H The Comprehensive Aramaic Lexicon

CAL CODE HELP CLICK HERE
click on the file description for more information

51006: TgJ Jos

click on a word for lexical analysis
Click on a red-colored coordinate for comments and/or translations of the line

(1) 10:10 וַהְוָה בָתַר דְמִית מֹשַה עַבדָא דַיְיָ וַאְמַר יְיָ לִיהוֹשֻעַ בַר נוּן מְשֻמשָנֵיה דְמֹשַה לְמֵימַר׃
(1) 20:10 מֹשַה עַבדִי מִית וֻכעַן קוּם עְבַר יָת יַרדְנָא הָדֵין אַת וְכָל עַמָא הָדֵין לְאַרעָא דַאְנָא יָהֵיב לְהוֹן לִבנֵי יִשׂרָאֵל׃
(1) 30:10 כָל אַתרָא״אְתַר#3#״ דְתִדרוֹך פַרסַת רַגלְכוֹן בֵיה לְכוֹן יְהַבתֵיה כְמָא דְמַלֵילִית עִם מֹשַה׃
(1) 40:10 \מִן מַדבְרָא ״מִמַדבְרָא#2#״ וְלִבנָן הָדֵין וְעַד נַהרָא רַבָא נַהרָא פְרָת כֹל אְרַע חִתָאֵי וְעַד יַמָא רַבָא מַעְלָנֵי שִמשָא יְהֵי תְחוּמְכוֹן׃
(1) 50:10 לָא יִתעַתַד אְנָש קְֹדָמָך כֹל יוֹמֵי חַיָיך כְמָא דַהְוָה מֵימְרִי בְסַעְדֵיה דְמֹשַה כֵין \יְהֵי מֵימְרִי בְסַעְדָך ״אהוי עמך#3#״ לָא אַשבְקִנָך וְלָא אְרַחְקִנָך׃
(1) 60:10 תְקַף וְעֵילַם אְרֵי אַת תַחסֵין יָת עַמָא הָדֵין יָת אַרעָא דְקַיֵימִית לַאְבָהָתְהוֹן לְמִתַן לְהוֹן׃
(1) 70:10 לְחוֹד תְקַף וְעֵילַם לַחדָא לְמִטַר לְמַעְבַד כְכָל אוֹרָיתָא דְפַקְדָך מֹשַה עַבדִי לָא תִסטֵי מִנֵיה \לְיַמִינָא וְלִסמָאלָא ״ימינא ושׂמאלא#3#״ בְדִיל דְתַצלַח בְכָל אְתַר דִתהָך׃
(1) 80:10 לָא יִעדֵי סִפרָא דְאוֹרָיתָא הָדֵין מִפוּמָך וֻתהֵי הָגֵי בֵיה יִימָם וְלֵילֵי בְדִיל דְתִטַר לְמַעְבַד כְכָל״כְכָל מה#3#״ דִכתִיב בֵיה אְרֵי בְכֵין תַצלַח יָת אוֹרחָתָך״דרכך#3#״ וֻבכֵין תַכשֵיט׃
(1) 90:10 הְלָא פַקֵידְתָך תְקַף וְעֵילַם לָא תִדחַל וְלָא תִתְבַר אְרֵי בְסַעְדָך מֵימְרָא דַיְיָ אְלָהָך בְכָל אְתַר דִתהָך׃
(1) 01:10 וֻפַקֵיד יְהוֹשֻעַ יָת סָרְכֵי עַמָא לְמֵימַר׃
(1) 11:10 עְבֻרוּ בְגוֹ מַשרִיתָא וֻפַקִידוּ יָת עַמָא לְמֵימַר אַתקִינוּ לְכוֹן זְוָדִין אְרֵי בְסוֹף תְלָתָא יוֹמִין אַתוּן עָבְרִין יָת יַרדְנָא הָדֵין לְמֵיעַל לְמֵירַת יָת אַרעָא דַיְיָ אְלָהְכוֹן יָהֵיב לְכוֹן לְמֵירְתַה׃
(1) 21:10 וֻלשֵבַט רְאוּבֵן וֻלשֵיבַט גָד וֻלפַלגוּת שִבטָא דִמנַשַה אְמַר יְהוֹשֻעַ לְמֵימָר׃
(1) 31:10 הְווֹ דְכִירִין יָת פִתגָמָא דְפַקֵיד יָתְכוֹן מֹשַה עַבדָא דַיְיָ לְמֵימָר יְיָ אְלָהְכוֹן מְנִיחַ לְכוֹן וִיהַב״ויתן#3#״ לְכוֹן יָת אַרעָא הָדָא׃
(1) 41:10 <לחוד#3#> נְשֵיכוֹן טַפלְכוֹן וֻבעִירְכוֹן יִתְבוּן בְאַרעָא דִיהַב לְכוֹן מֹשַה בְעִברָא דְיַרדְנָא וְאַתוּן תִעבְרוּן מְזָרְזִין קְֹדָם אְחֵיכוֹן כֹל גִיבָרֵי חֵילָא וֻתסַעְדוּן יָתְהוֹן׃
(1) 51:10 עַד דִינִיחַ יְיָ לַאְחֵיכוֹן כְוָתְכוֹן וְיֵירְתוּן אַף אִנוּן יָת אַרעָא דַיְיָ אְלָהְכוֹן יָהֵיב לְהוֹן״לכון#3#״ וֻתתוּבוּן לַאְרַע יְרוּתַתכוֹן וְתֵירְתוּן יָתַה דִיהַב לְכוֹן מֹשַה עַבדָא דַיְיָ בְעִברָא דְיַרדְנָא מַדנַח שִמשָא׃
(1) 61:10 וַאְתִיבוּ יָת יְהוֹשֻעַ לְמֵימַר כָל״כְכֹל#3#״ דְפַקֵידתַנָא נַעְבֵיד וֻלכָל אְתַר דְתִשלְחִינַנָא נְהָך״נֵיזֵיל#2#״׃
(1) 71:10 כְכָל״כְמָא#2#״ דְקַבֵילנָא מִן מֹשַה כֵן נְקַבֵיל מִינָך לְחוֹד יְהֵי מֵימְרָא דַיְיָ אְלָהָך בְסַעְדָך כְמָא דַהְוָה בְסַעְדֵיה דְמֹשַה׃
(1) 81:10 כָל גְבַר דִיסָרֵיב עַל מֵימְרָך וְלָא יְקַבֵיל יָת פִתגָמָך לְכֹל דִתפַקְדִנֵיה יִתקְטִיל לְחוֹד תְקַף וְעֵילַם׃

next chapter