The Comprehensive Aramaic Lexicon

(1) 10:01	וְקָם בָתַר אְבִימַלַך לְמִפרַק יָת יִשׂרָאֵל תוֹלָע בַר פוּאָה בַר דוֹדוֹ״אחבוהי#3#״ גֻברָא מִשִבטָא דְבֵית יִשָׂשׂכָר וְהוּא יָתֵיב בְשָמִיר בְטוּרָא דְבֵית אַפרָיִם׃
(1) 20:01	וְדָן יָת יִשׂרָאֵל עַסרִין וֻתלָת שְנִין וֻמִית וְאִתקְבַר בְשָמִיר׃
(1) 30:01	וְקָם בָתְרוֹהִי יָאִיר גִלעְדָאָה וְדָן יָת יִשׂרָאֵל עַסרִין וְתַרתֵין שְנִין׃
(1) 40:01	וַהְוָה לֵיה תְלָתִין בְנִין רְכִיבִין עַל תְלָתִין עִלִין וֻתלָתִין קִרוִין״עִלִין#3#״ לְהוֹן לְהוֹן קָרַן כַפרָנֵי יָאִיר עַד יוֹמָא הָדֵין דִבאְרַע גִלעָד׃
(1) 50:01	וֻמִית יָאִיר וְאִתקְבַר בְקָמוֹן׃
(1) 60:01	וְאוֹסִיפוּ בְנֵי יִשׂרָאֵל לְמַעְבַד דְבִיש קְֹדָם יְיָ וֻפלַחוּ יָת בְעָלַיָא וְיָת עַשתְרָתָא וְיָת טָעְוָת אְרָם וְיָת טָעְוָת צִידוֹן וְיָת טָעְוָת מוֹאָב וְיָת טָעְוָת בְנֵי עַמוֹן וְיָת טָעְוָת פְלִשתָאֵי וֻשבַקוּ יָת פֻלחָנָא דַיְיָ וְלָא פְלַחוּ קְֹדָמוֹהִי׃
(1) 70:01	וֻתקֵיף רֻגזָא דַיְיָ בְיִשׂרָאֵל וֻמסַרִנוּן בְיַד פְלִשתָאֵי וֻביַד בְנֵי עַמוֹן׃
(1) 80:01	וֻדחַקוּ וְשַעְבִידוּ יָת בְנֵי יִשׂרָאֵל בְשַתָא הַהִיא תַמנַא עַסרֵי שְנִין יָת כָל בְנֵי יִשׂרָאֵל <דחיקו#3#> דִבעִברָא דְיַרדְנָא בַאְרַע אְמוֹרָאָה דִבגִלעָד׃
(1) 90:01	וַעְבַרוּ בְנֵי עַמוֹן יָת יַרדְנָא \לְאָגָחָא קְרָבָא ״להלחם#3#״ אַף״גם#3#״ בִדבֵית יְהוּדָה וֻבִדבֵית בִניָמִין וֻבִדבֵית אַפרָיִם וְעַקַת לְיִשׂרָאֵל לַחדָא׃
(1) 01:01	וֻזעִיקוּ בְנֵי יִשׂרָאֵל קְֹדָם יְיָ לְמֵימַר חַבנָא קְֹדָמָך וַאְרֵי שְבַקנָא יָת פֻלחָנָא דַאְלָהַנָא״דייי אלהנא#3#״ וֻפלַחנָא יָת בְעָלַיָא׃
(1) 11:01	וַאְמַר יְיָ לִבנֵי יִשׂרָאֵל הְלָא מִמִצרַיִם וֻמִן אְמוֹרָאָה וֻמִן בְנֵי עַמוֹן וֻמִן פְלִשתָאֵי׃
(1) 21:01	וְצִידוֹנָאֵי וַעְמָלְקָאֵי וַאְנָש מָעוֹן דְחַקוּ יָתְכוֹן וֻבעֵיתוֹן מִן קְֹדָמַי וֻפרַקִית יָתְכוֹן מִיַדהוֹן׃
(1) 31:01	וְאַתוּן שְבַקתוּן יָת״#2#״ פֻלחָנִי וֻפלַחתוּן לְטָעְוָת עַמְמַיָא בְכֵין לָא אוֹסֵיף לְמִפרַק יָתְכוֹן׃
(1) 41:01	אִיזִילוּ וֻבעוֹ מִן טָעְוָתָא דְאִתרְעִיתוּן בְהוֹן הַאִם יִכְלָן לְמִפרַקכוֹן בְעִדָן עָקַתכוֹן׃
(1) 51:01	וַאְמַרוּ בְנֵי יִשׂרָאֵל קְֹדָם יְיָ חַבנָא עְבֵיד אַתְ לַנָא כְכָל דְתָקֵין קְֹדָמָך״בעינך#3#״ בְרַם שֵיזֵיבנָא כְעַן יוֹמָא הָדֵין׃
(1) 61:01	וְאַעדִיאוּ יָת טָעְוָת עַמְמַיָא מִבֵינֵיהוֹן וֻפלַחוּ קְֹדָם יְיָ \וַתִקצַר נַפשוֹ בַעְמַל יִשׂרָאֵל ״ ועקת נפשיה בעמל ישׂראל#3#״ואיתגלגלו רחמוהי בצערא דישׂראל#3#״׃
(1) 71:01	וְאִתכְנִישוּ בְנֵי עַמוֹן וֻשרוֹ בְגִלעָד וְאִתכְנִישוּ״וצעיקו#3#״ בְנֵי יִשׂרָאֵל וֻשרוֹ בְמִצפְיָא׃
(1) 81:01	וַאְמַרוּ עַמָא רַברְבֵי גִלעָד גְבַר לְחַברֵיה מַן גֻברָא דִישָרֵי לְאָגָחָא קְרָבָא בִבנֵי עַמוֹן יְהֵי לְרֵיש לְכֹל יָתְבֵי גִלעָד׃

next chapter