The Comprehensive Aramaic Lexicon

(1) 10:51	ומליל יוי עם״לות#3#״ משה למימר׃
(1) 20:51	מַלֵיל עִם בְנֵי ישׂראל וְתֵימַר לְהוֹן אֲרֵי תֵיעֲלוּן לַאֲרַע מוֹתְבָנֵיכוֹן דַאֲנָא יָהֵיב לְכוֹן׃
(1) 30:51	וְתַעבְדוּן קוּרבָנָא קדם יוי עֲלָתָא אוֹ נִכסַת קוּדשַיָא לְפָרָשָא״לאפרשא#3#״ נִדרָא אוֹ בִנדַבתָא״לנדבתא#3#״ אוֹ בְמוֹעֲדֵיכוֹן לְמַעֲבַד לְאִתקַבָלָא בְרַעֲוָא קדם יוי מִן תוֹרֵי אוֹ מִן עָנָא׃
(1) 40:51	וִיקָרֵיב דִמקָרֵיב קוּרבָנֵיה קדם יוי מִנחָתָא סוּלתָא עַסרוֹנָא דְפִיל בְרַבעוּת הִינָא מִשחָא׃
(1) 50:51	וְחַמרָא לְנִסכָא רַבעוּת הִינָא תַעֲבֵיד עַל עֲלָתָא אוֹ לְנִכסַת קוּדשַיָא לְאִימְרָא חַד׃
(1) 60:51	אוֹ לְדִכרָא תַעֲבֵיד מִנחָתָא סוּלתָא תְרֵין עַסרוֹנִין דְפִילָא בִמשַח תַלתוּת הִינָא׃
(1) 70:51	וְחַמרָא לְנִסכָא תַלתוּת הִינָא תְקָרֵיב לְאִיתקַבָלָא בְרַעֲוָא קדם יוי׃
(1) 80:51	וַאֲרֵי תַעֲבֵיד בַר תוֹרֵי <על#3#> עֲלָתָא אוֹ נִכסַת קוּדשַיָא לְפָרָשָא״לאפרשא#3#״ נִדרָא אוֹ נִכסַת קוּדשַיָא קדם יוי׃
(1) 90:51	וִיקָרֵיב עַל בַר תוֹרֵי מִנחָתָא סוּלתָא תְלָתָה עַסרוֹנִין דְפִיל בִמשַח פְלגוּת הִינָא׃
(1) 01:51	וְחַמרָא דתְקָרֵיב לְנִסכָא פַלגוּת הִינָא קוּרבַן דְמִתקַבַל בְרַעֲוָא קדם יוי׃
(1) 11:51	כְדֵין יִתעֲבֵיד לְתוֹרָא חַד אוֹ לְדִכרָא חַד אוֹ לְאִימַר בְאִימְרַיָא אוֹ בְעִזַיָא״בבני עזיא#3#״׃
(1) 21:51	כְמִניַן דְתַעבְדוּן כְדֵין תַעבְדוּן לְחַד כְמִניָנְהוֹן״במניניהון#3#״׃
(1) 31:51	כֹל יַצִיבָא״דיציבא#3#״ יַעֲבֵיד כְדֵין יָת אִלֵין לְקָרָבָא קוּרבַן דְמִתקַבַל בְרָעֲוָא קדם יוי׃
(1) 41:51	וַאֲרֵי יִתגַייַר עִמְכוֹן גִיוֹרָא אוֹ דְבֵינֵיכוֹן״די בביניכון#3#״ לְדָרֵיכוֹן וְיַעֲבֵיד קוּרבַן דְמִתקַבַל בְרַעֲוָא קדם יוי כְמָא דְתַעבְדוּן כֵין יַעֲבֵיד׃
(1) 51:51	קְהָלָא קְיָמָא חַד לְכוֹן וְלגִיוֹרַיָא דְיִתגַייְרוּן״די יתגייר#3#״ <ביניכון#3#> קְיָם עָלַם לְדָרֵיכוֹן כְוָתְכוֹן גִיוֹרָא״כגיורא#3#״ יְהֵי קדם יוי׃
(1) 61:51	אוֹרָיתָא חֲדָא וְדִינָא חַד יְהֵי לְכוֹן וֻלגִיוֹרַיָא דְיִתגַייְרוּן עִמְכוֹן״ביניכון#3#״׃
(1) 71:51	ומליל יוי עם״לות#3#״ משה למימר׃
(1) 81:51	מַלֵיל עִם בְנֵי יִשׂרָאֵל וְתֵימַר לְהוֹן בְמֵיעַלכוֹן לְארעא דַאֲנָא מַעֵיל יָתְכוֹן לְתַמָן׃
(1) 91:51	וִיהֵי בְמֵיכַלכוֹן מִלַחמָא דארעא תַפרְשוּן אַפרָשוּתָא קדם יוי׃
(1) 02:51	רֵיש אָצְוָתְכוֹן חַלְתָא תַפרְשוּן אַפרָשוּתָא כְמָא דְמַפרְשִין מִן אִידְרָא כֵין תַפרְשוּן יָתַה׃
(1) 12:51	מֵרֵיש אָצְוָתְכוֹן תִתְנוּן קדם יוי אַפרָשוּתָא לְדָרֵיכוֹן׃
(1) 22:51	וַאֲרֵי תִשתְלוֹן וְלָא תַעבְדוּן יָת כֹל פִקוֹדַיָא הָאִלֵין דְמַלֵיל יוי עִם מֹשַה׃
(1) 32:51	יָת כֹל דְפַקֵיד יוי לְוָתְכוֹן״לְכוֹן#3#״יתכון#3#״ בִידָא דְמֹשַה מִן יוֹמָא דְפַקֵיד יוי וֻלהַלאָה לְדָרֵיכוֹן׃
