The Comprehensive Aramaic Lexicon

(1) 10:20	וְאִתפְנִינָא וֻנטַלנָא לְמַדבְרָא אוֹרַח יַמָא דְסוּף כְמָא דְמַלֵיל יוי עִמִי וְאַקֵיפנָא יָת טוּרָא דְסֵעִיר יוֹמִין סַגִיאִין׃
(1) 20:20	וַאֲמַר יוי לִי לְמֵימַר׃
(1) 30:20	סַגִי לְכוֹן דְאַקֵיפתוּן יָת טוּרָא הָדֵין אִתפְנוֹ״איתפניאו#3#״ לְכוֹן לְצִפוּנָא׃
(1) 40:20	וְיָת עַמָא פַקֵיד לְמֵימַר אַתוּן עָבְרִין בִתחוּם אֲחֵיכוֹן בְנֵי עֵשָו דְיָתְבִין בְסֵעִיר וְיִדחֲלוּן״וְיִדַחלוּן#3#״ מִנְכוֹן וְתִסתַמרוּן״ותסטמרון#3#״ לַחדָא׃
(1) 50:20	לָא תִתגָרוֹן בְהוֹן אֲרֵי לָא אַתֵין לְכוֹן מֵאֲרַעהוֹן עַד מִדרַך״מַדרַך#3#״ פַרסַת רְגַל אֲרֵי יְרוּתָא לְעֵשָו יְהַבִית יָת טוּרָא דְסֵעִיר׃
(1) 60:20	עִיבוּרָא״עְבוּרָא#3#״ תִזבְנוּן מִנְהוֹן בְכַספָא וְתֵיכְלוּן וְאַף מַיָא תִזבְנוּן מִנְהוֹן בְכַספָא וְתִשתוֹן׃
(1) 70:20	אֲרֵי יוי אֲלָהָך בָרְכָך בְכָל עוּבָדֵי יְדָך סוֹפֵיק״סיפק#3#״ לָך צוּרכָך בִמהָכָך יָת מַדבְרָא רַבָא הָדֵין דְנָן אַרבְעִין שְנִין מֵימְרָא דַיוי אֲלָהָך בְסַעֲדָך״עמך#3#״ לָא חֲסַרתָא״מנעתא#3#״ מִדָעַם׃
(1) 80:20	וַעֲבַרנָא מִלְוָת אֲחַנָא בְנֵי עֵשָו דְיָתְבִין בְסֵעִיר מֵאוֹרַח מֵישְרָא מֵאֵילַת וֻמֵעַציוֹן גָבַר וְאִתפְנִינָא וַעֲבַרנָא אוֹרַח מַדבְרָא דְמוֹאָב׃
(1) 90:20	וַאֲמַר יוי לִי לָא תְצוּר עַל״ית#3#״ מוֹאֲבָאֵי וְלָא תִתגָרֵי לְמַעֲבַד עִמְהוֹן קְרָב אֲרֵי לָא אַתֵין לָך מֵאֲרַעהוֹן יְרוּתָא אֲרֵי לִבנֵי לוֹט יְהַבִית יָת לְחָיַת יְרוּתָא׃
(1) 01:20	אֵימְתָנֵי מִלְקַדמִין יְתִיבוּ בַה עַם רַב וְסַגִי וְתַקִיף כְגִיבָרַיָא׃
(1) 11:20	גִיבָרַיָא מִתחַשבִין אַף אִנוּן כְגִיבָרַיא וֻמוֹאֲבָאֵי קָרַן לְהוֹן אֵימְתָנֵי׃
(1) 21:20	וֻבסֵעִיר יְתִיבוּ חוֹרָאֵי מִלְקַדמִין וֻבנֵי עֵשָו תָרִיכוּנוּן וְשֵיצִיאוּנוּן מִן קְדָמֵיהוֹן וִיתִיבוּ בַאֲתַרהוֹן כְמָא דַעֲבַד ישראל לַאֲרַע יְרוּתְתֵיה דִיהַב יוי לְהוֹן׃
