The Comprehensive Aramaic Lexicon

(1) 10:82	וִיהֵי אִם קַבָלָא תְקַבֵיל לְמֵימְרָא דַיוי אֲלָהָך לְמִיטַר לְמַעֲבַד יָת כֹל פִקוֹדוֹהִי דַאֲנָא מְפַקֵיד לָך יוֹמָא דֵין וְיִתְנִינָך יוי אֲלָהָך עִלַי עַל כֹל עַמְמֵי ארעא׃
(1) 20:82	וְיֵיתִיָן״וְיֵיתוֹן#3#״ עֲלָך כֹל בִרכָתָא הֲאִלֵין וְיִדבְקוּנָך אֲרֵי תְקַבֵיל לְמֵימְרָא דַיוי אֲלָהָך׃
(1) 30:82	בְרִיך אַת בְקַרתָא וֻברִיך אַת בְחַקלָא׃
(1) 40:82	בְרִיך וַלדָא דִמעָך וְאִיבָא דְאַרעָך וְוַלדָא דִבעִירָך בַקרֵי תוֹרָך וְעַדרֵי עָנָך׃
(1) 50:82	בְרִיך סַלָך וְאָצוּתָך״ואסוותך#3#״׃
(1) 60:82	בְרִיך אַת בְמֵיעֲלָך וֻברִיך אַת בְמִפְקָך׃
(1) 70:82	יִתֵין יוי יָת בַעלֵי דְבָבָך דְקָיְמִין עֲלָך תְבִירִין קְדָמָך בְאוֹרחָא חֲדָא יִפְקוּן לְוָתָך וֻבִשבַע אוֹרחָן יִיעִרקוּן מִן קְדָמָך׃
(1) 80:82	יְפַקֵיד יוי לָך יָת בִרכְתָא בְאוֹצְרָך וֻבכָל אוֹשָטוּת יְדָך וִיבָרְכִינָך בארעא דַיוי אֲלָהָך יָהֵיב לָך׃
(1) 90:82	יְקִימִינָך יוי קְדָמוֹהִי לְעַם קַדִיש כְמָא דְקַיֵים לָך אֲרֵי תִיטַר יָת פִקוֹדַיָא דַיוי אֲלָהָך וֻתהָך בְאוֹרחָן דְתָקְנָן קְדָמוֹהִי׃
(1) 01:82	וְיִחזוֹן כֹל עַמְמֵי ארעא אֲרֵי שְמָא דַיוי אִתקְרִי עֲלָך וְיִדחֲלוּן מִנָך׃
(1) 11:82	וְיוֹתְרִינָך״ויותירינך#3#״ יוי לְטָבָא בְוַלדָא דִמעָך וֻבוַלדָא דִבעִירָך וֻבאִיבָא דְאַרעָך עַל ארעא דְקַיֵים יוי לַאֲבָהָתָך לְמִיתַן לָך׃
(1) 21:82	יִפתַח יוי לָך יָת אוֹצְרֵיה טָבָא יָת שְמַיָא לְמִתַן מְטַר אַרעָך בְעִידָנֵיה וֻלבָרָכָא יָת כֹל עוּבָדֵי יְדָך וְתוֹזֵיף לְעַמְמִין סַגִיאִין וְאַת לָא תְזִיף״תזוף#3#״׃
(1) 31:82	וְיִתְנִינָך יוי תַקִיף וְלָא חַלָש וֻתהֵי בְרַם״לחוד#3#״ לְעֵילָא וְלָא תְהֵי לְתַחתָא״לתחותא#3#״ אֲרֵי תְקַבֵיל לְפִקוֹדַיָא״למימרא#3#״ דַיוי אֲלָהָך דַאֲנָא מְפַקֵיד לָך יוֹמָא דֵין לְמִיטַר וֻלמַעֲבַד׃
(1) 41:82	וְלָא תִסטוֹן מִכֹל פִתגָמַיָא דַאֲנָא מְפַקֵיד יָתְכוֹן יוֹמָא דֵין לְיַמִינָא וְלִסמָלָא לִמהָך בָתַר טָעֲוָת עַמְמַיָא לְמִפלַחהוֹן׃
