The Comprehensive Aramaic Lexicon

(1) 10:62	וַהוָה בָתַר מוֹתָנָא וַאֲמַר יוי לְמֹשַה וֻלאַלעָזָר בַר אהרן כָהֲנָא לְמֵימַר׃
(1) 20:62	קַבִילוּ יָת חוּשבַן כֹל כְנִשתָא דִבנֵי ישׂראל מִבַר עַסרִין שְנִין וֻלעֵילָא לְבֵית אֲבָהָתְהוֹן כֹל נָפֵיק״דנפיק#3#״ חֵילָא בְישׂראל׃
(1) 30:62	וֻמַלֵיל״ומנא#3#״ מֹשַה וְאַלעָזָר כָהֲנָא אֲמַרוּ לְמִמנֵי יָתְהוֹן בְמֵישְרַיָא דְמוֹאָב עַל יַרדְנָא דִירִיחוֹ לְמֵימַר׃
(1) 40:62	מִבַר עַסרִין שְנִין וֻלעֵילָא כְמָא דְפַקֵיד יוי יָת מֹשַה וֻבנֵי ישׂראל דִנפַקוּ מארעא דמצרים׃
(1) 50:62	רְאוּבֵן בוּכרָא דְישׂראל בְנֵי רְאוּבֵן חֲנוֹך זַרעִית חֲנוֹך לְפַלוּא זַרעִית פַלוּא׃
(1) 60:62	לְחַצרֹן זַרעִית חַצרוֹן לְכַרמִי זַרעִית כַרמִי׃
(1) 70:62	אִלֵין זַרעֲיָת רְאוּבֵן וַהווֹ מִניָנֵיהוֹן אַרבְעִין וֻתלָתָה אַלפִין וֻשבַע מְאָה וֻתלָתִין׃
(1) 80:62	וֻבנֵי פַלוּא אֲלִיאָב׃
(1) 90:62	וַבנֵי אֲלִיאָב נְמוּאֵל וְדָתָן וַאֲבִירָם הוּא דָתָן וַאֲבִירָם מְעָרְעֵי כְנִשתָא דְאִתכְנִישוּ עַל מֹשַה וְעַל אַהֲרֹן בִכנִישתָא דְקֹרַח בְאִתכַנֵישֵיהוֹן עַל יהוה׃
(1) 01:62	וֻפתַחַת אַרעָא יָת פוּמַה וֻבלַעַת יָתְהוֹן וְיָת קֹרַח בְמוֹתָא דִכנִשתָא כַד אֲכַלַת אִישָתָא יָת מָאתַן וְחַמשִין גֻברָא וַהווֹ לְאָת׃
(1) 11:62	וֻבנֵי קֹרַח לָא מִיתוּ׃
(1) 21:62	בְנֵי שִמעוֹן לְזַרעֲיָתְהוֹן לִנמוּאֵל זַרעִית נְמוּאֵל לְיִמִין זַרעִית יָמִין לְיָכִין זַרעִית יָכִין׃
(1) 31:62	לְזַרַח זרעית זַרַח לְשָאוּל זרעית שָאוּל׃
(1) 41:62	אִלֵין זַרעְיָת שִמעוֹן עַסרִין וֻתרֵין אַלפִין וֻמָתַן׃
(1) 51:62	בְנֵי גָד לְזַרעֲיָתְהוֹן לִצפוֹן זרעית צְפוֹן לְחַגִי זרעית חַגִי לְשוּנִי זרעית שוּנִי׃
(1) 61:62	לְאָזנִי זרעית אָזנִי לְעֵרִי זרעית עֵרִי׃
(1) 71:62	לַאֲרוֹד זַרעִית אֲרוֹד לְאַראֵלִי זרעית אַראֵלִי׃
(1) 81:62	אִלֵין זַרעֲיָת בְנֵי גָד לְמִניָנֵיהוֹן אַרבְעִין אַלפִין וְחַמֵיש מְאָה׃
(1) 91:62	בְנֵי יְהוּדָה עֵר וְאוֹנָן וֻמִית עֵר וְאוֹנָן בְאַרעָא דִכנָעַן׃
(1) 02:62	וַהווֹ בְנֵי יְהוּדָה לְזַרעֲיָתְהוֹן לְשֵלָה זרעית שֵלָה לְפַרַץ זרעית פַרַץ לְזַרַח זרעית זַרַח׃
(1) 12:62	וַהווֹ בְנֵי פַרַץ לְחַצרוֹן זַרעִית חַצרוֹן לְחָמוּל זרעית חָמוּל׃
(1) 22:62	אִלֵין זַרעֲיָת יְהוּדָה לְמִניָנֵיהוֹן שִבעִין וְשִתָה אַלפִין וְחַמֵיש מְאָה׃
