H The Comprehensive Aramaic Lexicon

CAL CODE HELP CLICK HERE
click on the file description for more information

51005: TgO Dt

click on a word for lexical analysis
Click on a red-colored coordinate for comments and/or translations of the line

previous chapter


(1) 10:62 וִיהֵי אֲרֵי תֵיעוֹל לארעא דַיוי אֲלָהָך יָהֵיב לָך אַחסָנָא וְתֵירתַה וְתִיתֵיב בַה׃
(1) 20:62 וְתִיסַב מֵרֵיש כֹל אִיבָא דְארעא דְתַעֵיל״דתיתי#3#״ מֵאַרעָך דַיוי אֲלָהָך יָהֵיב לָך וֻתשַוֵי בְסַלָא וֻתהָך לְאַתרָא דְיִתרְעֵי יוי אֲלָהָך לְאַשרָאָה שְכִינְתֵיה תַמָן׃
(1) 30:62 וְתֵיתֵי לְוָת כָהֲנָא דִיהֵי בְיוֹמַיָא הָאִינוּן וְתֵימַר לֵיה חַוִיתִי יוֹמָא דֵין קדם יוי אֲלָהָך אֲרֵי עַלִית לארעא דְקַיֵים יוי לַאֲבָהָתַנָא לְמִיתַן לַנָא׃
(1) 40:62 וְיִסַב כָהֲנָא סַלָא מִן יְדָך וְיַחֲתִינֵיה״ויצנעיניה#3#״ קְדָם מַדבְחָא דַיוי אֲלָהָך׃
(1) 50:62 וְתָתֵיב וְתֵימַר קדם יוי אֲלָהָך לָבָן אֲרַמָאָה בְעָא לְאוֹבָדָא״לְאַבָדָא#3#״ יָת אַבָא וֻנחַת למצרים וְדָר תַמָן בְעַם זְעֵיר וַהֲוָה תַמָן לְעַם רַב תַקִיף וְסַגִי׃
(1) 60:62 וְאַבאִישוּ לַנָא מִצרָאֵי וְעַנְיוּנָא וִיהַבוּ עֲלַהָא פוּלחָנָא קַשיָא׃
(1) 70:62 וְצַלִינָא קדם יוי אֲלָהָא דַאֲבָהָתַנָא וְקַבֵיל יוי צְלוֹתַנָא וֻגלֵי קְדָמוֹהִי עַמלַנָא וְלֵיאוּתַנָא וְדוּחקַנָא׃
(1) 80:62 וְאַפְקַנָא יוי מִמִצרַיִם בְיַד תַקִיפָא וֻבִדרָע מְרָמַם וֻבחִזוָנָא״ובחיזו#3#״ רַבָא וֻבאָתִין וֻבמוֹפְתִין׃
(1) 90:62 וְאֵתִיַנָא״ואעלנא#3#״ לְאַתרָא הָדֵין״הדא#3#״ וִיהַב לַנָא יָת ארעא הָדָא אֲרַע עָבְדָא חֲלָב וֻדבָש׃
(1) 01:62 וֻכעַן הָא אֵיתִיתִי יָת רֵיש אִיבָא דְארעא דִיהַבת לִי יוי וְתַחֲתִינֵיה״ותצנעינה#3#״ קְדָם יוי אֲלָהָך וְתִסגוֹד קדם יוי אֲלָהָך׃
(1) 11:62 וְתִחדֵי בְכֹל טָבְתָא דִיהַב לָך יוי אֲלָהָך וֻלאֲנָש בֵיתָך אַת וְלֵיוָאָה וְגִיוֹרָא דְבֵינָך׃
(1) 21:62 אֲרֵי תְשֵיצֵי לְעַסָרָא יָת כֹל מַעסַר עֲלַלתָך בְשַתָא תְלִיתֵיתָא שְנַת מַעַסרָא וְתִתֵין לְלֵיוָאָה לְגִיוֹרָא לְיַתמָא וֻלאַרמַלתָא וְיֵיכְלוּן בְקִרוָך וְיִסבְעוּן׃
(1) 31:62 וְתֵימַר קדם יוי אֲלָהָך פַלִיתִי \קוֹדש מַעַסרָא ״מַעסַר קוּדשָא#3#״ מִן בֵיתָא וְאַף יְהַבתֵיה לְלֵיוָאָה וֻלגִיוֹרָא לְיַתמָא וֻלאַרמַלתָא כְכֹל תַפקֵידתָך״פיקודך#3#״ דְפַקֵידתַנִי״דְפַקֵידתָנִי#3#״ לָא עֲבַרִית מִפִקוֹדָך וְלָא אִתנְשִיתִי״אנשיתי#3#״׃
(1) 41:62 לָא אֲכַלִית בְאִבלִי״בְאַבלִי#3#״ מִנֵיה וְלָא חַלֵיפיִת״פליתי#3#״ מִנֵיה בִמסָאַב וְלָא יְהַבִית מִנֵיה לְמִית קַבֵילִית לְמֵימְרָא דַיוי אֲלָהִי עֲבָדִית כְכָל דְפַקֵידתַנִי״דְפַקֵידתָנִי#3#״׃
(1) 51:62 אִסתַכִי מִמְדוֹר קוּדשָך מִן שְמַיָא וֻבָרֵיך יָת עַמָך יָת ישראל וְיָת ארעא דִיהַבת לַנָא כְמָא דְקַיֵימתָא לַאֲבָהָתַנָא אֲרַע עָבְדָא חֲלָב וֻדבָש׃
(1) 61:62 \יוֹמָא הָדֵין״ארי#3#״ יוי אֲלָהָך מְפַקֵיד לָך לְמַעֲבַד יָת קִיָמַיָא״קְיָמַיָא#3#״ הָאִלֵין וְיָת דִינַיָא וְתִיטַר וְתַעֲבֵיד יָתְהוֹן בְכֹל לִיבָך וֻבכֹל נַפשָך׃
(1) 71:62 יָת יוי חֲטַבת יוֹמָא דֵין לְמִהוֵי לָך לַאֲלָה וְלִמהָך בְאוֹרחָן דְתָקְנָן קְדָמוֹהִי וֻלמִטַר קִיָמוֹהִי״קְיָמוֹהִי#3#״ וֻפִקוֹדוֹהִי וְדִינוֹהִי וֻלקַבָלָא״ולאתקבלא#3#״ לְמֵימְרָיה׃
(1) 81:62 וַיוי חַטבָך יוֹמָא דֵין לְמִהוֵי לֵיה לְעַם חַבִיב כְמָא דְמַלֵיל לָך וֻלמִיטַר כֹל פִקוֹדוֹהִי׃
(1) 91:62 וֻלמִיתְנָך עִלַאי״עלאה#3#״ עַל כֹל עַמְמַיָא דַעֲבַד לְתוּשבְחָא וֻלשוּם״וֻלשוֹם#3#״ וְלִרבוּ וֻלמִהוָך עַם קַדִיש קדם יוי אֲלָהָך כְמָא דְמַלֵיל׃

next chapter