H The Comprehensive Aramaic Lexicon

CAL CODE HELP CLICK HERE
click on the file description for more information

51004: TgO Nm

click on a word for lexical analysis
Click on a red-colored coordinate for comments and/or translations of the line

previous chapter


(1) 10:81 וַאֲמַר יוי לאהרן אַת וֻבנָך וֻבֵית אֲבוּך עִמָך תְ{סַחֲל}<סַלחוּ>ן עַל חוֹבֵי מַקדְשָא וְאַת וֻבנָך עִמָך תְסַלחוּן עַל חוֹבֵי כְהוּנַתכוֹן׃
(1) 20:81 וְאַף יָת אֲחָך שִבטָא דְלֵוִי שִבטָא דַאֲבוּך קָרֵיב לְוָתָך וְיִתוֹסְפוּן עֲלָך וִישַמְשוּנָך וְאַת וֻבנָך עִימָך קְדָם מַשכְנָא דְסָהֲדוּתָא׃
(1) 30:81 וְיִטְרוּן מַטַרתָך וֻמַטְרַת כֹל מַשכְנָא בְרַם לְמָנֵי קוּדשָא וֻלמַדבְחָא לָא יִקרְבוּן וְלָא יְמוּתוּן אַף אִינוּן אַף אַתוּן׃
(1) 40:81 וְיִתוֹסְפוּן עֲלָך וְיִטְרוּן יָת מַטְרַת מַשכַן זִמנָא לְכֹל פוּלחַן מַשכְנָא וְחִילוֹנַי לָא יִקרַב לְוָתְכוֹן׃
(1) 50:81 וְתִיטְרוּן יָת מַטְרַת קוּדשָא וְיָת מַטְרַת מַדבְחָא וְלָא יְהֵי עוֹד רוּגזָא עַל בְנֵי ישׂראל׃
(1) 60:81 וַאֲנָא הָא קָרֵיבִית יָת אֲחֵיכוֹן לֵיוָאֵי מִגוֹ בְנֵי ישׂראל לְכוֹן מַתְנָא יְהִיבִין קדם יוי לְמִפלַח יָת פוּלחַן מַשכַן זִמנָא׃
(1) 70:81 וְאַת וֻבנָך עִימָך תִיטְרוּן יָת כְהוּנַתכוֹן לְכֹל פִתגָם מַדבְחָא וֻלמִגָיו לְפָרוּכתָא וְתִפלְחוּן <ית#3#> פוּלחַן מַתְנָא אַתֵין יָת כְהוּנַתכוֹן וְחִילוֹנַי דְיִקרַב יִתקְטֵיל׃
(1) 80:81 וַמַלֵיל יוי לְאַהֲרֹן״עִם אַהְרֹן#3#״ וַאֲנָא הָא יְהַבִית לָך יָת מַטְרַת אַפרָשְוָתִי״בני ישׂראל#3#״ לְכֹל קוּדשַיָא דִבנֵי יִשׂרָאֵל לָך יְהַבתִינוּן לִרבוּ וְלִבנָך לִקיָם עָלַם׃
(1) 90:81 דֵין יְהֵי לָך מִקוֹדַש קוּדשַיָא מוֹתַר מִן אִישָתָא לְכָל״כל#3#״ קוּרבָנְהוֹן לְכָל מִנחָוָותְהוֹן וֻלכָל״וכל#3#״ חֲטָווָתְהוֹן״חובתהון#3#״ וֻלכָל אֲשָמְהוֹן דְיִתִיבוּן קְדָמַי קוֹדַש קוּדשִין דִילָך הוּא וְדִבנָך״ולבנך#3#״׃
(1) 01:81 בְקוּדַש קוּדשִין תֵיכְלִינֵיה כֹל דְכוּרָא יֵיכוֹל יָתֵיה קוּדשָא יְהֵי לָך׃
(1) 11:81 וְדֵין לָך אַפרָשוּת מַתְנָתְהוֹן לְכֹל אֲרָמוּת בְנֵי ישׂראל לָך יְהַבתִינוּן וְלִבנָך וְלִבנָתָך עִימָך לִקְיָם עָלַם כֹל דְיִדכֵי בְבֵיתָך יֵיכוֹל יָתֵיה׃
(1) 21:81 כֹל טוּב מְשַח וְכֹל טוּב חֲמַר וְעִיבוּר רֵישִיתְהוֹן דְיִתְנוּן קדם יוי לָך יְהַבתִינוּן׃
(1) 31:81 בִכוּרֵי כֹל דִבאֲרַעהוֹן דְיֵיתוֹן לִקדָם״קְֹדָם#3#״ יוי דִילָך״לך#3#״ יְהֵי כֹל דְיִדכֵי בְבֵיתָך יֵיכְלִינֵיה׃
(1) 41:81 כֹל חִרמָא בְישׂראל דִילָך יְהֵי׃
(1) 51:81 כֹל פָתַח וַלדָא לְכֹל בִסרָא דִיקָרְבוּן קדם יוי בַאֲנָשָא וֻבִבעִירָא יְהֵי לָך בְרַם מִפרָק תִפרוֹק יָת בוּכרָא דַאֲנָשָא וְיָת בוּכרָא דִבעִירָא מְסָאֲבָא תִפרוּק׃
