The Comprehensive Aramaic Lexicon

(1) 10:21	וְאִתכְנֵיש אְנָש אַפרַיִם וַעְבַר לְצִפוּנָא וַאְמַרוּ לְיִפתָח מָדֵין עְבַרתָא לְאָגָחָא קְרָבָא בִבנֵי עַמוֹן וְלַנָא לָא קְרֵיתָא לְמֵיזַל עִמָך בֵיתָך נוֹקֵיד עְלָך בְנוּרָא׃
(1) 20:21	וַאְמַר יִפתָח לְהוֹן <גְבַר#3#> אְנָש דִין״מצו#3#״ הְוֵיתִי אְנָא וְעַמִי וֻבנֵי עַמוֹן לַחדָא וֻבעֵית <אנא#3#> מִנְכוֹן וְלָא פְרַקתוּן יָתִי מִיַדהוֹן׃
(1) 30:21	וַחְזֵית אְרֵי לָיְתָך פָרִיק וֻמסַרִית יָת״#2#״ נַפשִי כְעַל גַב <ידי#3#> לְאִתקְטָלָא וַעְבַרִית לְוָת בְנֵי עַמוֹן וֻמסַרִנוּן יְיָ בִידִי וֻלמָא סְלֵיקתוּן לְוָתִי יוֹמָא הָדֵין לְאָגָחָא קְרָבָא בִי׃
(1) 40:21	וֻכנַש יִפתָח יָת כָל אְנָשֵי גִלעָד וַאְגִיחַ קְרָבָא עִם דְבֵית״בני#3#״ אַפרַיִם וֻמחוֹ אְנָשֵי גִלעָד יָת דְבֵית אַפרַיִם אְרֵי אְמַרוּ מְשֵיזֵבַיָא דְבֵית אַפרַיִם מָא אַתוּן חְשִיבִין דְבֵית גִלעָד בְגוֹ בֵית אַפרַיִם בְגוֹ בֵית מְנַשַה׃
(1) 50:21	וַאְחַדוּ דְבֵית גִלעָד יָת מְגָזָת יַרדְנָא עַל דְבֵית אַפרַיִם וְהָוֵי כַד אָמַר חַד מִמְשֵיזְבַיָא דְבֵית אַפרַיִם אַעבַר וְאָמְרִין לֵיה אְנָשֵי גִלעָד אַפִרתַי אַתְ וַאְמַר לָא׃
(1) 60:21	וְאָמְרִין לֵיה אֵימַר כְעַן שוּבַלתָא וְאָמַר סוּבַלתָא וְלָא מַתקֵין לְמַלָלָא כֵין וְאָחְדִין לֵיה וְנָכְסִין לֵיה בִמגָזָת יַרדְנָא וְאִתקְטַלוּ בְעִדָנָא הַהוּא מִדְבֵית אַפרַיִם אַרבְעִין וֻתרֵין אַלפִין׃
(4) 60:21	אמר נא שבלת אימר כען ארום בליאת פולחנא נוכראה ואמר אף על גב דסיבת לא בליאת ולא צבי למללא כדין ואחדין ליה ונכסין ליה במגיזתיה דירדנא ואיתקטלו בעידנא ההיא
(1) 70:21	וְדָן יִפתָח יָת יִשׂרָאֵל שֵית שְנִין וֻמִית יִפתָח גִלעְדָאָה וְאִתקְבַר בְקִרוֵי גִלעָד׃
(4) 70:21	ודן יפתח ית ישראל שית שנין ומית יפתח גלעדא במכתשין בישן על דלא חס על ברתיה ולא אזל לפייסא לפינחס כהנא דישרי ליה נדריה ונפלו מיניה איברוהי ואיתקברו איברוהי בקירוי גלעד
(1) 80:21	וְדָן בָתְרוֹהִי יָת יִשׂרָאֵל אִבצָן <הוא בעז חסידא רבנא ותלמידא#3#> מִבֵית לָחַם׃
(1) 90:21	וַהְוַה לֵיה תְלָתִין בְנִין וֻתלָתִין בְנָן שַלַח לְבָרָא וֻתלָתִין <בנן#3#> כַלָן״בנן#3#״ אַעֵיל לִבנוֹהִי מִן בָרָא וְדָן יָת יִשׂרָאֵל שְבַע שְנִין׃
(4) 90:21	והוו ליה תלתין בנין ומיתו בחייוהי מטול דלא זמין למנוח צדיקא לשירותא דעבד מבנוהי ותלתין בנן נשי בנוהי פטר לברא בגט חליצותא ארום תלתין כלן אעיל ביומא חד לבנוהי מן ברא ודן ית ישראל שבע שנין ועל לות רות וילידת ליה ית עובד אבוהי דישי אבוהי דדויד
(1) 01:21	וֻמִית אִבצָן וְאִתקְבַר בְבֵית לָחַם׃
(1) 11:21	וְדָן בָתְרוֹהִי יָת יִשׂרָאֵל אֵילוֹן דְמִשֵיבַט״דמבית#3#״ זְבוּלוּן וְדָן יָת יִשׂרָאֵל עְסַר שְנִין׃
(1) 21:21	וֻמִית אֵילוֹן דְמִשֵיבַט״דמבית#3#״ זְבוּלוּן וְאִתקְבַר בְאַיָלוֹן בַאְרַע שֵיבַט זְבוּלוּן׃
(1) 31:21	וְדָן בָתְרוֹהִי יָת יִשׂרָאֵל עַבדוֹן בַר הִלֵל דְמִפִרעָתוֹן׃
(1) 41:21	וַהְווֹ לֵיה אַרבְעִין בְנִין וֻתלָתִין בְנֵי בְנִין רָכְיבִין עַל שִבעִין עִלִין וְדָן יָת יִשׂרָאֵל תַמנֵי שְנִין׃
(1) 51:21	וֻמִית עַבדוֹן בַר הִלֵל דְמִפִרעָתוֹן וְאִתקְבַר בְפִרעָתוֹן בַאְרַע שֵיבַט אַפרַיִם בְטוּרָא דְבֵית עְמָלֵק׃

next chapter