The Comprehensive Aramaic Lexicon

(1) 10:01	ומליל יוי עם״לות#3#״ משה למימר׃
(1) 20:01	עִיבֵיד לָך תַרתֵין חֲצוֹצְרָן דִכסַף נְגִיד תַעֲבֵיד יָתְהוֹן וְיִהוְיָן״וְיִהוִיָן#3#״ לָך לְעָרָעָא כְנִשתָא וֻלאַטָלָא״לאעלא#3#״ יָת מַשרִיתָא׃
(1) 30:01	וְיִתקְעוּן בְהוֹן וְיִזדְמְנוּן לְוָתָך״לך#3#״ כֹל כְנִשתָא לִתרַע מַשכַן זִמנָא׃
(1) 40:01	וְאִם בַחדָא יִתקְעוּן וְיִזדָמְנוּן לְוָתָך״לך#3#״ רַברְבַיָא רֵישֵי אַלפַיָא דְישׂראל׃
(1) 50:01	וְתִתקְעוּן יַבָבְתָא וְיִטְלָן מַשרִיָתָא דְשָריָן קִדוּמָא״מדינחא#3#״׃
(1) 60:01	וְתִתקְעוּן יַבָבְתָא תִניָנוּת וְיִטְלָן מַשרִיָתָא דְשָריָן דְרוֹמָא יַבָבְתָא יִתקְעוּן לְמַטְלָנֵיהוֹן׃
(1) 70:01	וֻבמִכנַש יָת קְהָלָא תִתקְעוּן וְלָא תְיַבְבוּן׃
(1) 80:01	וֻבנֵי אהרן כָהֲנַיָא יִתקְעוּן בַחצוֹצְרָתָא וְיִהוְיָן״וְיִהוִיָן#3#״ לְכוֹן לִקיָם עָלַם לְדָרֵיכוֹן׃
(1) 90:01	וַאֲרֵי תֵיעֲלוּן לְאָגָחָא קְרָבָא בַאֲרַעכוֹן עַל מְעִיקֵי דִמעִיקִין לְכוֹן וֻתיַבְבוּן בַחצוֹצְרָתָא וְיֵיעוֹל דוּכרָנְכוֹן לְטָבָא קדם יוי אֲלָהֲכוֹן וְתִתפַרקוּן מִסָנְאֵיכוֹן״מבעלי דבביכון#3#״׃
(1) 01:01	וֻביוֹם חַדוַתכוֹן וֻבמוֹעֲדֵיכוֹן וֻברֵישֵי יַרחֵיכוֹן וֻתִתקְעוּן בַחצוֹצְרָתָא עַל עֲלָוָתְהוֹן וְעַל נִכסַת קוּדשֵיכוֹן וִיהוֹן לְכוֹן לְדוּכרָנָא קְדָם אֲלָהֲכֹין אֲנָא יוי אֲלָהֲכוֹן׃
(1) 11:01	וַהֲוָה בְשַתָא תִניֵיתָא בְיַרחָא תִניָנָא בְעַסרִין בְיַרחָא״לְיַרחָא#3#״ אִסתַלַק עֲנָנָא מֵעִלָוֵי מַשכְנָא דְסָהֲדוּתָא׃
(1) 21:01	וֻנטַלוּ בְנֵי ישׂראל לְמַטְלָנֵיהוֹן מִמִדבְרָא דְסִינַי וֻשרָא עֲנָנָא בְמַדבְרָא דְפָראָן׃
(1) 31:01	וֻנטַלוּ בְקַדמֵיתָא עַל מֵימְרָא דַיוי בִידָא דְמֹשַה׃
(1) 41:01	וֻנטַל טֵיקַס מַשרִית בְנֵי יְהוּדָה בְקַדמֵיתָא לְחֵילֵיהוֹן וְעַל חֵילֵיה נַחשוֹן בַר עַמִינָדָב׃
(1) 51:01	וְעַל חֵילָא דְשִבטָא דִבנָי יִשָׂשׂכָר נְתַנאֵל בַר צוּעָר׃
(1) 61:01	וְעַל חֵילָא דְשִבטָא״לשיבטא#3#״ דִבנֵי זְבוּלֻן אֲלִיאָב בַר חֵילֹן׃
(1) 71:01	וֻמִתפָרַק מַשכְנָא וְנָטְלִין בְנֵי גֵרְשוֹן וֻבנֵי מְרָרִי נָטְלֵי מַשכְנָא׃