(1) 61:81 וְפוּרקָנֵיה״ופריקוהי#3#״ מִבַר יַרחָא תִפרוֹק בְפוּרקָנֵיה כְסַף חַמֵיש סִלעִין בְסִלעֵי קוּדשָא עַסרִין מָעִין הוּא׃
(1) 71:81 בְרַם בוּכרָא דְתוֹרָא אוֹ בוּכרָא דְאִימְרָא אוֹ בוּכרָא דְעִיזָא לָא תִפרוּק קוּדשָא אִינוּן יָת דַמהוֹן תִזרוֹק עַל מַדבְחָא וְיָת תַרבְהוֹן תַסֵיק קוּרבַן לְאִתקַבָלָא״דְמִתקַבַל#3#״ בְרַעֲוָא קדם יוי׃
(1) 81:81 וֻבִסרְהוֹן יְהוֹן לָך כְחַדיָא דַאֲרָמוּתָא וֻכשָקָא דְיַמִינָא דִילָך יְהֵי׃
(1) 91:81 כֹל אַפרָשוּת קוּדשַיָא דִיַפרְשוּן בְנֵי ישׂראל קדם יוי יְהַבִית לָך וְלִבנָך וְלִבנָתָך עִימָך לִקיָם עָלַם קְיָם מְלַח עָלְמָא הוּא קדם יוי לָך וֻלִבנָך עִימָך׃
(1) 02:81 וַאֲמַר יוי לאהרן בַאֲרַעהוֹן לָא תַחסֵין וְחוּלָק לָא יְהֵי לָך בֵינֵיהוֹן מַתְנָן יְהַבִית״דִיַבִית#3#״ לָך אִינִין חוּלָקָך וְאַחסָנְתָך בְגוֹ בְנֵי ישׂראל׃
(1) 12:81 וְלִבנֵי לֵוִי הָא יְהַבִית כֹל מַעַסרָא בְישׂראל לְאַחסָנָא חֲלָף פוּלחָנְהוֹן דְאִינוּן פָלְחִין יָת פוּלחַן מַשכַן זִמנָא׃
(1) 22:81 וְלָא יִקרְבוּן עוֹד בְנֵי ישׂראל לְמַשכַן זִמנָא לְקַבָלָא חוֹבָא לִיממָת׃
(1) 32:81 וְיִפלְחוּן לֵיוָאֵי אִנוּן יָת פוּלחַן מַשכַן זִמנָא וְאִינוּן יְקַבְלוּן חוֹבֵיהוֹן קְיָם עָלַם לְדָרֵיהוֹן וֻבגוֹ בְנֵי ישׂראל לָא יַחסְנוּן אַחסָנָא׃
(1) 42:81 אֲרֵי יָת מַעסַר בְנֵי ישׂראל דְיַפרְשוּן קדם יוי אַפרָשוּתָא יְהַבִית״דיהבית#3#״ לְלֵיוָאֵי לְאַחסָנָא עַל כֵין אֲמַרִית לְהוֹן בְגוֹ בְנֵי ישׂראל לָא יַחסְנוּן אַחסָנָא׃
(1) 52:81 ומליל יוי עם״לות#3#״ משה למימר׃
(1) 62:81 \וְאִם לֵיוָאֵי ״ולליואי#3#״ תְמַלֵיל וְתֵימַר לְהוֹן אֲרֵי תִיסְבוּן \מִן בְנֵי ״מבני#3#״ ישׂראל יָת מַעַשׂרָא דִיהַבִית לְכוֹן מִנְהוֹן בְאַחסָנַתכוֹן וְתַפרְשוּן מִנֵיה אַפרָשוּתָא קדם יוי מַעַסרָא מִן מַעַסרָא׃
(1) 72:81 וְתִתחֲשֵיב לְכוֹן אַפרָשוּתְכוֹן כְעִיבוּרָא״כַעְבוּרָא#3#״ מִן אִידְרָא וֻכמַלאַתָא מִן מַעֲצַרתָא׃
(1) 82:81 כֵין תַפרְשוּן אַף אַתוּן <ית#3#> אַפרָשוּתָא קדם יוי מִכֹל מַעַשׂרֵיכוֹן דְתִסְבוּן מִן בְנֵי ישׂראל וְתִתְנוּן״ותפרשון#3#״ מִנֵיה יָת אַפרָשוּתָא קדם יוי לאהרן כָהֲנָא׃
(1) 92:81 מִכֹל מַתְנָתְכוֹן תַפרְשוּן יָת כֹל אַפרָשוּתָא \קדם יוי ״דייי#3#״ מִכֹל שוּפרֵיה יָת קוּדשֵיה״מקדשיה#3#״ מִנֵיה׃
(1) 03:81 וְתֵימַר לְהוֹן בְאַפרָשוּתְכוֹן יָת שוּפרֵיה מִנֵיה וְיִתחֲשֵיב לְלֵיוָאֵי כְעַלְלַת אִידְרָא וֻכעַלְלַת מַעֲצַרתָא״מעשׂרתא#3#״׃
(1) 13:81 וְתֵיכְלוּן יָתֵיה בְכֹל אֲתַר אַתוּן וַאֲנָש בָתֵיכוֹן אֲרֵי אַגרָא הוּא לְכוֹן חֲלָף פוּלחָנְכוֹן בְמַשכַן זִמנָא׃
(1) 23:81 וְלָא תְקַבְלוּן עֲלוֹהִי חוֹבָא בְאַפרָשוּתְכוֹן יָת שוּפרֵיה מִנֵיה וְיָת קוּדשַיָא דִבנֵי ישׂראל לָא תַחֲלוּן וְלָא תְמוּתוּן׃

next chapter