H The Comprehensive Aramaic Lexicon

CAL CODE HELP CLICK HERE
click on the file description for more information

51004: TgO Nm

click on a word for lexical analysis
Click on a red-colored coordinate for comments and/or translations of the line

previous chapter


(1) 10:91 וֻמַלֵיל יוי עִם״לות#3#״ מֹשַה ולאהרן״וְעִם אַהְרֹן#3#״ולות אהרן#3#״ לְמֵימַר׃
(1) 20:91 דָא גְזֵירַת אוֹרָיתָא דְפַקֵיד יוי לְמֵימַר מַלֵיל עִם בְנֵי ישׂראל וְיִסְבוּן לָך תוֹרְתָא סִמוֹקְתָא שַלמְתָא דְלֵית בַה מוּמָא דְלָא סְלֵיק עֲלַה נִירָא׃
(1) 30:91 וְתִיתְנוּן יָתַה לְאַלעָזָר כָהֲנָא וְיַפֵיק יָתַה לְמִבַרָא לְמַשרִיתָא וְיִכוֹס יָתַה קְדָמוֹהִי׃
(1) 40:91 וְיִסַב אַלעָזָר כָהֲנָא מִדְמַה בְאַצבְעֵיה וְיַדֵי לִקבֵיל אַפֵי מַשכַן זִמנָא מִדְמַה״מן דמה#3#״ שְבַע זִמנִין׃
(1) 50:91 וְיוֹקֵיד יָת תוֹרְתָא לְעֵינוֹהִי יָת מַשכַה וְיַת בִסרַה וְיָת דְמַה עַל אוּכלַה יוֹקֵיד׃
(1) 60:91 וְיִסַב כָהֲנָא אָעָא דְאַרזָא וְאֵיזוֹבָא וֻצבַע זְהוֹרִי וְיִרמֵי לְגוֹ יְקֵידַת תוֹרְתָא׃
(1) 70:91 וִיצַבַע לְבוּשוֹהִי כָהֲנָא וְיַסחֵי בִסרֵיה בְמַיָא וֻבָתַר כֵין יֵיעוֹל לְמַשרִיתָא וִיהֵי מְסָאַב כָהֲנָא עַד רַמשָא׃
(1) 80:91 וֻדמוֹקֵיד יָתַה יְצַבַע לְבוּשוֹהִי בְמַיָא וְיַסחֵי בִסרֵיה בְמַיָא וִיהֵי מְסָאַב עַד רַמשָא׃
(1) 90:91 וְיִכנוֹש גְבַר דְכֵי יָת קִטמָא דְתוֹרְתָא וְיַצנַע מִבַרָא״למברא#3#״ לְמַשרִיתָא בַאֲתַר״לַאֲתַר#3#״ דְכֵי וֻתהֵי לִכנִשתָא דִבנֵי ישׂראל לְמַטְרָא לְמֵי אַדָיוּתָא חַטָתָא הִיא׃
(1) 01:91 וִיצַבַע דְכָנֵיש יָת קִטמָא דְתוֹרְתָא יָת לְבוּשוֹהִי וִיהֵי מְסָאַב עַד רַמשָא וֻתהֵי לִבנֵי ישׂראל וֻלגִיוֹרַיָא דְיִתגַייְרוּן בֵינֵיהוֹן לִקיָם עָלַם׃
(1) 11:91 דְיִקרַב בְמִיתָא לְכֹל <טמי#3#> נַפשָא דַאֲנָשָא וִיהֵי מְסָאַב שִבעָה יוֹמִין׃
(1) 21:91 הוּא יַדֵי עֲלוֹהִי בְיוֹמָא תְלִיתָאָה וֻביוֹמָא שְבִיעָאָה יִדכֵי וְאִם לָא יַדֵי עֲלוֹהִי בְיוֹמָא תְלִיתָאָה וֻביוֹמָא שְבִיעָאָה לָא יִדכֵי׃
(1) 31:91 כֹל דְיִקרַב בְמִיתָא בְנַפשָא דִימוּת וְלָא יַדֵי עֲלוֹהִי יָת מַשכְנָא דַיוי סַאֵיב וְיִשתֵיצֵי אֲנָשָא הַהוּא מִישׂראל אֲרֵי מֵי אַדָיוּתָא לָא אִזדְרִיקוּ עֲלוֹהִי מְסָאַב יְהֵי עוֹד סְאוֹבְתֵיה בֵיה׃
(1) 41:91 דָא אוֹרָיתָא אֲנָש אֲרֵי יְמוּת בְמַשכְנָא כֹל דְעָלֵיל לְמַשכְנָא״במשכנא#3#״ וְכֹל דִבמַשכְנָא יְהֵי מְסָאַב שִבעָה יוֹמִין׃
(1) 51:91 וְכֹל מָן דַחסַף פְתִיַח דְלֵית מְגוּפַת שִיָע מַקַף עֲלוֹהִי מְסָאַב הוּא׃
(1) 61:91 וְכֹל דְיִקרַב עַל אַפֵי חַקלָא בִקטִיל חַרבָא אוֹ בְמִיתָא אוֹ בְגַרמָא דַאֲנָשָא אוֹ בְקַברָא יְהֵי מְסָאַב שִבעָה יוֹמִין׃
(1) 71:91 וְיִסבוּן לְדִמסָאַב מֵעֲפַר יְקֵידַת חַטָתָא וְיִתֵין עֲלוֹהִי מֵי מַבוּעַ לְמָן׃
(1) 81:91 וְיִסַב אֵיזוֹבָא וְיִטבוֹל בְמַיָא גְבַר דְכֵי וְיַדֵי עַל מַשכְנָא וְעַל כֹל מָנַיָא וְעַל <כל#3#> נַפשָתָא דַהווֹ תַמָן וְעַל דְיִקרַב בְגַרמָא אוֹ בִקטִילָא אוֹ בְמִיתָא אוֹ בְקַברָא׃
(1) 91:91 וְיַדֵי דַכיָא עַל מְסָאֲבָא בְיוֹמָא תְלִיתָאָה וֻביוֹמָא שְבִיעָאָה וִידַכֵינֵיה בְיוֹמָא שְבִיעָאָה וִיצַבַע לְבוּשוֹהִי וְיַסחֵי בְמַיָא וְיִדכֵי בְרַמשָא׃
(1) 02:91 וֻגבַר דְיִסתָאַב״דיהי מסאב#3#״ וְלָא יַדֵי עֲלוֹהִי וְיִשתֵיצֵי אֲנָשָא הַהוּא מִגוֹ קְהָלָא אֲרֵי יָת מַקדְשָא דַיוי סַאֵיב מֵי אַדָיוּתָא לָא אִזדְרִיקוּ״אזריקו#3#״ עֲלוֹהִי מְסָאַב הוּא׃
(1) 12:91 וֻתהֵי לְהוֹן לִקיָם עָלַם וֻדמַדֵי״ודידי#3#״ מֵי אַדָיוּתָא יְסַבַע לְבוּשוֹהִי וֻדיִקרַב בְמֵי אַדָיוּתָא יְהֵי מְסָאַב עַד רַמשָא׃
(1) 22:91 וְכֹל דְיִקרַב בֵיה מְסָאֲבָא יְהֵי מְסָאַב וַאֲנָש דְיִקרַב בֵיה יְהֵי מְסָאַב עַד רַמשָא׃

next chapter