The Comprehensive Aramaic Lexicon

(1) 10:40	וַהְוָה כַד שְלִימוּ כָל עַמָא לְמִעבַר יָת יַרדְנָא וַאְמַר יְיָ לִיהוֹשֻעַ לְמֵימַר׃
(1) 20:40	דְבַרוּ לְכוֹן מִן עַמָא תְרֵי עְסַר גֻברִין גֻברָא חַד גֻברָא חַד מִשִבטָא׃
(1) 30:40	וֻפַקִידוּ יָתְהוֹן לְמֵימַר טוּלוּ לְכוֹן מִכָא מִגוֹ יַרדְנָא \מֵאְתַר מְקָם ״ממיקם#3#״ רַגלֵי כָהְנַיָא מְתֻקְנַיָא תַרתַא עַסרֵי אַבנַיָא וְתַעבְרוּן יָתְהוֹן עִמְכוֹן וְתַחְתוּן יָתְהוֹן בְבֵית מְבָתָא דִתבִיתוּן בֵיה בְלֵילְיָא׃
(1) 40:40	וֻקרָא יְהוֹשֻעַ לִתרֵי עְסַר גֻברִין״גברא#3#״ דְאַתקֵין מִבְנֵי יִשׂרָאֵל גֻברָא חַד גֻברָא חַד מִשִבטָא׃
(1) 50:40	וַאְמַר לְהוֹן יְהוֹשֻעַ עְבַרוּ קְֹדָם אְרוֹנָא דַיְיָ אְלָהְכוֹן לְגוֹ יַרדְנָא וַאְרִימוּ לְכוֹן גְבַר אַבנָא חְדָא עַל כִתפֵיה לְמִניַן שִבטַיָא דִבנֵי יִשׂרָאֵל׃
(1) 60:40	בְדִיל דִתהֵי דָא אָת בֵינֵיכֵון אְרֵי יִשאְלוּן בְנֵיכוֹן מְחַר לְמֵימַר מָא אַבנַיָא הָאִלֵין לְכוֹן׃
(1) 70:40	וְתֵימְרוּן לְהוֹן דִפסַקוּ מֵי יַרדְנָא מִן קְֹדָם אְרוֹן קְיָמָא דַיְיָ בְמִעבְרֵיה בְיַרדְנָא פְסַקוּ מֵי יַרדְנָא וְיִהוְיָן אַבנַיָא הָאִלֵין לְדֻכרָנָא לִבנֵי יִשׂרָאֵל עַד עָלְמָא׃
(1) 80:40	וַעְבַדוּ כֵן בְנֵי יִשׂרָאֵל כְמָא דְפַקֵיד יְהוֹשֻעַ וֻנטַלוּ תַרתַא עַסרֵי אַבנַיָא מִגוֹ יַרדְנָא כְמֵא דְמַלֵיל יְיָ עִם יְהוֹשֻעַ לְמִניַן שִבטַיָא דִבנֵי יִשׂרָאֵל וְאַעבַרוּנוּן עִמְהוֹן לְבֵית מְבָתָא וְאַצנַעוּנוּן תַמָן׃
(1) 90:40	וְתַרתַא עַסרֵי אַבנַיָא אְקֵים יְהוֹשֻעַ בְגוֹ יַרדְנָא בַאְתַר מְקָם רַגלֵי כָהְנַיָא נָטְלֵי אְרוֹנָא דִקיָמָא וַהְווֹ תַמָן עַד יוֹמָא הָדֵין׃
(1) 01:40	וְכָהְנַיָא נָטְלֵי אְרוֹנָא קָיְמִין בְגוֹ יַרדְנָא עַד דִשלִים כָל פִתגָמָא דְפַקֵיד יְיָ יָת יְהוֹשֻעַ לְמַלָלָא עִם עַמָא כְכֹל דְפַקֵיד מֹשַה יָת יְהוֹשֻעַ וְאוֹחִיאוּ עַמָא וַעְבַרוּ׃
(1) 11:40	וַהְוָה כַד שְלִים כָל עַמָא לְמִעבַר וַעְבַר אְרוֹנָא דַיְיָ וְכָהְנַיָא קְֹדָם עַמָא׃