(1) 31:20	כְעַן קוּמוּ וְעֵיבַרוּ״וַעְבֻרוּ#3#״ לְכוֹן יָת נַחלָא דְזָרַד וַעֲבַרנָא יָת נַחלָא דְזָרַד׃
(1) 41:20	וְיוֹמַיָא דְהַלֵיכנָא מֵרְקַם גֵיאָה עַד״ית#3#״ דַעֲבַרנָא יָת נַחלָא דְזַרַד תְלָתִין וְתַמנֵי שְנִין עַד דְסָף כֹל דָרָא גַברֵי״גֻברֵי#3#״ מְגִיחֵי קְרָבָא מִגוֹ מַשרִיתָא כְמָא דְקַיֵים יוי לְהוֹן׃
(1) 51:20	וְאַף מַחָא מִן קדם יוי הֲוָת בְהוֹן לְשֵיצָיוּתְהוֹן מִגוֹ מַשרִיתָא עַד דִשלִימוּ׃
(1) 61:20	וַהֲוָה כַד שְלִימוּ כֹל גַברֵי״גֻברֵי#3#״ מְגִיחֵי קְרָבָא לִיממָת מִגוֹ עַמָא׃
(1) 71:20	וֻמַלֵיל יוי עִמִי לְמֵימַר׃
(1) 81:20	אַת עָבַר יוֹמָא דֵין יָת תְחוּם מוֹאָב יָת לְחָיַת׃
(1) 91:20	וְתִתקָרַב״ותתקריב#3#״ לִקבֵיל״לָקְֹבֵיל#3#״ בְנֵי עַמוֹן לָא תְצוּר עֲלֵיהוֹן וְלָא תִתגָרֵי לְמַעֲבַד עִמְהוֹן קְרָב אֲרֵי לָא אַתֵין מֵאַרַע בְנֵי עַמוֹן לָך יְרוּתָא אֲרֵי לִבנֵי לוֹט יֲהַבתַה יְרוּתָא׃
(1) 02:20	אֲרַע גִבָרַיָא מִתחַשבָא אַף הִיא גִבָרִין יְתִיבוּ בַה מִלְקַדמִין וְעַמוֹנָאֵי קָרַן לְהוֹן חַשבָנֵי״חושבני#3#״׃
(1) 12:20	עַם רַב וְסַגִי וְתַקִיף כְגִיבָרַיָא וְשֵיצִינוּן יוי מִן קְדָמֵיהוֹן וְתָרִיכוּנוּן״וִירִיתוּנוּן#3#״ וִיתִיבוּ בַאֲתַרהוֹן׃
(1) 22:20	כְמָא דַעֲבַד לִבנֵי עֵשָו דְיָתְבִין בְסֵעִיר דְשֵיצִי יָת חוֹרָאֵי מִן קְדָמֵיהוֹן וְתָרִיכוּנוּן וִיתִיבוּ בַאֲתַרהוֹן עַד יוֹמָא הָדֵין׃
(1) 32:20	וְעַוָאֵי דְיָתְבִין בִרפִיַח״בפציח#3#״ עַד עַזָה קְפוּטקָאֵי דִנפַקוּ מִקְפוּטקִיָא שֵיצִיאוּנוּן וִיתִיבוּ בַאֲתַרהוֹן׃
(1) 42:20	קוּמוּ טוּלוּ וְעֵיבַרוּ״וַעבֻרוּ#3#״ יָת נַחלָא דְאַרנוֹן חֲזִי דִמסַרִית בִידָך יָת סִיחוֹן מַלכָא דְחַשבוֹן אֲמוֹרָאָה וְיָת אַרעֵיה שָרִי לְתָרָכוּתֵיה וְאִיתגָרִי לְמַעֲבַד עִמֵיה קְרָב׃
