H The Comprehensive Aramaic Lexicon

CAL CODE HELP CLICK HERE
click on the file description for more information

51006: TgJ Jos

click on a word for lexical analysis
Click on a red-colored coordinate for comments and/or translations of the line

previous chapter


(1) 10:42 וֻכנַש יְהוֹשֻעַ יָת כָל שִבטַיָא דְיִשׂרָאֵל לִשכַם וֻקרָא לְסָבֵי יִשׂרָאֵל וֻלרֵישוֹהִי וֻלדַיָנוֹהִי וֻלסָרְכוֹהִי וְאִתעַתַדוּ קְֹדָם יְיָ׃
(1) 20:42 וַאְמַר יְהוֹשֻעַ לְכָל עַמָא כִדנָן אְמַר יְיָ אְלָהָא דְיִשׂרָאֵל בְעֵיבַר פְרָת יְתִיבוּ אְבָהָתְכוֹן מֵעָלְמָא תַרַח אְבוּהִי דְאַברָהָם וַאְבוּהִי דְנָחוֹר וֻפלַחוּ לְטָעְוָת עַמְמַיָא׃
(1) 30:42 וֻדבַרִית יָת אְבוּכוֹן יָת אַברָהָם מֵעֵיבַר פְרָת וְדַבַרִית״ואובילית#3#״ יָתֵיה בְכָל אַרעָא דִכנָעַן וְאַסגִיתִי יָת בְנוֹהִי וִיהַבִית לֵיה יָת יִצחָק׃
(1) 40:42 וִיהַבִית לְיִצחָק יָת יַעְקֹב וְיָת עֵשָו וִיהַבִית לְעֵשָו יָת טוּרָא דְשֵׂעִיר לְמֵירַת יָתֵיה וְיַעְקֹב וֻבנוֹהִי נְחַתוּ לְמִצרָיִם׃
(1) 50:42 וֻשלַחִית יָת מֹשַה וְיָת אַהְרֹן וֻמחֵית״וֻמחֵיתִי#2#״ יָת מִצרָאֵי כְמָא דַעְבַדִית בֵינֵיהוֹן״בֵינֵיכוֹן#3#״ וֻבָתַר כֵן אַפֵיקִית יָתְכוֹן׃
(1) 60:42 וְאַפֵיקִית״ואפיק ייי#3#״ יְת אְבָהָתְכוֹן מִמִצרַיִם וַאְתֵיתוֹן לְיַמָא וֻרדַפוּ מִצרָאֵי בָתַר אְבָהָתְכוֹן בִרתִכִין וֻבפָרָשִין לְיַמָא דְסוּף׃
(1) 70:42 וֻצעִיקוּ״וֻזעִיקוּ#3#״וצלו#3#״ קְֹדָם יְיָ וְשַוִי קַבלָא בֵינֵיכוֹן וֻבֵין מִצרָאֵי וְאַיתִי״וְאֵיתִי#2#״ עְלֵיהוֹן״עלוהי#3#״ יָת יַמָא וַחְפָנוּן וַחְזַאָה״וחזאן#3#״ עֵינֵיכוֹן יָת דַעְבַדִית בְמִצרָיִם״בְמִצרָאֵי#3#״ וִיתֵבתוּן בְמַדבְרָא יוֹמִין סַגִיאִין׃
(1) 80:42 וְאַעֵילִית יָתְכוֹן לַאְרַע אְמוֹרָאָה״אמוראי#3#״ דְיָתֵיב בְעִברָא דְיַרדְנָא וַאְגִיחוּ קְרָבָא עִמְכוֹן וֻמסַרִית יָתְהוֹן בְיַדכוֹן וִירֵיתתוּן״וִירֵיתוּן#3#״ יָת אְרַעהוֹן וְשֵיצֵיתִנוּן מִן קְֹדָמֵיכוֹן׃
(1) 90:42 וְקָם בָלָק בַר צִפוֹר מַלכָא דְמוֹאָב וַאְגִיחַ קְרָבָא בְיִשׂרָאֵל״עם ישׂראל#3#״ וֻשלַח וֻקרָא לְבִלעָם בַר בְעוֹר לִמלָט״ללטטא#3#״ יָתְכוֹן׃
(1) 01:42 וְלָא אְבֵיתִי״חפצית#3#״ לְקַבָלָא מִן בִלעָם וֻבָרֵיך בָרָכָא יָתְכוֹן וְשֵיזֵיבִית יָתְכוֹן \מִן יְדֵיה ״מידהון#3#״׃
