H The Comprehensive Aramaic Lexicon

CAL CODE HELP CLICK HERE
click on the file description for more information

51004: TgO Nm

click on a word for lexical analysis
Click on a red-colored coordinate for comments and/or translations of the line

(1) 10:10 וֻמַלֵיל יוי עִים מֹשַה בְמַדבְרָא דְסִינַי בְמַשכַן זִמנָא בְחַד לְיַרחָא תִניָנָא בְשַתָא תִניֵיתָא לְמִפַקהוֹן מארעא דְמִצרַיִם לְמֵימַר׃
(1) 20:10 קַבִילוּ יָת חוּשבַן כֹל כְנִשתָא דִבנֵי ישׂראל לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן כֹל דְכוּרָא לְגוּלגְלָתְהוֹן׃
(1) 30:10 מִיבַר עַסרִין שְנִין וֻלעֵילָא כֹל נָפֵיק חֵילָא בְישׂראל תִמנוֹן יָתְהוֹן לְחֵילֵיהוֹן אַת וְאַהֲרֹן׃
(1) 40:10 וְעִמְכוֹן יְהוֹן גֻברָא גֻברָא לְשִבטָא גְבַר רֵיש לְבֵית אֲבָהָתוֹהִי הוּא׃
(1) 50:10 וְאִלֵין שְמָהָת גֻברַיָא דִיקוּמוּן עִמְכוֹן לִראוּבֵן אֲלִיצוּר בַר שְדֵיאוּר׃
(1) 60:10 לְשִמעוֹן שְלֻמִיאֵל בַר צוּרִי שַדָי׃
(1) 70:10 לִיהוּדָה נַחשוֹן בַר עַמִינָדָב׃
(1) 80:10 לְיִשׂשָׂכָר נְתַנאֵל בַר צוּעָר׃
(1) 90:10 לְזבוּלוּן אֲלִיאָב בַר חֵילוֹן׃
(1) 01:10 לִבנֵי יוֹסֵף לְאַפרַיִם אֲלִישָמָע בַר עַמִיהוּד לִמנַשַה גַמלִיאֵל בַר פְדָהצוּר׃
(1) 11:10 לְבִניָמִין אֲבִידָן בַר גִדעֹנִי׃
(1) 21:10 לְדָן אֲחִיעַזַר בַר עַמִישַדָי׃
(1) 31:10 לְאָשֵר פַגעִיאֵל בַר עָכרָן׃
(1) 41:10 לְגָד אַליָסָף בַר דְעוּאֵל׃
(1) 51:10 לְנַפתָלִי אֲחִירַע בַר עֵינָן׃
(1) 61:10 אִלֵין מְעָרְעֵי כְנִשתָא רַברְבֵי שִבטֵי אֲבָהָתְהוֹן רֵישֵי אַלפַיָא דְישׂראל אִינוּן׃
(1) 71:10 וֻדבַר״ונסיב#3#״ מֹשַה ואהרן יָת גֻברַיָא הָאִלֵין דְאִתפָרַשוּ בִשמָהָן׃
(1) 81:10 וְיָת כֹל כְנִשתָא כְנַשוּ בְחַד לְיַרחָא תִניָנָא וְאִתיַחַסוּ עַל זַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא לְגוּלגְלָתְהוֹן׃
(1) 91:10 כְמָא דְפַקֵיד יוי יָת מֹשַה וֻמנָנוּן בְמַדבְרָא דְסִינָי׃
(1) 02:10 וַהווֹ בְנֵי רְאוּבֵן בוּכרָא דישׂראל תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן לְגוּלגְלָתְהוֹן כֹל דְכוּרָא מִבַר עַסרִין שְנִין וֻלעֵילָא כֹל נָפֵיק חֵילָא׃
(1) 12:10 מִניָנֵיהוֹן לְשִבטָא דִראוּבֵן אַרבְעִין וְשִתָה אַלפִין וְחַמֵיש מְאָה׃
(1) 22:10 לִבנֵי שִמעוֹן תוֹלְדָתְהוֹן לְזַרעְיָתְהוֹן לְבֵית אֲבָהָתְהוֹן מִניָנוֹהִי בְמִניַן שְמָהָן לְגוּלגְלָתְהוֹן כֹל דְכוּרָא מִבַר עַסרִין שְנִין וֻלעֵילָא כֹל נָפֵיק חֵילָא׃
(1) 32:10 מִניָנֵיהוֹן לְשִבטָא דְשִמעוֹן חַמשִין וְתִשעָה אַלפִין וֻתלָת מְאָה׃
(1) 42:10 לִבנֵי גָד תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
(1) 52:10 מִניָנֵיהוֹן לְשִבטָא דְגָד אַרבְעִין וְחַמשָה אַלפִין וְשֵית מְאָה וְחַמשִין׃
(1) 62:10 לִבנֵי יְהוּדָה תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן לגולגלתהון מִבַר עַסרִין שְנִין וֻלעֵילָא כֹל נָפֵיק חֵילָא׃
(1) 72:10 מִניָנֵיהוֹן לְשִבטָא דִיהוּדָה שִבעִין וְאַרבְעָה אַלפִין וְשֵית מְאָה׃
