The Comprehensive Aramaic Lexicon

(1) 10:40	וֻמַלֵיל יוי עִם״לות#3#״ מֹשַה ולאהרן״וְעִם אַהְרֹן#3#״ולות אהרן#3#״ לְמֵימַר׃
(1) 20:40	קַבֵיל יָת חוּשבַן בְנֵי קְהָת מִגוֹ בְנֵי לֵוִי לְזַרעֲיָתְהוֹן לְבֵית אֲבָהָתְהוֹן׃
(1) 30:40	מִבַר תְלָתִין שְנִין וֻלעֵילָא וְעַד בַר חַמשִין שְנִין כֹל דְאָתֵי״דעליל#3#״ לְחֵילָא \לְמַעֲבַד עֲבִידְתָא ״למפלח פולחנא#3#״ בְמַשכַן זִימנָא׃
(1) 40:40	דֵין״דא#3#״ פוּלחַן״עבידת#3#״ בְנֵי קְהָת בְמַשכַן זִמנָא קוֹדַש קוּדשַיָא׃
(1) 50:40	וְיֵיעוֹל אַהֲרֹן וֻבנוֹהִי בְמִיטַל מַשרִיתָא וִיפָרְקוּן יָת פָרוּכתָא דִפרָסָא וִיכַסוֹן בַה יָת אֲרוֹנָא דְסָהֲדוּתָא׃
(1) 60:40	וְיִתְנוּן עֲלוֹהִי חוּפָאָה דִמשַך סָסְגוֹנָא וְיִפרְסוּן לְבוּש גְמִיר תַכלָא מִלְעֵילָא וִישַווֹן אֲרִיחוֹהִי׃
(1) 70:40	וְעַל \פָתוּרָא דִלחֵים ״פָתוּר לְחֵים#3#״ אַפַיָא יִפרְסוּן לְבוּש תַכלָא וְיִתְנוּן עֲלוֹהִי יָת מְגִיסַיָא וְיָת בָזיכַיָא וְיָת מְכִילָתָא וְיָת קָסְוָת נִסוּכָא וְלַחמָא תְדִירָא עֲלוֹהִי יְהֵי׃
(1) 80:40	וְיִפרְסוּן עֲלֵיהוֹן לְבוּש צְבַע זְהוֹרִי וִיכַסוֹן יָתֵיה בְחוּפָאָה דִמשַך סָסְגוֹנָא וִישַווֹן יָת אֲרִיחוֹהִי׃
(1) 90:40	וְיִסְבוּן לְבוּש תַכלָא וִיכַסוֹן יָת מְנָרְתָא דְאַנהוֹרֵי וְיָת בוֹצִינַהָא וְיָת צֵיבְתַהָא וְיָת מַחתִיָתַהָא וְיָת כֹל מָנֵי שִמוּשַה״משחא#3#״ דְיִשַמשוּן לַה בְהוֹן׃
(1) 01:40	וְיִתְנוּן יַתַה וְיָת כֹל מָנַהָא לְחוּפָאָה דִמשַך סָסְגוֹנָא וְיִתְנוּן עַל אֲרִיחָא׃
(1) 11:40	וְעַל מַדבְחָא דְדַהבָא יִפרְסוּן לְבוּש תַכלָא וִיכַסוֹן יָתֵיה בְחוּפָאָה דִמשַך סָסְגוֹנָא וִישַווֹן יָת אֲרִיחוֹהִי׃
(1) 21:40	וְיִסְבוּן יָת כֹל מָנֵי שִמוּשָא דִישַמְשוּן בְהוֹן בְקוּדשָא וְיִתְנוּן לִלבוּש״לְבוּש#3#״ תַכלָא וִיכַסוֹן יָתְהוֹן בְחוּפָאָה דִמשַך סָסְגוֹנָא וְיִתְנוּן עַל אֲרִיחָא׃
(1) 31:40	וְיִספוֹן יָת קִטמָא דְמַדבְחָא וְיִפרְסוּן עֲלוֹהִי לְבוּש אַרגְוָן׃
(1) 41:40	וְיִתְנוּן עֲלוֹהִי יָת כֹל מָנוֹהִי דִישַמְשוּן עֲלוֹהִי בְהוֹן יָת מַחתִיָתָא וְיָת צִנוֹריָתָא וְיָת מַגרוֹפיָתָא וְיָת מַזִרקַיָא כֹל מָנֵי מַדבְחָא וְיִפרְסוּן עֲלוֹהִי חוּפָאָה דִמשַך סָסְגוֹנָא וִישַווֹן אֲרִיחוֹהִי׃
