The Comprehensive Aramaic Lexicon

(1) 10:03	וִיהֵי אֲרֵי יֵיתוֹן״ייעלון#3#״ עֲלָך כֹל פִתגָמַיָא הָאִלֵין בִרכָן וֻלוָטִין דִיהַבִית קְדָמָך וְתָתֵיב לְלִיבָך בְכָל עַמְמַיָא דְאַגלִיָך יוי אֲלָהָך לְתַמָן׃
(1) 20:03	וֻתתוּב לְדַחַלתָא דַיוי אֲלָהָך וֻתקַבֵיל לְמֵימְרֵיה כְכֹל דַאֲנָא מְפַקֵיד לָך יוֹמָא דֵין אַת וֻבנָך בְכֹל לִיבָך וֻבכָל נַפשָך׃
(1) 30:03	וְיָתֵיב יוי אֲלָהָך יָת \״שָבֵי#3#״שבות#3#״ גָלְוָתָך וִירַחֵים עֲלָך וִיתוּב וְיִכנְשִינָך מִכֹל עַמְמַיָא דְבַדְרָך יוי אֲלָהָך לְתַמָן׃
(1) 40:03	אִם יִהוִיָן״יִהוְיָן#3#״ גָלְוָתָך בִסִיָפֵי״בִסיָפֵי#3#״ שְמַיָא מִתַמָן יִכְנשִינָך יוי אֲלָהָך וֻמִתַמָן יְקָרְבִינָך״ידברינך#3#״׃
(1) 50:03	וְיַעֵילִינָך יוי אֲלָהָך לארעא דִירִיתוּ אֲבָהָתָך וְתֵירְתַה וְיוֹטֵיב לָך וְיַסגֵינָך״ויפישנך#3#״ מֵאֲבָהָתָך׃
(1) 60:03	וְיַעֲדֵי יוי אֲלָהָך יָת טַפשוּת״טיפשות#3#״ לִיבָך וְיָת טַפשוּת״טיפשות#3#״ לִיבָא דִבנָך לְמִרחַם יָת יוי אֲלָהָך בְכֹל לִיבָך וֻבכָל נַפשָך בְדִיל חַייָך׃
(1) 70:03	וְיִתֵין יוי אֲלָהָך יָת כֹל לְוָטַיָא הָאִלֵין עַל בַעֲלֵי דְבָבָך וְעַל סָנְאָך דְרַדפוּך׃
(1) 80:03	וְאַת תְתוּב וֻתקַבֵיל לְמֵימְרָא דַיוי וְתַעֲבֵיד יָת כֹל פִקוֹדוֹהִי דַאֲנָא מְפַקֵיד לָך יוֹמָא דֵין׃
(1) 90:03	וְיוֹתְרִינָך יוי אֲלָהָך בְכֹל עוּבָדֵי יְדָך בְוַלדָא דִמעָך וֻבוַלדָא דִבעִירָך וֻבאִיבָא דְאַרעָך לְטָבָא אֲרֵי יְתוּב יוי לְמִחדֵי עֲלָך לְטָב כְמָא דַחדִי עַל אֲבָהָתָך׃
(1) 01:03	אֲרֵי תְקַבֵיל לְמֵימְרָא דַיוי אֲלָהָך לְמִיטַר פִקוֹדוֹהִי וֻקיָמוֹהִי דִכתִיבִין בִספַר אוֹרָיתָא הָדֵין אֲרֵי תְתוּב לְדַחַלתָא דַיוי אֲלָהָך בְכֹל לִיבָך וֻבכָל נַפשָך׃
(1) 11:03	אֲרֵי תַפקֵידתָא הָדָא דַאֲנָא מְפַקֵיד לָך יוֹמָא דֵין לָא מְפָרְשָא היא מִינָך וְלָא רַחִיקָא הִיא׃
(1) 21:03	לָא בִשמַיָא הִיא לְמֵימַר מַן יִסַק לַנָא לִשמַיָא וְיִסְבַה לַנָא וְיַשמְעִינַנָא יָתַה וְנַעבְדִינַה׃
(1) 31:03	וְלָא מֵעִברָא לְיַמָא הִיא לְמֵימַר מַן יְעִיבַר לַנָא לְעֵיבַר יַמָא וְיִסְבַה לַנָא וְיַשמְעִינַנָא יָתַה וְנַעבְדִינַה׃
(1) 41:03	אֲרֵי קָרִיב לָך פִתגָמָא לַחדָא בְפוּמָך וֻבלִיבָך לְמַעבְדֵיה׃
(1) 51:03	חֲזִי״חְזֵי#3#״ דִיהַבִית קְדָמָך יוֹמָא דֵין יָת חַיֵי וְיָת טָבְתָא וְיָת מוֹתָא וְיָת בִשתָא׃
(1) 61:03	דַאֲנָא מְפַקֵיד לָך יוֹמָא דֵין לְמִרחַם יָת יוי אֲלָהָך לִמהָך בְאוֹרחָן דְתָקְנָן קְדָמוֹהִי וֻלמִיטַר פִקוֹדוֹהִי וֻקיָמוֹהִי וְדִינוֹהִי וְתֵיחֵי וְתִסגֵי וִיבָרְכִינָך יוי אֲלָהָך בְאַרעָא דְאַת עָלֵיל לְתַמָן לְמֵירְתַה׃
(1) 71:03	וְאִם יִתפְנֵי לִיבָך וְלָא תְקַבֵיל וְתִטעֵי וְתִסגוֹד לְטָעֲוָת עַמְמַיָא וְתִפלַחִינִין׃
(1) 81:03	חַוִיתִי לְכוֹן יוֹמָא דֵין אֲרֵי מֵיבַד תֵיבְדוּן״תובדון#3#״ לָא תֵירְכוּן״תורכון#3#״ יוֹמִין עַל אַרעָא דְאַת עָבַר יָת יַרדְנָא לְמֵיעַל לְתַמָן לְמֵירְתַה׃
(1) 91:03	אַסהֵידִית בְכוֹן יוֹמָא דֵין יָת שְמַיָא וְיָת אַרעָא חַיֵי וֻמוֹתָא יְהַבִית קְדָמָך בִרכָן וֻלוָטִין וְתִתרְעֵי בְחַיֵי בְדִיל דְתֵיחֵי אַת וֻבנָך׃
(1) 02:03	לְמִרחַם יָת יוי אֲלָהָך לְקַבָלָא לְמֵימְרֵיה וֻלאִתקָרָבָא״ולקרבא#3#״ לְדַחַלתֵיה אֲרֵי הוּא חַייָך וְאוֹרָכוּת״ואוריכות#3#״ יוֹמָך לְמִיתַב עַל אַרעָא דְקַיֵים יוי לַאֲבָהָתָך לְאַברָהָם לְיִצחָק וֻליַעֲקֹב לְמִיתַן לְהוֹן׃

next chapter