(1) 82:10 לִבנֵי יִשׂשָׂכָר תוֹלדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
(1) 92:10 מִניָנֵיהוֹן לְשִבטָא דְיִשָׂשׂכָר חַמשִין וְאַרבְעָה אַלפִין וְאַרבַע מְאָה׃
(1) 03:10 לִבנֵי זְבוּלוּן תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
(1) 13:10 מִניָנֵיהוֹן לְשִבטָא דִזבוּלוּן חַמשִין וְשִבעָה אַלפִין וְאַרבַע מְאָה׃
(1) 23:10 לִבנֵי יוֹסֵף לִבנֵי אַפרַיִם תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
(1) 33:10 מִניָנֵיהוֹן לְשִבטָא דְאַפרַיִם אַרבְעִין אַלפִין וְחַמֵיש מְאָה׃
(1) 43:10 לִבנֵי מְנַשַה תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
(1) 53:10 מִניָנֵיהוֹן לְשִבטָא דִמנַשַה תְלָתִין וֻתרֵין אַלפִין וֻמָאתַן׃
(1) 63:10 לִבנֵי בִניָמִין תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
(1) 73:10 מִניָנֵיהוֹן לְשִבטָא דְבִניָמִין תְלָתִין וְחַמשָה אַלפִין וְאַרבַע מְאָה׃
(1) 83:10 לִבנֵי דָן תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
(1) 93:10 מִניָנֵיהוֹן לְשִבטָא דְדָן שִתִין וֻתרֵין אַלפִין וֻשבַע מְאָה׃
(1) 04:10 לִבנֵי אָשֵר תוֹלדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
(1) 14:10 מִניָנֵיהוֹן לְשִבטָא דְאָשֵר אַרבְעִין וְחַד אַלפִין וַחֲמֵיש מְאָה׃
(1) 24:10 בְנֵי נַפתָלִי תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
(1) 34:10 מִניָנֵיהוֹן לְשִבטָא דְנַפתָלִי חַמשִין וֻתלָתָא אַלפִין וְאַרבַע מְאָה׃
(1) 44:10 אִלֵין מִניָנַיָא דִמנָן מֹשַה וְאַהֲרֹן וְרַברְבֵי ישׂראל תְרֵי עֲסַר גֻברִין גֻברָא חַד לְבֵית אֲבָהָתוֹהִי הֲווֹ׃
(1) 54:10 וַהווֹ כֹל מִניָנֵי בְנֵי ישׂראל לְבֵית אֲבָהָתְהוֹן מִבַר עַסרִין שְנִין וֻלעֵילָא כֹל נָפֵיק חֵילָא בישׂראל׃
(1) 64:10 וַהווֹ כֹל מִניָנַיָא שֵית מְאָה וֻתלָתָא אַלפִין וְחַמֵיש מְאָה וְחַמשִין׃
(1) 74:10 וְלֵיוָאֵי לְשִבטָא דַאֲבָהָתְהוֹן לָא אִתמְנִיוּ בֵינֵיהוֹן״בהון#3#״׃
(1) 84:10 ומליל יוי עם״לות#3#״ משה למימר׃
(1) 94:10 בְרַם יָת שִבטָא דְלֵוִי לָא תִמנֵי וְיָת חוּשבָנְהוֹן״רישהון#3#״ לָא תְקַבֵיל״תִסַב#3#״ בְגוֹ בְנֵי ישׂראל׃
(1) 05:10 וְאַת מַנִי יָת לֵיוָאֵי עַל מַשכְנָא דְסָהֲדוּתָא וְעַל כֹל מָנוֹהִי וְעַל כֹל דְלֵיה אִנוּן יִטְלוּן יָת מַשכְנָא וְיָת כֹל מָנוֹהִי וְאִינוּן יְשַמְשוּנֵיה וֻסחוֹר סְחוֹר לְמַשכְנָא יִשרוֹן׃
(1) 15:10 וֻבמִיטַל מַשכְנָא יְפָרְקוּן יָתֵיה לֵיוָאֵי וֻבמִשרֵי״ובמישר#3#״ מַשכְנָא יְקִימוּן יָתֵיה לֵיוָאֵי וְחִילוֹנַי דְיִקרַב יִתקְטִיל׃
(1) 25:10 וְיִשרוֹן בְנֵי ישׂראל גְבַר עַל מַשרִיתֵיה וֻגבַר עַל טִקסֵיה לְחֵילֵיהוֹן׃
(1) 35:10 וְלֵיוָאֵי יִשרוֹן סחור סחור לְמַשכְנָא דְסָהֲדוּתָא וְלָא יְהֵי רוּגזָא עַל כְנִישתָא דִבנֵי ישׂראל וְיִטְרוּן לֵיוָאֵי יָת מַטְרַת מַשכְנָא דְסָהֲדוּתָא׃
(1) 45:10 וַעֲבַדוּ בְנֵי ישׂראל כְכֹל דְפַקֵיד יוי יָת מֹשַה כֵין עֲבַדוּ׃

next chapter