(1) 51:40	וִישֵיצֵי אהרן וֻבנוֹהִי לְכַסָאָה יָת קוּדשָא וְיָת כֹל מָנֵי קוּדשָא בְמִיטַל מַשרִיתָא וֻבָתַר כֵין יֵיעֲלוּן בְנֵי קְהָת לְמִיטַל וְלָא יִקרְבוּן לְקוּדשָא \וְלָא יְמוּתוּן ״וימותון#3#״ דֵין״אִלֵין#3#״ מַטוּל בְנֵי קְהָת בְמַשכַן זִמנָא׃
(1) 61:40	וְדִמסִיר לְאַלעָזָר בַר אַהֲרֹן כָהֲנָא מִשחָא דְאַנהָרוּתָא וֻקטוֹרַת בוּסמַיָא וֻמִנחָתָא תְדִירָא וֻמִשחָא דְרבוּתָא מַסְרַת כֹל מַשכְנָא וְכֹל דְבֵיה בְקוּדשָא וֻבמָנוֹהִי׃
(1) 71:40	וֻמַלֵיל יוי עִם״לות#3#״ מֹשַה ולאהרן״וְעִם אַהְרֹן״ולות אַהְרֹן#3#״ לְמֵימַר׃
(1) 81:40	לָא תְשֵיצוֹן יָת שֵיבַט זַרעֲיָת קְהָת מִגוֹ לֵיוָאֵי׃
(1) 91:40	וְדָא עִיבִידוּ לְהוֹן וְיֵיחוֹן וְלָא יְמוּתוּן בְמִקרַבהוֹן לְקוֹדַש קוּדשַיָא אהרן וֻבנוֹהִי יֵיעֲלוּן וְימַנוֹן יָתְהוֹן גְבַר גְבַר עַל פוּלחָנֵיה וֻלמַטוּלֵיה״וְעַל מַטוּלֵיה#3#״׃
(1) 02:40	וְלָא יֵיעֲלוּן לְמִחזֵי כַד מְכַסַן יָת מָנֵי קוּדשָא \וְלָא יְמוּתוּן ״וימותון#3#״׃
(1) 12:40	וֻמַלֵיל יוי עִם״לות#3#״ מֹשַה לְמֵימַר׃
(1) 22:40	קַבֵיל יָת חוּשבַן בְנֵי גֵרְשוּן אַף אִינוּן לְבֵית אֲבָהָתְהוֹן לְזַרעֲיָתְהוֹן׃
(1) 32:40	מִבַר תְלָתִין שְנִין וֻלעֵילָא עַד בַר חַמשִין שְנִין תִמנֵי יָתְהוֹן כֹל דְאָתֵי״דעליל#3#״ לְחַיָלָא חֵילָא \לְמִפלַח פוּלחָנָא ״למעבד עבידתא#3#״ בְמַשכַן זִמנָא׃
(1) 42:40	דֵין״דא#3#״ פוּלחַן זַרעֲיָת <בני#3#> גֵרְשוֹן לְמִפלַח וֻלמִיטַל׃
(1) 52:40	וְיִטְלוּן יָת יְרִיעָת מַשכְנָא וְיָת מַשכַן זִמנָא חוּפָאֵיה וְחוּפָאָה דְסָסְגוֹנָא דַעֲלוֹהִי מִלְעֵילָא וְיָת פְרָסָא דִתרַע מַשכַן זִמנָא׃
(1) 62:40	וְיָת סְרָדֵי דָרְתָא וְיָת פְרָסָא \דְמַעלַנָא דִתרַע ״דמעלני תרע#3#״ דָרְתָא דְעַל מַשכְנָא וְעַל מַדבְחָא סחור סחור וְיָת אֲטוּנֵיהוֹן וְיָת כֹל מָנֵי פוּלחָנְהוֹן וְיָת דְיִתמְסַר לְהוֹן וְיִפלְחוֹן׃
(1) 72:40	עַל מֵימַר אהרן וֻבנוֹהִי יְהֵי כֹל פוּלחַן בְנֵי גֵרְשוֹן לְכֹל מַטוּלְהוֹן וֻלכָל פוּלחָנְהוֹן וֻתמַנוֹן עֲלֵיהוֹן בְמַטְרָא יָת כֹל מַטוּלְהוֹן׃
(1) 82:40	דֵין פוּלחַן זַרעֲיָת בְנֵי גֵרְשוֹן בְמַשכַן זִמנָא וֻמַטַרתְהוֹן בִידָא דְאִיתָמָר בַר אהרן כָהֲנָא׃
(1) 92:40	בְנֵי מְרָרִי לְזַרעֲיָתְהוֹן לְבֵית אֲבָהָתְהוֹן תִמנֵי יָתְהוֹן׃
(1) 03:40	מִבַר תְלָתִין שְנִין וֻלעֵילָא וְעַד בַר חַמשִין שְנִין תִמנֵינוֹן כֹל דְאָתֵי״דעליל#3#״ לְחֵילָא לְמִפלַח יָת פוּלחַן מַשכַן זמנא׃
