H The Comprehensive Aramaic Lexicon

CAL CODE HELP CLICK HERE
click on the file description for more information

51007: TgJ Ju

click on a word for lexical analysis
Click on a red-colored coordinate for comments and/or translations of the line

previous chapter


(1) 10:20 וֻסלֵיק״וסליק פינחס נביא דמתיל למלאכא דייי#3#״ נְבִיָיא \בִשלִיחוּת מִן קְֹדָם יוי ״דַיְיָ#3#״ מִן גִלגָלָא לְבוֹכִים וַאְמַר אַסֵיקִית יָתְכוֹן מִמִצרַיִם וַאְעֵילִית יָתכוֹן לְאַרעָא דְקַיֵימִית לַאְבָהָתְכוֹן וַאְמַרִית לָא אְשַנֵי קְיָמִי דְעִמְכוֹן לְעָלַם׃
(1) 20:20 וְאַתוּן לָא תִגזְרוּן קְיָם לְיָתְבֵי אַרעָא הָדָא אִיגוֹרֵיהוֹן תְתָרְעוּן וְלָא קַבֵילתוּן לְמֵימְרִי מָא דָא עְבַדתוּן׃
(1) 30:20 וְאַף אְמַרִית לָא אְתָרֵיך יָתְהוֹן מִן קְֹדָמֵיכוֹן וִיהוֹן לְכוֹן לִמעִיקִין וְטָעְוָתְהוֹן יְהוֹן לְכוֹן לְתַקלָא׃
(1) 40:20 וַהְוָה כַד מַלֵיל נְבִיָא״גברא#3#״ דַיְיָ יָת פִתגָמַיָא הָאִלֵין עִם כָל בְנֵי יִשׂרָאֵל וַאְרִימוּ <כל#3#> עַמָא יָת קָלְהוֹן וֻבכוֹ׃
(1) 50:20 וֻקרוֹ שְמֵיה דְאַתרָא הַהוּא בוֹכִים וְנַכִיסוּ תַמָן נִכסַת קֻדשִין קְֹדָם יְיָ׃
(1) 60:20 וְשַלַח יְהוֹשֻעַ יָת עַמָא וַאְזַלוּ בְנֵי יִשׂרָאֵל גְבַר לְאַחסָנְתֵיה לְמֵירַת יָת אַרעָא׃
(1) 70:20 וֻפלַחוּ עַמָא קְֹדָם יְיָ כֹל יוֹמֵי יְהוֹשֻעַ וְכֹל יוֹמֵי סָבַיָא דְאוֹרִיכוּ יוֹמִין בָתַר יְהוֹשֻעַ דַחְזוֹ יָת כָל עוּבָדָא דַיְיָ רַבָא דַעְבַד לְיִשׂרָאֵל׃
(1) 80:20 וֻמִית יְהוֹשֻעַ בַר נון עַבדָא דַיְיָ בַר מְאָה וַעְשַׂר שְנִין׃
(1) 90:20 וֻקבַרוּ יָתֵיה בִתחוּם אַחסָנְתֵיה בְתִמנַת חַרַס״סרח#3#״ בְטוּרָא דְבֵית אַפרָיִם מִצִפוּנָא לְטוּר״לְהַר#3#״ גָעַש׃
(1) 01:20 וְאַף כָל דָרָא הַהוּא אִתכְנִישוּ לְוָת״לבית#3#״ אְבָהָתוֹהִי וְקָם דָרָא אֻחרָנָא בָתְרֵיהוֹן דְלָא יְדַעוּ לְמִדחַל מִן קְֹדָם יְיָ וְאַף יָת עוּבָדָא דַעְבַד לְיִשׂרָאֵל׃
(1) 11:20 וַעְבַדוּ בְנֵי יִשׂרָאֵל יָת דְבִיש קְֹדָם יְיָ וֻפלַחוּ יָת בְעָלַיָא׃
