H The Comprehensive Aramaic Lexicon

CAL CODE HELP CLICK HERE
click on the file description for more information

51005: TgO Dt

click on a word for lexical analysis
Click on a red-colored coordinate for comments and/or translations of the line

previous chapter


(1) 10:31 יָת כָל פִתגָמָא״תפקדתא#3#״ דַאֲנָא מְפַקֵיד יָתְכוֹן יָתֵיה תִטְרוּן לְמַעֲבַד לָא תוֹסְפוּן״תֵיסְפוּן#3#״ עֲלוֹהִי וְלָא תִמנְעוּן״תימינעון#3#״ מִנֵיה׃
(1) 20:31 אֲרֵי יְקוּם בֵינָך נְבִייָא אוֹ חָלֵים חַלמָא״חילמא#3#״ וְיִתֵין לָך אָת אוֹ מוֹפֵת״מוֹפָת#3#״׃
(1) 30:31 וְיֵיתֵי אָתָא וֻמוֹפְתָא דְמַלֵיל עִימָך לְמֵימַר נְהָך בָתַר טָעֲוָת עַמְמַיָא דְלָא יְדַעתָנִין וְנִפלְחִינִין׃
(1) 40:31 לָא תְקַבֵיל לְפִתגָמֵי נְבִיָיא הַהוּא אוֹ מִן״לות#3#״ חָלֵים חַלמָא״חילמא#3#״ הַהוּא אֲרֵי מְנַסֵי יוי אֲלָהֲכוֹן יָתְכוֹן לְמִידַע הֲאִיתֵיכוֹן״הָאִיתֵיכוֹן#3#״ רָחֲמִין יָת״קדם#3#״ יוי אֲלָהֲכוֹן בְכֹל לִיבְכוֹן וֻבכָל נַפשְכוֹן׃
(1) 50:31 בָתַר פוּלחָנָא״דחלתא#3#״ דַיוי אֲלָהֲכוֹן תְהָכוּן וְיָתֵיה תִדחֲלוּן וְיָת פִיקוֹדוֹהִי תִטְרוּן וֻלמֵימְרֵיה תְקַבְלוּן וֻקדָמוֹהִי תִפלְחוּן וֻלדַחַלתֵיה תִתקָרְבֻין״תקרבון#3#״׃
(1) 60:31 וֻנבִיָיא הַהוּא אוֹ חָלֵים חַלמָא״חילמא#3#״ הַהוּא יִתקְטִיל אֲרֵי מַלֵיל סָתיָא עַל יוי אֲלָהֲכוֹן דְאַפֵיק יָתְכוֹן מארעא דמצרים וֻדפַרקָך מִבֵית עַבדוּתָא לְאַטעָיוּתָך מִן אוֹרחָא דְפַקְדָך יוי אֲלָהָך לִמהָך בַה וֻתפַלֵי עָבֵיד דְבִיש מִבֵינָך׃
(1) 70:31 אֲרֵי יִמלְכִינָך״יַמלְכִנָך#3#״ אֲחוּך בַר אִימָך אוֹ בְרָך אוֹ בְרַתָך אוֹ אִיתַת קְיָמָך״קִיָמָך#3#״ אוֹ חַברָך דִכנַפשָך בְסִתרָא לְמֵימַר נְהָך וְנִפלַח לְטָעֲוָת עַמְמַיָא דְלָא יְדַעתָא אַת וַאֲבָהָתָך׃
(1) 80:31 מִטָעֲוָת עַמְמַיָא דִבסַחרָנֵיכוֹן״די בסוחרניכון#3#״ דְקָרִיבִין לָך אוֹ דְרַחִיקִין מִינָך מִסְיָפֵי״מִסִיָפֵי#3#״ אַרעָא וְעַד סְיָפֵי ארעא׃
(1) 90:31 לָא תֵיבֵי לֵיה וְלָא תְקַבֵיל מִנֵיה וְלָא תְחוּס עֵינָך עֲלוֹהִי וְלָא תְרַחֵים וְלָא תְכַסֵי עֲלוֹהִי׃
(1) 01:31 אֲרֵי מִקטָל תִקטְלִינֵיה יְדָך תְהֵי בֵיה בְקַדמֵיתָא לְמִקטְלֵיה וִידָא דְכֹל עַמָא בְבָתְרֵיתָא׃
(1) 11:31 וְתִרגְמִינֵיה בְאַבנַיָא וִימוּת אֲרֵי בְעָא לְאַטעָיוּתָך מִדַחַלתָא״מִדַחלְתָא#3#״ דַיוי אֲלָהָך דְאַפְקָך מארעא דמצרים מִבֵית עַבדוּתָא׃
(1) 21:31 וְכָל יִשרָאֵל יִשמְעוּן וְיִדחְלוּן וְלָא יוֹסְפוּן״יֵיסְפוּן#3#״ לְמַעֲבַד כְפִתגָמָא בִישָא הָדֵין בֵינָך׃
(1) 31:31 אֲרֵי תִשמַע בַחדָא מִן קִרוָך דַיוי אֲלָהָך יָהֵיב לָך לְמִיתַב תַמָן לְמֵימַר׃
(1) 41:31 נְפַקוּ גַברִין״גֻברִין#3#״ בְנֵי רִשעָא מִבֵניָך וְאַטעִיוּ יָת יָתְבֵי קַרתְהוֹן לְמֵימַר נְהָך וְנִפלַח לְטָעֲוָת עַמְמַיָא דְלָא יְדַעתוּן׃
(1) 51:31 וְתִתבַע וְתִבדוֹק וְתִשאַל יָאוּת וְהָא קוּשטָא כֵיוָן פִתגָמָא אִתעֲבֵידַת תוֹעֵיבְתָא הָדָא בֵינָך׃
(1) 61:31 מִמחָא תִמחֵי יָת יָתְבֵי קַרתָא הַהִיא לְפִתגָם דְחָרַב גַמַר יָתַה וְיָת כֹל דְבַה וְיָת בְעִירַה לְפִתגָם דְחָרַב׃
(1) 71:31 וְיָת כֹל עֲדָאַה תִכנוֹש לְגוֹ פְתָאָה וְתוֹקֵיד בְנוּרָא יָת קַרתָא וְיָת כֹל עֲדָאַה גְמִיר קדם יוי אֲלָהָך וֻתהֵי תֵל חָרוּב״חריב#3#״ לְעָלַם לָא תִתבְנֵי עוֹד׃
(1) 81:31 וְלָא יִדבַק בִידָך מִידָעַם מִן חִרמָא״חַרמָא#3#״ בְדִיל דִיתוּב יוי מִתְקוֹף רוּגזֵיה וְיִתֵין לָך רַחמִין וִירַחֵים עֲלָך וְיַסגֵינָך כְמָא דְקַיֵים לַאֲבָהָתָך׃
(1) 91:31 אֲרֵי תְקַבֵיל לְמֵימְרָא דַיוי אֲלָהָך לְמִטַר יָת כֹל פִקוֹדוֹהִי דַאֲנָא מְפַקֵיד לָך יוֹמָא דֵין לְמַעֲבַד דְכָשַר קדם יוי אֲלָהָך׃

next chapter