H The Comprehensive Aramaic Lexicon

CAL CODE HELP CLICK HERE
click on the file description for more information

51004: TgO Nm

click on a word for lexical analysis
Click on a red-colored coordinate for comments and/or translations of the line

previous chapter


(1) 10:20 וֻמַלֵיל יוי עִם מֹשַה ולאהרן״וְעִם אַהְרֹן#3#״ לְמֵימַר׃
(1) 20:20 גְבַר עַל טִקסֵיה בְאָתְוָן לְבֵית אֲבָהָתְהוֹן יִשרוֹן בְנֵי ישׂראל מִקְבֵיל סחור סחור \לְמַשכַן זִמנא ״למשכנא#3#״ יִשרוֹן׃
(1) 30:20 וְדִשרַן קִדוּמָא מַדנְחָא טֵיקַס מַשרִית יְהוּדָה לְחֵילֵיהוֹן וְרַבָא לִבנֵי יְהוּדָה נַחשוֹן בַר עַמִינָדָב׃
(1) 40:20 וְחֵילֵיה וֻמִניָנֵיהוֹן שִבעִין וְאַרבְעָה אַלפִין וְשֵית מְאָה׃
(1) 50:20 וְדִשרַן סְמִיכִין עֲלוֹהִי שִבטָא דְישׂשׂכר וְרַבָא לִבנֵי יִשָׂשׂכָר נְתַנאֵל בַר צוּעָר׃
(1) 60:20 וְחֵילֵיה וֻמִניָנוֹהִי חַמשִין וְארַבְעָה אַלפִין וְאַרבַע מְאָה׃
(1) 70:20 שִבטָא דִזבוּלֻן וְרַבָא לִבנֵי זְבוּלֻן אֲלִיאָב בַר חֵילוֹן׃
(1) 80:20 וְחֵילֵיה וֻמִניָנוֹהִי חַמשִין וְשִבעָה אַלפִין וְאַרבַע מְאָה׃
(1) 90:20 כֹל מִניָנַיָא לְמַשרִית יְהוּדָה מְאָה וֻתמָנַן וְשִיתָה אַלפִין וְאַרבַע מְאָה לְחֵילֵיהוֹן בְקַדמֵיתָא נָטְלִין׃
(1) 01:20 טֵיקַס מַשרִית רְאוּבֵן דָרוֹמָא לְחֵילֵיהוֹן וְרַבָא לִבנֵי רְאוּבֵן אֲלִיצוּר בַר שְדֵיאוּר׃
(1) 11:20 וְחֵילֵיה וֻמִניָנוֹהִי אַרבְעִין וְשִיתָה אַלפִין וְחַמֵיש מְאָה׃
(1) 21:20 וְדִשרַן סְמִיכִין עֲלוֹהִי שִבטָא דְשִמעוֹן וְרַבָא לִבנֵי שִמעוֹן שְלֻמִיאֵל בַר צוּרִי שַדָי׃
(1) 31:20 וְחֵילֵיה וֻמִניָנֵיהוֹן חַמשִין וְתִשעָה אַלפִין וֻתלָת מְאָה׃
(1) 41:20 וְשִבטָא דְגָד וְרַבָא לִבנֵי גָד אַליָסָף בַר רְעוּאֵל׃
(1) 51:20 וְחֵילֵיה וֻמִניָנֵיהוֹן אַרבְעִין וְחַמשָה אַלפִין וְשֵית מְאָה וְחַמשִין׃
(1) 61:20 כֹל מִניָנַיָא לְמַשרִית רְאוּבֵן מְאָה וְחַמשִין וְחַד אַלפִין וְאַרבַע מְאָה וְחַמשִין לְחֵילֵיהוֹן בְתִניֵיתָא נָטְלִין׃
