The Comprehensive Aramaic Lexicon

(1) 10:63	וֻקרִיבוּ רֵישֵי אֲבָהָתָא לְזַרעְיָת בְנֵי גִלעָד בַר מָכִיר בַר מְנַשַה מִזַרעֲיָת בְנֵי יוֹסֵף וֻמַלִילוּ קְדָם מֹשַה וֻקדָם״ולקדם#3#״ רַברְבַיָא רֵישֵי אֲבָהָתָא לִבנֵי יִשׂרָאֵל׃
(1) 20:63	וַאֲמַרוּ יָת רִבוֹנִי פַקֵיד יוי לְמִתַן יָת ארעא בְאַחסָנָא בְעַדבָא לִבנֵי ישׂראל וְרִבוֹנִי אִתפַקַד בְמֵימְרָא דַיוי לְמִיתַן יָת אַחסָנַת צְלָפחָד אֲחוּנָא לִבנָתֵיה׃
(1) 30:63	וְיִהוִיָן״וְיִהוְיָן#3#״ לְחַד מִבנֵי שִבטֵי בְנֵי ישׂראל לִנשִין וְתִתמְנַע אַחסָנְתהוֹן מֵאַחסָנַת אֲבָהָתַנָא וְתִתוֹסַף עַל אַחסָנַת שִבטָא דְיִהוִיָן״דְיִהוְיָן#3#״ ״די תהויין#3#״ לְהוֹן וֻמֵעֲדַב אַחסָנְתַנָא יִתמְנַע׃
(1) 40:63	וְאִם יְהֵי יוֹבֵילָא לִבנֵי ישׂראל וְתִיתוֹסַף אַחסָנַתהוֹן עַל אַחסַנַת שִבטָא דְיִהוִיָן״דְיִהְוָן#3#״ ״די תהויין#3#״ לְהוֹן וֻמֵאַחסנָת שִבטָא דַאֲבָהָתַנָא תִתמְנַע אַחסָנַתהוֹן׃
(1) 50:63	וֻפַקֵיד מֹשַה יָת בְנֵי ישׂראל עַל מֵימְרָא דַיוי לְמֵימַר יָאוּת שִבטָא דִבנֵי יוֹסֵף מְמַלְלִין׃
(1) 60:63	דֵין פִתגָמָא דְפַקֵיד יוי לִבנָת צְלָפחָד לְמֵימַר לִדתָקֵין בְעֵינֵיהוֹן יִהוִיָן״יִהוְיָן#3#״ לִנשִין בְרַם לְזַרעִית שִבטָא דַאֲבוּהֵין יִהוִיָן״יִהוְיָן#3#״ לִנשִין׃
(1) 70:63	וְלָא תַסחַר אַחסָנָא לִבנֵי ישׂראל מִשִבטָא לְשִבטָא אֲרֵי גְבַר בְאַחסָנַת שִבטָא דַאֲבָהָתוֹהִי יִדבְקוּן בְנֵי יִשׂרָאֵל׃
(1) 80:63	וְכָל בְרַתָא יָרְתַת אַחסָנָא מִשִבטַיָא דִבנֵי ישׂראל לְחַד מִזַרעִית שִבטָא דַאֲבוּהָא תְהֵי לְאִיתוּ״לאינתו#3#״ בְדִיל דְיֵירְתוּן בְנֵי ישׂראל גְבַר אַחסָנַת אֲבָהָתוֹהִי׃
(1) 90:63	וְלָא תַסחַר אַחסָנָא מִשִבטָא לְשִבטָא אוּחרָנָא אֲרֵי גְבַר בְאַחסָנְתֵיה יִדבְקוּן שִבטַיָא דִבנֵי יִשׂרָאֵל׃
(1) 01:63	כְמָא דְפַקֵיד יוי יָת מֹשַה כֵין עֲבַדָא בְנָת צְלָפחָד׃
(1) 11:63	וַהוַאָה מַחלָה תִרצָה וְחָגלָה וֻמִלכָה וְנֹעָה בְנָת צְלָפחָד לִבנֵי אֲחֵי אֲבוּהֵין״אחבוהין#3#״ לִנשִין׃
(1) 21:63	מִזַרעֲיָת בְנֵי מְנַשַה בַר יוֹסֵף הֲוַאָה לִנשִין וַהוָת אַחסָנַתהוֹן עַל שֵיבַט זַרעִית אֲבוּהֵין׃
(1) 31:63	אִלֵין פִקוֹדַיָא וְדִינַיָא דְפַקֵיד יוי \בִידָא דְמֹשַה ״ית משה#3#״ \לְוָת בְנֵי ״לבני#3#״ יִשׂרָאֵל בְמֵישְרַיָא דְמוֹאָב עַל יַרדְנָא דִירִיחוֹ׃