The Comprehensive Aramaic Lexicon

(1) 10:22	לָא תִחזֵי יָת תוֹרָא דַאֲחוּך אוֹ יָת אִימְרֵיה דְטָעַן וְתִכבוֹש מִנְהוֹן אָתָבָא תָתִיבִינוּן לַאֲחוּך׃
(1) 20:22	וְאִם לָא קָרִיב אֲחוּך לְוָתָך וְלָא יְדַעת לֵיה וְתִכנְשִינֵיה לְגוֹ בֵיתָך וִיהֵי עִמָך עַד דְיִתבַע אֲחוּך יָתֵיה וְתָתִיבִינֵיה לֵיה׃
(1) 30:22	וְכֵין תַעֲבֵיד לִחמָרֵיה וְכֵין תַעֲבֵיד לִכסוּתֵיה וְכֵין תַעֲבֵיד לְכֹל אֲבֵידְתָא דַאֲחוּך דְתֵיבַד מִנֵיה וְתַשכְחִינַה לֵית לָך רְשוּ לְכַסָיוּתַה׃
(1) 40:22	לָא תִחזֵי יָת חֲמָרָא דַאֲחוּך אוֹ תוֹרֵיה רְמַן בְאוֹרחָא וְתִכבוֹש״ותכביש#3#״ מִנְהוֹן אָקָמָא תָקִים עִמֵיה׃
(1) 50:22	לָא יְהֵי תִיקוּן זֵין דִגבַר עַל אִיתָא וְלָא יִתַקַן״יתקין#3#״ גְבַר בְתִקוּנֵי אִיתָא אֲרֵי מְרַחַק קדם יוי אֲלָהָך כֹל עָבֵיד אִלֵין׃
(1) 60:22	אֲרֵי תְעָרַע קִינָא דְצִיפְרָא״דְצִפָרָא#3#״ קְדָמָך בְאוֹרחָא בְכֹל אִילָן אוֹ עַל ארעא אַפרוֹחִין אוֹ בֵיעִין וְאִימָא רְבִיעָא עַל אַפרוֹחִין אוֹ עַל בֵיעִין לָא תִיסַב אִימָא עַל בְנַיָא׃
(1) 70:22	שַלָחָא תְשַלַח יָת אִימָא וְיָת בְנַיָא תִיסַב לָך בְדִיל דְיִיטַב״דיוטיב#3#״ לָך וְתוֹרֵיך יוֹמִין׃
(1) 80:22	אֲרֵי תִבנֵי בֵיתָא חֲדַתָא וְתַעֲבֵיד תִיָקָא״תְיָקָא#3#״ לְאִיגָרָך וְלָא תְשַוֵי חוֹבַת קְטוֹל בְבֵיתָך אֲרֵי יִפוֹל״יפיל#3#״ דְנָפֵיל מִנֵיה׃
(1) 90:22	וְלָא תִזרַע כַרמָך עֵירוּבִין דִלמָא תִסתָאַב דִמעַת זַרעָא דְתִזרַע וְעַלְלַת כַרמָא׃
(1) 01:22	לָא תִרדֵי בְתוֹרָא וֻבִחמָרָא כַחדָא׃
(1) 11:22	לָא תִלבַש״תלביש#3#״ שַעַטנֵיזָא עַמַר״עְמַר#3#״ וְכִיתָן מְחַבַר״מְחֻבַר#3#״ כַחדָא׃
(1) 21:22	כְרוּספְדִין תַעֲבֵיד לָך עַל אַרבַע כַנפֵי כְסוּתָך דְתִתכַסֵי בַה׃
(1) 31:22	אֲרֵי יִסַב גְבַר אִיתְתָא וְיֵיעוֹל לְוָתַה וְיִסנֵינַה׃
(1) 41:22	וִישַוִי לַה תַסקוּפֵי מִלִין וְיַפֵיק עֲלַה שוּם״שוֹם#3#״ בִיש וְיֵימַר יָת אִיתְתָא הָדָא נְסֵיבִית וְעַלִית לְוָתַה וְלָא אַשכַחִית לַה בְתוּלִין׃
(1) 51:22	וְיִסַב אֲבוּהָא דְעוּלֵימְתָא וְאִימַה וְיַפְקוּן יָת בְתוּלֵי עוּלֵימְתָא לִקדָם סָבֵי קַרתָא וְלִתרַע בֵית דִין אַתרָא׃
(1) 61:22	וְיֵימַר אֲבוּהָא דְעוּלֵימְתָא לְסָבַיָא יָת בְרַתִי יְהַבִית לְגַברָא״לְגֻברָא#3#״ הָדֵין לְאִיתוּ וֻסנַה׃