(1) 52:20	יוֹמָא הָדֵין״דֵין#3#״ אֲשָרֵי לְמִיתַן זֵיעֲתָך״זִיעְתָך#3#״זועתך#3#״ וְדַחלְתָך עַל אַפֵי עַמְמַיָא דִתחוֹת כֹל שְמַיָא דְיִשמְעוּן שִמעָך וִיזוּעוּן וְיִתַברוּן״וידחלון#3#״ מִן קְדָמָך׃
(1) 62:20	וֻשלַחִית אִזגַדִין מִמִדבַר קְדֵמוֹת לְוָת סִיחוֹן מַלכָא דְחַשבוֹן פִתגָמֵי שְלָמָא לְמֵימַר׃
(1) 72:20	אֲעִיבַר בְאַרעָך בְאוֹרחָא בְאוּרחָא אִיזֵיל לָא אִסטֵי לְיַמִינָא וְלִסמָלָא״ושׂמאלא#3#״׃
(1) 82:20	עִיבוּרָא״עְבוּרָא#3#״ בְכַספָא תְזַבֵין לִי וְאֵיכוּל וֻמַיָא בְכַספָא תִתֵין לִי וְאִשתֵי לְחוֹד אֲעִיבַר בְרַגלָי׃
(1) 92:20	כְמָא דַעֲבַדוּ לִי בְנֵי עָשֵו דְיָתְבִין בְסֵעִיר וֻמוֹאֲבָאֵי דְיָתְבִין בִלחָיָת עַד דְאִיעִיבַר יָת יַרדְנָא לארעא דַיוי אֲלָהַנָא יָהֵיב לַנָא׃
(1) 03:20	וְלָא אֲבָא סִיחוֹן מַלכָא דְחַשבוֹן לְמִשבְקַנָא לְמִיעִיבַר״לְאַעבָרוּתַנָא#3#״ בִתחוּמֵיה אֲרֵי אַקשִי יוי אֲלָהָך יָת רוּחֵיה וְתַקֵיף״ואתקיף#3#״ יָת לִיבֵיה בְדִיל לְמִמסְרֵיה בִידָך כְיוֹמָא הָדֵין׃
(1) 13:20	וַאֲמַר יוי לִי חֲזִי דְשָרִיתִי לְמִמסַר קְדָמָך יָת סִיחוֹן וְיָת אַרעֵיה שָרִי לְתָרָכוּתֵיה לְמֵירַת יָת אַרעֵיה׃
(1) 23:20	וֻנפַק סִיחוֹן לְקַדָמוּתַנָא הוּא וְכָל עַמֵיה לְאָגָחָא קְרָבָא לְיָהַץ׃
(1) 33:20	וֻמַסרֵיה יוי אֲלָהַנָא קְדָמַנָא וֻמחֵינָא יָתֵיה וְיָת בְנוֹהִי וְיָת כֹל עַמֵיה׃
(1) 43:20	וֻכבַשנָא יָת כֹל קִרוֹהִי בְעִדָנָא הַהוּא וְגַמַרנָא יָת כֹל קִרוַיָא גַברַיָא״גֻברַיָא#3#״ וֻנשַיָא וְטַפלָא לָא אַשאַרנָא מְשֵיזִיב׃
(1) 53:20	לְחוֹד בְעִירָא בַזנָא לַנָא וַעֲדַי קִרוַיָא דְכבַשנָא׃
(1) 63:20	מֵעֲרֹעֵר דְעַל כֵיף נַחלָא דְאַרנוֹן וְקַרתָא דִבנַחלָא וְעַד גִלעָד לָא הֲוָת קַרתָא דִתקֵיפַת מִנַנָא יָת כוֹלָא מְסַר יוי אֲלָהַנָא קְדָמַנָא׃
(1) 73:20	לְחוֹד אֲרַע בְנֵי עַמוֹן לָא קָרֵיבתָא״קְרֵיבתָא#3#״ עָל כֵיף נְחַל יוּבקָא וְקִרוֵי טוּרָא וְכֹל דְפַקֵיד יוי אֲלָהַנָא׃

next chapter