H The Comprehensive Aramaic Lexicon

CAL CODE HELP CLICK HERE
click on the file description for more information

51004: TgO Nm

click on a word for lexical analysis
Click on a red-colored coordinate for comments and/or translations of the line

previous chapter


(1) 10:82 ומליל יוי עם״לות#3#״ משה למימר׃
(1) 20:82 פַקֵיד יָת בְנֵי ישׂראל וְתֵימַר לְהוֹן יָת קוּרבָנִי לְחֵים סִידוּר לְקוּרבָנִי לְאִתקַבָלָא בְרַעֲוָא תִיטְרוּן לְקָרָבָא קְדָמַי בְזִמנֵיה׃
(1) 30:82 וְתֵימַר לְהוֹן דֵין קוּרבָנָא דִתקָרְבוּן קדם יוי אִימְרִין בְנֵי שְנָא שַלמִין תְרֵין לְיוֹמָא עֲלָתָא תְדִירָא׃
(1) 40:82 יָת אִימְרָא חַד תְעַבֵיד בְצַפרָא וְיָת אִימְרָא תִניָנָא תַעֲבֵיד בֵין שִמשַיָא׃
(1) 50:82 וְחַד מִן עַסרָא בִתלָת סְאִין סוּלתָא מִנחָתָא״לְמִנחָתָא#3#״ דְפִילָא בִמשַח כָתִישָא רַבעוּת הִינָא׃
(1) 60:82 עֲלַת תְדִירָא דְאִתעֲבֵידַת בְטוּרָא דְסִינַי לְאִתקַבָלָא בְרַעֲוָא קוּרבָנָא קדם יוי׃
(1) 70:82 וְנִסכֵיה רַבעוּת הִינָא לְאִימְרָא חַד בְקוּדשָא יִתנַסַך נִיסוּך דַחמַר״בחמר#3#״ עַתִיק קדם יוי׃
(1) 80:82 וְיָת אִימְרָא תִניָנָא תַעֲבֵיד בֵין שִמשַיָא כְמִנחַת צַפרָא וֻכנִסכֵיה תַעֲבֵיד קוּרבַן דְמִתקַבַל״לאיתקבלא#3#״ בְרַעֲוָא קדם יוי׃
(1) 90:82 וֻביוֹמָא דְשַבתָא תְרֵין אִמְרִין בְנֵי שְנָא שַלמִין וֻתרֵין עַסרוֹנִין סוּלתָא מִנחָתָא דְפִילָא בִמשַח וְנִסכֵיה׃
(1) 01:82 עֲלַת שַבָא תִתעֲבֵיד״דתתעביד#3#״ בְשַבָא עַל עֲלַת תְדִירָא וְנִסכַה׃
(1) 11:82 וֻברֵישֵי יַרחֵיכוֹן תְקָרְבוּן עֲלָתָא קְדָם יוי תוֹרֵי בְנֵי תוֹרֵי תְרֵין וֻדכַר חַד אִימְרִין בְנֵי שְנָא שִבעָה שַלמִין׃
(1) 21:82 וֻתלָתָה עַסרוֹנִין סוּלתָא מִנחָתָא דְפִילָא בִמשַח לְתוֹרָא חַד וֻתרֵין עַסרוֹנִין סוּלתָא מִנחָתָא דְפִילָא בִמשַח לְדִכרָא חַד׃
(1) 31:82 וְעַסרוֹנָא עַסרוֹנָא סוּלתָא מִנחָתָא דְפִילָא בִמשַח לְאִימְרָא חַד עֲלָתָא לְאִתקַבָלָא בְרַעֲוָא קוּרבָנָא קדם יוי׃
