H The Comprehensive Aramaic Lexicon

CAL CODE HELP CLICK HERE
click on the file description for more information

51005: TgO Dt

click on a word for lexical analysis
Click on a red-colored coordinate for comments and/or translations of the line

previous chapter


(1) 10:81 לָא יְהֵי לְכָהֲנַיָא לֵיוָאֵי כֹל שִבטָא דְלֵוִי חוּלָק לְאַחסָנָא עִם ישראל קוּרבָנַיָא דַיוי וְאַחסָנְתֵיה יֵיכְלוּן״יאכלון#3#״׃
(1) 20:81 וְאַחסָנָא לָא יְהֵי לֵיה בְגוֹ אֲחוֹהִי מַתְנָן דִיהַב לֵיה יוי אִינִין אַחסָנְתֵיה כְמָא דְמַלֵיל לֵיה׃
(1) 30:81 וְדֵין יְהֵי דְחָזֵי לְכָהָנַיָא מִן עַמָא מִן נָכְסֵי נִכסְתָא״נכסיתא#3#״ אִם תוֹר אִם אִימַר וְיִתֵין לְכָהֲנָא דְרָעָא״דרועא#3#״ וְלוּעָא וְקֵיבְתָא״וקובתא#3#״׃
(1) 40:81 רֵיש עִיבוּרָך״עְבוּרָך#3#״ חַמרָך וֻמִשחָך וְרֵיש גִיזַת עָנָך תִיתֵין״תפריש#3#״ לֵיה׃
(1) 50:81 אֲרֵי בֵיה אִתרְעִי יוי אֻלָהָך מִכֹל שִבטָך לִמקָם לְשַמָשָא בִשמָא דַיוי הוּא וֻבנוֹהִי כֹל יוֹמַיָא׃
(1) 60:81 וַאֲרֵי יֵיתֵי לֵיוָאָה מֵחֲדָא מִקִרוָך מִכֹל ישראל דְהוּא דָאַר״דָר#3#״ תַמָן וְיֵיתֵי בְכֹל רְעוּת נַפשֵיה לְאַתרָא דְיִתרְעֵי יוי׃
(1) 70:81 וִישַמֵיש בִשמָא דַיוי אֲלָהֵיה כְכֹל אֲחוֹהִי לֵיוָאֵי \דְקָיְמִין תַמָן לְשַמָשָא קדם יוי ״דִמשַמְשִין תַמָן#3#״׃
(1) 80:81 חוּלָק כְחוּלָק״כוחלק#3#״ יֵיכְלוּן בָר מִמַטַרתָא דְיָתַה שַבתָא״שַבְתָא#3#״ דְכֵין אַתקִינוּ אֲבָהָתָא׃
(1) 90:81 אֲרֵי אַת עָלֵיל לארעא דיוי אֲלָהָך יָהֵיב לָך לָא תֵילַף לְמַעֲבַד כְתוֹעֵיבָת״כְתוֹעְבָת#3#״ עַמְמַיָא הָאִינוּן׃
(1) 01:81 לָא יִשתְכַח בָך מַעֲבַר בָרֵיה וֻברַתֵיה בְנוּרָא קָסֵים״קוסם#3#״ קִסמִין מְעָנֵין״מעונן#3#״ וֻמנַחֵיש וְחָרַש״וְחָרָש#3#״׃
(1) 11:81 וְרָטֵין רְטַן וְשָאֵיל בְבִדִין וֻבִזכוּרוּ וְתָבַע מִן מִיתַיָא׃
(1) 21:81 אֲרֵי מְרַחַק״מֻרחַק#3#״ קדם יוי כֹל עָבֵיד אִלֵין וֻבדִיל תוֹעֵיבָתָא הָאִלֵין יוי אֲלָהָך מְתָרֵיך לְהוֹן״יָתְהוֹן#3#״ מִן קְדָמָך׃
(1) 31:81 שְלִים תְהֵי בְדַחַלתָא״בְדַחלְתָא#3#״ דַיוי אֲלָהָך׃
(1) 41:81 אֲרֵי עַמְמַיָא הָאִלֵין דְאַת יָרֵית יָתְהוֹן מִן מְעָנְנַיָא״מעונניא#3#״ וֻמִן קַסָמַיָא״קוסמיא#3#״ שָמְעִין וְאַת לָא כֵין יְהַב לָך יוי אֲלָהָך׃
(1) 51:81 נְבִייָא מִבֵינָך מֵאַחָך דִכוָתִי יְקִים לָך יוי אֲלָהָך מִנֵיה תְקַבְלוּן׃
(1) 61:81 כְכֹל דִשאֵילתָא מִן קדם יוי אֲלָהָך בְחוֹרֵב בְיוֹמָא דִקהָלָא לְמֵימַר לָא אוֹסֵיף לְמִשמַע יָת קָל מֵימְרָא דַיוי אֲלָהִי וְיָת אִישָתָא רַבְתָא הָדָא לָא אִחזֵי עוֹד וְלָא אֵימוּת׃
(1) 71:81 וַאֲמַר יוי לִי אַתקִינוּ דְמַלִילוּ׃
(1) 81:81 נְבִייָא אַקִים״אְקִים#3#״ לְהוֹן מִגוֹ אֲחֵיהוֹן כְוָתָך״דכותך#3#״ וְאִתֵין פִתגָמֵי נְבוּאֲתִי״נביאותי#3#״ בְפוּמֵיה וִימַלֵיל עִמְהוֹן יָת כֹל דַאְפַקְדִינֵיה׃
(1) 91:81 וִיהֵי גַברָא״גֻברָא#3#״ דְלָא יְקַבֵיל לְפִתגָמַי דִימַלֵיל בִשמִי מֵימְרִי״אנא#3#״ יִתבַע מִנֵיה׃
(1) 02:81 בְרַם נְבִייָא דְיַרשַע לְמַלָלָא פִתגָמָא בִשמִי יָת דְלָא פַקֵידתֵיה לְמַלָלָא וְדִימַלֵיל בְשוֹם טָעֲוָת עַמְמַיָא וְיִתקְטִיל נְבִייָא הַהוּא׃
(1) 12:81 וַאֲרֵי תֵימַר בְלִיבָך אֵיכְדֵין נִידַע יָת פִתגָמָא דְלָא מַלְלֵיה יוי׃
(1) 22:81 דִימַלֵיל נְבִייָא בִשמָא דַיוי וְלָא יְהֵי פִתגָמָא וְלָא יִתקַיַים הוּא פִתגָמָא דְלָא מַלְלֵיה יוי בִרשַע מַלְלֵיה נְבִייָא לָא תִדחֲלוּן״תְדַחלוּן#3#״ מִנֵיה׃

next chapter