(1) 81:01	וְנָטֵיל טֵיקַס מַשרִית ראובן לְחֵילֵיהוֹן וְעַל חֵילֵיה אֲלִיצוּר בַר שְדֵיאוּר׃
(1) 91:01	וְעַל חֵילָא דְשִבטָא דִבנֵי שִמעוֹן שְלֻמִיאֵל בַר צוּרִי שַדָי׃
(1) 02:01	וְעַל חֵילָא דְשִבטָא דִבנֵי גָד אַליָסָף בַר דְעוּאֵל׃
(1) 12:01	וְנָטְלִין בְנֵי קְהָת נָטְלֵי מַקדְשָא וֻמקִימִין יָת מַשכְנָא עַד מֵיתֵיהוֹן׃
(1) 22:01	וְנָטֵיל טֵיקַס מַשרִית בְנֵי אַפרַיִם לְחֵילֵיהוֹן וְעַל חֵילֵיה אֲלִישָמָע בַר עַמִיהוּד׃
(1) 32:01	וְעַל חֵילָא דְשִבטָא דִבנֵי מְנָשָה גַמלִיאֵל בַר פְדָה צוּר׃
(1) 42:01	וְעַל חֵילָא דְשִבטָא דִבנֵי בִניָמִן אֲבִידָן בַר גִדעֹנִי׃
(1) 52:01	וְנָטֵיל טֵיקַס מַשרִית בְנֵי דָן מְכַנֵיש לְכֹל מַשרִיָתָא לְחֵילֵיהוֹן וְעַל חֵילֵיה אֲחִיעַזַר בַר עַמִי שַדָי׃
(1) 62:01	וְעַל חֵילָא דְשִבטָא דִבנֵי אָשֵר פַגעִיאֵל בַר עָכרָן׃
(1) 72:01	וְעַל חֵילָא דְשִבטָא דִבנֵי נַפתָלִי אֲחִירַע בַר עֵינָן׃
(1) 82:01	אִלֵין מַטְלָנֵי בְנֵי ישׂראל לְחֵילֵיהוֹן וֻנטַלוּ׃
(1) 92:01	וַאֲמַר מֹשַה לְחֹבָב בַר רְעוּאֵל מִדיַנָאָה חֲמוּהִי דְמֹשַה נָטְלִין אֲנַחנָא לְאַתרָא דַאֲמַר יוי יָתֵיה אַתֵין לְכוֹן אֵיתַא עִימַנָא וְנוֹטֵיב לָך אֲרֵי יוי מַלֵיל לְאֵיתָאָה טָבְתָא עַל יִשׂרָאֵל׃
(1) 03:01	וַאֲמַר לֵיה לָא אֵיזִיל אֲלָהֵין לְאַרעִי וֻלַילָדוּתִי אֵיזִיל׃
(1) 13:01	וַאֲמַר לָא כְעַן תִשבוֹק יָתַנָא אֲרֵי עַל כֵין יְדַעתָא כַד הֲוֵינָא שָרַן בְמַדבְרָא וֻגבוּרָן דְאִתעֲבִידָא לַנָא חֲזֵיתָא בְעֵינָך׃
(1) 23:01	וִיהֵי אֲרֵי תֵיזֵיל״תיעול#3#״ עִמַנָא וִיהֵי טָבָא הַהוּא דְיוֹטֵיב יוי עִמַנָא וְנוֹטֵיב לָך׃
(1) 33:01	וֻנטַלוּ מִטוּרָא דְאִתגְלִי עֲלוֹהִי יְקָרָא דַיוי מַהלַך תְלָתָא יוֹמִין וַאֲרוֹן קְיָמָא דַיוי נָטֵיל קְדָמֵיהוֹן מַהלַך תְלָתָא יוֹמִין לְאַתקָנָא לְהוֹן אֲתַר בֵית מִשרֵי׃
(1) 43:01	וַעֲנַן יְקָרָא דַיוי מַטַל עִלָוֵיהוֹן״עליהון#3#״ בִימָמָא בְמִטַלהוֹן מִן מַשרִיתָא׃
(1) 53:01	וַהֲוָה בְמִיטַל אֲרוֹנָא וַאֲמַר מֹשַה אִתגְלִי יוי וְיִתבַדְרוּן סָנְאָך ויערְקוּן בַעלֵי דְבָבָך מִן קְדָמָך׃
(1) 63:01	וֻבמִשרוֹהִי <הוה#3#> אֲמַר תוּב יוי שְרִי בִיקָרָך בְגוֹ רִבְוָת אַלפַיָא דְיִשׂרָאֵל׃

next chapter