H The Comprehensive Aramaic Lexicon

CAL CODE HELP CLICK HERE
click on the file description for more information

51006: TgJ Jos

click on a word for lexical analysis
Click on a red-colored coordinate for comments and/or translations of the line

previous chapter


(1) 10:41 וְאִלֵין דְאַחסִינוּ בְנֵי יִשׂרָאֵל בְאַרעָא דִכנָעַן דְאַחסִינוּ יָתְהוֹן אַלעָזָר כָהְנָא וִיהוֹשֻעַ בַר נוּן וְרֵישֵי אְבָהָת שִבטַיָא לִבנֵי״דִבנֵי#2#״ יִשׂרָאֵל׃
(1) 20:41 בְעַדבָא אִתפְלַגַת״יתפלגון#3#״ לְהוֹן אַחסָנַתהוֹן כְמָא דְפַקֵיד יְיָ \בִידָא דְמֹשַה ״ית משה#3#״ <למתן#3#> לְתִשעָה״לתשעת#3#״ שִבטִין וֻפַלגוּת שִבטָא׃
(1) 30:41 אְרֵי יְהַב מֹשַה אַחסָנַת תְרֵין שִבטִין וֻפַלגוּת שִבטָא מֵעִברָא לְיַרדְנָא״דירדנא#3#״ וֻללֵוָאֵי לָא יְהַב אַחסָנָא בֵינֵיהוֹן׃
(1) 40:41 אְרֵי הְווֹ בְנֵי יוֹסֵף תְרֵין שִבטִין מְנַשַה וְאַפרָיִם וְלָא יְהַבוּ חוּלָק לְלֵיוָאֵי בְאַרעָא אְלָהֵין קִרוִין לְמִתַב וְרַוחֵיהוֹן לִבעִירְהוֹן וֻלקִניָנהוֹן״ולגיתיהון#3#״׃
(1) 50:41 כְמָא דְפַקֵיד יְיָ יָת מֹשַה כֵן עְבַדוּ בְנֵי יִשׂרָאֵל וֻפַלִיגוּ יָת אַרעָא׃
(1) 60:41 וֻקרִיבוּ בְנֵי יְהוּדָה לְוָת יְהוֹשֻעַ בְגִלגָלָא וַאְמַר לֵיה כָלֵב בַר יְפֻנַה קְנִזָאָה אַת יָדַעתְ יָת פִתגָמָא דְמַלֵיל יְיָ עִם מֹשַה נְבִיָא דַיְיָ עַל עֵיסַק דִילִי וְעַל עֵיסַק דִילָך בִרקַם גֵאָה׃
(1) 70:41 בַר אַרבְעִין שְנִין אְנָא כַד שְלַח מֹשַה עַבדָא דַיְיָ יָתִי מֵרְקַם גֵיאָה לְאַלָלָא יָת אַרעָא וַאְתֵיבִית יָתֵיה פִתגָמָא כְמָא דַהְוָה עִם לִבִי׃
(1) 80:41 וְאַחַי דִסלִיקוּ עִמִי תְבַרוּ יָת לִבָא דְעַמָא וַאְנָא אַשלֵימִית בָתַר דַחלְתָא דַיְיָ אְלָהִי׃
(1) 90:41 וְקַיֵים מֹשַה בְיוֹמָא הַהוּא לְמֵימַר אִם לָא אַרעָא דִדרֵיכַת״דתדרכת#3#״ פַרסַת רַגלָך בַה דִילָך תְהֵי לְאַחסָנָא וְדִבנָך״ולבנך#3#״ עַד עָלְמָא אְרֵי אַשלֵימתָא בָתָר דַחלְתָא דַיְיָ אְלָהִי׃
(1) 01:41 וֻכעַן הָא״ארי#3#״ קַיֵים יְיָ יָתִי כְמָא דְמַלֵיל דְנָן אַרבְעִין וַחְמֵיש שְנִין מֵעִדָן דְמַלֵיל יְיָ יָת פִתגָמָא הָדֵין עִם מֹשַה דַאְזַל <עם#3#> יִשׂרָאֵל בְמַדבְרָא וֻכעַן הָא אְנָא יוֹמָא דֵין בַר תְמָנַן וַחְמֵיש שְנִין׃
(1) 11:41 עַד כְעַן אְנָא יוֹמָא דֵין תַקִיף כִד בְיוֹמָא דִשלַח יָתִי מֹשַה כְחֵילִי דִבכֵין וֻכחֵילִי״וְכֵין חֵילִי#2#״ דִכעַן לְאָגָחָא קְרָבָא וֻלמִפַק וֻלמֵיעַל׃
(1) 21:41 וֻכעַן הַב לִי יָת טוּרָא הָדֵין דְמַלֵיל יְיָ בְיוֹמָא הַהוּא אְרֵי אַת שְמַעתָא בְיוֹמָא הַהוּא אְרֵי גִבָרִין תַמָן וְקִרוִין רַברְבָן וֻכרִיכָן מָא אִם יְהֵי מֵימְרָא דַיְיָ בְסַעְדִי וְאוֹרְתִינוּן״וְאֵירְתִנוּן#2#״ואיתריכינון#3#״ כְמָא דְמַלֵיל יְיָ׃
(1) 31:41 וֻבָרְכֵיה יְהוֹשֻעַ וִיהַב יָת חַברוֹן לְכָלֵב בַר יְפֻנַה לְאַחסָנָא׃
(1) 41:41 עַל כֵן הְוָת חַברוֹן לְכָלֵב בַר יְפֻנַה קְנִזָאָה לְאַחסָנָא עַד יוֹמָא הְדֵין חְלָף דְאַשלֵים בָתַר דַחלְתָא דַיְיָ אְלָהָא דְיִשׂרָאֵל׃
(1) 51:41 וְשוּם חַברוֹן מִלְקַדמִין קִריַת אַרבַע אְנָש רַב בְגִבָרַיָא הוּא וְאַרעָא שְדוֹכַת מִלְמַעְבַד קְרָבָא׃
(4) 51:41 ואברהם אינש רב בגיבריא הוא כבש יתה ונסבה מן ידא דחיתאי ותמן איתקברו אבהת עלמא בחקל כפילתא ובתר כדין איתיהיבת לכלב בר יפנה ובזכותהון ארעא שדוכת מלמעבד קרבא

next chapter