The Comprehensive Aramaic Lexicon

(1) 10:30	וְאַקדֵים יְהוֹשֻעַ בְצַפרָא וֻנטַלוּ מִשִטִין וַאְתוֹ עַד יַרדְנָא הוּא וְכָל בְנֵי יִשׂרָאֵל וֻבָתוּ תַמָן קְֹדָם דְיִעבְרוּן׃
(1) 20:30	וַהְוָה מִסוֹף תְלָתָה יוֹמִין וַעְבַרוּ סָרְכַיָא בְגוֹ מַשרִיתָא׃
(1) 30:30	וֻפַקִידוּ יָת עַמָא לְמֵימַר כְמִחזֵיכוֹן״בְמִחזֵיכוֹן#3#״ יָת אְרוֹן קְיָמָא דַיְיָ אְלָהְכוֹן וְכָהְנַיָא לֵיוָאֵי נָטְלִין יָתֵיה וְאַתוּן תִיטְלוּן מֵאַתרְכוֹן וֻתהָכוּן בָתְרוֹהִי׃
(1) 40:30	בְרַם רַחִיק יְהֵי בֵינֵיכוֹן וֻבֵינוֹהִי כִתרֵין אַלפִין אַמִין בְמִשחְתָא לָא תִקרְבוּן לְוָתֵיה בְדִיל דְתִדְעוּן יָת אוֹרחָא דִתהָכוּן בַה אְרֵי לָא עְבַרתוּן בְאוֹרחָא מֵאַתמָלִי וֻמִדְקַמוֹהִי״ומדקדמוהי#3#״׃
(1) 50:30	וַאְמַר יְהוֹשֻעַ לְעַמָא אִזדָמַנוּ אְרֵי מְחַר יַעְבֵיד יְיָ בֵינֵיכוֹן פְרִישָן׃
(1) 60:30	וַאְמַר יְהוֹשֻעַ לְכָהְנַיָא לְמֵימַר טוּלוּ יָת אְרוֹן קְיָמָא וַעְבֻרוּ קְֹדָם עַמָא וֻנטַלוּ יָת אְרוֹנָא דִקיָמָא וַאְזַלוּ קְֹדָם עַמָא׃
(1) 70:30	וַאְמַר יְיָ לִיהוֹשֻעַ יוֹמָא דֵין״הָדֵין#2#״ אְשָרֵי לְרַבָיוּתָך בְעֵינֵי כָל יִשׂרָאֵל <בדיל#3#> דְיִדְעוּן אְרֵי כְמָא דַהְוָה מֵימְרִי בְסַעְדֵיה דְמֹשַה כֵין יְהֵי מֵימְרִי בְסַעְדָך׃
(1) 80:30	וְאַת תְפַקֵיד יָת כָהְנַיָא נָטְלֵי אְרוֹנָא דִקיָמָא לְמֵימַר כְמִמטֵיכוֹן״במימטיכון#3#״ עַד קְצָת מֵי יַרדְנָא בְיַרדְנָא תְקוּמוּן׃
(1) 90:30	וַאְמַר יְהוֹשֻעַ לִבנֵי יִשׂרָאֵל אִתקְרַבוּ״קריבו#3#״ הָלְכָא וֻשמַעוּ יָת פִתגָמָא״פִתגָמַיָא#2#״ דַיְיָ אְלָהְכוֹן׃
(1) 01:30	וַאְמַר יְהוֹשֻעַ בְדָא תִדְעוּן אְרֵי אְלָה קַיָים אִתרְעִי״יתרעי#3#״ לְאַשרָאָה שְכִינְתֵיה בֵינֵיכוֹן וְתָרָכָא יְתָרֵיך מִן קְֹדָמֵיכוֹן יָת כְנַעְנָאֵי וְיָת חִתָאֵי וְיָת חִוָאֵי וְיָת פְרִזָאֵי וְיָת גַרגִישָאֵי וַאְמוֹרָאֵי וִיבוּסָאֵי׃
(1) 11:30	הָא אְרוֹן קְיָמָא דְרִיבוֹן כָל אַרעָא״עלמא#3#״ עָבַר קְֹדָמֵיכוֹן בְיַרדְנָא׃
(1) 21:30	וֻכעַן סַבוּ״דְבַרוּ#2#״ לְכוֹן תְרֵי עְסַר גֻברִין מִשִבטֵי יִשׂרָאֵל גֻברָא חַד גֻברָא חַד לְשִבטָא״מִשִבטָא#3#״׃
(1) 31:30	וִיהֵי״וַהְוָה#3#״ כִמנָח פַרסַת רַגלֵי כָהְנַיָא נָטְלֵי אְרוֹנָא דַיְיָ רִבוֹן״דרבון#3#״ כָל אַרעָא בְמֵי יַרדְנָא מֵי יַרדְנָא יִפסְקוּן מַיָא דְנָחְתִין מִלְעֵילָא וִיקוּמוּן״וקמו#3#״ רִכבָא״רֻכבָא#2#״ חַד׃
(1) 41:30	וַהְוָה כַד נְטַלוּ עַמָא מִמַשכנֵיהוֹן״מִקִרוֵיהוֹן#3#״ לְמִעבַר יָת יַרדְנָא וְכָהְנַיָא נָטְלֵי אְרוֹנָא דִקיָמָא קְֹדָם עַמָא׃
(1) 51:30	וֻכמִמטֵי נָטְלֵי אְרוֹנָא עַד יַרדְנָא וְרַגלֵי כָהְנַיָא נָטְלֵי אְרוֹנָא טְבִילָא בִקצָת מַיָא וְיַרדְנָא מְלֵי עַל כָל כֵיפוֹהִי כָל יוֹמֵי חְצָדָא׃
(1) 61:30	וְקָמוּ מַיָא דְנָחְתִין מִלְעֵילָא קָמוּ רִכבָא״רֻכבָא#2#״ חַד״חדא#3#״ רַחִיקִין״דְרַחְקִין#2#״ לַחדָא מֵאָדָם קַרתָא דְבִסטַר צָרְתָן וֻדנָחְתִין לְיַמָא״על ימא#3#״ דְמֵישְרָא לְיַמָא״יַמָא#2#״ דְמִלחָא שְלִימוּ פְסַקוּ וְעַמָא עְבַרוּ לָקְֹבֵיל״קדם#3#״ יְרִיחוֹ׃
(1) 71:30	וְקָמוּ כָהְנַיָא נָטְלֵי אְרוֹן קְיָמָא דַיְיָ בְיַבַשתָא בְגוֹ יַרדְנָא מְתֻקְנַיָא וְכָל יִשׂרָאֵל עָבְרִין בְיַבַשתָא עַד דִשלִימוּ כָל עַמָא לְמִעבַר יָת יַרדְנָא׃

next chapter