִי וְהוּא דָן יָת יִשׂרָאֵל עַסרִין שְנִין׃

next chapter