(1) 42:51	וִיהֵי אִם״ארי#3#״ מֵעֵינֵי כְנִשתָא אִתעֲבֵידַת לְשָלוּ״בשלו#3#״ וְיַעבְדוּן״וייתון#3#״ כֹל כְנִשתָא תוֹר בַר תוֹרֵי חַד לְעֲלָתָא לְאִתקַבָלָא בְרַעֲוָא קדם יוי וֻמִנחָתֵיה וְנִסכֵיה כְדַחזֵי וֻצפִיר בַר עִזִין חַד לְחַטָתָא׃
(1) 52:51	וִיכַפַר כָהֲנָא עַל כֹל כְנִשתָא דִבנֵי ישׂראל וְיִשתְבֵיק לְהוֹן אֲרֵי שָלוּתָא הִיא וְאִינוּן אֵיתִיוּ יָת קוּרבָנְהוֹן קוּרבָנָא קדם יוי וְחוֹבַתהוֹן״וחטאתהון#3#״ קדם יוי עַל שָלוּתְהוֹן׃
(1) 62:51	וְיִשתְבֵיק לְכֹל כְנִשתָא דִבנֵי יִשׂרָאֵל וֻלגִיוֹרַיָא דְיִתגַייְרוּן בֵינֵיהוֹן אֲרֵי לְכֹל עַמָא בְשָלוּתָא׃
(1) 72:51	וְאִם אֲנָש חַד יְחוֹב בְשָלוּ וִיקָרֵיב עִיזָא בַת״בר#3#״ שַתַה לְחַטָתָא׃
(1) 82:51	וִיכַפַר כָהְנָא עַל אְנָש דְאִשתְלִי בִמחוֹבֵיה בְשָלוּ קדם יוי לְכַפָרָא עֲלוֹהִי וְיִשתְבֵיק לֵיה׃
(1) 92:51	יַצִיבָא״ליציבא#3#״ בִבנֵי ישׂראל וֻלגִיוֹרַיָא דְיִתגַייְרוּן בֵינֵיהוֹן אוֹרָיתָא חֲדָא יְהֵי לְכוֹן לְדיַעֲבֵיד בְשָלוּ׃
(1) 03:51	וַאֲנָש דְיַעֲבֵיד בְרֵיש גְלֵי מִן יַצִיבַיָא וֻמִן גִיוֹרַיָא קדם יוי הוּא מַרגֵיז״דארגיז#3#״ וְיִשתֵיצֵי אֲנָשָא הַהוּא מִיגוֹ עַמֵיה׃
(1) 13:51	אֲרֵי עַל פִתגָמָא דַיוי בַסַר וְיָת פִקוֹדוֹהִי אַשנִי אִשתֵיצָאָה יִשתֵיצֵי אֲנָשָא הַהוּא חוֹבֵיה בֵיה׃
(1) 23:51	וַהווֹ בְנֵי ישׂראל בְמַדבְרָא וְאַשכַחוּ גַברָא כַד מְגָבֵיב אָעִין בְיוֹמָא דְשַבתָא׃
(1) 33:51	וְקָרִיבוּ יָתֵיה דְאַשכַחוּ יָתֵיה כַד מְגָבֵיב אָעִין לְוָת מֹשַה וֻלוָת אַהֲרֹן וֻלוָת כֹל כְנִשתָא׃
(1) 43:51	וַאֲסַרוּ יָתֵיה בְבֵית מַטְרָא אֲרֵי לָא אִתפְרֵיש לְהוֹן מָא דְיַעבְדוּן״יתעביד#3#״ לֵיה׃
(1) 53:51	וַאֲמַר יוי לְמֹשַה אִתקְטָלָא יִתקְטִיל גֻברָא רְגוּמוּ יָתֵיה בְאַבנַיָא כֹל כְנִשתָא מִבַרָא״למברא#3#״ לְמַשרִיתָא׃
(1) 63:51	וְאַפִיקוּ יָתֵיה כֹל כְנִישתָא לְמִבַרָא לְמַשרִיתָא וֻרגַמוּ יָתֵיה בְאַבנַיָא וֻמִית כְמָא דְפַקֵיד יוי יָת מֹשַה׃
(1) 73:51	וַאֲמַר יוי לְמֹשַה״לות משה#3#״ לְמֵימַר׃
(1) 83:51	מַלֵיל עִם בְנֵי ישׂראל וְתֵימַר לְהוֹן וְיַעבְדוּן לְהוֹן כְרוּספְדִין עַל כַנפֵי״גדפי#3#״ כְסוּתְהוֹן לְדָרֵיהוֹן וְיִתְנוּן עַל \כְרוּספַד כַנפָא ״כרוספדא דכנפא#3#״דגדפא#3#״ חוּטָא דִתכִילְתָא׃
(1) 93:51	וִיהֵי לְכוֹן לִכרוּספְדִין וְתִחזוֹן יָתֵיה וְתִדכְרוּן יָת כֹל פִקוֹדַיָא דַיוי וְתַעבְדוּן יָתְהוֹן וְלָא תִטעוֹן בָתַר הַרהוּר לִבכוֹן וֻבָתַר חֵיזוּ עֵינֵיכוֹן דְאַתוּן טָעַן בָתְרֵיהוֹן׃
(1) 04:51	בְדִיל דְתִדכְרוּן וְתַעבְדוּן יָת כֹל פִקוֹדַי וֻתהוֹן קַדִישִין קְדָם אֲלָהֲכוֹן׃
(1) 14:51	אֲנָא יוי אֲלָהֲכוֹן דְאַפֵיקִית יָתְכוֹן מארעא דמצרים לְמִהוֵי לְכוֹן לְאֲלָה אֲנָא יוי אֲלָהֲכוֹן׃

next chapter