(1) 51:82	וִיהֵי אִם לָא תְקַבֵיל לְמֵימְרָא דַיוי אֲלָהָך לְמִטַר לְמַעֲבַד יָת כֹל פִיקוֹדוֹהִי וֻקיָמוֹהִי דַאֲנָא מְפַקֵיד לָך יוֹמָא דֵין וְיֵיתוֹן עֲלָך כֹל לְוָטַיָא הָאִלֵין וְיִדבְקוּנָך׃
(1) 61:82	לִיט אַת בְקַרתָא וְלִיט אַת בְחַקלָא׃
(1) 71:82	לִיט סַלָך וְאָצוּתָך״ואסוותך#3#״׃
(1) 81:82	לִיט וַלדָא דִמעָך וְאִיבָא דְאַרעָך בַקרֵי תוֹרָך וְעַדרֵי עָנָך׃
(1) 91:82	לִיט אַת בְמֵיעֲלָך וְלִיט אַת בְמִיפְקָך׃
(1) 02:82	יְשַלַח״יגרי#3#״ יוי בָך יָת מְאֵירְתָא וְיָת שִגוּשיָא וְיָת מַזוֹפִיתָא״מְזוֹפִיתָא#3#״ בְכֹל אוֹשָטוּת יְדָך דְתַעֲבֵיד עַד דְתִשתֵיצֵי וְעַד דְתֵיבַד״דתוביד#3#״ בִפרִיַע מִן קְדָם בִישוּת עוּבָדָך דִשבַקתָא דַחַלתִי׃
(1) 12:82	יַדבֵיק יוי בָך יָת מוֹתָא עַד דִישֵיצֵי יָתָך מֵעַל ארעא דְאַת עָלֵיל לְתַמָן לְמֵיְרתַה׃
(1) 22:82	יִמחֵינָך יוי בְשַחַפתָא וֻבקַדַחתָא וֻבִדלֵיקְתָא וֻבחַרחוּרָא וֻבחַרבָא וֻבשַדפָנָא״ובשידפונא#3#״ וֻביַרקָנָא״ובירקונא#3#״ וְיִרדפוּנָך עַד דְתֵיבַד׃
(1) 32:82	וִיהוֹן שְמַיָא דְעִלָוֵי רֵישָך חַסִינִין כְנחָשָא מִלְאַחָתָא מִטרָא וְאַרעָא דִתחוֹתָך תַקִיפָא כְבַרזְלָא״כפרזלא#3#״ מִלְמַעֲבַד פֵירִין׃
(1) 42:82	יִתֵין יוי יָת מְטַר אַרעָך אַבקָא וְעַפרָא מִן שְמַיָא יֵיחוֹת עֲלָך עַד דְתִשתֵיצֵי׃
(1) 52:82	יִתְנִינָך יוי תְבִיר קְדָם סָנְאָך״בעלי דבבך#3#״ בְאוֹרחָא חֲדָא תִיפוֹק לְוָתֵיה וֻבִשבַע אוֹרחָן״אורחין#3#״ תְעִירוֹק מִן קְדָמוֹהִי וֻתהֵי לִזיָע״לזעו#3#״ לְכֹל מַלכְוָת ארעא׃
(1) 62:82	וֻתהֵי נְבֵילְתָך מְשַגְרָא״מְשֻגְרָא#3#״ לְמֵיכַל לְכֹל עוֹפָא דִשמַיָא וְלִבעִירָא דארעא וְלֵית דְמַנִיד׃
(1) 72:82	יִמחֵינָך יוי בְשִחנָא דְמִצרַיִם וֻבִטחוֹרִין וֻבגַרבָא וֻבַחרַס״ובחרסונא#3#״ יַבִיש״יְבִיש#3#״ דְלָא תִיכוֹל לְאִיתַסָאָה׃
(1) 82:82	יִמחֵינָך יוי בְטַפשוּתָא״בטיפשותא#3#״ וֻבסַמיוּתָא״ובסמאותא#3#״ וֻבשַעמְמוּת״ובשעמימות#3#״ לִיבָא׃
(1) 92:82	וֻתהֵי מְמַשֵיש בְטֵיהֲרָא״בסיהרא#3#״ כְמָא דִממַשֵיש״דִימַשֵיש#3#״ עֲוִירָא בְקַבלָא וְלָא תַצלַח יָת אוֹרחָתָך וֻתהֵי בְרַם״לחוד#3#״ עַשִיק״עְשִיק#3#״ וַאֲנִיס כֹל יוֹמַיָא וְלֵית דְפָרִיק׃