(1) 11:42 וַעְבַרתוּן יָת יַרדְנָא וַאְתֵיתוֹן לִירִיחוֹ וַאְגִיחוּ קְרָבָא בְכוֹן״עמכון#3#״ יָתְבֵי יְרִיחוֹ אְמוֹרָאֵי״אמוראה#3#״ וֻפרִזָאֵי״ופריזאה#3#״ וֻכנַעְנָאֵי״וכנענאה#3#״ וְחִתָאֵי״וחיתאה#3#״חתאי#3#״ וְגַרגִישָאֵי״וגרגשאה#3#״גרגישאי#3#״ חִוָאֵי״וחיואה#3#״וחיואי#3#״ וִיבוּסָאֵי״ויבוסאה#3#״ וֻמסַרִית יָתְהוֹן בְיַדכוֹן׃
(1) 21:42 וֻשלַחִית קְֹדָמֵיכוֹן יָת עָרָעִיתָא וְתָרֵיכִית יָתְהוֹן מִן קְֹדָמֵיכוֹן תְרֵין מַלכֵי אְמוֹרָאָה״אמוראי#3#״ לָא בְחַרבָך״בְסֵיפָך#3#״ וְלָא בְקַשתָך׃
(1) 31:42 וִיהַבִית לְכוֹן אַרעָא דְלָא עְמַלתוּן״לאיתון#3#״ בַה וְקִרוִין דְלָא בְנֵיתוֹן וִיתֵיבתוּן בְהוֹן כַרמִין וְזֵיתִין דְלָא נְצַבתוּן אַתוּן אָכְלִין׃
(1) 41:42 וֻכעַן דְחִילוּ מִן קְֹדָם יְיָ וֻפלַחוּ קְֹדָמוֹהִי בְשַלמוּתָא וֻבקֻשטָא וְאַעדוֹ יָת טָעְוָתָא דִפלַחוּ אְבָהָתְכוֹן בְעֵיבַר פְרָת וֻבמִצרַיִם וֻפלַחוּ קְֹדָם יְיָ׃
(1) 51:42 וְאִם בִיש בְעֵינֵיכוֹן לְמִפלַח קְֹדָם יְיָ בְחַרוּ״ברירו#3#״ לְכוֹן יוֹמָא דֵין קְֹדָם מַן תִפלְחוּן אִם יָת טָעְוָתָא דִפלַחוּ אְבָהָתְכוֹן דְמֵעֵיבַר״דבעברא#3#״בעיברא#3#״ פְרָת וְאִם יָת \טָעְוָת אְמוֹרָאֵי ״טעותא דאמוראה#3#״ דְאַתוּן יָתְבִין בַאְרַעהוֹן \בְרַם אְנָא וַאְנָש בֵיתִי נִפלַח קְֹדָם יְיָ ״וברם אנא ושיבט אבא נפלח קדם ייי#4#״׃
(1) 61:42 וַאְתֵיב עַמָא וַאְמַר חָס לַנָא מִלְמִשבַק יָת פֻלחָנָא דַיְיָ לְמִפלַח לְטָעְוָת עַמְמַיָא׃
(1) 71:42 אְרֵי יְיָ אְלָהַנָא הוּא דְאַסֵיק יָתַנָא וְיָת אְבָהָתַנָא מֵאַרעָא דְמִצרַיִם מִבֵית עַבדוּתָא וְדַעְבַד לְעֵינַנָא יָת אָתַיָא רַברְבָתָא״רברביא#3#״ הָאִלֵין וְנַטרַנָא בְכָל אוֹרחָא דְהַלֵיכנָא בַה וֻבכֹל עַמְמַיָא דַעְבַרנָא בֵינֵיהוֹן׃
(1) 81:42 וְתָרֵיך יְיָ יָת כָל עַמְמַיָא וְיָת אְמוֹרָאָה יָתֵיב״יתבי#3#״ אַרעָא מִן קְֹדָמַנָא אַף אְנַחנָא נִפלַח קְֹדָם יְיָ אְרֵי הוּא אְלָהַנָא׃
(1) 91:42 וַאְמַר יְהוֹשֻעַ לְעַמָא לָא תִיכְלוּן לְמִפלַח קְֹדָם יְיָ אְרֵי אְלָהָא קַדִישָא הוּא \אֵל קַנוֹא הוּא ״אֵל קַנָא הוּא#2# ״אלה קנאי ופורען ומתפרע בקנאה הוא#4#״ מִן קְֹדָם דִין דִקשוֹט לָא יִשבוֹק לְחוֹבֵיכוֹן וְלִחטָאֵיכוֹן׃
