The Comprehensive Aramaic Lexicon

(1) 10:51	מִסוֹף שְבַע שְנִין תַעֲבֵיד שְמִיטְתָא׃
(1) 20:51	ודֵין פִתגָם שְמִיטְתָא וְיַשמֵיט כֹל גְבַר מָרֵי רְשוּ דְיִרשֵי בְחַברֵיה לָא יִתבַע מִן חַברֵיה וֻמִן אחוּהִי אֲרֵי קְרָא שְמִיטְתָא קדם יוי׃
(1) 30:51	מִן בַר עַמְמִין תִתבַע וְדִיהֵי לָך עִם״מן#3#״ אֲחוּך תַשמֵיט יְדָך׃
(1) 40:51	לְחוֹד אֲרֵי לָא יְהֵי בָך מִסכֵינָא אֲרֵי בָרָכָא יְבָרְכִינָך יוי בְאַרעָא דַיוי אֲלָהָך יָהֵיב לָך אַחסָנָא לְמֵירְתַה׃
(1) 50:51	לְחוֹד אִם קַבָלָא תְקַבֵיל לְמֵימְרָא דַיוי אֲלָהָך לְמִיטַר לְמַעֲבַד יָת כֹל תַפקֵידתָא הָדָא דַאֲנָא מְפַקֵיד לָך יוֹמָא דֵין׃
(1) 60:51	אֲרֵי יוי אֲלָהָך בָרְכָך כְמָא דְמַלֵיל לָך וְתוֹזֵיף״תזוף#3#״ לְעַמְמִין סַגִיאִין וְאַת לא תְזִיף וְתִשלוֹט״וְתִשלוּט#3#״ בְעַמְמִין סַגִיאִין וֻבָך לָא יִשלְטוּן׃
(1) 70:51	אֲרֵי יְהֵי בָך מִסכֵינָא חַד מֵאַחָך בַחדָא מִן קִרוָך בְאַרעָך דַיוי אֲלָהָך יָהֵיב לָך לָא תְתַקֵיף״תַתקֵיף#3#״ יָת לִיבָך וְלָא תִקפוֹץ״תקמוט#3#״ יָת יְדָך מֵאֲחוּך מִסכֵינָא׃
(1) 80:51	אֲרֵי מִפתָח תִפתַח יָת יְדָך לֵיה וְאוֹזָפָא תוֹזְפִינֵיה כְמִסַת חוּסרָנֵיה״חיסרוניה#3#״ דְחַסִיר לֵיה׃
(1) 90:51	אִסתַמַר״אִסתְמַר#3#״ לָך דִלמָא יְהֵי פִתגָמָא עִם לִיבָך בִרשַע לְמֵימַר קְרֵיבַת שַתָא״שנת#3#״ שְבִיעֵיתָא שַתָא דִשמִטְתָא וְיִבאַש עֵינָך בַאֲחֻך מִסכֵינָא וְלָא תִתֵין לֵיה וְיִקרֵי עַלָך קדם יוי וִיהֵי בָך חוֹבָא׃
(1) 01:51	מִיתָן תִיתֵין לֵיה וְלָא יִבאַש״יבאיש#3#״ לִיבָך״עינך#3#״ בְמִיתְנָך לֵיה אֲרֵי בְדִיל פִתגָמָא הָדֵין יְבָרְכִינָך יוי אֲלָהָך בְכֹל עוּבָדָך וֻבכֹל אוֹשָטוּת יְדָך׃
(1) 11:51	אֲרֵי לָא יִפסוֹק״יִפסוּק#3#״ מִסכֵינָא מִגוֹ אַרעָא עַל כֵין אֲנָא מְפַקֵיד לָך לְמֵימַר מִפתָח תִפתַח יָת יְדָך לְאַחוּך לְעַניָך וֻלמִסכֵינָך בְאַרעָך׃
(1) 21:51	אֲרֵי יִזדַבַן לָך אָחוּך״אְחוּך#3#״ בַר ישראל אוֹ בַת ישראל וְיִפלְחִינָך שֵית שְנִין וֻבשַתָא שְבִיעֵיתָא תִפטְרִינֵיה בַר חוֹרִין״בַר חירין#3#״ מֵעִמָך׃
(1) 31:51	וַאֲרֵי תִפטְרִינֵיה בַר חוֹרֵין״בַר חירין#3#״ מֵעִמָך לָא תִפטְרִינֵיה רֵיקָן׃
(1) 41:51	אַפרָשָא תַפרֵיש לֵיה מֵעָנָך וֻמֵאִידְרָך וֻמִמַעֲצַרתָך דְבָרְכָך יוי אֲלָהָך תִתֵין לֵיה׃
(1) 51:51	וְתִדכַר אֲרֵי עַבדָא הֲוֵיתָא בארעא דמצרים וֻפַרקָך יוי אֲלָהָך עַל כֵין אֲנָא מְפַקֵיד לָך יָת פִתגָמָא הָדֵין יוֹמָא דֵין׃
(1) 61:51	וִיהֵי אֲרֵי יֵימַר לָך לָא אִיפוֹק מֵעִימָך אֲרֵי רִחמָך״רַחמָך#3#״ וֻלאֲנָש בֵיתָך אֲרֵי טָב לֵיה עִמָך׃
(1) 71:51	וְתִיסַב יָת מַרצְעָא וְתִתֵין בְאוּדנֵיה וֻבדַשָא וִיהֵי לָך עַבַד פָלַח לְעָלַם וְאַף לְאַמתָך תַעֲבֵיד כֵין׃
(1) 81:51	לָא יִקשֵי בְעֵינָך בְמִפטְרָך יָתֵיה בַר חוֹרִין מֵעִמָך אֲרֵי עַל חַד תְרֵין בַאֲגַר אֲגִירָא פַלחָך שֵית שְנִין וִיבָרְכִינָך יוי אֲלָהָך בְכֹל דְתַעֲבֵיד׃
(1) 91:51	כֹל בוּכרָא דְיִתיְלֵיד בְתוֹרָך וֻבעָנָך דִכרִין תַקדֵיש קדם יוי אֲלָהָך לָא תִפלַח בְבוּכרָא דְתוֹרָך וְלָא תִגוֹז בוּכרָא דְעָנָך׃
(1) 02:51	קדם יוי אֲלָהָך תֵיכְלִינֵיה שְנָא בִשנָא בְאַתרָא דְיִתרְעֵי״דְיִיתִרעֵי#3#״ יוי אַת וַאֲנָש בֵיתָך׃
(1) 12:51	וַאֲרֵי יְהֵי בֵיה מוּמָא חֲגִיר אוֹ עֲוִיר כֹל מוּם״מדעם#3#״ בִיש לָא תִכְסִינֵיה קדם יוי אֲלָהָך׃
(1) 22:51	בְקִרוָך תֵיכְלִינֵיה מְסָאֲבָא וְדַכיָא כַחדָא כִבסַר טַביָא״טָביָא#3#״ וְאַילָא׃
(1) 32:51	לְחוֹד יָת דְמֵיה לָא תֵיכוֹל עַל ארעא תֵישְדִינֵיה״תוֹשְדִינֵיה#3#״ כְמַיָא׃

next chapter