(1) 03:82	אִיתְתָא תֵירוּס וֻגבַר אוּחרָן״אָחְֹרָן#3#״ יִשכְנִינַה בֵיתָא תִבנֵי וְלָא תִתֵין בֵיה כַרמָא תִיצוּב״תנציב#3#״ וְלָא תַחֲלִינֵיה״תחלליניה#3#״׃
(1) 13:82	תוֹרָך יְהֵי נְכִיס לְעֵינָך וְלָא תֵיכוֹל מִנֵיה חֲמָרָך״חַמָרָך#3#״ יְהֵי אַנִיס״אְנִיס#3#״ מִן קְדָמָך וְלָא יְתוּב לָך עָנָך מְסִירָן לְבַעלֵי דְבָבָך וְלֵית לָך פָרִיק׃
(1) 23:82	בְנָך וֻבנָתָך מְסִירִין״מְסִירָן#3#״ לְעַם אוּחרָן״אָחְֹרָן#3#״ וְעֵינָך חָזיָן וִיסוּפָן״ויסופון#3#״ בִגלַלהוֹן כֹל יוֹמָא וְלֵית חֵילָא בִידָך׃
(1) 33:82	אִיבָא דְאַרעָך וְכָל לֵיאוּתָך יֵיכוֹל עַם דְלָא יְדַעתָא וֻתהֵי בְרַם״לחוד#3#״ עַשִיק״עְשִיק#3#״ וֻרעִיַע״ורציץ#3#״ כֹל יוֹמַיָא׃
(1) 43:82	וֻתהֵי מִשתַטֵי מֵיחֵיזוּ עֵינָך דִתהֵי חָזֵי׃
(1) 53:82	יִמחֵינָך יוי בְשִחנָא״בשחינא#3#״ בִישָא עַל רְכוּבִין וְעַל שָקִין״שוקין#3#״ דְלָא תִיכוֹל לְאִיתַסָאָה מִפַרסַת רַגלָך וְעַד מוּחָך׃
(1) 63:82	יַגלֵי יוי יָתָך וְיָת מַלכָך דִתקִים״דתוקים#3#״ עֲלָך לְעַם דְלָא יְדַעתָא אַת וַאֲבָהָתָך וְתִפלַח תַמָן לְעַמְמַיָא פָלְחֵי טָעֲוָתָא אָעָא וְאַבנָא׃
(1) 73:82	וֻתהֵי לְצָדוּ לִמתַל״לִמתָל#3#״ וֻלשוֹעִי בְכֹל עַמְמַיָא דִידַבְרִינָך״דאגלך#3#״ יוי לְתַמָן׃
(1) 83:82	בַר זְרַע סַגִי תַפֵיק לְחַקלָא וֻזעֵיר תִכנוֹש״תכניש#3#״ אֲרֵי יַחסְלִינֵיה״יחסניניה#3#״ גוֹבָא׃
(1) 93:82	כַרמִין תִיצוּב״תנציב#3#״ וְתִפלַח וְחַמרָא לָא תִשתֵי וְלָא תִכנוֹש אֲרֵי תֵיכְלִינֵיה תוֹלַעתָא׃
(1) 04:82	זֵיתִין יְהוֹן לָך בְכֹל תְחוּמָך וֻמִשחָא לָא תְשוּף״תסוך#3#״ אֲרֵי יִתְרוּן זֵיתָך׃
(1) 14:82	בְנִין וֻבנָן תְלִיד״תוֹלִיד#3#״ וְלָא יְהוֹן לָך אֲרֵי יְהָכוּן בְשִביָא׃
(1) 24:82	כֹל אִילָנָך וְאִיבָא דְאַרעָך יַחסְנִינֵיה״יתריך#3#״ סַקָאָה׃
(1) 34:82	תוֹתָב עֲרַל דְבֵינָך יְהֵי סָלֵיק עֵיל מִינָך לְעֵילָא לְעֵילָא וְאַת תְהֵי נָחֵית \לְתַחתָא לְתַחתָא ״לתתא לתתא#3#״׃
(1) 44:82	הוּא יוֹזְפִינָך וְאַת לָא תוֹזְפִינֵיה״תזופיניה#3#״ הוּא יְהֵי תַקִיף וְאַת תְהֵי חַלָש׃
(1) 54:82	וְיֵיתוֹן עֲלָך כֹל לְוָטַיָא הָאִלֵין וְיִרדְפוּנָך וְיִדבְקוּנָך עַד דְתִשתֵיצֵי אֲרֵי לָא קַבֵילתָא לְמֵימְרָא דַיוי אֲלָהָך לְמִיטַר פִקוֹדוֹהִי וֻקיָמוֹהִי דְפַקְדָך׃