(1) 71:22	וְהָא הוּא שַוִי תַסקוּפֵי מִלִין לְמֵימַר לָא אַשכַחִית לִברַתָך בְתוּלִין וְאִלֵין בְתוּלֵי בְרַתִי וְיִפרְסוּן״ויפירסון#3#״ שוֹשִיפָא קְדָם״קֻדָם#3#״ סָבֵי קַרתָא׃
(1) 81:22	וְיִסְבוּן סָבֵי קַרתָא הַהִיא יָת גַברָא״גֻברָא#3#״ וְיַלקוֹן יָתֵיה׃
(1) 91:22	וְיִגבוֹן מִנֵיה מְאָה סִלעִין דִכסַף וְיִתְנוּן לַאֲבוּהָא דְעוּלֵימְתָא אֲרֵי אַפֵיק שוּם״שוֹם#3#״ בִיש עַל בְתוּלְתָא בַת ישראל וְלֵיה תְהֵי לְאִיתוּ לֵית לֵיה רְשוּ לְמִפטְרַה כֹל יוֹמוֹהִי׃
(1) 02:22	וְאִם קוּשטָא הֲוָה פִתגָמָא הָדֵין לָא אִשתְכַחוּ בְתוּלִין לְעוּלֵימְתָא׃
(1) 12:22	וְיַפְקוּן יָת עוּלֵימְתָא לִתרַע בֵית אֲבוּהָא וְיִרגְמוּנַה אֲנָשֵי קַרתַה בְאַבנַיָא וֻתמוּת אֲרֵי עֲבַדַת״עבידת#3#״ קְלָנָא בְישראל לְזַנָאָה בֵית אֲבוּהָא וֻתפַלֵי עֲבֵיד דְבִיש מִבֵינָך׃
(1) 22:22	אֲרֵי יִשתְכַח גְבַר שָכֵיב עִם אִיתְתָא אִיתַת גְבַר וְיִתקַטלוּן אַף תַרוֵיהוֹן גַברָא״גֻברָא#3#״ דִשכֵיב״דְשָכֵיב#3#״ עִם אִיתְתָא וְאִיתְתָא וֻתפַלֵי עָבֵיד דְבִיש מישראל׃
(1) 32:22	אֲרֵי תְהֵי עוּלֵימְתָא בְתוּלתָא דִמאָרְסָא לִגבַר וְיַשכְחִינַה גַברָא״גֻברָא#3#״ בְקַרתָא וְישכוֹב עִמַה׃
(1) 42:22	וְתַפְקוּן יָת תַרוֵיהוֹן לִתרַע קַרתָא הַהִיא וְתִרגְמוּן יָתְהוֹן בְאַבנַיָא וִימוּתוּן יָת עוּלֵימְתָא עַל עֵיסַק דְלָא צְוַחַת בְקַרתָא וְיָת גַברָא״גֻברָא#3#״ עַל עֵיסַק דְעַנִי יָת אִיתַת חַברֵיה וֻתפַלֵי עָבֵיד דְבִיש מִיבֵינָך׃
(1) 52:22	וְאִם בְחַקלָא יַשכַח גַברָא״גֻברָא#3#״ יָת עוּלֵימְתָא דִמאָרְסָא וְיִתַקַף״וְיִתקַף#3#״ בַה גַברָא״גֻברָא#3#״ וְיִשכוֹב עִימַה וְיִתקְטִיל גַברָא״גֻברָא#3#״ דִשכֵיב עִמַה בִלחוֹדוֹהִי׃
(1) 62:22	וֻלעוּלֵימְתָא לָא תַעֲבֵיד מִדָעַם לֵית לְעוּלֵימְתָא חוֹבַת דִין דִקטוֹל אֲרֵי כְמָא דִיקוּם גַברָא״גֻברָא#3#״ עַל חַברֵיה וְיִקטְלִינֵיה נְפַש כֵין פִתגָמָא הָדֵין׃
(1) 72:22	אֲרֵי בְחַקלָא אַשכְחַה צְוַחַת עוּלֵימְתָא דִמאָרְסָא וְלֵית דְפָרִיק לַה׃
(1) 82:22	אֲרֵי יַשכַח גְבַר עוּלֵימְתָא בְתוּלְתָא דְלָא מְאָרְסָא וְיֵיחֲדִינַה״וְיַחְדִנַה#3#״ וְיִשכוֹב עִמַה וְיִשתַכחוּן׃
(1) 92:22	וְיִתֵין גַברָא״גֻברָא#3#״ דִשכוֹב עִימַה לְאֲבוּהָא דְעוּלֵימְתָא חַמשִין סִלעִין דִכסַף וְלֵיה תְהֵי לְאִיתוּ חֲלָף דְעַניַה לֵית לֵיה רְשוּ לְמִפטְרַה כָל יוֹמוֹהִי׃

next chapter