(1) 21:20 וֻשבַקוּ יָת פֻלחָנָא דַיְיָ אְלָהָא דַאְבָהָתְהוֹן דְאַפֵיק יָתְהוֹן מֵאַרעָא דְמִצרַיִם וַאְזַלוּ״וטעו#2#״ בָתַר טָעְוָת עַמְמַיָא מִטָעְוָת עַמְמַיָא דִבסַחרָנֵיהוֹן וֻסגִידוּ לְהוֹן וְאַרגִיזוּ קְֹדָם יְיָ׃
(1) 31:20 וֻשבַקוּ יָת פֻלחָנָא דַיְיָ וֻפלַחוּ לִבעָלַיָא וֻלעַשתְרָתָא׃
(1) 41:20 וֻתקֵיף רֻגזָא דַיְיָ בְיִשׂרָאֵל וֻמסַרִנוּן בְיַד בָזוֹזִין וֻבַזוּ יָתְהוֹן וֻמסַרִנוּן בְיַד בַעְלֵי דְבָבֵיהוֹן מִסְחוֹר סְחוֹר וְלָא יְכִילוּ עוֹד לִמקָם קְֹדָם בַעְלֵי דְבָבֵיהוֹן׃
(1) 51:20 בְכֹל אְתַר דִנפַקוּ מַחָא מִן קְֹדָם יְיָ הְוָת בְהוֹן לְבִישָא כְמָא דְמַלֵיל יְיָ וֻכמָא דְקַיֵים יְיָ לְהוֹן וְעַקַת לְהוֹן לַחדָא׃
(1) 61:20 וַאְקֵים יְיָ נָגוֹדִין וֻפרַקוּנוּן מִיַד בָזְזֵיהוֹן׃
(1) 71:20 וְאַף מִן נָגוֹדֵיהוֹן לָא קַבִילוּ אְרֵי טְעוֹ בָתַר טָעְוָת עַמְמַיָא וֻסגִידוּ לְהוֹן סְטוֹ בִפרִיעַ מִן אוֹרחָא דַאְזַלוּ אְבָהָתְהוֹן לְקַבָלָא פִקוֹדַיָא דַיְיָ לָא עְבַדוּ כֵן׃
(1) 81:20 וַאְרֵי אְקִים יְיָ לְהוֹן נָגוֹדִין וְהָוֵי מֵימְרָא דַיְיָ בְסַעְדֵיה דְנָגוֹדָא וֻפָרֵיק לְהוֹן מִיַד בַעְלֵי דְבָבֵיהוֹן כֹל יוֹמֵי נָגוֹדָא אְרֵי מְתִיב יְיָ מִמָא דְאָמַר וֻמקַבֵיל צְלוֹתְהוֹן וֻפָרֵיק לְהוֹן מִן קְֹדָם דָחְקֵיהוֹן וֻמשַעבְדֵיהוֹן׃
(1) 91:20 וְהָוֵי כַד מָאִית נָגוֹדָא תָיְבִין וֻמחַבְלִין מֵאְבָהָתְהוֹן לִמהָך בָתַר טָעְוָת עַמְמַיָא לְמִפלַחהוֹן וֻלמִסגַד לְהוֹן לָא שָבְקִין״בטילו#3#״ מֵעוּבָדֵיהוֹן בִישַיָא ומֵאוֹרחָתְהוֹן מְקֻלקְלַיָא׃
(1) 02:20 וֻתקֵיף רֻגזָא דַיְיָ בְיִשׂרָאֵל וַאְמַר חְלָף דַעְבַרוּ עַמָא הָדֵין עַל״ית#3#״ קְיָמִי דְפַקֵידִית יָת״על#3#״ אְבָהָתְהוֹן וְלָא קַבִילוּ לְמֵימְרִי׃
(1) 12:20 אַף אְנָא לָא אוֹסֵיף לְתָרָכָא אְנָש מִן קְֹדָמֵיהוֹן מִן עַמְמַיָא דִשבַק יְהוֹשֻעַ וֻמִית׃
(1) 22:20 בְדִיל לְנַסָאָה בְהוֹן יָת יִשׂרָאֵל הְנָטְרִין אִנוּן יָת אוֹרחָן דְתָקְנָן <מן#3#> קְֹדָם יְיָ לִמהָך בְהוֹן כְמָא דִנטַרוּ אְבָהָתְהוֹן אִם לָא׃
(1) 32:20 וֻשבַק יְיָ יָת <כל#3#> עַמְמַיָא הָאִלֵין בְדִיל דְלָא לְתָרָכוּתְהוֹן בִפרִיעַ וְלָא מְסַרִנוּן בִידָא דִיהוֹשֻעַ׃

next chapter