(1) 02:42 אְרֵי תִשבְקוּן יָת פֻלחָנָא דַיְיָ וְתִפלְחוּן לְטָעְוָת״טָעְוָת#2#״ עַמְמַיָא וִיתוּב וְיַבאֵיש לְכוֹן וִישֵיצֵי יָתְכוֹן בָתַר דְאוֹטֵיב לְכוֹן׃
(1) 12:42 וַאְמַר עַמָא לִיהוֹשֻעַ לָא אְלָהֵין״אְרֵי#3#״ קְֹדָם יְיָ נִפלַח׃
(1) 22:42 וַאְמַר יְהוֹשֻעַ לְעַמָא״לכל עמא#3#״ סָהְדִין אַתוּן בְנַפשָתְכוֹן״בנפשיכון#3#״בְכוֹן#3#״ אְרֵי״וארי#3#״ אַתוּן בְחַרתוּן לְכוֹן יָת פֻלחָנָא דַיְיָ לְמִפלַח קְֹדָמוֹהִי וַאְמַרוּ סָהְדִין׃
(1) 32:42 וֻכעַן אַעדוֹ יָת טָעְוָת עַמְמַיָא דְבֵינֵיכוֹן וְאַפנוֹ יָת לִבְכוֹן לְפֻלחָנָא דַיְיָ אְלָהָא דְיִשׂרָאֵל׃
(1) 42:42 וַאְמַרוּ עַמָא לִיהוֹשֻעַ יָת״קדם#3#״ יְיָ אְלָהַנָא נִפלַח וֻלמֵימְרֵיה נְקַבֵיל׃
(1) 52:42 וֻגזַר יְהוֹשֻעַ קְיָם לְעַמָא בְיוֹמָא הַהוּא וְשַוִי לֵיה קְיָם וְדִין בִשכַם׃
(1) 62:42 וֻכתַב יְהוֹשֻעַ יָת פִתגָמַיָא הָאִלֵין <בְסִפרָא#3#> וְאַצנַע״ואצנעינון#3#״ בִספַר אוֹרָיתָא דַיְיָ וֻנסֵיב אַבנָא רַבְתָא וַאְקִימַה תַמָן תְחוֹת אַלְתָא״אילנא#3#״ דִבבֵית מַקדְשָא דַיְיָ׃
(1) 72:42 וַאְמַר יְהוֹשֻעַ לְכָל עַמָא הָא אַבנָא הָדָא תְהֵי לַנָא כִתרֵין לוּחֵי אַבַן קְיַמָא אְרֵי יָתַה עְבַדנָא לְסָהְדוּ אְרֵי <כל#3#> פִתגָמַיָא דִכתִיבִין עְלַה״עלהא#3#״ מֵעֵין כָל פִתגָמַיָא דַיְיָ דְמַלֵיל עִמַנָא וֻתהֵי בְכוֹן לְדֻכרָן״דֻכרָן#2#״ לְסָהְדוּ דִלמָא תְכַדְבוּן קְֹדָם אְלָהְכוֹן׃
(1) 82:42 וְשַלַח יְהוֹשֻעַ יָת עַמָא גְבַר לְאַחסָנְתֵיה׃
(1) 92:42 וַהְוָה בָתַר פִתגָמַיָא הָאִלֵין וֻמִית יְהוֹשֻעַ בַר נוּן עַבדָא דַיְיָ בַר מְאָה וַעְסַר שְנִין׃
(1) 03:42 וֻקבַרוּ יָתֵיה בִתחוּם אַחסָנְתֵיה בְתִמנַת סַרַח דִבטוּרָא״בְטוּרָא#3#״ דְבֵית אַפרָיִם מִצִפוּנָא לְטוּר גָעַש׃
(1) 13:42 וֻפלַח״ופלחו#3#״ יִשׂרָאֵל קְֹדָם יְיָ כֹל יוֹמֵי יְהוֹשֻעַ וְכֹל יוֹמֵי סָבַיָא דְאוֹרִיכוּ יוֹמִין בָתַר יְהוֹשֻעַ וְדִידַעוּ יָת כֹל עוּבָדָא דַיְיָ דַעְבַד לְיִשׂרָאֵל׃
(1) 23:42 וְיָת גַרמֵי יוֹסֵף דְאַסִיקוּ בְנֵי יִשׂרָאֵל מִמִצרַיִם קְבַרוּ בִשכַם בְאַחסָנַת חַקלָא דִזבַן״דקנא#3#״ יַעְקֹב \מִן בְנֵי ״מבני#3#״ חְמוֹר אְבוּהִי דִשכַם בִמאָה חֻרפָן וַהְווֹ לִבנֵי יוֹסֵף לְאַחסָנָא׃
(1) 33:42 וְאַלעָזָר בַר אַהְרֹן מִית וֻקבַרוּ יָתֵיה בְגִבעְתָא דְפִנחָס בְרֵיה דְאִתיְהֵיבַת״דאיתיהיב#3#״ לֵיה בְטוּרָא דְבֵית אַפרָיִם׃