(1) 13:40	וְדָא מַטְרַת מַטוּלְהוֹן לְכֹל פוּלחָנְהוֹן בְמַשכַן זִמנָא דַפֵי מַשכְנָא וְעָבֲרוֹהִי וְעַמוּדוֹהִי וְסָמְכוֹהִי׃
(1) 23:40	וְעַמוּדֵי דָרְתָא סחור סחור וְסָמְכֵיהוֹן וְסִכֵיהוֹן וְאֲטוּנֵיהוֹן לְכֹל מָנֵיהוֹן וֻלכֹל פוּלחָנְהוֹן וֻבשמָהָן תְמַנוֹן יָת מָנֵי מַטְרַת מַטוּלְהוֹן׃
(1) 33:40	דֵין״דא#3#״ פוּלחַן זַרעֲיָת בְנֵי מְרָרִי לְכָל פוּלחָנְהוֹן בְמַשכַן זִמנָא בִידָא דְאִיתָמָר בַר אהרן כהנא׃
(1) 43:40	וֻמנָא משה ואהרן וְרַברְבֵי כְנִשתָא יָת בְנֵי קְהָת לְזַרעֲיָתְהוֹן וֻלבֵית אֲבָהָתְהוֹן׃
(1) 53:40	מִבַר תְלָתִין שְנִין וֻלעֵילָא וְעַד בַר חַמשִין שְנִין כֹל דְאָתֵי״דעליל#3#״ לְחֵילָא לְפוּלחָנָא בְמַשכַן זִמנָא׃
(1) 63:40	וַהווֹ מִניָנֵיהוֹן לְזַרעֲיָתְהוֹן תְרֵין אַלפִין שְבַע מְאָה וְחַמשִין׃
(1) 73:40	אִלֵין מִניָנֵי זַרעֲיָת קְהָת כֹל דְפָלַח בְמַשכַן זִמנָא דִמנָא מֹשַה וְאַהֲרֹן עַל מֵימְרָא דַיוי בִידָא דְמֹשַה׃
(1) 83:40	וֻמִניָנֵי בְנֵי גֵרְשוֹן לְזַרעֲיָתְהוֹן וֻלבֵית אֲבָהָתְהוֹן׃
(1) 93:40	מִבַר תְלָתִין שְנִין וֻלעֵילָא וְעַד בַר חַמשִין שְנִין כֹל דְאָתֵי לְחֵילָא לְפוּלחָנָא בְמַשכַן זִמנָא׃
(1) 04:40	וַהווֹ מִניָנֵיהוֹן לְזַרעֲיָתְהוֹן לְבֵית אֲבָהָתְהוֹן תְרֵין אַלפִין וְשֵית מְאָה וֻתלָתִין׃
(1) 14:40	אִלֵין מִניָנֵי זַרעֲיָת בְנֵי גֵרְשֹין כֹל דְפָלַח בְמַשכַן זִמנָא דִמנָא מֹשַה ואהרן עַל מֵימְרָא דַיוי׃
(1) 24:40	וֻמִניָנֵי זַרעֲיָת בְנֵי מְרָרִי לְזַרעֲיָתְהוֹן לְבֵית אֲבָהָתְהוֹן׃
(1) 34:40	מִיבַר תְלָתִין שְנִין וֻלעֵילָא וְעַד בַר חַמשִין שְנִין כֹל דְאָתֵי לְחֵילָא לְפוּלחָנָא בְמַשכַן זִמנָא׃
(1) 44:40	וַהווֹ מִניָנֵיהוֹן לְזַרעֲיָתְהוֹן תְלָתָה אַלפִין וֻמָאתַן׃
(1) 54:40	אִלֵין מִניָנֵי זַרעֲיָת בְנֵי מְרָרִי דִמנָא משה ואהרן עַל מֵימְרָא דַיוי בִידָא דְמֹשַה׃
(1) 64:40	כֹל מִניָנַיָא דִמנָא מֹשַה ואהרן וְרַברְבֵי ישׂראל יָת לֵיוָאֵי לְזַרעֲיָתְהוֹן וֻלבֵית אֲבָהָתְהוֹן׃
(1) 74:40	מִבַר תְלָתִין שְנִין וֻלעֵילָא וְעַד בַר חַמשִין שְנִין כֹל דְאָתֵי לְמִפלַח פוּלחַן פוּלחָנָא וֻפוּלחַן מַטוּל בְמַשכַן זִמנָא׃
(1) 84:40	וַהווֹ מִניָנֵיהוֹן תְמָניָא אַלפִין וְחַמֵיש מְאָה וֻתמָנַן׃
(1) 94:40	עַל מֵימְרָא דַיוי מְנָא יָתְהוֹן בִידָא דְמֹשַה גְבַר גְבַר עַל פוּלחָנֵיה וְעַל מַטוּלֵיה וֻמִניָנוֹהִי <כְמָא#3#> דְפַקֵיד יוי \יָת מֹשַה ״בידא דמשה#3#״׃

next chapter