H The Comprehensive Aramaic Lexicon

CAL CODE HELP CLICK HERE
click on the file description for more information

51007: TgJ Ju

click on a word for lexical analysis
Click on a red-colored coordinate for comments and/or translations of the line

previous chapter


(1) 10:31 וְאוֹסִיפוּ בְנֵי יִשׂרָאֵל לְמַעְבַד דְבִיש קְֹדָם יְיָ וֻמסַרִנוּן יְיָ בְיַד פְלִשתָאֵי אַרבְעִין שְנִין׃
(1) 20:31 וַהְוָה גֻברָא חַד מִצָרעָה מִזַרעִית דָן וֻשמֵיה מָנוֹחַ וְאִתְתֵיה עַקרָא וְלֵית לַה וְלַד׃
(1) 30:31 וְאִתַחזִי מַלאְכָא דַיְיָ לְאִתְתָא וַאְמַר לַה הָא כְעַן אַתְ עַקרָא וְלֵית לִיך וְלַד וֻתעַדַן וֻתלִידִין בַר׃
(1) 40:31 וֻכעַן אִסתְמַרִי כְעַן וְלָא תִשתַן חְמַר חְדַת וְעַתִיק וְלָא תֵיכְלִין כָל מְסָאַב׃
(1) 50:31 אְרֵי הָא אַתְ מְעַדְיָא וֻתלִידִין בַר וֻמִספַר לָא יִעבַר עַל רֵישֵיה אְרֵי נְזִירָא דַיְיָ יְהֵי רָביָא מִן בַטנָא וְהוּא יְשָרֵי לְמִפרַק יָת יִשׂרָאֵל מִיְדָא דִפלִשתָאֵי׃
(1) 60:31 וַאְתָת אִתְתָא וַאְמַרַת לְבַעלַה לְמֵימַר נְבִיָא דַיְיָ אְתָא לְוָתִי וְחַזוֵיה כְחֵיזוּ מַלאְכָא דַיְיָ חַסִין לַחדָא וְלָא שְאִלתֵיה אֵי מִדֵין הוּא וְיָת שְמֵיה לָא חַוִי לִי׃
(1) 70:31 וַאְמַר לִי הָא אַתְ מְעַדְיָא וֻתלִידִין בַר וֻכעַן לָא תִשתַן חְמַר חְדַת וְעַתִיק וְלָא תֵיכְלִין כָל <מידעם#3#> מְסָאַב אְרֵי נְזִירָא דַיְיָ יְהֵי רָביָא מִן בַטנָא עַד יוֹם מוֹתֵיה׃
(4) 70:31 ולא תיכלין כל מדעם לצרוך עידוי דמתיל למסאב
(1) 80:31 וְצַלִי מָנוֹחַ קְֹדָם יְיָ וַאְמַר בְבָעוּ יְיָ נְבִיָא דַיְיָ דִשלַחתָא יֵיתֵי כְעַן עוֹד לְוָתַנָא וְיַלְפִנַנָא מָא נַעְבֵיד לְרָביָא דְיִתיְלֵיד׃
(1) 90:31 וְקַבֵיל״ושמיע קדם#3#״ יְיָ צְלוֹתֵיה דְמָנוֹחַ וַאְתָא מַלאְכָא דַיְיָ עוֹד לְוָת אִתְתָא וְהִיא יָתְבָא בְחַקלָא וֻמָנוֹחַ בַעלַה לֵית עִמַה׃
(1) 01:31 וְאוֹחִיאַת אִתְתָא וֻרהַטַת וְחַוִיאַת לְבַעלַה וַאְמַרַת לֵיה הָא אִתַחזִי לִי גֻברָא דַאְתָא בְיוֹמָא דֵיכִי לְוָתִי׃
