H The Comprehensive Aramaic Lexicon

CAL CODE HELP CLICK HERE
click on the file description for more information

51005: TgO Dt

click on a word for lexical analysis
Click on a red-colored coordinate for comments and/or translations of the line

previous chapter


(1) 10:02 אֲרֵי תִיפוֹק לְאָגָחָא קְרָבָא עַל בַעֲלֵי דְבָבָך וְתִחזֵי סוּסָוָן וֻרתִכִין עַם סַגִי מִינָך לָא תִדחַל מִנְהוֹן אֲרֵי יוי אֲלָהָך מֵימְרֵיה בְסַעֲדָך דְאַסְקָך״דְאַפְקָך#3#״ מארעא דְמִצרָיִם׃
(1) 20:02 וִיהֵי כְמִקרַבכוֹן לְאָגָחָא קְרָבָא וְיִתקָרַב״ויתקריב#3#״ כָהֲנָא וִימַלֵיל עִם עַמָא׃
(1) 30:02 וְיֵימַר לְהוֹן שְמַע ישראל אַתוּן מִתקָרְבִין יוֹמָא דֵין לְאָגָחָא קְרָבָא עַל בַעֲלֵי דְבָבֵיכוֹן לָא יְזוּעַ לִיבְכוֹן לָא תִדחֲלוּן וְלָא תִתבַעתוּן״תתבהתון#3#״ וְלָא תִיתַברוּן מִן קְדָמֵיהוֹן׃
(1) 40:02 אֲרֵי יוי אֲלָהֲכוֹן מֵימְרֵיה מְדַבַר קְדָמֵיכוֹן לְאָגָחָא לְכוֹן קְרָב עִם בַעֲלֵי דְבָבֵיכוֹן לְמִפרַק יָתְכוֹן׃
(1) 50:02 וִימַלְלוּן סָרְכַיָא עִם״קדם#3#״ עַמָא לְמֵימַר מַן גַברָא״גֻברָא#3#״ דִבנָא בֵיתָא חֲדַתָא וְלָא חַנְכֵיה יְהָך וִיתוּב לְבֵיתֵיה דִלמָא יִתקְטִיל בִקרָבָא וֻגבַר אוּחרָן״אָחְֹרָן#3#״ יַחנְכִינֵיה״יְחַנְכִינֵיה#3#״׃
(1) 60:02 וֻמַן גַברָא״גֻברָא#3#״ דִנצַב כַרמָא וְלָא אַחֲלֵיה יְהָך וִיתוּב לְבֵיתֵיה דִלמַא יִתקְטִיל בִקרָבָא וֻגבַר אוּחרָן יַחֲלִינֵיה״יחלליניה#3#״׃
(1) 70:02 וֻמַן גַברָא״גֻברָא#3#״ דְאַרַס״דַאְרַס#3#״ אִיתְתָא וְלָא נִסבַה״נַסבַה#3#״ יְהָך וִיתוּב לְבֵיתֵיה דִלמָא יִתקְטִיל בִקרָבָא וֻגבַר אוּחרָן״אָחְֹרָן#3#״ יִסְבִינַה׃
(1) 80:02 וְיוֹסְפוּן״וְיֵיסְפוּן#3#״ סָרְכַיָא לְמַלָלָא עִם עַמָא וְיֵימְרוּן מַן גַברָא״גֻברָא#3#״ דְדַחוּל״דְדָחוּל#3#״ וֻתבִיר לִיבָא יְהָך וִיתוּב לְבֵיתֵיה וְלָא יִתבַר יָת לִיבָא דַאֲחוֹהִי כְלִיבֵיה׃
(1) 90:02 וִיהֵי כַד יְשֵיצוֹן סָרְכַיָא לְמַלָלָא עִם עַמָא וִימַנוֹן רַבָנֵי חֵילָא בְרֵיש עַמָא׃
(1) 01:02 אֲרֵי תִקרַב לְקַרתָא לְאָגָחָא קְרָבָא עֲלַה וְתִקרֵי לַה מִלִין דִשלָם׃
(1) 11:02 וִיהֵי אִם שְלָם תַעֲנֵינָך״תתיבינך#3#״ וְתִפתַח לָך וִיהֵי כֹל עַמָא דְיִשתְכַח בַה יְהוֹן לָך לְמַסְקֵי מִסִין וְיִפלְחוּנָך׃
(1) 21:02 וְאִם לָא תַשלִים עִמָך וְתַעֲבֵיד עִמָך קְרָב וֻתצוּר עְלַה׃
(1) 31:02 וְיִמסְרִינַה יוי אֲלָהָך בִידָך וְתִמחֵי יָת כֹל דְכוּרַה לְפִתגָם דְחָרַב׃
(1) 41:02 לְחוֹד נְשַיָא וְטַפלָא וֻבעִירָא וְכֹל דִיהֵי בְקַרתָא כֹל עֲדָאַה תִיבוֹז לָך וְתֵיכוֹל יָת עֲדַי סָנְאָך דִיהַב יוי אֲלָהָך לָך׃
(1) 51:02 כֵין תַעֲבֵיד לְכֹל קִרוַיָא דְרַחִיקָן מִינָך לַחדָא דְלָא מִקִרוֵי עַמְמַיָא הָאִלֵין אִינוּן״אִינִין#3#״׃
(1) 61:02 לְחוֹד מִקִרוֵי עַמְמַיָא הָאִלֵין דַיוי אֲלָהָך יָהֵיב לָך אַחסָנָא לָא תְקַיֵים״תיחי#3#״ כֹל נִשמָא׃
(1) 71:02 אֲרֵי גַמָרָא תְגַמַרִינוּן חִיתָאֵי וַאֲמוֹרָאֵי כְנַעֲנָאֵי וֻפרִזָאֵי חִיוָאֵי וִיבוּסָאֵי כְמָא דְפַקְדָך יוי אֲלָהָך׃
(1) 81:02 בְדִיל דְלָא יַלְפוּן יָתְכוֹן לְמַעֲבַד כְכֹל תוֹעֵיבָתְהוֹן דַעֲבַדוּ לְטָעֲוָתְהוֹן וֻתחוּבוּן קדם יוי אֲלָהֲכוֹן׃
(1) 91:02 אֲרֵי תְצוּר לְקַרתָא יוֹמִין סַגִיאִין לְאָגָחָא קְרָבָא עֲלַה לְמִכבְשַה לָא תְחַבֵיל יָת אִילָנַה לַאֲרָמָא עֲלוֹהִי בַרזְלָא אֲרֵי מִינֵיה תֵיכוֹל וְיָתֵיה לָא תְקוּץ אֲרֵי לָא כַאֲנָשָא אִילָן חַקלָא לְמֵיעַל מִן קְדָמָך בִציָרָא׃
(1) 02:02 לְחוֹד אִילָן דְתִידַע אֲרֵי לָא אִילָן דְמֵיכַל הוּא יָתֵיה תְחַבֵיל״תְחַבַל#3#״ וֻתקוּץ וְתִבנֵי כַרקוֹמִין״כרכומין#3#״ עַל קַרתָא דְהִיא עָבְדָא עִמָך קְרָב עַד דְתִכבְשַה׃

next chapter