(1) 64:82	וִיהוֹן בָך לְאָת וֻלמוֹפַת וְבִבנָך עַד עָלְמָא׃
(1) 74:82	חֲלָף דְלָא פְלָחתָא קדם יוי אֲלָהָך בְחַדוָא וֻבשַפִירוּת״ובקשיטות#3#״ לִיבָא מִיסְגֵי כוֹלָא׃
(1) 84:82	וְתִפלַח יָת בַעֲלֵי דְבָבָך דִיגָרֵינוּן יוי בָך בְכַפנָא וֻבצָהוּתָא״ובצחותא#3#״ וֻבעַרטִלָיוּתָא וֻבחַסִירוּת כוֹלָא וְיִתֵין נִיר דְבַרזַל״פרזלא#3#״ עַל צַורָך עַד דִישֵיצֵי יָתָך׃
(1) 94:82	יַיתֵי יוי עֲלָך עַם מֵרַחִיק מִסִיָפֵי״מִסְיָפֵי#3#״ ארעא כְמָא דְמִשתַדֵי״דְמִשתְדֵי#3#״ נִשרָא עַמָא דְלָא תִשמַע״תִדַע#3#״תקבל#3#״ לִישָנֵיה׃
(1) 05:82	עַם תַקִיף אַפִין דְלָא נְסֵיב אַפֵי סָבָא וְעַל יָנְקָא לָא מְרַחֵים׃
(1) 15:82	וְיֵיכוֹל וַלדָא דִבעִירָך וְאִיבָא דְאַרעָך עַד דְתִשתֵיצֵי דְלָא יַשאַר לָך עִיבוּרָא חַמרָא וֻמִשחָא בַקרֵי תוֹרָך וְעַדרֵי עָנָך עַד דְיוֹבֵיד״דְיֵיבוֹד#3#״ יָתָך׃
(1) 25:82	וִיעִיק לָך בְכֹל קִרוָך עַד דִיכַבֵיש״דיכבוש#3#״ שוּרָך רָמַיָא״כריכתא#3#״ וֻכרִיכַיָא״ותקיפתא#3#״ דְאַת רְחִיץ לְאִשתֵיזָבָא בְהוֹן בְכֹל אַרעָך״קירוך#3#״ וִיעִיק לָך בְכֹל קִרוָך בְכֹל אַרעָך דִיהַב יוי אֲלָהָך לָך׃
(1) 35:82	וְתִיכוֹל וַלדָא דִמעָך בְסַר בְנָך וֻבנָתָך דִיהַב לָך יוי אֲלָהָך בִציָרָא וֻבעָקְתָא דִיעִיק לָך סָנְאָך׃
(1) 45:82	גַברָא״גֻברָא#3#״ דְרַכִיך בָך וְדִמפַנַק״וְדִמפֻנַק#3#״ לַחדָא תִבאַש״תבאיש#3#״ עֵינֵיה בַאֲחוּהִי וֻבאִיתַת קִיָמֵיה״קְיָמֵיה#3#״ וֻבִשאָר בְנוֹהִי דְיַשאַר״דישתאר#3#״׃
(1) 55:82	מִלְמִיתַן לְחַד מִנְהוֹן מִבְסַר בְנוֹהִי דְיֵיכוֹל מִדְלָא אִשתְאַר״ישאר#3#״ לֵיה כוֹלָא בִציָרָא וֻבעָקְתָא דִיעִיק לָך סָנְאָך בְכֹל קִרוָך׃
(1) 65:82	דְרַכִיכָא בָך וְדִמפַנְקָא״וְדִמפֻנְקָא#3#״ דְלָא נַסִיאַת פַרסַת רַגלַה לַאֲחָתָא עַל אַרעָא מִפַנַקוּ״מִמְפֻנְקוּ#3#״ וֻמֵירַכִיכוּ תִבאַש״תבאיש#3#״ עֵינַה בִגבַר קְיָמַה וֻבִברַה וֻבִברַתַה׃
(1) 75:82	וֻבִזעֵיר בְנַהָא דְיִפְקוּן מִינַה וֻבִבנַחָא דִתלִיד״דתוליד#3#״ אֲרֵי תֵיכוֹלִינוּן״תֵיכַלִינוּן#3#״ בְחַסִירוּת כוֹלָא בְסִתרָא בִציָרָא וֻבעָקְתָא דִיעִיק לָך סָנְאָך בְקִרוָך׃