(1) 11:31 וְקָם וַאְזַל מָנוֹחַ בָתַר אִתְתֵיה וַאְתָא לְוָת גֻברָא וַאְמַר לֵיה הְאַתְ גֻברָא דְמַלֵילתָא עִם אִתְתָא וַאְמַר אְנָא׃
(1) 21:31 וַאְמַר מָנוֹחַ כְעַן יִתקַיְימוּן פִתגָמָך מָא יְהֵי דְחָזֵי לְרָביָא״למיעבד לעולימא#3#״ וֻמָא נַעְבֵיד לֵיה׃
(1) 31:31 וַאְמַר מַלאְכָא דַיְיָ לְמָנוֹחַ מִכֹל דְאַמַרִית לְאִתְתָא תִסתְמַר׃
(1) 41:31 מִכֹל דְיִפוֹק מִגֻפנָא דְחַמרָא לָא תֵיכוֹל וַחְמַר חְדַת וְעַתִיק לָא תִשתֵי וְכָל מְסָאַב לָא תֵיכוֹל כָל דְפַקֵידתַה תִטַר׃
(1) 51:31 וַאְמַר מָנוֹחַ לְמַלאְכָא דַיְיָ נֵיחוֹד כְעַן יָתָך וְנעְבֵיד קְֹדָמָך גַדיָא בַר עִזֵי׃
(1) 61:31 וַאְמַר מַלאְכָא דַיְיָ לְמָנוֹחַ אִם תֵיחְדִנַנִי לָא אֵיכוֹל בְלַחמָך וְאִם תַעְבֵיד עְלָתָא קְֹדָם יְיָ תַסְקִנַה אְרֵי לָא יְדַע מָנוֹחַ אְרֵי מַלאְכָא דַיְיָ הוּא׃
(1) 71:31 וַאְמַר מָנוֹחַ לְמַלאְכָא דַיְיָ מַן שְמָך אְרֵי יִתקַיְימוּן״יֵיהֵי#3#״ פִתגָמָך וֻניַקְרִנָך׃
(1) 81:31 וַאְמַר לֵיה מַלאְכָא דַיְיָ לְמָא דְנָן״דא#3#״ אַתְ שָאֵיל לִשמִי וְהוּא מְפָרַש׃
(1) 91:31 וֻנסֵיב מָנוֹחַ יָת גַדיָא בַר עִזֵי וְיָת תִקרוּבתָא וְאַסֵיק עַל טִנָרָא קְֹדָם יְיָ וֻמפָרֵיש לְמַעְבַד וֻמָנוֹחַ וְאִתְתֵיה חָזַן׃
(1) 02:31 וַהְוָה בְמִסַק שַלהוֹבִיתָא מֵעִלָוֵי מַדבְחָא לְצֵית שְמַיָא וֻסלֵיק מַלאְכָא דַיְיָ בְשַלהוֹבִית מַדבְחָא וֻמָנוֹחַ וְאִתְתֵיה חָזַן וֻנפַלוּ עַל אַפֵיהוֹן עַל אַרעָא׃
(1) 12:31 וְלָא אוֹסֵיף עוֹד מַלאְכָא דַיְיָ לְאִתחְזָאָה לְמָנוֹחַ וֻלאִתְתֵיה בְכֵין יְדַע מָנוֹחַ אְרֵי מַלאְכָא דַיְיָ הוּא׃
(1) 22:31 וַאְמַר מָנוֹחַ לְאִתְתֵיה מְמָת נְמוּת אְרֵי מַלאְכָא דַיְיָ חְזֵינָא׃
(1) 32:31 וַאְמַרַת לֵיה אִתְתֵיה אִלוּ רַעְוָא קְֹדָם״מִן קְֹדָם#3#״ יְיָ דִנמוּת לָא קְבֵיל מִנַנָא עְלָתָא וֻמִנחָתָא וְלָא אַחזְיַנָא יָת כָל אִלֵין וֻכעִדָן פוֹן לָא אַשמְעַנָא כְהָדָא׃
(1) 42:31 וִילֵידַת אִתְתָא בַר וֻקרָת יָת שְמֵיה שִמשוֹן וֻרבָא רָביָא וֻבָרְכֵיה יְיָ׃
(1) 52:31 וְשָרִיאַת רוּחַ גְבוּרָא״נבואה#3#״ מִן קְֹדָם יְיָ לְתַקָפוּתֵיה בְמַשרְיָת דָן בֵין צָרעָה וֻבֵין אַשתָאוֹל׃

next chapter