(1) 21:40	וַעְבַרוּ בְנֵי רְאוּבֵן וֻבנֵי גָד וֻפַלגוּת שִבטָא דִמנַשַה מְזָרְזִין קְֹדָם בְנֵי יִשׂרָאֵל כְמָא דְמַלֵיל עִמְהוֹן מֹשַה׃
(1) 31:40	כְאַרבְעִין אַלפִין מְזָרְזֵי חֵילָא עְבַרוּ קְֹדָם עַמָא דַיְיָ לִקרָבָא לְמֵישְרֵי יְרִיחוֹ׃
(1) 41:40	בְיוֹמָא הַהוּא רַבִי יְיָ יָת יְהוֹשֻעַ בְעֵינֵי כָל יִשׂרָאֵל וֻדחִילוּ מִנֵיה כְמָא \דַהְווֹ דָחְלִין ״דִדחִילוּ#3#״ מִן״מִן קדם#3#״ מֹשַה כָל יוֹמֵי חַיוֹהִי׃
(1) 51:40	וַאְמַר יְיָ לִיהוֹשֻעַ לְמֵימַר׃
(1) 61:40	פַקֵיד יָת כָהְנַיָא נָטְלֵי אְרוֹנָא דְסָהְדוּתָא וְיִסְקוּן מִן יַרדְנָא׃
(1) 71:40	וֻפַקֵיד יְהוֹשֻעַ יָת כָהְנַיָא לְמֵימַר סַקוּ מִן יַרדְנָא׃
(1) 81:40	וַהְוָה כַד בְעוֹ״עָלִין#3#״ לְמִסַק כָהְנַיָא נָטְלֵי אְרוֹן קְיָמָא דַיְיָ מִגוֹ יַרדְנָא אִתנְגִידָא פַרסַת רַגלֵי כָהְנַיָא וְנַחָא עַל יַבַשתָא וְתָבוּ מֵי יַרדְנָא לַאְתַרהוֹן וַאְזַלוּ כְמֵאַתמָלִי וֻמִדְקַמוֹהִי״ומדקדמוהי#3#״ עַל כָל כֵיפוֹהִי׃
(1) 91:40	וְעַמָא סְלִיקוּ מִן יַרדְנָא בְעַסרָא \לְיַרחָא קַדמָאָה ״לירחא דניסן#4#״ וֻשרוֹ בְגִלגָלָא בִסיָפֵי מַדנַח יְרִיחוֹ׃
(1) 02:40	וְיָת תַרתַא עַסרֵי אַבנַיָא הָאִלֵין דִנסַבוּ מִן יַרדְנָא אְקֵים יְהוֹשֻעַ בְגִלגָלָא׃
(1) 12:40	וַאְמַר לִבנֵי יִשׂרָאֵל לְמֵימַר דְיִשאְלוּן בְנֵיכוֹן מְחַר \יָת אְבָהָתְהוֹן ״לאבהתהון#3#״ לְמֵימַר מָא אַבנַיָא הָאִלֵין׃
(1) 22:40	וֻתהוֹדְעוּן יָת בְנֵיכוֹן לְמֵימַר בְיַבַשתָא עְבַר יִשׂרָאֵל יָת יַרדְנָא הָדֵין׃
(1) 32:40	<ארי#3#> דְיַבֵיש יְיָ אְלָהְכוֹן יָת מֵי יַרדְנָא מִן קְֹדָמֵיכוֹן \עַד מִעבַרכוֹן ״עַד דַעְבַרתוּן#2#״ כְמָא דַעְבַד יְיָ אְלָהְכוֹן לְיַמָא דְסוּף דְיַבֵיש מִן קְֹדָמַנָא \עַד דַעְבַרנָא ״עַד מִעבְרַנָא#3#״׃
(1) 42:40	בְדִיל דְיִדְעוּן כָל עַמְמֵי״עמי#3#״ אַרעָא יָת גְבוּרְתָא דַיְיָ אְרֵי תַקִיפָא הִיא בְדִיל דְתִדחְלוּן קְֹדָם״מן קדם#3#״ יְיָ אְלָהְכוֹן כָל יוֹמַיָא׃

next chapter