H The Comprehensive Aramaic Lexicon

CAL CODE HELP CLICK HERE
click on the file description for more information

51005: TgO Dt

click on a word for lexical analysis
Click on a red-colored coordinate for comments and/or translations of the line

previous chapter


(1) 10:50 וֻקרָא מֹשַה לְכֹל יִשרָאֵל וַאֲמַר לְהוֹן שְמַע ישראל יָת קִיָמַיָא״קְיָמַיָא#3#״ וְיָת דִינַיָא דַאֲנָא מְמַלֵיל קְדָמֵיכוֹן״בְאֻדנֵיכוֹן#3#״ יוֹמָא דֵין וְתֵילְפוּן יָתְהוֹן וְתִיטְרוּן לְמַעֲבַדהוֹן׃
(1) 20:50 יוי אֲלָהַנָא גָזַר״גְזַר#3#״ עִמַנָא קִיָם״קְיָם#3#״ בְחוֹרֵב׃
(1) 30:50 לָא עִם״יָת#3#״ אֲבָהָתַנָא גְזַר יוי יָת קִיָמַיָא״קְיָמָא#3#״ הָדֵין״הדא#3#״ אֲלָהֵין״אלא#3#״ עִמַנָא אֲנַחנָא אִלֵין כָא״הכא#3#״ יוֹמָא דֵין כוּלַנָא קַייָמִין׃
(1) 40:50 מַמלַל עִם מַמלַל מַלֵיל יוי עִמְכוֹן בְטוּרָא מִיגוֹ אִישָתָא׃
(1) 50:50 אֲנָא הֲוֵיתִי קָאֵים בֵין מֵימְרָא דַיוי וֻבֵינֵיכוֹן בְעִדָנָא הַהוּא לְחַוָאָה לְכוֹן יָת פִתגָמַיָא דַיוי אֲרֵי דְחֵילתוּן מִן קְדָם אִישָתָא וְלָא סְלֵיקתוּן בְטוּרָא לְמֵימַר׃
(1) 60:50 אֲנָא יוי אֲלָהָך דְאַפֵיקתָך מארעא דמצרים מִבֵית עַבדוּתָא׃
(1) 70:50 לָא יִהוֵי לָך אֲלָה אָחָרָן״אֻחרָן#3#״ בָר מִנִי׃
(1) 80:50 לָא תַעֲבֵיד לָך צַלַם״צֵילַם#3#״ כֹל דְמוּ דְבִשמַיָא מִלְעֵילָא וְדִבאַרעָא מִלְרַע וְדִבמַיָא מִלְרַע לְאַרעָא׃
(1) 90:50 לָא תִסגוֹד לְהוֹן וְלָא תִפלַחִינִין אֲרֵי אֲנָא יוי אֲלָהָך אֵל קַנָא מַסעַר חוֹבֵי אֲבָהָן עַל בְנִין מָרָדִין עַל דָר תְלִיתַי וְעַל דָר רְבִיעַי לְשָנְאַי״לְסָנְאָי#3#״ כַד מַשלְמִין בְנַיָא לְמִחטֵי בָתַר אֲבָהָתְהוֹן׃
(1) 01:50 וְעָבֵיד טֵיבוּ לְאַלפֵי דָרִין לְרָחֲמַי וֻלנָטְרֵי פִקוֹדָי׃
(1) 11:50 לָא תוֹמֵי״תֵימֵי#3#״ בִשמַא דַיוי אֲלָהָך לְמַגָנָא אֲרֵי לָא יְזַכֵי יוי יָת דְיוֹמֵי בִשמֵיה לְשִקרָא׃
(1) 21:50 טַר יָת יוֹמָא דְשַבתָא לְקַדָשוּתֵיה כְמָא דְפַקְדָך יוי אֲלָהָך׃
(1) 31:50 שִיתָא יוֹמִין תִפלַח וְתַעֲבֵיד כֹל עִבִידְתָך׃
(1) 41:50 וְיוֹמָא שְבִיעָאָה שַבתָא קְדָם יוי אֲלָהָך לָא תַעֲבֵיד כֹל עֲבִידָא אַת וֻברָך וֻברַתָך וְעַבדָך וְאַמתָך וְתוֹרָך וֻחמָרָך וְכֹל בְעִירָך וְגִיוֹרָך דִבקִרוָך בְדִיל דִינוּחַ עַבדָך וְאַמתָך כְוָתָך׃
(1) 51:50 וְתִדכַר אֲרֵי עַבדָא הֲוֵיתָא בארעא דְמִצרַיִם וְאַפְקָך יוי אֲלָהָך מִיתַמָן בְיַד תַקִיפָא וֻבִדרָע מְרָמַם עַל כֵין פַקְדָך יוי אֲלָהָך לְמַעֲבַד יוי יוֹמָא דְשַבתָא׃