(1) 41:82 וְנִסכֵיהוֹן פַלגוּת הִינָא יְהֵי לְתוֹרָא וְתַלתוּת הִינָא לְדִכרָא וְרַבעוּת הִינָא לְאִימְרָא חַמרָא דָא עֲלַת רֵיש יְרַח <בִירַח#3#> בְאִתחַדָתוּתֵיה כֵין לְכֹל רֵישֵי יַרחֵי שַתָא׃
(1) 51:82 וֻצפִיר בַר עִזִין חַד לְחַטָתָא קדם יוי עַל עֲלַת תְדִירָא יִתעֲבֵיד וְנִסכֵיה׃
(1) 61:82 וֻביַרחָא קַדמָאָה בְאַרבְעָת עַסרָא יוֹמָא לְיַרחָא פִסחָא קדם יוי׃
(1) 71:82 וֻבחַמֵישַת עַסרָא יוֹמָא לְיַרחָא הָדֵין חַגָא שִבעָה יוֹמִין פַטִירָא יִתאֲכִיל׃
(1) 81:82 בְיוֹמָא קַדמָאָה מְעָרַע קַדִיש כֹל עֲבִידַת פוּלחַן לָא תַעבְדוּן׃
(1) 91:82 וֻתקָרְבוּן קוּרבָנָא עֲלָתָא קדם יוי תוֹרֵי בְנֵי תוֹרֵי תְרֵין וֻדכַר חַד וְשִבעָה אִמְרִין בְנֵי שְנָא שַלמִין יְהוֹן לְכוֹן׃
(1) 02:82 וֻמִנחָתְהוֹן סוּלתָא דְפִילָא בִמשַח תְלָתָה עַסרוֹנִין לְתוֹרָא ותרֵין עַסרוֹנִין לְדִכרָא תַעֲבְדוּן׃
(1) 12:82 עַסרוֹנָא עַסרוֹנָא תַעֲבֵיד לְאִימְרָא חַד כֵין לְשִבעָה אִימְרִין׃
(1) 22:82 וֻצפִירָא דְחַטָתָא חַד לְכַפָרָא עֲלֵיכוֹן׃
(1) 32:82 בָר מֵעֲלַת צַפרָא \דְהִיא עֲלַת ״די לעלתא#3#״ תְדִירָא תַעבְדוֹן יָת אִלֵין׃
(1) 42:82 כְאִלֵין תַעבְדוּן לְיוֹמָא שִבעָה יוֹמִין לְחֵים קוּרבַן דְמִתקַבַל בְרַעֲוָא קדם יוי עַל עֲלַת תְדִירָא יִתעֲבֵיד וְנִסכֵיה׃
(1) 52:82 וֻביוֹמָא שְבִיעָאָה מְעָרַע קַדִיש יְהֵי לְכוֹן כֹל עֲבִידַת פוּלחַן לָא תַעבְדוּן׃
(1) 62:82 וֻביוֹמָא דְבִכוּרַיָא בְקָרֵיבֵיכוֹן״בְקָרוֹבֵיהוֹן#3#״ מִנחָתָא חֲדַתָא קְדָם יוי בְעַצרָתְכוֹן מְעָרַע קַדִיש יְהֵי לְכוֹן כֹל עֲבִידַת פוּלחַן לָא תַעבְדוּן׃
(1) 72:82 וֻתקָרְבוּן עֲלָתָא לְאִתקַבָלָא בְרַעֲוָא קדם יוי תוֹרֵי בְנֵי תוֹרֵי תְרֵין דְכַר חַד שִבעָה אִימְרִין בְנֵי שְנָא׃
(1) 82:82 וֻמִנחָתְהוֹן סוּלתָא דְפִילָא בִמשַח תְלָתָה עַסרוֹנִין לְתוֹרָא חַד תְרֵין עַסרוֹנִין לְדִכרָא חַד׃
(1) 92:82 עַסרוֹנָא עַסרוֹנָא תַעֲבֵיד לְאִימְרָא חַד כן לְשִבעָה אִימְרִין׃
(1) 03:82 צְפִיר בַר עִזִין חַד לְכַפָרָא עֲלֵיכוֹן׃
(1) 13:82 בָר מֵעֲלַת תְדִירָא״צפרא#3#״ וֻמִנחָתֵיה תַעבְדוּן שַלמִין יְהוֹן לְכוֹן וְנִסכֵיהוֹן׃

next chapter