(1) 32:62	בְנֵי יִשָׂשׂכָר לְזרעֲיָתְהוֹן תוֹלָע זרעית תוֹלָע לְפוָּה זרעִית פוָּה׃
(1) 42:62	לְיָשוּב זרעית יָשוּב לְשִמרֹן זרעית שִמרוֹן׃
(1) 52:62	אִלֵין זַרעֲיָת יִשָׂשׂכָר לְמִניָנֵיהוֹן שִתִין וְאַרבְעָה אַלפִין וֻתלָת מְאָה׃
(1) 62:62	בְנֵי זְבוּלֻן לְזַרעֲיָתְהוֹן לְסַרַד זַרעִית סַרַד לְאֵלוֹן זרעית אֵלוֹן לְיַחלְאֵל זַרעִית יַחלְאֵל׃
(1) 72:62	אִלֵין זַרעֲיָת זְבוּלֻן לְמִניָנֵיהוֹן שִתִין אַלפִין וְחַמֵיש מְאָה׃
(1) 82:62	בְנֵי יוֹסֵף לְזַרעֲיָתְהוֹן מְנַשַה וְאַפרָיִם׃
(1) 92:62	בְנֵי מְנַשַה לְמָכִיר זרעית מָכִיר וֻמָכִיר אוֹלֵיד יָת גִלעָד לְגִלעָד זרעית גִלעָד׃
(1) 03:62	אִלֵין בְנֵי גִלעָד אִיעַזַר זָרעית אִיעַזַר לְחֵלַק זַרעִית חֵלַק׃
(1) 13:62	וְאַשרִיאֵל זרעית אַשרִיאֵל וְשַכַם זַרעִית שַכַם׃
(1) 23:62	וֻשמִידָע זרעית שְמִידָע וְחֵפַר זרעית חֵפַר׃
(1) 33:62	וֻצלָפחָד בַר חֵפַר לָא הֲווֹ לֵיה בְנִין אֲלָהֵין בְנָן וְשוֹם בְנָת צְלָפחָד מַחלָה וְנֹעָה חָגלָה מִלכָה וְתִרצָה׃
(1) 43:62	אִלֵין זַרעְיָת מְנַשַה וֻמִניָנֵיהוֹן חַמשִין וֻתרֵין אַלפִין וֻשבַע מְאָה׃
(1) 53:62	אִלֵין בְנֵי אַפרַיִם לְזַרעֲיָתְהוֹן לְשוּתַלַח זַרעִית שוּתַלַח לְבַכַר זרעית בַכַר לְתַחַן זרעית תַחַן׃
(1) 63:62	וְאִלֵין בְנֵי שוּתָלַח לְעֵרָן זָרעִית עֵרָן׃
(1) 73:62	אִלֵין זַרעֲיָת בְנֵי אַפרַיִם לְמִניָנֵיהוֹן תְלָתִין וֻתרֵין אַלפִין וְחַמֵיש מְאָה אִלֵין בְנֵי יוֹסֵף לְזַרעֲיָתְהוֹן׃
(1) 83:62	בְנֵי בִניָמִין לְזַרעֲיָתְהוֹן לְבַלַע זרעית בַלַע לְאַשבֵל זרעית אַשבֵל לַאֲחִירָם זרעית אֲחִירָם׃
(1) 93:62	לְשוּפָם זרעית שוּפָם לְחוּפָם זרעית חוּפָם׃
(1) 04:62	וַהווֹ בְנֵי בַלַע אַרד וְנַעֲמָן זרעית אַרד לְנַעֲמָן זרעית נַעֲמָן׃
(1) 14:62	אִלֵין בְנֵי בִניָמִן לְזַרעֲיָתְהוֹן וֻמִניָנֵיהוֹן אַרבְעִין וְחַמשָה אַלפִין וְשֵית מְאָה׃
(1) 24:62	אִלֵין בְנֵי דָן לְזַרעֲיָתְהוֹן לְשוּחָם זרעית שוּחָם אִלֵין זַרעֲיָת דָן לְזַרעֲיָתְהוֹן׃
(1) 34:62	כֹל זַרעֲיָת שוּחָם לְמִניָנֵיהוֹן שִתִין וְאַרבְעָה אַלפִין וְאַרבַע מְאָה׃
(1) 44:62	בְנֵי אָשֵר לְזַרעֲיָתְהוֹן לְיִמנָה זַרעִית יִמנָה לְיִשוִי זרעית יִשוִי לְברִיעָה זרעית בְרִיעָה׃
(1) 54:62	לִבנֵי בְרִיעָה לְחַבַר זרעית חַבַר לְמַלכִיאֵל זרעית מַלכִיאֵל׃