(1) 71:20 וְנָטֵיל מַשכַן זִמנָא מַשרִית לֵיוָאֵי בְגוֹ מַשרִיָתָא כְמָא דְשָרַן כֵין נָטְלִין גְבַר עַל אַתרֵיה לְטִקסֵיהוֹן׃
(1) 81:20 טֵיקַס מַשרִית אַפרַיִם לְחֵילֵיהוֹן מַעַרבָא וְרַבָא לִבנֵי אַפרַיִם אֲלִישָמָע בַר עַמִיהוּד׃
(1) 91:20 וְחֵילֵיה וֻמִניָנֵיהוֹן אַרבְעִין אַלפִין וַחֲמֵיש מְאָה׃
(1) 02:20 וְדִסמִיכִין עֲלוֹהִי שִבטָא דמנשה וְרַבָא לִבנֵי מְנַשַה גַמלִיאֵל בַר פְדָה צוּר׃
(1) 12:20 וְחֵילֵיה וֻמִניָנֵיהוֹן תְלָתִין וֻתרֵין אַלפִין וֻמָאתַן׃
(1) 22:20 וְשִבטָא דְבִניָמִן וְרַבָא לִבנֵי בִניָמִן אֲבִידָן בַר גִדעוֹנִי׃
(1) 32:20 וְחֵילֵיה וֻמִניָנֵיהוֹן תְלָתִין וְחַמשָה אַלפִין וְאַרבַע מְאָה׃
(1) 42:20 כֹל מִניָנַיָא לְמַשרִית אַפרַיִם מְאָה וֻתמָניָא אַלפִין וֻמאָה לְחֵילֵיהוֹן בִתלִיתֵיתָא נָטְלִין׃
(1) 52:20 טֵיקַס מַשרִית דָן צִיפוּנָא לְחֵילֵיהוֹן וְרַבָא לִבנֵי דָן אֲחִיעַזַר בַר עַמִי שַדָי׃
(1) 62:20 וְחֵילֵיה וֻמִניָנֵיהוֹן שִתִין וֻתרֵין אַלפִין וֻשבַע מְאָה׃
(1) 72:20 וְדִישרַן סְמִיכִין עֲלוֹהִי שִבטָא דְאָשֵר וְרַבָא לִבנֵי אָשֵר פַגעִיאֵל בַר עָכרָן׃
(1) 82:20 וְחֵילֵיה וֻמִניָנֵיהוֹן אַרבְעִין וְחַד אַלפִין וְחַמֵיש מְאָה׃
(1) 92:20 וְשִבטָא דְנַפתָלִי וְרַבָא לִבנֵי נַפתָלִי אֲחִירַע בַר עֵינָן׃
(1) 03:20 וְחֵילֵיה וֻמִניָנֵיהוֹן חַמשִין וֻתלָתָה אַלפִין וְאַרבַע מְאָה׃
(1) 13:20 כֹל מִניָנַיָא לְמַשרִית דָן מְאָה וְחַמשִין וְשִבעָה אַלפִין וְשֵית מְאָה בְבָתְרֵיתָא״לבתריתא#3#״ נָטְלִין לְטִקסֵיהוֹן׃
(1) 23:20 אִלֵין מִניָנֵי בְנֵי ישׂראל לְבֵית אֲבָהָתְהוֹן כֹל מִניָנֵי מַשרְיָתָא לְחֵילֵיהוֹן שֵית מְאָה וֻתלָתָה אַלפִין וְחַמֵיש מְאָה וְחַמשִין׃
(1) 33:20 וְלֵיוָאֵי לָא אִתמְנִיוּ בְגוֹ בְנֵי ישׂראל כְמָא דְפַקֵיד יוי יָת מֹשַה׃
(1) 43:20 וַעֲבַדוּ בְנֵי ישׂראל כְכֹל״כְמָא#3#״ דְפַקֵיד יוי יָת מֹשַה כֵין שָרַן לְטִקסֵיהוֹן וְכֵין נָטְלִין גְבַר לְזַרעִיתֵיה עַל בֵית אֲבָהָתוֹהִי׃

next chapter