(1) 61:50 יַקַר יָת אֲבוּך וְיָת אִימָך כְמָא דְפַקְדָך יוי אֲלָהָך בְדִיל דְיֵירְכוּן״דיורכון#3#״ יוֹמָך וֻבדִיל דְיִיטַב״דיוטיב#3#״ לָך עַל אַרעָא דַיוי אֲלָהָך יָהֵיב לָך׃
(1) 71:50 לָא תִקטוֹל״תִקטוּל#3#״ נְפַש׃
(1) 81:50 וְלָא תְגוּף׃
(1) 91:50 וְלָא תִגנוּב \״נפשא#3#״׃
(1) 02:50 וְלָא תַסהֵיד בְחַברָך \סָהֲדוּתָא דְשִקרָא ״סהיד שקר#3#״׃
(1) 12:50 וְלָא תַחמֵיד״תְחַמֵיד#3#״ איתַת חַברָך וְלָא תִירוֹג בֵית חַברָך חַקלֵיה וְעַבדֵיה וְאַמתֵיה תוֹרֵיה וֻחמָרֵיה וְכֹל דִלחַברָך׃
(1) 22:50 יָת פִתגָמַיָא הָאִלֵין מַלֵיל יוי עִם כֹל קְהַלכוֹן בְטוּרָא מִגוֹ אִישָתָא עֲנָנָא וַאֲמִטְתָא קָל רַב וְלָא פָסִיק וֻכתַבִינוּן עַל תְרֵין לוּחֵי אַבנַיָא וִיהַבִינוּן לִי׃
(1) 32:50 וַהֲוָה כְמִשמַעכוֹן״כשמעכון#3#״ יָת קָלָא מִגוֹ חֲשוֹכָא וְטוּרָא בָעַר בְאִישָתָא וֻקרֵיבתוּן״וֻקרַבתוּן#3#״ לְוָתִי כֹל רֵישֵי שִבטֵיכוֹן וְסָבֵיכוֹן׃
(1) 42:50 וַאֲמַרתוּן הָא אַחזִיַנָא יוי אֲלָהַנָא יָת יְקָרֵיה וְיָת רְבוּתֵיה וְיָת קָל מֵימְרֵיה שְמַענָא מִגוֹ אִישָתָא יוֹמָא הָדֵין״דין#3#״ חֲזֵינָא אֲרֵי מְמַלֵיל יוי עִם אֲנָשָא וְיִתקַיַים׃
(1) 52:50 וֻכעַן לְמָא נְמוּת אֲרֵי תֵיכְלִינַנָא אִישָתָא רַבְתָא הָדָא אִם מוֹסְפִין אֲנַחנָא לְמִשמַע יָת קָל מֵימְרָא דַיוי אֲלָהַנָא עוֹד מָיְתִין״וממיתין#3#״ אֲנַחנָא׃
(1) 62:50 אֲרֵי מַן כֹל בִסרָא דְשָמַע קָל מֵימְרָא דַיוי קַיָימָא דִממַלֵיל מִגוֹ אִישָתָא כְוָתַנָא וְאִתקַיַים׃
(1) 72:50 קְרַב אַת וֻשמַע״ותקבל#3#״ יָת כֹל דְיֵימַר יוי אֲלָהַנָא וְאַת תְמַלֵיל עִמַנָא יָת כֹל דִמַלֵיל יוי אֲלָהַנָא עִמָך וֻנקַבֵיל וְנַעֲבֵיד׃
(1) 82:50 וֻשמִיַע קדם יוי יָת קָל פִתגָמֵיכוֹן בְמַלָלוּתְכוֹן עִמִי וַאֲמַר יוי לִי שְמִיַע קְדָמַי יָת קָל פִתגָמֵי עַמָא הָדֵין דְמַלִילוּ עִמָך אַתקִינוּ כֹל דְמַלִילוּ׃
(1) 92:50 לְוֵי דִיהֵי לִיבָא הָדֵין לְהוֹן לְמִדחַל קְדָמַי״יתי#3#״ וֻלמִיטַר יָת כֹל פִקוֹדַי כֹל יוֹמַיָא בְדִיל דְיִיטַב״דיוטיב#3#״ לְהוֹן וְלִבנֵיהוֹן לְעָלַם׃
(1) 03:50 אִיזֵיל אֵימַר לְהוֹן תוּבוּ לְכוֹן לְמַשכְנֵיכוֹן׃
(1) 13:50 וְאַת הָכָא קוּם קְדָמַי וַאֲמַלֵיל עִמָך יָת כֹל תַפקֵידתָא וֻקיָמַיָא וְדִינַיָא דְתַלֵיפִינוּן וְיַעבְדוּן בארעא דַאֲנָא יָהֵיב לְהוֹן לְמֵירְתַה׃
(1) 23:50 וְתִיטְרוּן לְמַעֲבַד כְמָא דְפַקֵיד יוי אֲלָהֲכוֹן יָתְכוֹן לָא תִסטוֹן לְיַמִינָא וְלִסמָלָא׃
(1) 33:50 בְכֹל אוֹרחָא דְפַקֵיד יוי אֲלָהֲכוֹן יָתְכוֹן תְהָכוּן בְדִיל דְתֵיחוֹן וְיִיטַב״ויוטיב#3#״ לְכוֹן וְתֵירְכוּן״ותורכון#3#״ יוֹמִין בארעא דְתֵירְתוּן״דתחסנון#3#״׃

next chapter