(1) 85:82	אִם לָא תִיטַר לְמַעֲבַד יָת כֹל פִתגָמֵי אוֹרָיתָא הָדָא דִכתִיבִין בְסִפרָא הָדֵין לְמִדחַל יָת שְמָא יַקִירָא״רַבָא#3#״ וֻדחִילָא הָדֵין יָת יוי אֲלָהָך׃
(1) 95:82	וְיַפרֵיש יוי יָת מַחָתָך וְיָת מַחַת בְנָך מַחָן רַברְבָן״סגיאן#3#״ וֻמהֵימְנָן וֻמַכתָשִין״ומרעין#3#״ בִישִין וֻמהֵימְנִין׃
(1) 06:82	וְיָתֵיב בָך יָת כֹל מַכתָשֵי מִצרַיִם דִדחֵילתָא מִן קְדָמֵיהוֹן וְיִדבְקוּן בָך׃
(1) 16:82	אַף כֹל מְרַע וְכֹל מַחָא דְלָא כְתִיבִין בִספַר אוֹרָיתָא הָדָא״הדין#3#״ יַיתֵינוּן״יסקינון#3#״ יוי עֲלָך עַד דְתִשתֵיצֵי׃
(1) 26:82	וְתִשתְאַרוּן״וְתִשתַאְרוּן#3#״ בְעַם זְעֵיר״דמנין#3#״ חֲלָף דַהוֵיתוֹן כְכוֹכְבֵי שְמַיָא לִסגֵי אֲרֵי לָא קַבֵילתָא לְמֵימְרָא דַיוי אֲלָהָך׃
(1) 36:82	וִיהֵי כְמָא דַחדִי יוי עֲלֵיכוֹן לְאוֹטָבָא״לְאֵיטָבָא#3#״ יָתְכוֹן וֻלאַסגָאָה יָתְכוֹן כֵין יִחדֵי יוי עֲלֵיכוֹן לְאוֹבָדָא יָתְכוֹן וֻלשֵיצָאָה יָתְכוֹן וְתִיטַלטְלוּן מֵעַל ארעא דְאַת עָלֵיל לְתַמָן לְמֵירְתַה׃
(1) 46:82	וִיבַדְרִינָך יוי בְכֹל עַמְמַיָא מִסִיָפֵי״מִסְיָפֵי#3#״ ארעא וְעַד סִיָפֵי״סְיָפֵי#3#״ ארעא וְתִפלַח תַמָן לְעַמָמַיָא פָלְחֵי טָעֲוָתָא דְלָא יְדַעתָא אַת וַאֲבָהָתָך אָעָא וְאַבנָא׃
(1) 56:82	וֻבעַמְמַיָא הָאִינוּן לָא תְנוּחַ וְלָא יְהֵי מְנָח לְפָרסַת רַגלָך וְיִתֵין יוי לָך תַמָן לַב דָחוּל״דחיל#3#״ וְחַשכוּת עֵינִין וֻמַפְחָת נְפַש׃
(1) 66:82	וִיהוֹן חַייָך תְלַן לָך מִקְבַל״מִקָבֵיל#3#״ וֻתהֵי תָוַה״פחיד#3#״ בְלֵיליָא וֻבִימָמָא וְלָא תְהֵימוֹן״תְהֵימֵין#3#״ בְחַייָך׃
(1) 76:82	בְצַפרָא תֵימַר מַן יִתֵין רַמשָא וֻברַמשָא תֵימַר מַן יִתֵין צַפרָא מִתִיוהַת״מתוהות#3#״ לִיבָך דִתהֵי תָוַה וֻמֵיחֵיזוּ עֵינָך דִתהֵי חָזֵי׃
(1) 86:82	וְיָתִיבִינָך יוי לְמִצרַיִם בִספִינָן בְאוֹרחָא דַאֲמַרִית לָך לָא תוֹסֵיף עוֹד לְמִחזַה וְתִזדַבְנוּן תַמָן לְבַעלֵי דְבָבֵיכוֹן לְעַבדִין וֻלאַמהָן וְלֵית דְקָנֵי׃
(1) 96:82	אִלֵין פִתגָמֵי קִיָמָא״קְיָמָא#3#״ דְפַקֵיד יוי יָת מֹשַה לְמִגזַר עִם בְנֵי ישראל בארעא דְמוֹאָב בָר מִקִיָמָא דִגזַר עִמְהוֹן בְחוֹרֵב׃

next chapter