The Comprehensive Aramaic Lexicon

(1) 10:41	בְנִין אַתוּן קדם יוי אֲלָהֲכוֹן לָא תִתהָמְמוּן וְלָא תְשַווֹן מְרַט בֵין עֵינֵיכוֹן עַל מִית׃
(1) 20:41	אֲרֵי עַם קַדִיש אַת קדם יוי אֲלָהָך וֻבָך אִתרְעִי יוי לְמִהוֵי לֵיה לְעַם חַבִיב מִכֹל עַמְמַיָא דְעַל אַפֵי ארעא׃
(1) 30:41	לָא תֵיכוֹל כֹל דִמרַחַק״דִמרֻחַק#3#״׃
(1) 40:41	דֵין״דא#3#״ בְעִירָא דְתֵיכְלוּן תוֹרִין אִימְרִין דְרַחלִין״דרחילין#3#״ וֻגדִין״וגדיין#3#״ דְעִזִין׃
(1) 50:41	אַילָא וְטַביָא וְיַחמוּרָא וְיַעֲלָא וְרֵימָא וְתוֹרבָלָא״וְתוּרבָלָא#3#״ וְדֵיצָא׃
(1) 60:41	וְכֹל בְעִירָא דִסדִיקָא פַרסְתַה וֻמַטִלפַן״וֻמַטלְפָן#3#״ טִלפִין תַרתֵין פַרסָתַה מַסְקָא פִשרָא בִבעִירָא יָתַה תֵיכְלוּן׃
(1) 70:41	בְרַם יָת דֵין לָא תֵיכְלוּן מִמַסקֵי פִשרָא וֻמִסדִיקֵי פַרסְתָא מַטִלפֵי״מַטלְפֵי#3#״ טִלפַיָא יָת גַמלָא וְיָת אַרנְבָא וְיָת טַפזָא״טַבזָא#3#״ אֲרֵי מַסקֵי פִשרָא אִנוּן וֻפַרסָתְהוֹן לָא סְדִיקָא מְסָאֲבִין אִנוּן לְכוֹן׃
(1) 80:41	וְיָת חֲזִירָא אֲרֵי סְדִיק פַרסְתָא הוּא וְלָא פָשַר מְסָאַב הוּא לְכוֹן מִבִסרְהוֹן לָא תֵיכְלוּן וֻבִנבֵילַתהוֹן״וֻבִנבִילַתהוֹן#3#״ לָא תִקרְבוּן׃
(1) 90:41	יָת דֵין תֵיכְלוּן מִכֹל דִבמַיָא כֹל דְלֵיה צִיצִין וְקַלפִין תֵיכְלוּן׃
(1) 01:41	וְכֹל דְלֵית לֵיה צִיצִין וְקַלפִין לָא תֵיכְלוּן מְסָאַב הוּא לְכוֹן׃
(1) 11:41	כֹל צִיפַר דְכֵי תֵיכְלוּן׃
(1) 21:41	וְדֵין דְלָא תֵיכְלוּן מִנְהוֹן נִשרָא וְעָר וְעוּזיָא״וְעָזיָא#3#״׃
(1) 31:41	וֻבַת כַנפָא וְטָרָפִיתָא וְדָיתָא״וְדַיתָא#3#״ לִזנַה׃
(1) 41:41	וְיָת כֹל עוֹרְבָא לִזנֵיה׃
(1) 51:41	וְיָת בַת נַעָמִיתָא וְצִיצָא וְצִיפַר שַחפָא וְנַצָא לִזנוֹהִי׃
(1) 61:41	קַדיָא״וְקָדיָא#3#״ וְקִיפוּפָא וֻבַותָא״וֻבָותָא#3#״׃
(1) 71:41	וְקָתָא וִירַקרֵיקָא וְשָלֵינוּנָא׃
(1) 81:41	וְחָוָרִיתָא וְאִבָא״וְאִבוֹ#3#״ לִזנַה וְנַגָר טוּרָא וַעֲטַלֵיפָא׃
(1) 91:41	וְכֹל רִחשָא דְעוֹפָא מְסָאַב הוּא לְכוֹן לָא יִתאַכלוּן׃
(1) 02:41	כֹל עוֹף דְכֵי תֵיכְלוּן׃
(1) 12:41	לָא תֵיכְלוּן כֹל נְבִילָא לְתוֹתַב עֲרַל דִבקִרוָך תִתְנִינַה וְיֵיכְלִינַה אוֹ תְזַבְנִינַה לְבַר עַמְמִין אֲרֵי עַם קַדִיש אַת קדם יוי אֲלָהָך לָא תֵיכְלוּן בְסַר בַחלַב׃
(1) 22:41	עַסָרָא תְעַסַר יָת כֹל עֲלְלַת זַרעָך דְיַפוֹק״דְיַפֵיק#3#״ חַקלָא שְנָא שְנָא׃
(1) 32:41	וְתֵיכוֹל קדם יוי אֲלָהָך בְאַתרָא דְיִתרְעֵי״דְיִיתִרעֵי#3#״ לְאַשרָאָה שְכִינְתֵיה תַמָן מַעסַר עִיבוּרָך״עְבוּרָך#3#״ חַמרָך ומִשחָך וֻבכוֹרֵי״ובוכרי#3#״ תוֹרָך וְעָנָך בְדִיל דְתֵילַף לְמִדחַל קדם יוי אֲלָהָך כֹל יוֹמַיָא׃
(1) 42:41	וַאֲרֵי יִסגֵי״תִסגֵי#3#״ מִנָך אוֹרחָא אֲרֵי לָא תִכוֹל לְמִיטַלֵיה אֲרֵי יִתרַחַק מִינָך אוֹרחָא״אַתרָא#3#״ דְיִתרְעֵי יוי אֲלָהָך לְאַשרָאָה שְכִינְתֵיה תַמָן אֲרֵי יְבָרְכִינָך יוי אֲלָהָך׃
(1) 52:41	וְתִתֵין בְכַספָא וֻתצוּר כַספָא בִידָך וֻתהָך לְאַתרָא דְיִתרְעֵי יוי אֲלָהָך בֵיה׃
(1) 62:41	וְתִתֵין כַספָא בְכֹל דְתִתרְעֵי נַפשָך בְתוֹרֵי וֻבעָנָא וֻבַחמַר חֲדַת וְעַתִיק וֻבכֹל דְתִשאֲלִינָך נַפשָך וְתֵיכוֹל תַמָן קדם יוי אֲלָהָך וְתִחדֵי אַת וַאֲנָש בֵיתָך׃
(1) 72:41	וְלֵיוָאָה דִבקִרוָך לָא תִשבְקִינֵיה״תְרַחְקִנֵיה#3#״ אֲרֵי לֵית לֵיה חוּלָק וְאַחסָנָא עִימָך׃
(1) 82:41	מִסוֹף תְלָת שְנִין תַפֵיק יָת כֹל מַעסַר עֲלַלתָך בְשַתָא הַהִיא וְתַצנַע בְקִרוָך׃
(1) 92:41	וְיֵיתֵי לֵיוָאָה אֲרֵי לֵית לֵיה חוּלָק וְאַחסָנָא עִימָך וְגִיוֹרָא וְיַתמָא וְאַרמַלתָא דִבקִרוָך וְיֵיכְלוּן וְיִסבְעוּן בְדִיל דִיבָרְכִינָך יוי אֲלָהָך בְכֹל עוּבָדֵי יְדָך דְתַעֲבֵיד׃

next chapter