(1) 64:62	וְשוֹם בַת אָשֵר שָׂרַח׃
(1) 74:62	אִלֵין זַרעֲיָת בְנֵי אָשֵר לְמִניָנֵיהוֹן חַמשִין וֻתלָתָה אַלפִין וְאַרבַע מְאָה׃
(1) 84:62	בְנֵי נַפתָלִי לְזַרעֲיָתְהוֹן לְיַחצְאֵל זרעית יחצאל לְגוּנִי זרעית גוּנִי׃
(1) 94:62	לְיֵצַר זרעית יֵצַר לְשִלֵם זרעית שִלֵם׃
(1) 05:62	אִלֵין זַרעֲיָת נַפתָלִי לְזַרעֲיָתְהוֹן וֻמִניָנֵיהוֹן אַרבְעִין וְחַמשָה אַלפִין וְאַרבַע מְאָה׃
(1) 15:62	אִלֵין מִניָנֵי בְנֵי ישׂראל שֵית מְאָה וְחַד אַלפִין שְבַע מְאָה וֻתלָתִין׃
(1) 25:62	ומליל יוי עם״לות#3#״ משה למימר׃
(1) 35:62	לְאִלֵין תִתפְלַג ארעא בְאַחסָנָא בְמִניַן שְמָהָן׃
(1) 45:62	לְסַגִיאֵי תַסגוֹן אַחסָנַתהוֹן וְלִזעֵירֵי תַזעֲרוּן אַחסַנַתהוֹן גְבַר לְפוֹם מִניָנוֹהִי תִתיְהֵיב אַחסָנְתֵיה׃
(1) 55:62	בְרַם בְעַדבָא תִתפְלַג <ית#3#> ארעא לִשמָהָת שִבטֵי אֲהָבָתְהוֹן יַחסְנוּן׃
(1) 65:62	עַל פוֹם עַדבָא תִתפְלַג אַהסָנַתהוֹן בֵין סַגִיאֵי לִזעֵירֵי׃
(1) 75:62	וְאִלֵין מִניָנֵי לֵיוָאֵי לְזַרעֲיָתְהוֹן לְגֵרְשוֹן זרעית גֵרְשוֹן לִקהָת זרעית קְהָת לִמרָרִי זרעית מְרָרִי׃
(1) 85:62	אִלֵין זַרעֲיָת לֵוִי זרעית לִבנִי זרעית חַברוֹן זרעית מַחלִי זרעית מוּשִי זרעית קֹרַח וֻקהָת אוֹלֵיד יָת עַמרָם׃
(1) 95:62	וְשוֹם אִיתַת עַמרָם יוֹכַבַד בַת לֵוִי דִילֵידַת יָתַה לְלֵוִי בְמִצרָיִם וִילֵידַת לְעַמרָם יָת אַהֲרֹן וְיָת מֹשַה וְיָת מִריָם אֲחָתְהוֹן׃
(1) 06:62	וְאִיתִילֵיד לְאהרן יָת נָדָב וְיָת אֲבִיהוּא יָת אַלעָזָר וְיָת אִיתָמָר׃
(1) 16:62	וֻמִית נָדָב וַאֲבִיהוּא בְקָרֵיבֵיהוֹן״בְקָרוֹבֵיהוֹן#3#״ אִישָתָא נוּכרֵיתָא קדם יוי׃
(1) 26:62	וַהווֹ מִניָנֵיהוֹן עַסרִין וֻתלָתָה אַלפִין כֹל דְכוּרָא מִבַר יַרחָא וֻלעֵילָא אֲרֵי לָא אִתמְנִיוּ בְגוֹ בְנֵי ישׂראל אֲרֵי לָא אִתיְהֵיבַת לְהוֹן אַחסָנָא בְגוֹ בְנֵי יִשׂרָאֵל׃
(1) 36:62	אִלֵין מִניָנֵי מֹשַה וְאַלעָזָר כָהְנָא דִמנוֹ יָת בְנֵי ישׂראל בְמֵישְרַיָא דְמוֹאָב יַרדְנָא דִירִיחוֹ׃
(1) 46:62	וֻבאִילֵין לָא הֲוָה גְבַר מִמִניָנֵי מֹשַה ואהרן כָהֲנָא דִמנוֹ יָת בְנֵי ישׂראל בְמַדבְרָא דְסִינָי׃
(1) 56:62	אֲרֵי אֲמַר יוי לְהוֹן מְמָת יְמוּתוּן בְמַדבְרָא וְלָא אִשתְאַר מִנְהוֹן אֲנָש״גבר#3#״ אֲלָהֵין כָלֵב בַר יְפֻנַה וִיהוֹשֻעַ בַר נוּן׃

next chapter