The Comprehensive Aramaic Lexicon

(1) 10:61	טַר יָת יַרחָא דַאֲבִיבָא וְתַעֲבֵיד פִסחָא קדם יוי אֲלָהָך אֲרֵי בְיַרחָא דַאֲבִיבָא אַפְקָך יוי אֲלָהָך מִמִצרַיִם וַעֲבַד לָך נִסִין בְלֵיליָא׃
(1) 20:61	וְתִכוֹס פִסחָא קדם יוי אֲלָהָך מִן בְנֵי עָנָא וְנִכסַת קוּדשַיָא מִן תוֹרֵי בְאַתרָא דְיִתרְעֵי יוי לְאַשרָאָה שְכִינְתֵיה תַמָן׃
(1) 30:61	לָא תֵיכוֹל עֲלוֹהִי חֲמִיעָא שִבעָה יוֹמִין תֵיכוֹל עֲלוֹהִי פַטִירָא לְחֵים עַנֵי״עוני#3#״ אֲרֵי בִבהִילוּ נְפַקתָא מארעא דמצרים בְדִיל דְתִדכַר יָת יוֹם מִפְקַך מארעא דמצרים כֹל יוֹמֵי חַייָך׃
(1) 40:61	וְלָא יִתַחזֵי לָך חֲמִיר בְכָל תְחוּמָך שִבעָה יוֹמִין וְלָא יְבִית מִן בִסרָא דְתִכוֹס בְרַמשָא בְיוֹמָא קַדמָאָה לְצַפרָא׃
(1) 50:61	לֵית לָך רְשוּ לְמִכַס״למיכוס#3#״ יָת פִסחָא בַחדָא מִן קִרוָך דַיוי אֲלָהָך יָהֵיב לָך׃
(1) 60:61	אֲלָהֵין לְאַתרָא דְיִתרְעֵי יוי אֲלָהָך לְאַשרָאָה שְכִינְתֵיה תַמָן תִיכוֹס״תיכלון#3#״ יָת פִסחָא בְרַמשָא כְמֵיעַל שִמשָא זְמָן מִפְקָך ממצרים׃
(1) 70:61	וֻתבַשֵיל וְתֵיכוֹל בְאַתרָא דְיִתרְעֵי יוי אֲלָהָך בֵיה וְתִתפְנֵי בְצַפרָא וֻתהָך לְקִרוָך״לְמַשכְנָך#3#״׃
(1) 80:61	שִיתָה יוֹמִין תֵיכוֹל פַטִירָא וֻביוֹמָא שְבִיעָאָה כְנִיש קדם יוי אֲלָהָך לָא תַעֲבֵיד עֲבִידָא׃
(1) 90:61	שִבעָה שָבוּעִין״שבועיין#3#״ תִמנֵי לָך מִשֵירָיוּת מַגְלָא בַחצַד עוּמרָא דַאֲרָמוּתָא תְשָרֵי לְמִמנֵי שִבעָה שָבוּעִין״שבועיין#3#״׃
(1) 01:61	וְתַעֲבֵיד חַגָא דְשָבוּעַיָא קדם יוי אֲלָהָך מִסַת נִדבַת יְדָך דְתִיתֵין כְמָא דִיבָרְכִינָך יוי אֲלָהָך׃
(1) 11:61	וְתִחדֵי קדם יוי אֲלָהָך אַת וֻברָך וֻברַתָך וְעַבדָך וְאַמתָך וְלֵיוָאָה דִבקִרוָך וְגִיוֹרָא וְיַתמָא וְאַרמַלתָא דְבֵינָך בְאַתרָא דְיִתרְעֵי יוי אֲלָהָך לְאַשרָאָה שְכִינְתֵיה תַמָן׃
(1) 21:61	וְתִדכַר״ותיתכר#3#״ אֲרֵי עַבדָא הֲוֵיתָא במצרים וְתִטַר וְתַעֲבֵיד יָת קִיָמַיָא״קְיָמַיָא#3#״ הָאִלֵין׃
(1) 31:61	חַגָא דִמטַלַיָא תַעֲבֵיד לָך שִבעָה יוֹמִין בְמֵכנְשָך״בְמִכנְשָך#3#״ מֵאִדְרָך וֻמִמַעֲצַרתָך׃
(1) 41:61	וְתִחדֵי בְחַגָך אַת וֻברָך וֻברַתָך וְעַבדָך וְאַמתָך וְלֵיוָאָה וְגִיוֹרָא וְיַתמָא וְאַרמַלתָא דִבקִרוָך׃
(1) 51:61	שִבעָה יוֹמִין תֵיחוֹג קדם יוי אֲלָהָך בְאַתרָא דְיִתרְעֵי יוי אֲרֵי יְבָרְכִינָך יוי אָלָהָך בְכָל עֲלַלתָך וֻבכָל עוּבָדֵי יְדָך וֻתהֵי בְרַם חָדֵי׃
(1) 61:61	תְלָת זִמנִין בְשַתָא יִתחֲזוֹן״יִתַחזוֹן#3#״ כָל דְכוּרָך קדם יוי אֲלָהָך בְאַתרָא דְיִתרְעֵי בְחַגָא דְפַטִירַיָא וֻבחַגָא דְשָבוּעַיָא וֻבחַגָא דִמטַלַיָא וְלָא יִתחֲזוֹן״יִתַחזוֹן#3#״ קדם יוי רֵיקָנִין׃
(1) 71:61	גְבַר כְמַתְנַת יְדֵיה כְבִרכְתָא דַיוי אֲלָהָך דִיהַב לָך׃
(1) 81:61	דַיָנִין וְפוֹרעָנִין״וֻפוּרעָנִין#3#״ תְמַנֵי לָך בְכָל קִרוָך דַיוי אֲלָהָך יָהֵיב לָך לְשִבטָך וִידִינוּן״וידונון#3#״ יָת עַמָא דִין דִקשוֹט׃
(1) 91:61	לָא תִצלֵי״תַצלֵי#3#״ דִין לָא תִשתְמוֹדַע אַפִין וְלָא תְקַבֵיל שוּחדָא אֲרֵי שוּחדָא מְעַוַר עֵינֵי חַכִימִין וֻמקַלקֵיל פִתגָמִין תְרִיצִין׃
(1) 02:61	\קוּשטָא קוּשטָא ״קושתא קושתא#3#״ תִרדוּף״הוי רדיף#3#״ בְדִיל דְתֵיחֵי וְתֵירַת יָת ארעא דַיוי אֲלָהָך יָהֵיב לָך׃
(1) 12:61	לָא תִיצַב״תִיצוּב#3#״תנצוב#3#״ לָך אֲשֵירַת כָל אִילָן בִסטַר מַדבְחָא דַיוי אֲלָהָך דְתַעֲבֵיד לָך׃
(1) 22:61	וְלָא תָקִים״תְקִים#3#״ לָך קָמָא דְרַחֵיק״דסני#3#״ יוי אֲלָהָך׃

next chapter